Lajmet

Osmani ia dorëzon flamurin ekipit Olimpik të Kosovës: Presim suksese sepse jeni ambasadorët e Kosovës

E para e vendit ia dorëzoi flamurin skitarit Albin Tahiri.

Published

on

Presidentja e Republikës së Kosovës, Vjosa Osmani ua ka dorëzuar flamurin ekipit olimpik të Kosovës që do ta përfaqësojnë vendin në Lojërat Olimpike Dimërore “Pekini 2022”

E para e vendit ia dorëzoi flamurin skitarit Albin Tahiri dhe tha se vlerëson lartë punën e bërë nga sportistët të cilët kanë bërë një punë të jashtëzakonshme që Kosova të përfaqësohet në Lojërat Olimpike Dimërore me dy skitarë profesionistë. Ajo shtoi se si Tahiri ashtu edhe Kiana Kryeziu do ta përfaqësojnë Kosovën me nder dhe krenari.

“Jam këtu me ekipin e Republikës së Kosovës i cili do të udhëtojë së shpejti për të marr pjesë në Lojërat Olimpike Dimërore. Dua t’i falënderoj që të gjithë për një punë të jashtëzakonshme që kanë bërë, jo vetëm gjatë tërë këtij viti por për një periudhë të gjatë në mënyrë që tani Kosova të përfaqësohet nga dy skitarë profesionistë. Nga Albin Tahiri i cili ka marrë pjesë edhe më parë në Lojërat Olimpike Dimërore dhe nga Kiana Kryezoi një 17 vjeçare, e para vajzë e cila merr pjesë në Lojëra Olimpike Dimërore dhe arrin normën olimpike. Që të dy do ta përfaqësojnë Republikën e Kosovës me nder e me krenari dhe ashtu sikur të gjithë sportistët tanë do të vazhdojnë të jenë imazhi më i mirë i republikës sonë në botë”, tha Osmani.

Osmani më tutje tha se presin që këta garues të arrijnë suksese në këtë garë dhe kështu të vazhdojnë të jenë ambasadorët më të mirë të Kosovës në evropë dhe botë.

“Ne natyrisht presim suksesin e tyre mirëpo vet përfaqësimi i tyre i deritanishëm është një sukses i jashtëzakonshëm për shtetin tonë sepse sportistët po vazhdojnë të jenë ambasadorët tanë më të mirë në botë edhe në shtetet që nuk na kanë njohur po vazhdojnë ta ngrisin flamurin tonë”, theksoi Osmani.

Ndërsa presidenti i Komitetit Olimpik të Kosovës, Ismet Krasniqi tha me këtë rast se Kosova është bërë pjesë e vetëm 90 shteteve mmë të mira të botës që merr pjesë në këtë garë në Pekin dhe se të pranohet flamuri nga presidentija e Kosovës është një krenari dhe nder ri veçantë.

“Është një rast i veçantë dhe një krenari për në që sot e pranuam nga presidentja flamurin kombëtar të Kosovës dhe besoj që me krenari do ta bartin në shtetin që, siç e ceki presidentja, në shtetin që ende nuk e ka njohur Kosovën dhe të tregojmë që edhe ne kemi garues të cilët vërtetë nga shumë shtete të botës ku mund të cek që në 105 shtete të botës nuk kanë marr norma olimpike dhe nuk janë pjesë e Lojërave Olimpike “Pekini 2022”, pra nga e gjithë bota marrin pjesë vetëm 90 shtete. Nga këto 90 shtete të forta dhe nga kjo konkurenc shumë e madhe i kemi edhe dy sportistë nga Kosova që do të marrin pjesë dhe do ta përfaqësojnë Kosovën në mënyrën më të mirë të mundshme”, tha Krasniqi.

I nderuar me këtë pranim të flamuri u shpreh edhe skitari Albin Tahiri i cili shkurtimisht tha se flamurin e Kosovës e ka në zemër dhe e tregon me krenari.

