Teknologji

Raporti: 300 punonjës të TikTok dhe ByteDance më parë kanë punuar për mediat kineze të mbështetura nga shteti

Raporti i botuar nga Forbes i referohet atyre si “krahu i propagandës së qeverisë kineze”.

Published

on

Një raport i botuar nga revista amerikane, Forbes, ka gjetur një lidhje midis punonjësve në firmën e teknologjisë ByteDance, e cila është gjithashtu kompania mëmë e platformës së mediave sociale TikTok, dhe shtëpive mediatike kineze të mbështetura nga shteti.

Forbes shqyrtoi një numër të profileve publike të LinkedIn për të arritur në këtë përfundim.

Agjencia e Lajmeve Xinhua, Radio Ndërkombëtare e Kinës dhe Televizioni Global i Kinës Qendrore/Kina janë shtëpitë mediatike kineze me të cilat thuhet se kanë qenë të lidhur këta punonjës të ByteDance.

Raporti i referohet atyre si “krahu i propagandës së qeverisë kineze”.

Rreth 23 drejtorë të ByteDance kishin punuar më parë në role të ndryshme drejtuese, përfshirë “bashkëpunimin mediatik”, në këto organizata. 15 punonjës të ByteDance raportohet se po punojnë gjithashtu njëkohësisht për kompaninë si dhe për këto shtëpi mediatike të sponsorizuara nga shteti. Një ish-menaxher i strategjisë së përmbajtjes për TikTok është aktualisht korrespondenti kryesor i Xinhua News, sipas raportit.

Lidhur me këtë çështje, Forbes foli edhe me zëdhënësen e ByteDance, Jennifer Banks, ku tha se punësime të tilla bëheshin rreptësisht mbi bazën e meritave profesionale. Ajo shtoi më tej se punonjës nga prejardhje të ndryshme, përfshirë politikat publike, qeverinë dhe të tjerët, sjellin përvoja të ndryshme.

Megjithatë, lidhur me raportimin se disa punonjës punonin dy vende pune në të njëjtën kohë, Banks tha se kompania “nuk i lejon punonjësit të kryejnë punë të dyta ose me kohë të pjesshme, apo ndonjë aktivitet të jashtëm biznesi, që do të shkaktonte konflikt interesi”.

TikTok ka ndikuar gjerësisht në peizazhin e mediave sociale amerikane dhe në vitin 2019, ish-presidenti amerikan Donald Trump, së bashku me një numër politikanësh amerikanë, kishin bërë thirrje që platforma të ndalohej në vend./UBTNews/

Teknologji

WhatsApp sjell përditësime; Status në grupe, skanim dokumentesh dhe thirrje HD

Published

on

WhatsApp po vazhdon të testojë veçori të reja përmes kanaleve të tij beta, dhe së fundmi ka sjellë një sërë risish që pritet të përmirësojnë përvojën e përdoruesve – veçanërisht në iOS.

Tani, treguesit e statusit janë shtuar në bisedat në grup, duke i mundësuar përdoruesve të shohin se cilët anëtarë janë të disponueshëm, pikërisht poshtë emrit të grupit, shkruajnë mediat e huaja.

Përveç kësaj, përdoruesit kanë opsionin të zgjedhin marrjen e pikave kryesore nga grupet, çka ndihmon në kufizimin e njoftimeve të shumta që shpesh krijojnë ngarkesë.

Tjetër risi është aftësia për të skanuar e dërguar dokumente përmes WhatsApp. Aplikacioni tani mund të vendoset edhe si i paracaktuar për mesazhe e telefonata, shkoni te Settings, Default, WhatsApp dhe funksioni aktivizohet menjëherë.

Video thirrjet janë përmirësuar, duke ofruar cilësi më të mirë dhe besueshmëri. Tashmë është e mundur të kaloni shpejt në cilësinë HD nëse shpejtësia e internetit është e kënaqshme, duke garantuar një përvojë vizuale më cilësore.

Continue Reading

Teknologji

Telefoni po riniset automatikisht, kur mund t’ju ndodhë kjo?

Published

on

Pajisjet Android do të rinisen automatikisht në të ardhmen nëse nuk janë zhbllokuar për një kohë të gjatë. Kjo veçori e re e sigurisë do të prezantohet, sipas njoftimeve, për të mbrojtur më mirë të dhënat e përdoruesve.

