Aktualitet

Mblidhet Këshilli i Sigurimit Kombëtar, Begaj: Krah Kosovës për ruajtjen e integritetit territorial

U fol po ashtu edhe për situatën e sigurisë së Shqipërisë gjatë vitit që lamë pas.

Published

2 years ago

January 23, 2023

Betim Gashi

Është mbledhur Këshilli i Sigurimit Kombëtar të Shqipërisë, ku presidenti Bajram Begaj tha se Shqipëria qëndron në krah të Kosovës për ruajtjen e paprekshmërisë dhe integritetit territorial.

“Shqipëria në krah të Kosovës për ruajtjen e paprekshmërisë dhe integritetit territorial të saj”, tha ai.

Gjatë kësaj mbledhjeje ku do të analizohet gjendja e sigurisë kombëtare dhe prioritetet për vitin 2023, u fol po ashtu edhe për situatën e sigurisë së Shqipërisë gjatë vitit që lamë pas.

Begaj tha se viti që lamë pas ishte i vështirë dhe sfidues për sigurinë kombëtare. Ai përmendi edhe sulmin kibernetik nga hakerët iranianë, për të cilin tha se shkaktoi probleme në infrastrukturat digjitale.

Sa i përket agresionit të paligjshëm të Rusisë ndaj Ukrainës, presidenti shqiptar tha se ka shkaktuar krizën më të madhe të sigurisë në hapësirën euro-atlantike.

Related Topics:Bajram Begaj KOSOVA shqiperia

Up Next

Reforma e pensionimit në Francë: Qeveria paraqet programin në Këshillin e Ministrave

Don't Miss

Pas thirrjeve që Gjermania të dërgojë tanke në Ukrainë, Rusia dëbon ambasadorin e Estonisë

Aktualitet

Parashikimi i motit për sot

Published

46 minutes ago

May 1, 2025

Albina Zeneli

Sot mbi vendin tonë pritet të mbaj mot pjesërisht i kthjellët.

Temperaturat minimale do të sillen nga 10°C deri në 18 °C.

Edhe nesër, me datë 2 maj do të mbajë mot pjesërisht i ngjashëm me temperatura nga 10 deri në 20°C. /UBT News/

Aktualitet

Aksident trafiku në Klinë të Ulët, një e vdekur dhe katër të lënduar

Published

17 hours ago

April 30, 2025

Albina Zeneli

Një aksident trafiku ndodhi sot në rrugën rajonale Mitrovicë – Skenderaj, pikërisht në fshatin Klinë e Ulët.

Policia e Kosovës njoftoi se në aksident u përfshinë dy vetura, ku si pasojë e lëndimeve të pësuara humbi jetën viktima një femër rreth 65 vjeçare, ndërsa u lënduan edhe katër persona të tjerë, të cilët u dërguan për mjekim në Spitalin Rajonal të Mitrovicës.

Aktualitet

Punëtorët e KEK-ut protestojnë më 1 maj

Published

23 hours ago

April 30, 2025

Albina Zeneli

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Aktualitet

Zhduket një person në Shtime

Published

23 hours ago

April 30, 2025

Albina Zeneli

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është larguar nga shtëpia dhe nuk është kthyer më.

Rasti vazhdon të hetohet.