“Falemnderit presidente. Unë jam shumë krenar. Unë nuk e tregoj flamurin e Kosovës vetëm me dorë, por unë e tregoj flamurin e Kosovës edhe me zemër. Falemnderit shumë”, tha shkurtimisht Tahiri.

Lojërat Olimpike Dimërore do të zhvillohen nga data 4 deri më 20 shkurt.

Aktualitet

Jakup Krasniqit i refuzohet kërkesa për lirim të përkohshëm

Published

on

Gjykata Speciale ka refuzuar kërkesën e Jakup Krasniqit për lirim të përkohshëm, të cilën e kishte parashtruar pas përfundimit të dëgjimit të dëshmitarëve të Prokurorisë.

Kështu ka njoftuar Specialja përmes një njoftimi publik, transmeton Telegrafi.

Në vendimin i cili u bë publik më 11 qershor, nuk ka ende informacione që tregojnë se Krasniqi mund t’i ikë drejtësisë, por ekziston rreziku që ai të pengojë procedurat ose të kryejë krime të tjera ndaj atyre që cilësohen si kundërshtarë të Ushtrisë Çlirimtare të Kosovës (UÇK) duke përfshirë edhe vetë dëshmitarët në këtë çështje.

Ndryshe, Jakup Krasniqi po gjykohet për krime të pretenduara të luftës, bashkë me ish-krerët e tjerë të UÇK-së, Hashim Thaçi Kadri Veseli, Jakup Krasniqi e Rexhep Selimi.

Hashim Thaçi, Kadri Veseli, Jakup Krasniqi e Rexhep Selimi po mbahen në qendrën e paraburgimit në Hagë prej 2020.

Continue Reading

Lajmet

Në ditën e Çlirimit, Ambasada Amerikane nderon qëndrueshmërinë e Kosovës

Published

on

By

Ambasada Amerikane në Kosovë, në përkujtim të 12 Qershorit, ditës kur forcat e NATO-s hynë në Kosovë, theksoi se kjo ngjarje përbën një moment kyç që hapi rrugën drejt paqes dhe mundësoi kthimin e familjeve të zhvendosura.

Në mesazhin e saj, ambasada nderoi qëndrueshmërinë e popullit të Kosovës dhe angazhimin e përbashkët për një të ardhme të sigurt dhe paqësore.

“Sot bëhen 26 vjet nga hyrja e forcave të NATO-s në Kosovë, duke sjellë shpresë, siguri dhe një rrugë drejt paqes. 12 qershori i vitit 1999 ishte një pikë kthese – ajo që lejoi familjet e zhvendosura të ktheheshin dhe komunitetet të fillonin rindërtimin. Në këtë përvjetor, ne nderojmë qëndrueshmërinë e popullit kosovar dhe përkushtimin tonë të përbashkët për të ndërtuar një të ardhme të bazuar në paqe, siguri dhe prosperitet.”

Më 12 qershor 1999, pas përfundimit të fushatës ajrore, forcat paqeruajtëse të udhëhequra nga NATO, KFOR, hynë në Kosovë, duke shënuar fundin e luftës.

Continue Reading

Lajmet

Kurti bën homazhe te varri i Rugovës në Ditën e Çlirimit

Published

on

By

Kryeministri në detyrë, Albin Kurti, së bashku me zëvendëskryeministren Donika Gërvalla dhe ministrin e Brendshëm, Xhelal Sveçla, ka bërë sot homazhe te varri i ish-presidentit Ibrahim Rugova, me rastin e Ditës së Çlirimit.

Kurti e cilësoi Rugovën si një kontribuues të madh për unitetin e popullit dhe ndërkombëtarizimin e çështjes së Kosovës, veçanërisht gjatë viteve ’90.

