

Bota
Macron u largua nga SHBA-ja me “shumë pak shpresë” për përparim në mosmarrëveshjen e tarifave
Published
3 months agoon
By
UBTnewsPresidenti francez, Emmanuel Macron, ka deklaruar se ai u largua nga Washingtoni me “shumë pak shpresë” për zgjidhjen e mosmarrëveshjes së tarifave me SHBA-në, duke përmendur keqkuptimet themelore në qasjen tregtare të administratës amerikane.
“Unë personalisht e kisha ngritur çështjen e tarifave gjatë dhe pas këtij udhëtimi, duke deklaruar se diskutimi ka qenë i vështirë dhe se po largohesha me shumë pak shpresë“, tha Macron gjatë një konference të përbashkët për media me kryeministrin portugez, Luis Montenegro.
Macron tha se diskutimet me zyrtarët amerikanë kanë qenë të vështira, veçanërisht në lidhje me pretendimin e Washingtonit se tarifa e vlerës së shtuar evropiane (TVSH) funksionon si tarifë.
“Kjo është faktikisht e pasaktë“, tha ai, duke shpjeguar se TVSH-ja vlen njësoj si për mallrat vendase ashtu edhe për ato të importuara.
Macron paralajmëroi se tarifat dëmtojnë të gjitha palët duke nxitur inflacionin dhe argumentoi se SHBA-ja nuk ka përfituar prej tyre.
Ai kritikoi gjithashtu perceptimin amerikan për një deficit të madh tregtar me Evropën, duke e quajtur atë të ekzagjeruar.
“Deficiti tregtar i SHBA-së me Evropën është rreth 50 miliardë euro, një çekuilibër relativisht i vogël në kontekstin e marrëdhënieve tona tregtare vjetore prej 1,5 trilion eurosh“, tha ai.
Ai gjithashtu e lidhi mosmarrëveshjen me shqetësime më të gjera gjeopolitike, duke theksuar se vendosja e tarifave ndërsa Evropa rrit investimet e saj në mbrojtje do të ishte një gabim strategjik.
Ai paralajmëroi se nëse SHBA do të vazhdojë me tarifa të reja për produktet evropiane në prill, BE do të përgjigjet me masa reciproke.
“Ne nuk mund të lejojmë të dukemi të dobët përballë masave të tilla“, tha ai.
Përtej tregtisë, Macron vuri në dukje një ndryshim më të gjerë në politikën e jashtme të SHBA-së, duke theksuar tërheqjen e Washingtonit nga Afganistani dhe shkëputjen në Siri si shenja të një orientimi afatgjatë drejt Kinës dhe Indo-Paqësorit.
“Për shtatë vjet, unë kam mbrojtur sovranitetin evropian dhe autonominë strategjike” tha ai, duke shtuar se Evropa tani duhet të ndërmarrë veprime vendimtare për të reduktuar varësitë e saj dhe për të forcuar aftësitë e saj mbrojtëse, teknologjike dhe ekonomike.
“Përgjigja e vetme është të bëhemi më të fortë” tha Macron, duke theksuar rëndësinë e samiteve të ardhshme evropiane për mbrojtjen, sigurinë dhe konkurrencën.

Presidenti amerikan Donald Trump ka thënë se Apple duhet të prodhojë iPhone-t e saj në Shtetet e Bashkuara të Amerikës ose do të përballet me tarifë 25 për qind.
“Kam informuar Tim Cook të Apple shumë kohë më parë se pres që iPhone-ët të shiten në Shtetet e Bashkuara të Amerikës dhe të prodhohen në SHBA, jo në Indi apo kudo tjetër. Nëse nuk është kështu, Apple do të duhet të paguajë një tarifë prej të paktën 25% për Shtetet e Bashkuara,” shkroi Trump në Truth Social, raporton KosovaPress.
Gjatë vizitës së tij në Lindjen e Mesme javën e kaluar, Trump shprehu pakënaqësinë me planin e Apple për të prodhuar iPhone në objektet e reja të ndërtuara në Indi.
Apple ka punuar për të diversifikuar prodhimin vitet e fundit dhe disa prodhime të iPhone tashmë janë zhvendosur në Indi.
Kryeshefi i kompanisë Tim Cook tha gjatë një telefonate me investitorët në fillim të muajit se ai pret që “shumica e iPhone-ve të shitur në SHBA do të kenë Indinë vend të origjinës”.
Cook shtoi se Apple pret kosto doganore deri në 900 milionë dollarë këtë tremujor.
Muajin e kaluar, Trump vendosi të përjashtojë pajisjet elektronike nga tarifat e rënda që vendosi për mallrat kineze, gjë që ishte një fitore e madhe për Apple dhe kompanitë e tjera amerikane të teknologjisë.
Tim Cook takoi Trump të martën në Shtëpinë e Bardhë, konfirmoi një zyrtar i administratës për CNN, por nuk zbuloi detaje.
Bota
Presidentja e Sllovenisë akuza Izraelit për gjenocid në Gaza
Published
2 days agoon
May 23, 2025By
UBTnews
Presidentja e Sllovenisë, Natasa Pirc Musar, ka bërë një deklaratë të fortë në Parlamentin Evropian, duke e cilësuar ofensivën e Izraelit në Gaza si “gjenocid”. Në fjalimin e saj të mbajtur gjatë vizitës së parë zyrtare në Bruksel, ajo shprehu shqetësim të thellë për situatën humanitare në Lindjen e Mesme dhe kritikoi heshtjen e bashkësisë ndërkombëtare.
“Ky është gjenocid,” deklaroi Pirc Musar. “Unë do të guxoj ta them këtë këtu dhe sot, në Parlamentin Evropian. Ne jemi dëshmitarë të gjenocidit. Po e shohim, po e shikojmë dhe po heshtim.”
Presidentja sllovene dënoi qartë veprimet izraelite në Gaza, ku, sipas saj, që nga fillimi i marsit deri në këtë javë, Izraeli ka bllokuar ndihmën humanitare, duke thelluar tragjedinë humanitare. Ajo theksoi se, ndonëse shtetet anëtare të BE-së kanë qëndrime të ndryshme për konfliktin, asnjë vend nuk duhet të harrojë detyrimet që rrjedhin nga ligji ndërkombëtar humanitar.
Konflikti në Lindjen e Mesme ishte ndër temat kryesore të takimeve të saj me presidentin e Këshillit Evropian, Charles Michel, dhe presidenten e Komisionit Evropian, Ursula von der Leyen. Të dy liderët, sipas Pirc Musar, e siguruan se Bashkimi Evropian do të angazhohet më fuqishëm në nismat për paqe dhe stabilitet në rajon.
Një tjetër çështje qendrore e vizitës së presidentes sllovene në Bruksel ishte zgjerimi i BE-së. Ajo e quajti këtë proces një “domosdoshmëri gjeopolitike dhe detyrim moral”, duke theksuar nevojën për përshpejtimin e integrimit të Ballkanit Perëndimor, Ukrainës dhe Moldavisë.
Pas takimit me komisioneren për zgjerimin, Marta Kos, Pirc Musar tha se ndajnë të njëjtin vizion për zgjerimin si një investim strategjik në paqe, stabilitet dhe të ardhme të përbashkët evropiane.
Deklaratat e saj në Bruksel pritet të nxisin debat në rrafshin diplomatik, sidomos për tonin e saj të hapur dhe akuzat e drejtpërdrejta ndaj Izraelit, një vend tradicionalisht i mbështetur nga disa shtete anëtare të BE-së. Ndërkohë, Pirc Musar ka theksuar nevojën për një Evropë më të bashkuar, më të ndjeshme ndaj të drejtave të njeriut dhe më aktive në skenën ndërkombëtare.
Bota
Lavrov: Vatikani i papërshtatshëm për bisedimet e paqes
Published
2 days agoon
May 23, 2025By
UBTnews
Ministri i Jashtëm rus, Sergei Lavrov nuk e sheh Vatikanin si një vend të përshtatshëm për negociata të reja për t’i dhënë fund luftës së Moskës kundër Ukrainës. Lavrov tha se opsioni i Vatikanit nuk ishte realist për Moskën.
“Imagjinoni Vatikanin si një vend për negociata. Është disi e pahijshme kur vendet ortodokse diskutojnë çështje në një platformë katolike që kanë të bëjnë me eliminimin e shkaqeve të konfliktit”, tha Lavrov.
Presidenti amerikan, Donald Trump ka sugjeruar Vatikanin si vendin e negociatave – pas një bisede telefonike me presidentin rus Vladimir Putin.
Lavrov tha se kishte “spekulime” rreth asaj se kur dhe ku mund të organizohej një takim i ri i përfaqësuesve nga Rusia dhe Ukraina.
Ministri i Jashtëm, Lavrov akuzoi Kievin se kërkon të shkatërrojë Kishën Ortodokse të Ukrainës.
“Mendoj se nuk do të ishte shumë e këndshme për Vatikanin të priste delegacione nga dy vende ortodokse në këto rrethana”, tha ai./atsh
Bota
Trump rekomandon tarifa prej 50% për importet e BE-së duke filluar nga 1 qershori
Published
2 days agoon
May 23, 2025By
UBTnews
Presidenti i SHBA-së, Donald Trump ka rekomanduar që eksportet nga Bashkimi Evropian në Shtetet e Bashkuara të Amerikës – t’i nënshtrohen një tarife prej 50%, sipas një postimi në “Truth Social”.
“Blloku, i cili u formua me qëllimin kryesor për të përfituar nga Shtetet e Bashkuara të Amerikës në TREGTI, ka qenë shumë i vështirë për t’u trajtuar”, tha Trump duke kritikuar BE-në.
“Barrierat e tyre të fuqishme Tregtare, Taksat e TVSH-së, Gjobat qesharake të Korporatave, Barrierat Tregtare Jo-Monetare, Manipulimet Monetare, paditë e padrejta dhe të pajustifikuara kundër Kompanive Amerikane dhe më shumë”, tha presidenti amerikan duke përshkruar një listë të gjatë ankesash.
Presidenti Trump tha se bisedimet tregtare me Brukselin “nuk po shkonin gjëkundi” dhe se për këtë arsye ai kërkonte një tarifë të drejtpërdrejtë prej 50% për të gjitha importet e BE-së – duke filluar nga 1 qershori.
Trump – siç ka bërë në postime të tjera – rreth politikave të tij të diskutueshme tregtare, u kujtoi lexuesve se nuk ka tarifë nëse një produkt prodhohet në SHBA./atsh

Rosie O’Donnell flet pas humbjes në peshë: S’më besohet që jam unë

Kjo është anija më e madhe në botë në formë breshke që do të mbajë 60 mijë pasagjerë

Filmi “Nobody 2”, i mbushur me skena aksion

Arsyet pse kafeja mund t’ju bëjë të ndjeni të përziera

Nicole Kidman flet rrallëherë për vajzat: “Jam shumë pranë tyre, ndajmë gjithçka”

Doktorët bëjnë apel: Mos rrini në dush më shumë se 20 minuta!

Prindërit miliarderë të Nicola Peltz paditen për neglizhencë, ish-punonjësja kërkon 75,000 dollarë dëmshpërblim

Pronarja e një Fiat 500 zbulon një hapësirë sekrete brenda kabinës për ruajtjen e gjësendeve

Jennifer Lopez shqetëson fansat pas aksidentit në hundë, pak para AMA 2025
Të kërkuara
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur