

Aktualitet
Pajisja që po kontribuon në pastrimin e oqeanit
Published
4 years agoon
By
UBT newsNjë numër në rritje kompanish po zhvillojnë produkte që kanë në qendër mbrotjen e mjedisit. Korrespondetja e Zërit të Amerikës Julie Taboh na sjell më shumë detaje rreth një pajisjeje që ndihmon për gjetjen e sendeve të ndryshme, e cila është prodhuar nga mbeturina që gjenden në oqean.

Nëse i takoni atij grupi njerëzisht që humbasin shpesh sende personale, pajisja e quajtur Chipolo, e cila punon duke përdorur teknologjinë Bluetooth është krijuar për t’u ndihmuar, duke gjetur sendet e humbura.
Chipolo i vendoset një objekti sikurse një portofol apo një çantë shpine. I lidhur përmes Bluetooth-it me aplikacionin Chipolo të shkarkuar në telefon, pajisja ndihmon në gjetjen e sendit të humbur, i cili nis të tingëllojë kur ju shtypni butonin “për të gjetur vendndodhjen”.
Por tregu është i mbushur me produkte të ngjashme sikurse Tile apo konkurrentë të tjerë, përfshirë Samsung-un. Por Chipolo ka gjetur një mënyrë për të rënë në sy. Pajisja është krijuar nga mbeturina që mund t’i gjesh në oqean, sikurse rrjetat e peshkimit të riciklueshme.
“Produket tona përbëhen nga plastika. Edhe pse janë shumë të vogla dhe nuk përdorim shumë plastikë, përsëri ndjejmë se duhet të jemi të përgjegjshëm e të vetëdijshëm për mjedisin”, thotë Nika Kramžar, shefe e marketingut, Chipolo
Me ndihmën e Oceanworks, një organizatë e cila synon të shpëtojë botën nga mbeturinat plastike, plastika e nxjerrë nga sipërfaqet e cekëta të ujit përdoren për të krijuar shtresën e jashtme të produktit.
“Duke përfshirë plastikën e oqeanit në produktin e tyre, ata u dërgojnë një mesazh jo vetëm konsumatorëve, por edhe bizneseve të tjera se çdo gjë është e mundur. Mund të filloni me një gjë të vogël e të keni rezultate të mëdha”, thotë Rob Ianelli, Themelues dhe President i Oceanworks.
Kohët e fundit Chipolo i dhuroi gjithashtu 10,000 dollarë Oceanic Global, një organizate jofitimprurëse që mbështet përpjekjet për pastrimin e oqeaneve.
“Një artikull plastik kërkon mesatarisht mes 500 deri në 1000 vjet për t’u shpërbërë. Kjo është arsyeja përse është kaq e rëndësishme që kompanitë si Chipolo po gjejnë mënyra inovative për të përdorur plastikën ekzistuese”, thotë Lea d’Auriol, themeluese dhe drejtoreshë ekzekutive e Oceanic Global.
Mbeturinat plastike të dëmshme që ndodhen në oqeanet dhe detet tona po rriten me një shpejtësi alarmante. Sipas Shoqatës Ndërkombëtare të Mbetjeve të Ngurta produktet plastike njëpërdorimshe, si dhe plastikat e gjetura në pajisjet e peshkimit që kanë humbur apo janë hedhur përbëjnë rreth 70% të të gjitha mbeturinave detare.
Disa kompani po ndërhyjnë për t’u dhënë zgjidhje këtyre shqetësimeve. Adidas ka tashmë një linjë këpucësh me plastikë që nxirret nga oqeani. Ndërkohë, Chipolo ndihet mirë për kontributin e saj modest ndaj një problemi të madh global.
“Ne nuk po shesim vetëm një produkt i cili përbëhet nga materiale të marra nga rrjetat e ricikluara të peshkimit, ne gjithashtu po ndërgjegjësojmë lidhur me ndotjen e oqeanit. Në këtë mënyrë mbase po inkurajojmë kompani të tjera që të fillojnë të mendojnë për të e të prodhojnë produkte që përbëhen prej plastikës së ricikluar në vend të materialeve të papërpunuara”, thotë Nika Kramžar, shefe e marketingut, Chipolo./VOA
Bota
Rutte: SHBA-ja dhe aleatët evropianë bien dakord se Rusia është një kërcënim afatgjatë
Published
22 minutes agoon
April 25, 2025By
UBTnews
Sekretari i përgjithshëm i NATO-s, Mark Rutte, tha dje në mbrëmje se Rusia mbetej një kërcënim afatgjatë për aleancën, pas bisedimeve me presidentin e SHBA-së Donald Trump dhe anëtarë të lartë të administratës amerikane në Uashington.
“Ne të gjithë pajtohemi në NATO se Rusia është një kërcënim afatgjatë për territorin e NATO-s – për të gjithë territorin euroatlantik”, u tha Rutte gazetarëve pas takimit në Shtëpinë e Bardhë.
Kur u pyet për mundësinë e një marrëveshjeje paqeje midis Rusisë dhe Ukrainës, Rutte tha se kishte ende “diçka” për të diskutuar në tavolinën e bisedimeve, duke shtuar se i takonte Rusisë te vendoste.
Rutte shprehu besimin se Shtetet e Bashkuara të Amerikës do të vazhdonin të luanin një rol qendror në përpjekjet për t’i dhënë fund luftës.
“Nuk po shoh një situatë ku SHBA-ja po ecin përpara. Po shoh një situatë ku nën udhëheqjen e presidentit Trump, kjo mund të përfundojë pozitivisht dhe kjo është shumë e rëndësishme”, tha Rutte.
Trump tha të mërkurën se një marrëveshje me Rusinë ishte e arritshme, ndërsa pretendoi se marrëveshja me presidentin ukrainas Volodymyr Zelensky kishte qenë “më e vështirë” sesa me presidentin rus Vladimir Putin.
Presidenti amerikan ka kërkuar që Kievi të lëshojë gadishullin e Krimesë të pushtuar nga Rusia dhe të heqë dorë nga përpjekja e tij për anëtarësim në NATO në të ardhmen.
Udhëheqësit e NATO-s do të mblidhen më 24-25 qershor në një samit në Hagë./ATSH/
Bota
Rusia paralajmëron Perëndimin: Nëse na sulmojnë, do të përdorim bombën atomike
Published
41 minutes agoon
April 25, 2025By
UBTnews
Sekretari i Këshillit të Sigurimit të Federatës Ruse, Sergei Shoigu, ka lëshuar një paralajmërim të ashpër ndaj Perëndimit, duke deklaruar se Rusia është e gatshme të përdorë armë bërthamore në rast agresioni. Në një intervistë për agjencinë ruse të lajmeve TASS, Shoigu theksoi se çdo sulm ndaj Rusisë ose aleatit të saj, Bjellorusisë, mund të provokojë një kundërpërgjigje bërthamore.
“Nëse na sulmojnë, ne do të përdorim bombën atomike”, tha Shoigu, duke theksuar seriozitetin e pozicionit të ri të Kremlinit në politikën e parandalimit bërthamor.
Ai iu referua ndryshimeve të bëra në nëntor të vitit 2024 në Bazat e Politikës Shtetërore të Federatës Ruse në fushën e parandalimit bërthamor. Sipas Shoigut, këto ndryshime i japin Moskës të drejtën për të përdorur armë bërthamore jo vetëm në rast të një sulmi bërthamor, por edhe përballë një sulmi konvencional që paraqet një kërcënim ekzistencial për sovranitetin dhe integritetin territorial të Rusisë ose Bjellorusisë.
“Rusia po monitoron nga afër përgatitjet ushtarake të vendeve evropiane”, deklaroi Shoigu, duke shtuar se çdo veprim armiqësor nga shtetet e huaja që perceptohet si kërcënim do të trajtohet me “masa simetrike dhe asimetrike për të shtypur dhe parandaluar veprime të mëtejshme”.
Shoigu, i cili ka shërbyer për më shumë se një dekadë si ministër i Mbrojtjes përpara se të emërohej në krye të Këshillit të Sigurimit, e konsideroi këtë rishikim të doktrinës bërthamore si një hap strategjik për të forcuar sigurinë kombëtare të Rusisë në një klimë të tensionuar ndërkombëtare.
Bota
10 të vrarë nga shembja e minierës së arit në Republikën Demokratike të Kongos
Published
1 hour agoon
April 25, 2025By
UBTnews
Të paktën 10 njerëz vdiqën në rrënojat e një miniere ari në pjesën lindore të Republikës Demokratike të Kongos, tha sot guvernatori i provincës së Kivu-së Jugore, Douglas Dunia Masumbuko, i cili u emërua nga grupi rebel M23.
Ai i tha Reuters se numri i të vdekurve në minierën Luhihi kishte arritur në 10 dhe mund të rritet duke pasur parasysh numrin e të plagosurve.
Ai fajësoi për incidentin “ndërtimet e pakontrolluara dhe mirëmbajtjen e dobët të puseve të arit” në zonë.
Aksidentet e minierave janë të zakonshme në këtë vend të Afrikës Qendrore, veçanërisht në vendet e vogla artizanale.
Guvernatori Jean-Jacques Pouroussi, i cili ishte guvernator i Kivusë së Jugut përpara se grupi M23 të merrte pushtetin, konfirmoi se miniera ishte shembur, por nuk dha një numër të viktimave.
Rebelët M23 kanë kapur dy qytetet më të mëdha të Kongos lindore që nga janari në një përshkallëzim të një konflikti të gjatë dhe një betejë për kontrollin e burimeve të mëdha minerale të Kongos, tha agjencia.
Bota
Peskov: Gati të diskutojmë vazhdimin e tranzitit të gazit në Evropë përmes Ukrainës
Published
2 hours agoon
April 25, 2025By
UBTnews
Shitja e gazit është një sipërmarrje tregtare dhe kjo është perspektiva nga e cila Rusia e sheh vazhdimin e mundshëm të tranzitit të gazit në Evropë përmes Ukrainës, tha sot zëdhënësi i Kremlinit, Dmitry Peskov.
Ai deklaroi se kjo është për shkak se kur “ka një shitës gazi, ka edhe blerës të mundshëm”, raportoi Tass.
“Nëse blerësit tregojnë interes, nëse rruga e tranzitit do të funksionojë, atëherë, sigurisht, shitësi do të jetë gati të diskutojë të gjitha këto. Askush nuk mohon apo refuzon asgjë”, tha Peskov.
Ai komentoi spekulimet se transferimi i mundshëm i kontrollit të gazsjellësit në Ukrainë në SHBA do të ishte i dobishëm për Rusinë, duke kërkuar që situata me tranzitin e gazit të mos politizohet.
“Megjithatë, nëse pronari i ri pranon të nënshkruajë një kontratë me Gazprom, ne jemi të gatshëm të negociojmë gazin tonë, sepse është një çështje thjesht komerciale”, tha zëdhënësi i Kremlinit në një intervistë për revistën franceze Le Point.

Çitaku: Detyrë e Vetëvendosjes të gjejë zgjidhje për situatën

Malajzia heq vizat për qytetarët e Kosovës për qëndrime deri në 30 ditë

Fatmir Limaj para seancës konstituive: Nisma nuk ndryshon qëndrim për Haxhiun

Rutte: SHBA-ja dhe aleatët evropianë bien dakord se Rusia është një kërcënim afatgjatë

Zemaj: Me arrogancë nuk ka konsensus institucional

Tahiri: Qëndrimi i PDK-së mbetet i pandryshuar për kryetarin e Kuvendit

Kurti sërish në heshtje para gazetarëve

Rusia paralajmëron Perëndimin: Nëse na sulmojnë, do të përdorim bombën atomike

Ndërto karrierën tënde si profesionist farmaceutik me UBT-në
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore