

Lajmet
Reagon KMDLNj pas sulmit ndaj një kameramani dhe një qytetari në veri
Policia e Kosovës ka deklaruar se nuk ka të arrestuar në këtë rast.
Published
3 years agoon
By
Betim GashiSulmues, deri më tani të paidentifikuar në veri të Mitrovicës e sulmuan një kamerman, pasi ky po xhironte disa serbë që e kishin rrëmbyer një qytetar shqiptar të cilin e futen në veturë, e rrahën pastaj e hodhën në rrugë.
“Tërë këtë skenë e kanë përcjellë karabinierët që erdhën si përforcim, bashkë me policët e EULEX- it pasi policët serbë të Policisë së Kosovës e braktisën këtë shërbim nën trysni dhe urdhër të Listës Serbe dhe Aleksandar Vuçiq, president i Serbisë”, thuhet mes tjerash në reagimin e KMDLNj.
KMDLNJ thotë se sipas burimeve këta policë dhe karabinierë jo që nuk e kanë penguar sulmin ndaj një qytetari dhe kameramanit, përkundrazi janë tërhequr dhe nga një distancë e sigurt e kanë përcjellë ngjarjen ndërsa, sipas mandatit që e kanë është dashur të arrestohen sulmuesit dhe të dërgohen në qendër të ndalimit.
Edhe policia e Kosovës ka deklaruar se nuk ka të arrestuar në këtë rast.
“KMDLNj e dënon këtë sulm ndaj qytetarit sikur edhe ndaj kameramanit të Insajderit si përpjekje për të penguar punën e gazetarëve në kryerjen e mandatit që e janë; informimi objektiv dhe profesional i opinionit për ngjarjet që paraqesin interes për qytetarët. KMDLNJ – e bënë përgjegjëse policinë e EULEX-it dhe karabinierët që kanë marrë përgjegjësi shtesë që në këtë pjesë të Kosovës shkaku se Policia e Kosovës i ja mundësitë e kufizuara, të garantojë siguri për të gjithë qytetarët sikur edhe të krijojë kushte të sigurta për punën e papenguar të mediave e që qartazi nuk e ka bërë”, thuhet në njoftim.
KMDLNj kërkon nga Policia e Kosovës që ta hetojë rastin dhe të ndërmerr veprime ligjore ndaj atyre që ushtruan dhunë ndaj kameramanit dhe qytetarit N. N.
Bota
Vetoja e presidentit polak kundër ndihmave për refugjatët ukrainas shkakton stuhi politike
Published
14 minutes agoon
August 27, 2025By
UBT News
Presidenti i Polonisë, Karol Nawrocki, i cili është një nga aleatët më të afërt të Kievit në luftën kundër pushtuesit rus. e ka përdorur veton kundër një projektligji për ndihma për refugjatët ukrainas, duke shkaktuar stuhi politike në këtë vend të Evropës Qendrore.
Nawrocki, i cili shpesh ka ngritur çështje të ndërlikuara historike midis Varshavës dhe Kievit, e përdori të martën veton ndaj një projektligji që, duke filluar nga 1 tetori, do t’ua mohonte refugjatëve ukrainas në Poloni të drejtën për të punuar.
Sipas kritikëve, ky veprim i tij do të bëjë që refugjatët të bëjnë punë të padeklaruar dhe Qeveria polake do të humbë të ardhura nga taksat si pasojë.
Të hënën, Nawrocki paraqiti gjithashtu plane për ta kufizuar qasjen e refugjatëve ukrainas në përfitimet për fëmijë dhe kujdesin shëndetësor.
I zgjedhur pas një fushate që pasqyronte disa prej politikave të presidentit amerikan, Donald Trump, Nawrocki ka premtuar një politikë “Polonia e Para”, duke përfshirë vendosjen e kufizimeve për të drejtat e të huajve në vendin që është anëtar i BE-së dhe NATO-s.
Politikani konservator u zgjodh pasi mposhti ngushtësisht në rundin e dytë kryetarin liberal të Varshavës, Rafal Trzaskowski, në zgjedhjet e 1 qershorit.
