Lajmet

Pse Britney Spears nuk do të bëjë një intervistë me Oprah Winfrey?

Sipas një burimi, nëse intervista ndodh, nuk do të zhvillohej deri në vitin 2022.

Published

on

Këngëtarja e njohur, Britney Spears nuk ka plane të menjëhershme për të bërë një intervistë me moderatoren, Oprah Winfrey, përcjell UBT News.

Dihet se intervista me yllin do të shkaktonte një interes të madh.

Por një burim i afërt me Spears i tha CNN se këngëtarja nuk ka plane të menjëhershme për të bërë një intervistë me Winfrey, pavarësisht se së fundmi deklaroi në rrjetet sociale se do ta dëshironte.
“Britney nuk ka bërë një intervistë me Oprah dhe ajo nuk është ende në diskutime për ta bërë një të tillë”, tha burimi. “A do të ndodhë? Ndoshta, por jo tani”.

Sa i përket nëse këto të dyja mund të takohen këtë vit, burimi tha se një intervistë, nëse ndodh, ndoshta nuk do të zhvillohej deri në vitin 2022.

Fituesja e Grammy-t postoi në rrjetet sociale para ca ditësh se ka shumë për të thënë për konservatoritetin e saj 13-vjeçar tani që ka mbaruar. Kështu ajo la të kuptohet se do të shprehet edhe më shumë në një intervistë të mundshme, e ku këto raste Oprah Winfrey është gjithmonë e para.

“Jam mësuar të ruaj paqen për familjen dhe të mbaj gojën mbyllur … por jo këtë herë … nuk kam harruar”, kishte shkruar Spears./UBTNews/

Lajmet

Kurti pas takimit me Abdixhikun: Ende nuk ka marrëveshje për zgjedhjen e presidentit

Published

on

By

Kryeministri Albin Kurti, pas takimit të tij të fundit me kryetarin e LDK, deklaroi se bisedimet kanë shkuar në një atmosferë konstruktive, por ende nuk ka marrëveshje.

“Takimi shkojë në atmosferë konstruktive, mirëpo kur ka diçka të re do t’ju njoftojmë. Ende nuk i kemi zgjidhjet mirëpo do t’ju njoftojmë së shpejti”, tha Kurti.

Ky është takimi i tretë ndërmjet dy palëve, ndërsa çështja kryesore mbetet zgjedhja e presidentit ose presidentes së vendit. Afati kushtetues për këtë proces përfundon më 5 mars, duke shtuar presionin për arritjen e një marrëveshjeje.

Takimet e vazhdueshme mes Kryeministrit Kurti dhe LDK-së tregojnë përpjekjet për të gjetur një konsensus para fundit të afatit, ndërkohë që vendi pret ende një vendim final. /Ekonomia online/

Continue Reading

Lajmet

Fillon dëshmia e dytë në gjykimin e Thaçit dhe të tjerëve në Hagë

Published

on

By

Në Dhomat e Specializuara të Kosovës (DhSK) në Hagë ka nisur dëshmia e dytë e Prokurorisë në rastin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit për vepra penale kundër administrimit të drejtësisë.

Dëshmitari i dytë, Koen Herlaar nga Instituti i Kriminalistikës së Holandës (IKH), ka treguar se punon aty që prej vitit 2009 si ekspert i kriminalistikës dhe se roli i tij është të ekzaminojë prova dhe gjurmë që lidhen me dokumentet dhe objektet e të dyshuarve. Ai tha:

“Ne bëjmë gjurmimet e materialeve, instrumenteve dhe mjeteve të ndryshme, ekzaminojmë objekte dhe lidhim gjurmët me dokumente ose persona të dyshuar. Mund të analizojmë edhe vendngjarjet dhe objektet e përfshira aty.”

Gjatë seancës, Bashkim Smakaj, Isni Kilaj dhe Fadil Fazliu kërkuan ndryshimin e kushteve të lirimit me kusht, por Prokuroria kundërshtoi dhe u obligua të zgjerojë parashtrimet më vonë. Ndërkaq, Hashim Thaçi, i pranishëm përmes video-lidhjes, u ankua për mungesë përkthimi gjatë procedurës.

Continue Reading

Lajmet

Kurti dhe Abdixhiku sërish takohen për zgjedhjen e presidentit

Published

on

By

Kryeministri Albin Kurti dhe kryetari i LDK-së, Lumir Abdixhiku janë takuar edhe sot për të diskutuar mbi zgjedhjen e presidentit të Kosovës. Kjo ndoshta është edhe përpjekja e tyre e fundit, pasi afati për votim po shkon drejt fundit.

Ende nuk është propozuar asnjë kandidat dhe nuk është arritur ndonjë marrëveshje mes partive. Abdixhiku në takimin e djeshëm  ka theksuar se LDK nuk ka qëndrime përjashtuese ndaj asnjë kandidati, përfshirë edhe presidenten aktuale Vjosa Osmani, dhe se deri tani nuk është paraqitur asnjë emër konkret për mbështetje.

Ai gjithashtu ka shtuar se arritja e një konsensusi politik duket sfiduese dhe se një garë mes partive mund ta çojë vendin drejt krizës ose zgjedhjeve të reja.

Continue Reading

Lajmet

Ambasada e Kosovës në Abu Dhabi paralajmëron qytetarët për evakuim të mundshëm

Published

on

By

Ambasada e Republikës së Kosovës në Abu Dhabi ka njoftuar qytetarët kosovarë -vizitorë dhe rezidentë për gatishmërinë e saj për evakuim në rast të bllokadës së hapësirës ajrore në Emiratet e Bashkuara Arabe.

Ambasada njofton se është në komunikim të vazhdueshëm me autoritetet lokale, institucionet shtetërore në Kosovë dhe Ambasadën në Riad, për të siguruar mënyrën më të shpejtë dhe më të sigurt të evakuimit të qytetarëve kosovarë.

Sipas njoftimit zyrtar, “Në momentin e domosdoshmërisë për evakuim emergjent, Ambasada do t’ju njoftojë menjëherë dhe do të organizojë fluturimet nga aeroportet në Jeddah ose Riyadh”.

Qytetarët që ndodhen në Emiratet e Bashkuara Arabe dhe nuk janë regjistruar ende, mund të kontaktojnë Ambasadën përmes emailit [email protected] ose numrit +971 54 709 2109, duke dërguar të dhënat e dokumentit të udhëtimit dhe vendin ku ndodhen. Kjo do të lejojë përgatitjen e lejes kaluese urgjente në kufirin e Arabisë Saudite në rast evakuimi bën të ditur njoftimi i Ambasadës.

Hetimi dhe koordinimi me autoritetet lokale dhe ato saudite, sipas Ambasadës se Kosovës në Abu Dhabi po vazhdojnë për të siguruar evakuimin e qytetarëve në rast nevoje.

Continue Reading

Të kërkuara