Aktualitet

SHBA-ja përfundon misionin luftarak në Irak këtë vit

Publikuar

3 vjet më parë

më

Presidenti amerikan, Joe Biden, ka thënë se forcat e Shteteve të Bashkuara do të përfundojnë misionin e tyre luftarak në Irak, në fund të këtij viti, mirëpo do të vazhdojnë të trajnojnë dhe këshillojnë ushtrinë irakiane.

Ky njoftim ka ardhur pasi Biden ka biseduar me kryeministrin irakian, Mustafa al-Kadhimi në Shtëpi të Bardhë.

Aktualisht janë rreth 2,500 trupa amerikane në Irak, të cilat iu ndihmojnë forcave lokale që të përballen me atë që ka mbetur nga grupi militant, Shteti Islamik (IS).

Numri i trupave amerikane pritet të vazhdojë të jetë i njëjtë dhe ky hap po konsiderohet si përpjekje për t’i ndihmuar kryeministrit irakian.

Prezenca amerikane në Irak është kthyer në çështje madhore, prej kur gjenerali iranian, Qasem Soleimani dhe lideri i një milicie myslimane shiite, janë vrarë përmes një droni amerikan, në kryeqytetin irakian Bagdad, vitin e kaluar.

Partitë politike të lidhura me Iranin, kanë kërkuar tërheqjen e të gjitha forcave të koaliconit global të udhëhequr nga SHBA-ja kundër IS-it, pavarësisht kërcënimeve të vazhdueshme nga grupi xhihadist sunit.

Ndërkohë, milicia shiite është akuzuar nga SHBA-ja për kryerje të qindra sulmeve me raketa, mortaja dhe dronë në bazat ushtarake irakiane, në të cilat strehohen forcat e koalicionit.

Për presidentin amerikan, ky njoftim përbën dhënien fund edhe të një lufte, që ka nisur nën udhëheqësinë e ish-presidentit amerikan, George W. Bush.

Këtë vit, ai ka thënë se trupat amerikane do të largohen nga Afganistani.

Duke folur në Shtëpi të Bardhë, Biden i ka thënë homologut të tij irakian se “bashkëpunimi ynë kundër terrorizimit do të vazhdojë edhe pse hyjmë në këtë fazë të re”.

Kadhimi, në anën tjetër, ka thënë se marrëdhëniet mes dy vendeve janë më të fuqishme se kurrë.

“Bashkëpunimi ynë do të jetë për ekonomi, ambient, shëndetësi, edukim, kulturë e tjera”, ka thënë ai.

Megjithatë, ai ka instituar se asnjë forcë e huaj luftarake nuk është e nevojshme në Irak.

Forcat e udhëhequra nga SHBA-ja kanë pushtuar Irakun më 2003 për të rrëzuar nga pushteti ish-presidentin, Saddam Hussein.

Më pas ish-presidenti George W. Bush, është zotuar për “Irak të lirë dhe paqësor”, mirëpo më pas ky vend është përfshirë nga një kryengritje e përgjakshme sektare.

Forcat luftarake amerikane janë tërhequr më 2011.

Megjithatë, ato janë kthyer me kërkesë të Qeverisë irakiane tre vjet më vonë, kur militantët e IS-it kanë fituar kontrollin e një pjese të territorit.

Pas mposhtjes së IS-it në Irak, në fund të vitit 2017, forcat amerikane kanë qëndruar në këtë shtet, për të parandaluar rikthimin e aktiviteteve të grupit terrorist.

“Roli ynë në Irak do të jetë që të jemi të qasshëm për të vazhduar trajnimin, ndihmën dhe përballjen me IS-in”, ka thënë Biden.

“Mirëpo ne nuk do të jemi, deri në fund të vitit, në mision luftarak”, ka thënë mes tjerash ai.

Departamaneti amerikan i Shtetit ka theksuar po ashtu se trupat amerikane janë në Irak me ftesë të qeverisë atje, dhe se SHBA-ja respekton sovranitetin e Irakut./REL

Etiketa
Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

4 ditë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

2 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Të kërkuara