Lajmet

MAShTI lanson pakon “Module tematike për mbrojtjen e fëmijës”

Kjo pako përmban 12 module.

Published

1 year ago

September 25, 2023

Betim Gashi

Ministria e Arsimit, Shkencës, Teknologjisë dhe Inovacionit ka lansuar pakon e moduleve për mbrojtjen e fëmijëve, e mbështetur nga Care International në Ballkan, organizata SIT dhe YMCA, përmes fondeve nga Bashkëpunimi Austriak për Zhvillim. Kjo pako përmban 12 module, të cilat trajtojnë çështjen e mbrojtjes së fëmijëve në internet, promovimin e barazisë gjinore, parandalimin e dhunës në familje, trafikimit të fëmijëve, gjuhës së urrejtjes, martesave të hershme, etj.

Në ceremoninë e lansimit të “Module tematike për mbrojtjen e fëmijëve”, ministrja e Arsimit, Arbërie Nagavci e vlerësoi si ngjarje me rëndësi publikimin e këtij materiali, pasi sipas saj shtron rrugën për mbështetje institucionale në mbrojtjen e secilit fëmijë.

“Sot po e shënojmë finalizimin e një pune të madhe, e cila i ka në qendër më të vegjlit dhe më të dashurit tanë. Lansimi i pakos së moduleve tematike për mbrojtjen e fëmijës është një ngjarje me rëndësi të veçantë, sepse shtron rrugën për mbështetje institucionale në mbrojtjen e secilit fëmijë… Ministria e Arsimit e ka parim kyç sigurinë dhe mbrojtjen e fëmijëve ndaj çdo dukurie negative dhe ofrimin e një mjedisi të sigurt për ta. Në këtë frymë është hartuar edhe kjo pako udhëzuese për mbrojtjen e fëmijëve dhe me anë të këtyre moduleve MASHT-i synon që asnjë fëmijë të mos e braktisë shkollimin por të vijojë mësimin e sigurt dhe me kushte sa më të mira e me kënaqësi për ta”, tha Nagavci.

Realizimin e kësaj pakoje me modulet për mbrojtjen e fëmijës e ka mbështetur edhe organizata për Sistemin Informativ të Tregut në Kosovë (SIT).

Drejtori ekzekutiv i organizatës, Kadri Gashi derisa falënderoi të gjitha ata që kanë kontribuuar në realizmin e këtij projekti, tha se kanë për qëllim t’iu mundësojnë të rinjve të promovojnë stile të shëndetshme të jetës jo të dhunshme dhe të barabarta gjinore.

“Qëllimi i këtij programi ka qenë programi i vitit 2007 kur është filluar për herë të parë në Ballkan dhe ka vazhduar në Kosovë, ku qëllimin kryesor e ka pasur programi për parandalimin e dhunës në baza gjinore dhe njëkohësisht iniciativa për thyerjen e qëndrimeve apo sjelljeve për të arritur barazinë gjinore ndërmjet të rinjve dhe të rejave. Ajo që jemi munduar vazhdimisht ta bëjmë në bashkëpunim me të gjithë institucionet deri më tash ka qenë integrimin i edukimit për shkathtësitë të jetës në kurrikulat shkollore në shkollat e mesme dhe shkollat fillore në mënyrë që të mundësojmë që të rinjtë të përdorin dhe të promovojnë stile të shëndetshme të jetës jo të dhunshme dhe të barabarta gjinore, të cilat kontribuojnë në një shoqëri paqësore”, tha Gashi.

Ndërkaq, edhe organizata YMCA dha mbështetje në krijimin e këtyre moduleve.

Drejtoresha ekzekutive në këtë organizatë, Dorina Gllogjani potencoi se përmes këtij doracaku të rinjtë dhe mësimdhënësit do të kenë mundësi të përfitojnë dhe të jenë kontributdhënës të shëndoshë në shoqëri.

“Si organizatë jemi shumë të lumtur që po e shënojmë sot përfundimin e një procesi mjaftë të gjatë për institucionalizimin e programit Y, i cili është një nga modulet të përfshira në këtë paketë, dhe fillimin e një procesi të ri, implementimin e këtij programi në më shumë qytete nga më shumë mësimdhënës tek më shumë të rinj. Në mënyrë që më shumë të rinj dhe komunitete të kenë mundësi të përfitojnë nga përvoja e gjatë dhe e dëshmuar e programit Y…Prandaj, edhe si organizatë implementuese jemi të sigurt që përmes këtyre moduleve edhe më shumë të rinj në më shumë qytete, më shumë mësimdhënës do të kenë mundësi të përfitojnë të jenë më të përgatitur për jetë, do të jenë kontributdhënës të shëndoshë në shoqëri”, potencoi Gllogjani.

E për programin në përgjithësi foli përfaqësuesja e Care International Balkans në Kosovë, Rita Berisha.

“Ky projekt që po zhvillohet tash e 17 vite ka mbulueshmëri gjithëpërfshirëse ngase ne punojmë me shkollat fillore, shkollat e mesme, universitetet, stafin mësimdhënës, të rinjtë në rrezik duke përfshirë qendrat korrektuese, punëtorët social, prindërit e gazetarët. Jemi mëse të lumtur për bashkëpunimin që kemi ndërtuar me ministritë e arsimit në rajon ky program ‘Y’ është i akredituar në Kosovë qysh nga viti 2012. Programi ‘Y’ fokusohet në pesë fusha kryesore: luftimi i stereotipeve gjinore, parandalimi i dhunës duke përfshirë dhunën seksuale, shëndetin seksual e riprodhues dhe parandalimin e alkoolit dhe abuzimit me droga. Në përgjithësi programi në rajon ka arritur 130 mijë të rinj, 1800 staf mësim dhënës duke bërë ndryshim të rëndësishëm në mjedisin e përgjithshëm të shkollave dhe të rinjve që kanë qenë pjesë e programit”, tha Berisha.

Autore të doracakut “Module tematike për mbrojtjen e fëmijës” janë Merita Januzi, Azize Sekiraqa, Shqipe Gashi dhe Habibe Buzuku.

Related Topics:masht Ministria e Arsimit

Up Next

Afrim Bunjaku shpallet hero i Kosovës

Don't Miss

Zhvillimet në veri, policia në orën 14:30 prezanton armët e konfiskuara

Bota

Ish-udhëheqësi i Hezbollah do të varroset të dielën

Published

20 hours ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

20 hours ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

20 hours ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

21 hours ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.