Teknologji

Raporti: 300 punonjës të TikTok dhe ByteDance më parë kanë punuar për mediat kineze të mbështetura nga shteti

Raporti i botuar nga Forbes i referohet atyre si “krahu i propagandës së qeverisë kineze”.

Published

on

Një raport i botuar nga revista amerikane, Forbes, ka gjetur një lidhje midis punonjësve në firmën e teknologjisë ByteDance, e cila është gjithashtu kompania mëmë e platformës së mediave sociale TikTok, dhe shtëpive mediatike kineze të mbështetura nga shteti.

Forbes shqyrtoi një numër të profileve publike të LinkedIn për të arritur në këtë përfundim.

Agjencia e Lajmeve Xinhua, Radio Ndërkombëtare e Kinës dhe Televizioni Global i Kinës Qendrore/Kina janë shtëpitë mediatike kineze me të cilat thuhet se kanë qenë të lidhur këta punonjës të ByteDance.

Raporti i referohet atyre si “krahu i propagandës së qeverisë kineze”.

Rreth 23 drejtorë të ByteDance kishin punuar më parë në role të ndryshme drejtuese, përfshirë “bashkëpunimin mediatik”, në këto organizata. 15 punonjës të ByteDance raportohet se po punojnë gjithashtu njëkohësisht për kompaninë si dhe për këto shtëpi mediatike të sponsorizuara nga shteti. Një ish-menaxher i strategjisë së përmbajtjes për TikTok është aktualisht korrespondenti kryesor i Xinhua News, sipas raportit.

Lidhur me këtë çështje, Forbes foli edhe me zëdhënësen e ByteDance, Jennifer Banks, ku tha se punësime të tilla bëheshin rreptësisht mbi bazën e meritave profesionale. Ajo shtoi më tej se punonjës nga prejardhje të ndryshme, përfshirë politikat publike, qeverinë dhe të tjerët, sjellin përvoja të ndryshme.

Megjithatë, lidhur me raportimin se disa punonjës punonin dy vende pune në të njëjtën kohë, Banks tha se kompania “nuk i lejon punonjësit të kryejnë punë të dyta ose me kohë të pjesshme, apo ndonjë aktivitet të jashtëm biznesi, që do të shkaktonte konflikt interesi”.

TikTok ka ndikuar gjerësisht në peizazhin e mediave sociale amerikane dhe në vitin 2019, ish-presidenti amerikan Donald Trump, së bashku me një numër politikanësh amerikanë, kishin bërë thirrje që platforma të ndalohej në vend./UBTNews/

Lajmet

Një nga pionierët e bitcoin shiti 80 000 BTC për 9 miliardë dollarë

Published

on

Një investitor i hershëm i Bitcoin shiti 80 mijë BTC përmes Galaxy Digital, në atë që kompania e aseteve digjitale e përshkroi si një nga transaksionet më të mëdha nominale në historinë e kriptomonedhave, megjithëse detajet e datës dhe çmimit të ekzekutimit nuk u zbuluan.

Njoftimi i shitjes nga Galaxy Digital u shfaq për herë të parë në PR Newswire të premten vonë, i ndjekur nga një njoftim në blogun zyrtar të kompanisë.

Galaxy Digital konfirmuan vërtetësinë e njoftimit për shtyp, por nuk e zbuloi identitetin e klientit, duke thënë se “transaksioni ishte pjesë e strategjisë më të gjerë të planifikimit të pasurisë së investitorit”. Njoftimi erdhi në një ditë me paqëndrueshmëri të shtuar për Bitcoin, me çmimin që ra për pak kohë nën 115 mijë dollarë të premten, sipas Cointelegraph.

Të dhënat e Lookonchain tregojnë disa transaksione të mëdha nga Galaxy Digital gjatë ditës, duke arritur në total gati 30 mijë BTC, me shumicën e fondeve të dërguara direkt në bursa.

Këto transaksione ishin të lidhura me një investitor në Bitcoin i cili zhvendosi 80.009 BTC nga një portofol joaktiv në fillim të këtij muaji – monedha që më vonë u transferuan në Galaxy, sipas të dhënave të Lookonchain nga 16-17 korriku.

Jason Williams, një analist dhe autor i Bitcoin Hard Money, vuri në dukje se e gjithë shitja tashmë është “absorbuar plotësisht nga tregu”, duke sugjeruar se çmimet janë gati të rriten ndjeshëm.

“80.000 BTC, me vlerë mbi 9 miliardë dollarë, janë shitur në librat e porosive në tregun e hapur, dhe bitcoin mezi ka lëvizur,” shkroi Joe Consorti, kreu i rritjes në Theya, një kompani infrastrukture kujdestarie për Bitcoin.

Bitcoin është rritur këtë vit, duke arritur së fundmi një rekord të ri historik mbi 123.000 dollarë.

Continue Reading

Teknologji

Funksioni i ri i Inteligjencës Artificiale i Google ju lejon të provoni rrobat virtualisht

Published

on

Google ka lansuar një funksion të ri me Inteligjencë Artificiale që u lejon përdoruesve të provojnë rroba virtualisht duke ngarkuar një foto të plotë të trupit të tyre.

Ky shërbim është tashmë i disponueshëm në Shtetet e Bashkuara dhe mund të përdoret përmes Google Search, Google Shopping dhe Google Images.

Pasi të përzgjidhet një produkt, mjafton të shtypet ikona “try it on” për të nisur provën virtuale.

Përdoruesit mund të ruajnë pamjet dhe t’i ndajnë me miqtë. Ky funksion shënon një hap para nga versionet e mëparshme që shfaqnin rrobat vetëm në modele të ndryshëm.

Paralelisht, Google po teston edhe aplikacionin eksperimental Doppl, që krijon video AI për të paraqitur se si duket një veshje në lëvizje.

Një veçori tjetër që pritet këtë vjeshtë do të ofrojë ide për kombinime veshjesh apo dizajn dhomash përmes teknologjisë gjeneruese vizuale.

Continue Reading

Teknologji

Lamborghini prezanton veturën e re për gara

Published

on

Gama e Lamborghinit nuk është kurrë e plotë pa një përzgjedhje vetura garash dhe marka ka prezantuar të parën të bazuar në Temerarion e re.

Temerario GT3 heq dorë nga sistemi hibrid, për shkak të rregulloreve dhe paraqet një shumëllojshmëri përmirësimesh që e shndërrojnë atë në një veturë garash më të fortë.

Një motor V8 4.0 litra me dy turbo vazhdon të fuqizojë veturën, por prodhon 550 kuaj fuqi në vend të 800 që jep në veturën rrugore.

Riparueshmëria është një nga karakteristikat përcaktuese të veturës. Lamborghini e projektoi atë për të lejuar mekanikët të zëvendësojnë shpejt një shumëllojshmëri panelesh karrocerie, pjesësh pezullimi dhe komponentësh të tjerë.

Prodhuesi i automjeteve e thjeshtoi dizajnin, me pjesën e pasme të projektuar për të akomoduar transmisionin e ri me gjashtë shpejtësi.

Continue Reading

Teknologji

Një tjetër prodhues veturash heq dorë nga Apple CarPlay Ultra

Published

on

General Motors hoqi dorë nga Apple CarPlay dhe tani prodhuesit e automjeteve po kundërshtojnë CarPlay Ultra, përpjekjen e fundit të Apple për të kontrolluar më shumë përvojën në veturë.

BMW është markë e tillë. Prodhuesi gjerman i automjeteve konfirmoi se “aktualisht nuk ka plane” për të ofruar CarPlay Ultra në automjetet e saj.

Ka investuar shumë në sistemin e vet të infotainment të quajtur iDrive, i cili kontrollon një gamë funksionesh të automjetit për shkak të integrimit të tij të thellë. BMW i bashkohet Audi, Mercedes-Benz, Polestar dhe Volvo midis prodhuesve që nuk kanë plane për të ofruar teknologjinë, pavarësisht se Apple fillimisht tha se do ta bënin.

Kanë kaluar tre vjet që kur Apple prezantoi për herë të parë versionin e përmirësuar të CarPlay, duke renditur disa marka pjesëmarrëse, por industria vazhdon të evoluojë.

Continue Reading

Të kërkuara