Rezultati i zgjedhjeve përbënte një goditje të rëndë për kryeministrin Donald Tusk, i cili është aleat i ngushtë i Trzaskowskit dhe mbështetës i zëshëm i Ukrainës.
Edhe vetë Nawrocki ka shprehur mbështetje për Ukrainën në luftën kundër forcave pushtuese ruse. Por, ai ka thënë se i është kundër anëtarësimit të Ukrainës në NATO, një qëndrim që duket se polakë po e ndajnë gjithnjë e më shumë.
Megjithëse në përgjithësi e mbështesin betejën e Kievit kundër Rusisë, shumë polakëve u ka humbur durimi me fluksin e rreth 1.5 milionë refugjatëve të luftës nga Ukraina dhe kostot e lidhura me ta.
Vendimet e Nawrockit kanë nxitur kritika nga mbështetësit e Ukrainës brenda Qeverisë polake.
“Vendimi i tij minon stabilitetin e ekonomisë, kohezionin social, detyrimet ndërkombëtare të Polonisë dhe sigurinë e të gjithë vendit”, thuhet në një deklaratë të Ministrisë së Brendshme të Polonisë.
Ministria shtoi se vendimi për të vënë veton ndaj projektligjit për ndihmën për refugjatët ukrainas mund të krijojë shpenzime shtesë prej 2.18 miliardë dollarësh, duke ushtruar trysni shtesë mbi një buxhet tashmë të tendosur.
Bota
Trump: Nëse Rusia nuk lëviz drejt paqes, shpallim luftë ekonomike
Published
17 minutes agoon
August 27, 2025By
UBT News
Presidenti i Shteteve të Bashkuara, Donald Trump, sërish e ka hedhur poshtë mundësinë e ndonjë takimi së shpejti mes udhëheqësve rusë dhe ukrainas, si dhe ka folur për mundësinë e sanksioneve të reja ndaj Moskës, megjithëse tha se edhe pala ukrainase është në faj.
“Unë dua që lufta të përfundojë. “Ajo që e kam në mendje është shumë, shumë serioze, nëse më duhet ta bëj. Por, dua ta shoh duke përfunduar”, theksoi ai. Ne duam përfundimin e saj. Ne kemi sanksione ekonomike”, u tha Trump gazetarëve të martën në Shtëpinë e Bardhë.
Trump shtoi: “Nuk do të jetë një luftë botërore, por do të jetë një luftë ekonomike. Një luftë ekonomike do të jetë e keqe, dhe do të jetë e keqe për Rusinë, dhe unë nuk e dua këtë”.
Ka kohë që Trump e përdor kërcënimin me sanksione ekonomike apo tarifa të larta kundër vendeve të tjera në çështje ndërkombëtare.
Ai ka paralajmëruar por ende nuk ka vendosur masa ekonomike kundër Moskës, megjithëse SHBA-ja dhe Perëndimi kanë vendosur një sërë sanksionesh të rënda ndaj Rusisë prej se ajo e filloi pushtimi e plotë të Ukrainës në shkurt të vitit 2022.
“Mendoj se, në shumë mënyra, ai [presidenti rus Vladimir Putin] është aty. Ndonjëherë ai është aty dhe [presidenti ukrainas Volodymyr Zelensky nuk është aty. As Zelensky nuk është plotësisht i pafajshëm. Unë kaloj shumë mirë me të tani, por kemi marrëdhënie shumë më ndryshme sepse tani nuk po ia japim asnjë qindarkë Ukrainës”, tha Trump, duke iu referuar një marrëveshjeje ku anëtarët e NATO-s blejnë armë amerikane për t’u përdorur nga Kievi”, nënvizoi ai.
Trump gjithashtu la të kuptohej për mundësinë e masave kundër Kievit, por nuk dha hollësi.
“Unë kam marrëdhënie shumë të mira me Putinin. Nëse mund t’i shpëtoj mijëra njerëz nga vdekja përmes sanksioneve ndaj Rusisë ose Ukrainës ose kujtdo tjetër, është mirë”, shtoi ai.
Kur u pyet për refuzimin e Putinit për t’u takuar ballë për ballë me Zelenskyn dhe për dyshimet e Kremlinit mbi legjitimitetin e udhëheqësit ukrainas, Trump tha se nuk ka rëndësi çfarë thonë rusët sepse të gjithë po bëjnë shfaqje.
