Policia serbe ka arrestuar kryebashkiakun e qytetit të Obrenovcit, Milorad Grcic, si dhe 14 zyrtarë të tjerë të administratës lokale. Grcic, i cili aktualisht mban postin e kryebashkiakut, nuk akuzohet për abuzime në këtë pozicion, por për shpërdorim detyre gjatë periudhës kur ai ishte drejtor i përgjithshëm i Ndërmarrjes Publike të Energjisë Elektrike të Serbisë.

Prokuroria ka njoftuar se Grcic dyshohet për shpërdorim detyre dhe marrje ryshfeti, me një dëm që, sipas hetimeve, kalon shumën prej 1 milion eurosh për shtetin. Ky zhvillim vjen pas paralajmërimeve të bëra nga presidenti i Serbisë, Aleksandër Vuçiç, i cili kishte njoftuar operacione policore kundër korrupsionit vetëm 10 ditë më parë.

Arrestimet kanë shkaktuar reagime të ndryshme, duke përfshirë akuza nga opozita se prokuroria është e lidhur ngushtë me interesat politike të Vuçiç. Ata shohin këto veprime si një mënyrë për të pastruar imazhin politik të presidentit dhe qeverisë.

Kjo ngjarje është pjesë e një fushate më të gjerë të autoriteteve serbe për të luftuar korrupsionin në nivele të ndryshme të administratës publike, megjithatë disa e konsiderojnë këtë si një lëvizje për të arritur qëllime politike./UBTNews/

Parlamenti i Greqisë ka zgjedhur ish-kryetarin e tij, Konstandinos Tasoula, si president të ri të vendit, duke miratuar kandidaturën e propozuar nga qeveria konservatore. Ky post, kryesisht ceremonial, do të mbajë rëndësi simbolike për shtetin, por gjithashtu përfaqëson një hap të rëndësishëm në skenën politike greke.

Vendimi për të nominuar Tasoula ka shkaktuar një reagim të fortë nga protestuesit, të cilët mbajtën demonstrata para parlamentit në muajin e kaluar. Ata kërkuan drejtësi për tragjedinë e vitit 2023, një aksident hekurudhor që mbetet katastrofa më e madhe në historinë e Greqisë. Protestuesit argumentojnë se gjatë periudhës kur Tasoula shërbeu si kryetar i parlamentit, nuk u morën masa për të hetuar përgjegjësitë politike të kësaj fatkeqësie.

Pas shpalljes së rezultatit, Tasoula u shpreh se “presidenca është një nder i madh për mua, por mbi të gjitha, një përgjegjësi e çmuar.” Ai theksoi se do të përkushtohet për t’i shërbyer vendit me seriozitet dhe përkushtim.

Konstandinos Tasoula është anëtar i partisë konservatore “Demokracia e Re” dhe ka shërbyer si ministër i Kulturës gjatë një periudhe të rëndësishme në dekadën e kaluar. Ky emër është parë si një pasues natyral i qeverisë konservatore të djathtë, por emërimi i tij ka përfshirë gjithashtu diskutime të shumta për performancën e tij gjatë periudhës si kryetar i parlamentit, ku disa e akuzojnë për mosmarrjen e veprimeve të duhura pas aksidentit tragjik.

Kjo zgjedhje vjen në një moment të tensionuar për Greqinë, pasi vendi përballet me sfida të rëndësishme, përfshirë kërkesat për drejtësi dhe përgjegjësi për tragjedinë hekurudhore./UBTNews/

Presidentja e Kosovës, Vjosa Osmani, sot është takuar me kryetarin e Komisionit Qendror të Zgjedhjeve, Kreshnik Radoniqi për të diskutuar rreth mbarëvajtjes së procesit zgjedhor.

Sipas njoftimit të presidencës, në këtë takim u diskutua për problemet e evidentuara në platformën elektronike të raportimit të rezultateve.

“Radoniqi sqaroi se KQZ-ja, menjëherë ka ftuar institucionet e sigurisë dhe ato të drejtësisë që të hetojnë problemin dhe se KQZ-ja është në pritje të raportit përfundimtar nga institucionet e sigurisë mbi çështjet e identifikuara që kanë ndikuar në funksionimin e kësaj platforme. Ky raport do të ndihmojë në vlerësimin dhe adresimin e çështjeve të evidentuara, duke siguruar transparencë të plotë mbi arsyet që kanë çuar te ky problem”, thuhet në njoftim.

Osmani është njoftuar nga Radoniqi se KQZ-ja, është duke punuar për të garantuar që çdo votë e dhënë për partitë politike të konfirmohet edhe gjatë procesit të numërimit të votave të kandidatëve.

“Sipas kreut të KQZ-së, ky proces po realizohet me kujdes të shtuar për të siguruar përputhjen e plotë ndërmjet votave të regjistruara në sistem dhe atyre që ndodhen në kutitë e votimit. Që nga dita e zgjedhjeve, presidentja ka qenë në kontakt të vazhdueshëm me kryetarin Radoniqi si dhe institucionet përkatëse të sigurisë dhe ka kërkuar që të ndërmerren të gjitha masat e nevojshme për të mbrojtur procesin zgjedhor dhe për të garantuar respektimin e plotë të vullnetit të qytetarëve duke rikonfirmuar çdo votë edhe nëpërmjet numërimit manual, përveç atij të bërë në sistemin elektronik”, përfundon njoftimi.

Në Departamentin Special ka nis seanca gjyqësore ndaj Dibran Hoxhaj i njohur si “Kobra”, Roland Susuri, Arben Vezaj, Burim Mazreku dhe Jesmir Badalli lidhur me akuzat për rastin e vrasjes së V.C., më 3 janar 2023 në lokalin “Kobra City” në Prizren.

Në seancën e sotme pritet të dëgjohen katër dëshmitarë të Prokurorisë.

Por, Alketa Sadiku dhe Hasime Idrizi përkundër urdhrit të sjelljes me shoqërim të Policisë së Kosovës, nga ky institucion kryetari i trupit gjykues, Kujtim Krasniqi tha se Deri tani Policia nuk e ka njoftuar për mos zbatim të urdhëresës.

Ndërsa, aktualisht po dëgjohet dëshmitari Liridon Ajazi.