Opsioni i ri, që është pjesë e përditësimit më të fundit të shërbimeve Google Play, parashikon që telefoni ose tableti do të riniset automatikisht nëse qëndron i bllokuar për tri ditë rresht.

Pas rinisjes, përdoruesi duhet të fusë PIN-in për të hyrë në pajisje – metodat biometrike të zhbllokimit (si gjurmët e gishtave ose njohja e fytyrës) do të çaktivizohen përkohësisht derisa të jepet kodi.

Sipas faqes 9to5Google, kjo veçori do jetë e disponueshme në telefonët e tabletët Android, por nuk do të vlejë për pajisjet në kategoritë Auto, TV dhe WearOS.

Është e rëndësishme të theksohet se nuk bëhet fjalë për një rivendosje në gjendje fabrike, por për një rinisje që e vendos pajisjen në gjendjen para zhbllokimit të parë (BFU – Before First Unlock), duke shtuar një shtresë shtesë mbrojtjeje për të dhënat e përdoruesit.

Apple ka prezantuar funksion të ngjashëm në iOS 18.1 me emrin “Inactivity Reboot”, i cili aktivizohet pas katër ditësh pa aktivitet.

Ende nuk është bërë e ditur se kur kjo veçori do të jetë e disponueshme për të gjithë përdoruesit, pasi përditësimet e tilla të Play Services vijnë gradualisht, brenda një deri në dy javë.

Gjithashtu, nuk dihet nëse përdoruesit do të marrin ndonjë njoftim për arsyen e rinisjes automatike.

Continue Reading

Automobilizëm elektrikë

Audi ndërpret eksportet në SHBA

Published

on

Ndryshe nga shumë prodhues tjerë gjermanë të automobilave, Audi nuk ka fabrika të vetat në SHBA. Të gjitha automjetet Audi për tregun amerikan dërgohen në SHBA prej Gjermanisë dhe disa vendesh tjera.

Tani Audi i ka ndaluar të gjitha dërgesat për në SHBA. Arsyeja janë tarifat doganore të vendosura javën e kaluar për mbarë botën nga presidenti amerikan Donald Trump.

Sipas një raporti të Automobilwoche vendimi i Audit vlen për automjetet e porositura në SHBA pas 2 prillit. Automjetet kanë mbërritur në SHBA para kësaj data do t’u dorëzohen klientëve sipas planit.

Portali Automobilwoche i referohet një letre të brendshme që u është drejtuar tregtarëve me pakicë të automjeteve në SHBA. Këtë e ka konfirmoi tani edhe një zëdhënëse e kompanisë Audi.

Strategji të reja tregtimi

Kompania Audi i dërgon automjetet e saj në SHBA nga Gjermania, Hungaria dhe Sllovakia. Po ashtu në Meksikë prodhohet modeli “Q5” – që është bestseller në SHBA.

Kompania Audi ka në magazinat e saj në SHBA më shumë se 37,000 makina, këto automjete nuk preken nga tarifat e reja. Për këtë arsye do të pajisen me një shënim të posaçëm kur të shiten.

Audi po mendon tani se si t’u sigurojë shitësve me pakicë mundësi dhe impulse të reja për shitjen e makinave Audi që gjenden në magazina në SHBA. Ata po analizojnë mënyra si mund të minimizohet ndikimi i tarifave të reja doganore tek klientët dhe partnerët tregtarë.

Continue Reading

Teknologji

Konfirmohet data e lansimit të Realme GT7, zbulohen disa detaje

Published

on

Disa muaj pas lëshimit të Realme GT 7 Pro, kompania po përgatitet të lansojë edhe GT7. Në posterin e tij të fundit, prodhuesi i smartfonëve konfirmoi 23 prillin si datën e lëshimit në Kinë.

Data e lëshimit në Kinë është 23 prilli, që do të thotë se mund të presim një paraqitje më të gjerë globale së shpejti.

Flitet se ai do të ketë çipin e ri Dimensity 9400+ (do të jetë një nga telefonat e parë që do ta ketë), një bateri të madhe 7,000 mAh dhe karikim të shpejtë 100 W.

Të paktën këto janë specifikat e konfirmuara zyrtarisht deri më tani.

Zëvendëspresidenti i Realme, Chase Xu, tha gjithashtu se telefoni do të ketë ftohje të avancuar, optimizime të qëndrueshmërisë dhe stabilizim të shkallës së lartë të rifreskimit gjatë lojës.

Continue Reading

Të kërkuara