Rusia ka vazhduar me pushtimin e plotë të Ukrainës pa ndërprerje pas takimeve të Trumpit me Putinin në Alaskë, më 15 gusht, dhe me Zelenskyn dhe liderët evropianë në Shtëpinë e Bardhë tri ditë më vonë.
Trump, i cili që prej se e mori detyrën në janar ka kërkuar ta ndërmjetësojë përfundimin e luftës, i përdori ato takime për ta organizuar një takim ballë për ballë mes Putinit dhe Zelenskyt, të cilët nuk janë takuar që nga viti 2019.
Zelensky – i cili ka kërkuar një takim të tillë me Putinin – më 26 gusht tha se Turqia, vendet e Gjirit ose shtetet evropiane mund të shërbejnë si mikpritës të çdo takimi që ai mund të mbajë me Putinin.
Aktualitet
Oda Amerikane diskuton tarifat 0% për mallrat amerikane
Published
21 minutes agoon
August 27, 2025By
UBT News
Oda Ekonomike Amerikane në Kosovë do të mbajë një forum me temën “Largimi i barrierave, ndikimi ekonomik i tarifave 0% për mallrat amerikane”, që synon të trajtojë përfitimet ekonomike dhe ndikimin e drejtpërdrejtë të politikave të tregtisë së lirë ndërmjet Shteteve të Bashkuara të Amerikës dhe Kosovës.
Ngjarja do të zhvillohet në selinë e Odës Amerikane, më 26 gusht 2025, në ora 15:30, dhe pritet të mbledhë përfaqësues të institucioneve shtetërore, bizneseve vendore, investitorëve dhe përfaqësuesve diplomatikë.
Forumi do të ofrojë një hapësirë për diskutim të politikave aktuale tregtare dhe mundësive që krijohen për bizneset vendore përmes heqjes së barrierave dhe aplikimit të tarifave 0% për mallrat amerikane.
Aktualitet
51 vatra zjarri në Kosovë, katër prej tyre aktive
Published
22 minutes agoon
August 27, 2025By
UBT News
Në Kosovë të martën janë regjistruar gjithsej 51 vatra zjarri, ndërsa prej tyre katër vazhdojnë të jenë aktive, ka njoftuar Agjencia e Menaxhimit Emergjent.
AME ka njoftuar se 47 vatra zjarri janë lokalizuar.
“Agjencia e Menaxhimit Emergjent njofton opinionin se sipas të dhënave të pranuara sot në nivel vendi janë regjistruar gjithsej pesëdhjetë e një (51) vatra zjarri. Prej tyre katër (4) vatra vazhdojnë të jenë aktive ndërsa dyzet e shtatë (47) vatra janë lokalizuar falë ndërhyrjes së Njësive të Zjarrfikjes dhe Shpëtimit. Agjencia apelon tek qytetarët që të shmangin çdo veprim që mund të shkaktojë zjarr të denoncojnë pranë organeve ligjzbatuese çdo rast të zjarrvënies së qëllimshme dhe të raportojnë rastet në numrat 112 193 dhe 192. Agjencia shpreh mirënjohje dhe falënderim për përkushtimin dhe angazhimin e vazhdueshëm të pjesëtarëve të Njësive Profesionale të Zjarrfikjes dhe Shpëtimit”, ka njoftuar AME-ja.

Akuzohen nga Italia si pjesëtarë të grupeve kriminale, arrestohen tre persona në Fier

Barcelona refuzon të shesë Fermin Lopezin, pavarësisht interesimit të Chelseat

Leon Avdullahu zgjedh Kosovën, Shaqiri: Kishim folur për këtë

Vetoja e presidentit polak kundër ndihmave për refugjatët ukrainas shkakton stuhi politike

Trump: Nëse Rusia nuk lëviz drejt paqes, shpallim luftë ekonomike

Vivo V60 nis lansimin global pas debutimit në Indi

Oda Amerikane diskuton tarifat 0% për mallrat amerikane

Prindërit e një adoleshenti padisin ChatGPT pas vetëvrasjes së djalit

51 vatra zjarri në Kosovë, katër prej tyre aktive
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA