Kulturë

Martohet fituesja e çmimit Nobel për Paqe, Malala

Ajo u martua me Asser Malik.

Published

on

Fituesja e çmimit Nobel për Paqe, Malala Yousafzai është martuar me partnerin e saj gjatë një ceremonie islamike në Birmingham, përcjell UBT News.

Aktivistja 24-vjeçare tha se ishte “një ditë e çmuar” në jetën e saj.

“Asser [Malik] dhe unë u martuam për të qenë partnerë për tërë jetën”, shkroi ajo në Twitter, duke treguar se si ata kishin realizuar në një “ceremoni të vogël nikkah me familjen”.

Malala, tani 24 vjeçe, ishte 15 vjeç kur u vu në shënjestër nga talibanët në Pakistan pasi kishte folur për të drejtën e vajzave për t’u arsimuar.

Ajo i mbijetoi sulmit, në të cilin një militant hipi në autobusin e saj të shkollës në luginën veriperëndimore Swat dhe hapi zjarr, duke plagosur dy nga shoqet e saj të shkollës si dhe vet Malalën, transmeton UBT News.

Pasi u shërua nga plagët e saj gati fatale, ajo dhe familja e saj u zhvendosën në Birmingham, të cilin më vonë e quajti “një shtëpi e dytë”. Në moshën 17-vjeçare, ajo u bë personi më i ri që fitoi Çmimin Nobel për Paqen.

Ajo vazhdoi të studionte në Universitetin e Oksfordit dhe është bërë një aktiviste kryesore për të drejtat e njeriut.

Që nga diplomimi, Malala ka bërë thirrje për mbështetje më të madhe për refugjatët afganë, nënshkroi një kontratë me Apple TV+ për të prodhuar dokumentarë dhe u shfaq në kopertinën e British Vogue, të gjitha duke vazhduar punën e saj për të përmirësuar aksesin e vajzave në arsim./UBTNews/

Magazinë

Liam Neeson zbulon kolegët ‘e bezdisshëm’: S’do të punoja kurrë me ta

Published

on

Për Liam Neeson, një nga aftësitë më të mira që duhet të ketë një aktor është përpikëria. Në një intervistë për Rolling Stones, ylli i kinemasë i cili po promovon filmin e ri, “The Naked Gun”, ku luan krah Pamela Anderson, foli rreth aftësive që ka fituar gjatë karrierës.

Ai nuk hezitoi ‘të qortonte’ një kategori të caktuar kolegësh pasi tha se “nuk do të punonte kurrë” me ta.

“Me aktrimin, je gjatë gjithë kohës duke zbuluar. Më kupton ç’dua të them? Nuk ndihem kurrë sikur ia kam dalë. Ka gjëra për të mësuar, me aktorë dhe aktore të ndryshëm që punon. Siç thashë më herët, përpiqem të jem i vërtetë e të mbërrij në kohë. Kjo është e rëndësishme. Dëgjoj histori shqetësuese për aktorë dhe aktore që janë të talentuar, por vijnë në sheshxhirim me dy, tri apo katër orë vonesë. Nuk do të punoja kurrë me këta njerëz. Mendoj se është shumë ofenduese.”

Sigurisht Neeson nuk përmendi emra, por pranoi se përpikëria është thelbësore.

“Shumë e rëndësishme, mendoj. Ke një ekip prej  60, 70, 80 vetash që të presin ty. Më e pakta që mund të bësh është t’i respektosh duke ardhur në kohë.

Përndryshe, “The Naked Gun” debutoi në kinema fundjavën e shkuar. Neeson vjen në rolin e Frank Drebin Jr., i cili njësoj si babai i tij i cili luhej nga Leslie Nielsen, shkakton rrëmuja dhe të qeshura.

Continue Reading

Magazinë

Rikthehet seriali i shumëpritur Wednesday, publikohet pjesa e parë e sezonit të dytë

Published

on

Pas suksesit të jashtëzakonshëm që pushtoi ekranet dhe zemrat e miliona fansave, Wednesday rikthehet me sezonin e dytë – dhe këtë herë është më i errët, më i ndërlikuar dhe më misterioz se kurrë më parë.

Pjesa e parë e këtij sezoni të ri publikohet sot, më 6 gusht, duke hapur një kapitull të ri në jetën e enigmatikes Wednesday Addams. Me stil akoma më gotik dhe atmosferë që të mban pezull që nga minuta e parë, sezoni i dytë premton të zbulojë sekrete të fshehta e ngjarje që trondisin botën e Nevermore Academy.

Ky serial që ka bërë namin global, do të jetë në dispozicion në platformën e njohur Netflix, fansat do të kenë mundësinë të zhytën në botë të errët e tension.

Por, pritja nuk mbaron këtu! Pjesa e dytë e sezonit do të publikohet më 3 shtator, duke sjellë një vazhdimësi të ngjarjeve që premtuan të jenë edhe më emocionuese, plot kthesa dhe mistere që do t’i mbajnë të gjithë në ankth deri në fund.

Nëse menduat se e njihnit Wednesday, kjo rikthim do t’ju bindë se errësira vetëm sa ka filluar.

Continue Reading

Magazinë

Unaza mijëradollarëshe e Zendayas shkëlqen në krah të Tom Holland

Published

on

Zendaya ka mahnitur fansat teksa është parë me unazën e saj verbuese të fejesës, me vlerë 200 mijë dollarë, gjatë një shëtitjeje të qetë në Richmond Park me të fejuarin e saj Tom Holland.

Çifti, që u fejua gjatë festave të fundvitit, u takua për herë të parë në xhirimet e “Spider-Man” më 2016, që atëherë janë kthyer në një nga çiftet më të dashura të Hollywood-it.

Veshur thjesht dhe të buzëqeshur, ata kaluan kohë të qetë, teksa po përgatiten të ndajnë edhe një herë ekranin, këtë herë në projektin e Christopher Nolan, “Odisea”, shkruan DailyMail. Tom do të interpretojë Telemakun, djalin e Odiseut, ndërsa roli i Zendayas ende mbahet sekret.

Ajo është parë së fundmi duke xhiruar në ishujt italianë, duke ngjallur spekulime për rolin e Athinës, Kalipsos apo Nausicaas.

Filmi, i bazuar në poemën epike të Homerit, pritet të jetë më i kushtueshmi në karrierën e Nolan, me një buxhet prej 250 milionë dollarësh dhe xhirime në Greqi, Marok, Itali, Islandë dhe SHBA.

“Odisea” do të jetë filmi i parë i xhiruar me teknologjinë e fundit IMAX e pritet të dalë në kinematë botërore më 17 korrik 2026. Filmi përfshin një kast të jashtëzakonshëm si Matt Damon, Anne Hathaway, Charlize Theron, Robert Pattinson dhe më shumë.

Vetëm dy javë pas premierës së “Odiseas”, Zendaya dhe Tom Holland do të rikthehen edhe një herë si çifti ikonik në “Spider-Man: Brand New Day”.

Continue Reading

Lifestyle

Sot është Dita Ndërkombëtare e Motrave

Published

on

Dita Ndërkombëtare e Motrave është në datën 6 gusht dhe të gjitha nxitojnë të bëjnë surpriza e dhurata të bukura, por ekzistojnë disa gjëra që duhet të dini.

Të kesh një motër është gjëja më e bukur që mund të të ketë falur jeta, ajo është gjithmonë mikesha më e mirë.

Nuk ka rëndësi kush është më e madhe ose më e vogël, motra është gjithmonë aty për të dëgjuar ulërimën tënde, për të veshur rrobat e tua, për të dëgjuar deri në fund dhe për të ditur çdo sekret tëndin që mund ta kesh.

1. Krijuesi i Ditës Ndërkombëtare të Motrave nuk është identifikuar, por kërkimet kanë nisur që në 2012.

2. Një studim i 1996 tregon se fëmijët kalojnë kohë me motrat e vëllezërit më sshumë se me cdo njeri tjetër, përfshirë veten.

3. Serena dhe Venus Williams kanë luajtur kundër njëra-tjetrës rreth 28 herë dhe kanë fituar 3 medalje të arta olimpike së bashku.

4. Pippa Middleton thotë se marrëdhënia e saj me dukeshën Kate vazhdon të jetë e ngushtë, pavarësisht titullit të saj mbretëror.

Nëse po shqetësoheni për vëllain tuaj pasi nuk dini kur të festoni me të, mos u shqetësoni. Ekziston edhe Dita Ndërkombëtare e Vëllezërve që është në datën 24 maj.

Continue Reading

Të kërkuara