Film & TV

Përse filmat horror tërheqin audiencë të madhe në Turqi?

Vetëm këtë vit, 60 filma të rinj horror do të dalin në ekranet e Turqisë.

Published

on

I gjunjëzuar para një ylli me shkumës jashtë shtëpisë së tij të rrënuar, një plak kryen një ritual për të hequr qafe shpirtrat e këqij – besëtytni që shumë turq besojnë se ekzistojnë!

Pas kamerës, regjisori Metin Kuru përpiqet të inkurajojë aktorin të përcjellë agoninë e plotë të të qenit i pushtuar nga një xhind, përcjell UBT News.

Por nuk do të ketë shumë paraqitje, sepse Kuru duhet ta përfundojë filmin e tij shpejt, për të ushqyer oreksin e pangopur të Turqisë për filma horror me buxhet të ulët.

“Në fund të ditës, përpiqem të prodhoj filma me sa më pak probleme teknike të jetë e mundur”, i tha AFP-së Kuru mes skenave të “Muhr-u Musallat 2 — Yasak Dugun” (“Pushtimi i vulosur 2 – Dasma e ndaluar”) .

Sipas tij, filmimi i skenave në errësirë ​​ndihmon.

“Ngjyrat e filmave horror nuk janë aq të larmishme, gjë që i lejon krijuesit e filmave të xhirojnë me kamera më të lira, më pak dritë dhe ekipe më të vogla”, tha Kuru.

Vetëm këtë vit, 60 filma të rinj horror do të dalin në ekranet e Turqisë, ku kërkesa nuk është zbehur pavarësisht krizave ekonomike që kanë kapluar vendin.

Besëtytnitë

Kritikja e filmit Gizem Simsek Kaya beson se mund të ketë një lidhje midis bumit të tmerrit dhe ndryshimeve më të gjera sociale në Turqi.

“Përpjekja për të hequr mënjanë bestytninë dhe për t’u afruar me shkencën (e themeluesve të Turqisë moderne) filloi të zmbrapset në fund të viteve 1990”, tha Kaya.

Filmat horror me temë fetare u bënë të njohur me “Buyu” (“The Spell”) në 2004 dhe arritën një audiencë edhe më të madhe me lansimin e serialit me buxhet të madh “Dabbe” në 2006.

Regjisori Hasan Karacadag realizoi gjashtë filma “Dabbe”, i fundit në vitin 2015, duke thyer rekorde në arkën turke.

Filmat horror turq kryesisht sillen rreth xhinëve ose xhindeve — shpirtra potencialisht të djallëzuar që janë pjesë e miteve dhe teologjisë islame.

Kjo mund të jetë e ndërlikuar për artistët e grimit si Yesim Vatansever.

Jo vetëm që xhinët supozohet të jenë të padukshëm, por ka edhe më shumë se 70 lloje, duke e bërë një sfidë paraqitjen e tyre.

“Do të ishte shumë më e lehtë të përfytyrosh, të themi, një alien”, tha Vatansever.

Kritiku i filmit Kaya, i cili jep mësim në “Kultur University” të Stambollit, tha se filmat me vampirë nuk funksionojnë në Turqi për shkak të ndjeshmërisë fetare.

Ideja e të vdekurit të gjallë “në Islam është e barabartë me kryerjen e shirkut”, ose mëkatin e idhujtarisë, tha ajo.

Buxhet i vogël

Kufizimet e ndryshme mund t’i bëjnë filmat horror turk të duken të tmerrshëm, ankohet Kaya.

“Ata janë xhiruar për pak ditë, pajisjet janë të dobëta dhe filmi mund të dalë i turbullt”, tha ajo.

“Unë kurrë nuk i kisha parë fjalët ‘error code’ të shfaqen aksidentalisht në një film” derisa u shfaq në një film horror turk këtë vit, tha ajo.

Skenaristja Ozlem Bolukbasi pranoi se filmat nuk ishin kryevepra kinematografike.

“Buxhetet dhe vlerat e prodhimit nuk janë të larta”, tha ajo.

“Por a tërheqim akoma audiencën? Po, e tërheqim”, shtoi ajo.

Duke u kthyer në xhirime me plakun e pushtuar nga një xhind, fshatarë vendas ishin afruar për të parë xhirimet.

“Është argëtuese. I gjithë qyteti është këtu për momentin”, tha Huseyin Aydemir, i cili drejton një restorant lokal në Buyukorhan, afër Bursës në Turqinë veriperëndimore.

“Këtu dy ditë më parë është xhiruar një skenë varrezash. Vendasit kanë shkuar në vendngjarje disa orë para grupit të xhirimit”./France24/UBTNews/

Film & TV

Filmi për oficerin indian që kapi dy herë një vrasës famëkeq, tani edhe në Netflix

Published

on

Një film i ri në Netflix tregon historinë më pak të njohur të një oficeri policie indian, i cili kapi vrasësin famëkeq, jo një herë, por dy herë. Historia e vrasësit serial francez Charles Sobhraj është i portretizuar në dramën BBC, Netflix “The Serpent”.

Inspektori Zende luan rolin kryesor të policit, aktori i Bollywood-it Manoj Bajpayee, ndërsa aktori Jim Sarbh luan Sobhraj por i riimagjinuar si Carl Bhojraj.

Filmi zhvillohet gjatë tre jave në vitin 1986, ndërsa polici dhe krimineli luajnë një lojë maceje me miun.

