Lajmet
Ministri Liburn Aliu viziton rrugën Podujevë – Prishtinë, zotohet në intensifikimin e punimeve
Ministri i Infrastrukturës, Liburn Aliu, ka vizituar sot punimet në magjistralen Podujevë – Prishtinë, ku është pritur nga kryetari i Podujevës, Shpejtim Bulliqi dhe deputetë llapjanë, njofton Llapi.info.
Me këtë rast, Aliu është zotuar se do t’i intensifikojnë punimet në këtë rrugë për t’u kryer sa më parë. Kështu ka në një postim në Facebook, kreu i Komunës, Shpejtim Bulliqi.
“Sot kam pritur në takim Ministrin e Infrastrukturës, Liburn Aliu, me të cilin kemi biseduar për realizimin e projekteve infrastrukturore në Komunën e Podujevës”.
” Bashkë me ministrin Aliu kemi dalur në terren, të shoqëruar edhe nga drejtori komunal i Urbanizmit, Bujar Hasani dhe drejtori i Shërbimeve Publike, Fevzi Jetullahu, si dhe katër deputetët e Kuvendit të Kosovës, Fatmir Humolli, Fitim Haziri, Vendenis Lahu dhe Driton Hyseni fillimisht kemi inspektuar segmentin e rrugës magjistrale Prishtinë-Podujevë, ku kanë ngecur punimet në projektin e zgjerimit të kësaj rruge. Me këtë rast ministri Aliu u zotua se do të intensifikohen punimet në realizimin e këtij projekti.”
“Po ashtu vizituam edhe rrugën që shpie te Burgu i Sigurisë së Lartë në Gërdoc, e cila gjithashtu është shumë e dëmtuar dhe kërkohet intervenim i shpejtë në asfaltimin e saj. Gjithashtu vizituam rrugët në fshatrat Lluzhan, Letanc dhe Herticë të cilat janë asfaltuar më herët, por që punët nuk janë kryer si duhet”, ka shkruar Bulliqi.
Punimet për zgjerimin e rrugës nacionale Podujevë – Prishtinë, ende nuk janë kryer, ani pse të njëjtat ka më shumë se pesë vjet që kanë nisur.
Zgjerimi dhe asfaltimi i saj është bërë pjesë-pjesë, ndërkohë që tashmë janë asfaltuar pak llote dhe kanë përfunduar vetëm 10 kilometra./Llapi.info
Kryetari i i Lidhjes Demokratike të Kosovës (LDK), Lumir Abdixhiku, ka pritur sot në Selinë Qendrore të partisë ambasadorin britanik në Kosovë, Jonathan Hargreaves.
Gjatë këtij takim, Abdixhiku njofton se e ka informuar ambasadorin për ecurinë pozitive të fushatës zgjedhore, projektet ambicioze që LDK-ja synon të realizojë dhe përkushtimin për të rikthyer pozicionin ndërkombëtar të Kosovës në rast se merr drejtimin e qeverisë pas zgjedhjeve të 9 shkurtit.
“Në Selinë Qendrore të LDK-së, në këtë kohë fushate, prita ambasadorin britanik, Jonathan Hargreaves. Ambasadorin e njoftova për momentumin e mirë të fushatës sonë; për rrjedhën e tubimeve impresive si dhe për pritjet tona për ndryshim! E njoftova dhe për projektet e mëdha kapitale, që do t’i realizojmë! U zotova që pas 9 shkurtit, me LDK-në udhëheqëse të Qeverisë së Re, Republika e Kosovës do të rikuperojë pozicionin e saj ndërkombëtar, siç dhe do të avancojë interesat tona strategjike. Mbretëria e Bashkuar është aleat strategjik i Republikës sonë; dhe për gjithë kontributin e dhënë në çdo etapë, falenderova ambasadorin sot!”, shkruan Abdixhiku.
Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.
Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.
Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/
Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/
Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.
Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.
Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/
Përgatitja profesionale e studentëve të kontabilitetit përmes aktiviteteve praktike në UBT
Abdixhiku pas takimit me Hargreaves: Kosova do të rikuperojë pozicionin e saj ndërkombëtar
Sërish lëkundje të forta tërmeti në Greqi, ja ku ishte epiqendra
Shpërthim në një minierë në Poloni, plagosen 16 punëtorë
Emmanuel Macron u bën thirrje vullnetarëve të rinj për të ‘përforcuar’ ushtrinë franceze
Trump: Nëse Elon Musk do të blejë TikTok-un e mirëpres këtë vendim pozitiv
Huamarrja në Mbretërinë e Bashkuar arrin nivelin më të lartë në katër vjet
Scholz dhe Macron takohen pas kthimit të Trump në Shtëpinë e Bardhë
Haradinaj takon Serwer: Kosova të rikthehet në partneritetin strategjik me aleatë
-
Bota3 months agoTrump premton paqe në Liban nëse rikthehet në Shtëpinë e Bardhë
-
Bota3 months agoKoreja e Veriut rrit frikën në botë, lëshon raketën e re balistike ndërkontinentale
-
Bota2 months ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months agoRektori Hajrizi: Çdo sukses i joni është një sukses për Kosovën!