Kulturë

Njerëzit janë më të lumtur pa median sociale

Duket se qëndrimi larg Facebook-ut për të paktën një javë na bën më pak të stresuar.

Published

on

Në fakt, sipas një studimi të kryer nga ”Happiness Institute” në Kopenhagë, mospërdorimi i rrjeteve sociale do t’ju ​​ndihmonte të ndiheni më të lumtur, shkruan pazienti.it, transmeton ATSH.

Në veçanti, rezultatet e sondazhit sugjerojnë se si eliminimi i përdorimit të medias sociale nga jeta jonë e përditshme jo vetëm që do të përfitonte disponimin, por do të zvogëlonte ndjenjat si zemërimi dhe vetmia.

Çfarë nxori në pah sondazhi?

Gjatë sondazheve, studiuesit danezë shqyrtuan zakonet e gati 1 000 vullnetarëve. Rreth gjysmës së atyre që morën pjesë në sondazh iu kërkua të “shkëputeshin” nga Facebook për një javë, ndërsa gjysma tjetër e vullnetarëve vazhduan të përdorin median sociale.

Kaluar këtë javë të “agjërimit” nga media sociale, studiuesit u kërkuan vullnetarëve të të dy grupeve të shprehnin lumturinë dhe kënaqësinë e tyre, duke i matur ato në një shkallë nga 1 në 10.

Rezultatet e studimit treguan se ata që vazhduan të përdorin Facebook dhanë një përgjigje mesatare prej 7,67 para testit dhe 7,75 pas: praktikisht e pandryshuar.

Përkundrazi, grupi i përbërë nga ata që shmangën median sociale për një javë ishte padyshim më i lumtur se më parë, duke shkuar nga 7,56 kur ata ishin ende duke përdorur Facebook, në 8,12, java në të cilën u zhvillua kërkimi, pra një ndryshim i rëndësishëm statistikor.

Studiuesit danezë nuk e fshehën “befasinë” për një ndryshim kaq të papritur në shkallën e kënaqësisë së të anketuarve.

Për më tepër, grupimi jo Facebook raportoi rritje të jetës shoqërore “në botën reale” dhe më pak ndjenja të vetmisë. Nëse para testit 81% e këtij grupi e përcaktonin veten si “të lumtur”, pas testit përqindja u rrit në 88%.

Për më tepër, ata në Facebook kanë 55% më shumë shanse të ndihen të stresuar: mbase mund të jetë e mjaftueshme për të harruar ekzistencën e rrjeteve sociale për disa ditë dhe për t’u kthyer përsëri në një jetë “të vërtetë” shoqërore, për të zvogëluar stresin e jetës së përditshme.

Continue Reading

Kulturë

Mbrëmje klasike në Prishtinë: Filharmonia e Kosovës ngjitet në skenë më 17 prill

Published

on

Filharmonia e Kosovës do të rikthehet para publikut më 17 prill 2026 me një koncert të radhës, duke sjellë një program të larmishëm me vepra nga kompozitorë të njohur vendorë dhe ndërkombëtarë.

Në këtë mbrëmje muzikore do të interpretohen vepra nga Baki Jashari, Francis Poulenc dhe Ludwig van Beethoven, duke ofruar një përvojë artistike që ndërthur traditën dhe klasikën botërore me krijimtarinë vendore.

Koncerti do të mbahet në Sallën e Kuqe të Pallatit të Rinisë në Prishtinë, duke filluar nga ora 19:30.

Continue Reading

Kulturë

Koncert solemn në Prishtinë për Shën Nënë Terezën dhe Kardinalin Ernest Simoni

Published

on

Në Katedralen “Shën Nënë Tereza” në Prishtinë u mbajt një koncert solemn, i organizuar në nder të Shën Nënë Terezës, me rastin e 10-vjetorit të shenjtërimit të saj, si dhe për të shënuar 70-vjetorin e shugurimit meshtarak të Kardinalit shqiptar Ernest Simoni.

Ky aktivitet u organizua nga Fondacioni “Kardinal Domenico Bartolucci”, në bashkëpunim me Ipeshkvinë Prizren-Prishtinë, nën patronatin e Ambasadës së Italisë në Prishtinë dhe me mbështetjen e Ministrisë së Kulturës.