“Duke vendosur lule të freskëta te varri i presidentit historik, Ibrahim Rugova – një kontribuues i madh për unitetin e popullit dhe për ndërkombëtarizimin e Kosovës dhe çështjes kombëtare në përgjithësi gjatë gjithë viteve të 90-ta – ne shprehim mirënjohje për rolin e tij,” tha Kurti.

Ai shtoi se do të vijojë homazhet edhe te varri i Adem Demaçit dhe më pas në kompleksin memorial Adem Jashari në Prekaz.

“Kësisoj shënojmë edhe gëzimin tonë për çlirim, por edhe kujtesën tonë për ata që punuan dhe sakrifikuan për shtetin që e ndërtojmë dhe e zhvillojmë sot,” u shpreh Kurti para gazetarëve.

Ai nuk pranoi të përgjigjej në pyetjet e tyre.

Continue Reading

Lajmet

Polici Elez Peci dëshmon: Sulmi në Banjskë ishte tipik ushtarak, i trajnuar dhe i financuar mirë nga Serbia

Published

on

By

Në seancën gjyqësore lidhur me rastin “Banjska”, dëshmoi Elez Peci, koordinator në Stacionin Policor të Zveçanit. Ai rrëfeu me emocione ngjarjet e natës së 24 shtatorit 2023, ku mbeti i vrarë rreshteri Afrim Bunjaku.

“Si zyrtar policor ndjehem shumë i lënduar shpirtërisht me humbjen e rreshterit Bunjaku. Edhe pse fizikisht nuk kam pësuar lëndime, emocionalisht ndjehem si palë e lënduar,” tha Peci në sallën e gjykatës.

Ai kujtoi se ndërrimi kishte filluar më 23 shtator në orën 19:00 dhe do të përfundonte në orën 07:00 të mëngjesit. Gjatë patrullimit, përmes radio-lidhjes, u raportua për dy kamionë që kishin bllokuar hyrjen e fshatit Banjskë. Peci ishte pjesë e ekipit që ndërmori veprime së bashku me rreshterin Bunjaku.

Gjatë rrugës drejt Banjskës, ata kishin ndaluar një veturë, në të cilën gjetën një antenë të radio-lidhjes policore. Më pas, u nisën drejt vendit ku pritej përshkallëzimi i situatës.

Kur arritën në Banjskë, policët parkuan automjetet rreth 20 metra larg kamionëve dhe vazhduan në këmbë. “Rruga ishte e ndriçuar në mënyrë të pazakontë, më ngjalli dyshime dhe u thashë kolegëve të shpërndahen, se mund të jetë kurth. Menjëherë pas kësaj ndodhi një përballje shumë e rëndë,” tha ai.

Peci përshkroi të shtënat që vinin nga drejtime të shumta dhe armë të kalibrave të ndryshëm. Sipas tij, sulmi kishte karakter ushtarak dhe ishte i organizuar në mënyrë të sofistikuar.

Në dëshminë e tij, ai rrëfeu momentin kur u plagos rreshteri Bunjaku dhe përpjekjet për ta shpëtuar. “Kur e kam kapur për ta tërhequr, duart më janë nxehur nga gjaku. Ishte një moment i rëndë. E kam vendosur në veturë dhe ia kam larguar anti-plumbin, i cili ishte depërtuar nga predha.”

Peci shtoi se gjuajtjet nuk u ndalën as gjatë përpjekjes për tërheqjen e trupit të Bunjakut. Ai e quajti sulmin një akt të mirëplanifikuar, duke theksuar se armët e përdorura nuk mund të ishin të siguruara në mënyrë të zakonshme.

“Sulmi ishte i natyrës ushtarake, me armë të rënda dhe me pozicione të koordinuara. Nuk kam përjetuar kurrë një situatë të tillë. Armatimi ishte i sofistikuar dhe kjo flet për mbështetje të drejtpërdrejtë nga Serbia,” përfundoi Peci.

Continue Reading

Të kërkuara