Publikimi i këtij filmi e ka rikthyer Zende i cili ka një rol të shkurtër në film si “OG”, ose Inspektori Zende origjinal./S.K/EO/

 

Continue Reading

Art

Rikthimi i ‘Squid Game’: Çfarë pritet nga sezoni i dytë!?

Published

on

Sezoni i parë i “Squid Game” ka rezultuar shumë i suksesshëm, dhe sot për adhuruesit e filmave kemi një lajm të rëndësishëm.

Pavarësisht largimeve të shumë personazheve të preferuar gjatë këtij sezoni, krijuesi dhe regjisor Hwang Dong-hyuk ka zbuluar se cilët lojtarë do të kthehen.

“U deshën 12 vjet për të sjellë në jetë sezonin e parë të “Squid Game”, por u deshën 12 ditë që “Squid Game” të bëhej seriali më i popullarizuar i Netflix-it ndonjëherë,” tha Hwang në një deklaratë.

Ai shtoi: “Si shkrimtar, regjisor dhe producent i “Squid Game”, kam një thirrje të madhe për fansat në mbarë botën. Faleminderit që e shikoni dhe e doni shfaqjen tonë.”

Këtu është gjithçka që dimë deri tani për sezonin e dytë të “Squid Game”: Cila do të jetë historia e sezonit të dytë?

Para konfirmimit të këtij sezoni, Hwang përmendi se seriali mund të kishte përfunduar edhe me një sezon, duke sugjeruar se “u mbyll me fund të hapur.” Megjithëse nuk zbuloi detaje specifike, ai konfirmoi një pikë të rëndësishme të komplotit që sezoni i dytë do të eksplorojë.

“Seong Gi-hun është bërë një person i ri deri në fund të sezonit të parë, kështu që i dyti do të përqendrohet në atë çfarë bën Gi-hun i ri, si shpalosen ngjarjet me këtë lloj personazhi,” zbuloi ai.

A ka një trailer për sezonin e dytë të “Squid Game”?

Në muajin e kaluar, Netflix publikoi trailer-in për sezonin 2, që hapet me Gi-hun, i cili është kthyer me kostumin e tij të gjelbër 456 dhe është i rrethuar nga të gjithë lojtarët e rinj. Ata të gjithë bëjnë rrugën e tyre drejt dritës së kuqe, arenës së dritës jeshile, ku ai paralajmëron turmën të qëndrojë plotësisht e qetë./UBTNews/

Continue Reading

AI

Drejtori i “Titanic”, James Cameron i bashkohet bordit të Stability AI

Published

on

By

Stability AI njoftoi të martën se James Cameron, regjisori i filmave “Titanic” dhe “The Terminator”, i është bashkuar bordit të startup-it të inteligjencës artificiale.

Rritja meteorike e inteligjencës artificiale gjeneruese ka tërhequr vëmendjen e Hollivudit në një kohë kur kostot e prodhimit janë rritur. Drejtuesit dhe agjentët e Hollivudit u takuan me kompaninë për të diskutuar përdorimet e mundshme të teknologjisë, thonë burimet e brendshme të industrisë.

Emërimi i Cameron e afron Stability AI më afër qëllimit të saj për të “transformuar median vizuale” duke u ofruar krijuesve një portofol të plotë të mjeteve të AI, tha CEO Prem Akkaraju.

Stability AI që ndodhet në Londër, e cila mblodhi rreth 80 milionë dollarë fonde në fillim të këtij viti, prodhon një mjet për gjenerimin e imazheve të inteligjencës artificiale që rivalizon ato të prodhuara nga Alphabet’s./UBTNews/

Continue Reading

Film & TV

Filmi “Back to Black” e rikthen Amy Winehouse në ekranin e madh

Published

on

Regjisorja Sam Taylor-Johnson nuk deshi që drama e saj biografike për këngëtaren dhe tekstshkruesen e ndjerë, Amy Winehouse, të jetë e ngjashme sikurse dokumentari fitues i Oscarit që u realizua nga Asif Kapadia.

“Ndjeva se duhet të realizoja diçka ndryshe nga ai dokumentar. Doja ta realizoja nga një këndvështrim tjetër dhe këndvështrimi më i mirë ishte që ta realizoja rrëfimin përmes muzikës së saj”, deklaroi regjisorja për filmin “Back to Black”.

Filmi i shpërndarë nga Focus Features, flet për edukimin e Winehouse në një familje hebreje, karrierën e saj, romancat – dhe varësinë që do të çonte në vdekjen e saj.

Derisa kritikat e filmit kanë qenë jashtëzakonisht negative në Mbretërinë e Bashkuar dhe Irlandë deri më tani, shumë besojnë se aktorja kryesore Marisa Abela, e cila portretizon Winehouse, dha një performancë të suksesshme.

“Ka momente kur Abela zhduket dhe Winehouse shpërthen në ekran, si një pamje magjike e syrit që vezullohet kalimthi në fokus”, shkroi kritikja Wendy Ide e The Guardian.

“Por filmi është jashtëzakonisht i pabarabartë dhe i prirur për gjykime të gabuara katastrofike”, shtoi ajo.

Aktorja kryesore kaloi 12 muaj duke tentuar të kapte çdo aspekt të Winehouse.

“Ka kaq shumë versione të ndryshme të Amyt, dhe kjo është pothuajse sikur, sa më shumë të dini, aq më pak dini, sepse ajo është artiste aq e madhe dhe gjithëpërfshirëse”, tha Abela./UBTNews/

Continue Reading

Të kërkuara