Koncerti u hap nga Kori i Katedrales “Shën Nënë Tereza” në Prishtinë, së bashku me sopranon Arta Jashari, të cilët interpretuan veprën “Rri me ne” të kompozitorit Marco Frisina, nën dirigjimin e motrës Lidvina Marku dhe me shoqërim në organo nga Emanuel Mates.

Në vijim, performoi Kori i Fondacionit “Bartolucci”, nën drejtimin e dirigjentit Adriano Caroletti dhe organistit Josep Solé Coll, duke sjellë një program të pasur me vepra me tematikë pashkore, që u prit me emocione të veçanta nga publiku.

Të pranishëm në këtë ngjarje ishin kryeministri i Republikës së Kosovës, Albin Kurti, ministrja e Kulturës, Saranda Bogujevci, Kardinali Ernest Simoni, Ipeshkvi i Kosovës imzot Dodë Gjergji, si dhe përfaqësues institucionalë, diplomatë, artistë dhe besimtarë të shumtë.

Continue Reading

Kulturë

Baleti Kombëtar i Kosovës prezanton “Terminal” për herë të parë në Çeki

Published

on

Baleti Kombëtar i Kosovës ka prezantuar për herë të parë në Republikën e Çekisë shfaqjen “Terminal”, në qytetin e Trutnovit, duke zgjuar interes të veçantë te publiku vendas.

“Terminal”, me koreografi nga Evgeny Kozlov dhe Roland Petite, solli një rrëfim bashkëkohor, i cili u komunikua fuqishëm me audiencën përmes lëvizjes dhe interpretimit artistik.

Në këtë aktivitet mori pjesë edhe ambasadorja e Republikës së Kosovës në Republikën Çeke, Albesjana Iberhysaj Kapitaj, e shoqëruar nga ambasadori i Shqipërisë, Ilir Tepelena, së bashku me diplomatë dhe dashamirë të artit, të cilët e përjetuan nga afër këtë ngjarje kulturore.

Kjo paraqitje shënon një hap të rëndësishëm në promovimin ndërkombëtar të artit kosovar dhe dëshmon rolin e fuqishëm të diplomacisë kulturore në ndërtimin e urave të bashkëpunimit ndërmjet vendeve dhe popujve.

Continue Reading

Kulturë

“Nderi” prezantohet në Prishtinë pas rrugëtimit në festivale ndërkombëtare

Published

on

Pas një rrugëtimi të suksesshëm në festivale të ndryshme ndërkombëtare dhe një prezantimi të mëhershëm në Podgoricë, filmi artistik me metrazh të gjatë “Nderi” u shfaq edhe për publikun në Prishtinë në mbrëmjen e së enjtes. Kjo premierë përkoi simbolikisht me shënimin e 20-vjetorit të pavarësisë së Malit të Zi, vend nga i cili vjen edhe produksioni i filmit.

Me regji të Nikola Vukčević, “Nderi” është rezultat i një pune disavjeçare, që i ka marrë regjisorit rreth tetë vite për ta sjellë në ekran. Filmi ndërton boshtin e tij narrativ mbi Kanunin e Lekë Dukagjinit, duke trajtuar tema të thella si morali, nderi dhe sakrifica.

Ngjarja bazohet në një histori të vërtetë nga periudha e Luftës së Dytë Botërore. Rrëfimi ndjek fatin e një fëmije ortodoks që, duke ikur nga një njësi fashiste, gjen strehim te një familje muslimane shqiptare. Pikërisht në këtë raport zhvillohet drama e filmit, duke vënë në pah besën shqiptare dhe vendosmërinë për të mbrojtur jetën e tjetrit, edhe përballë rrezikut ekstrem.

Në rolet kryesore paraqiten aktorët Edon Rizvanolli, Alban Ukaj, Xhejlane Tërbunja, Selman Jusufi, Nikola Ristanovski, Elez Adžović dhe emra të tjerë të njohur të skenës.

“Nderi” është propozuar nga Qendra e Filmit të Malit të Zi për çmimin Oscar, megjithatë nuk arriti të përfshihet në listën e ngushtë. Pavarësisht kësaj, filmi ka shënuar suksese të rëndësishme ndërkombëtare, duke u vlerësuar me çmime dhe duke u shfaqur në festivale prestigjioze, përfshirë edhe ato të kategorisë A, si në Kajro, Goa dhe Palm Springs.

 

Continue Reading

Të kërkuara