Lajmet

Kushte të mira për afganët në Bondsteel

Published

4 years ago

September 8, 2021

Betim Gashi

Kushtet brenda kampit Bondsteel janë të mira dhe të përshtatshme për banim, ngase kjo hapësirë është dedikuar për strehimin e mbi 2 mijë banorëve afganë, që pritet të vijnë në Kosovë pas konfliktit në këtë shtet.

Imami kosovar Labinot Maliqi në një intervistë për Ekonomia Online, ka folur për vizitën që ka bërë në këtë kamp. Ai tregoi detajet atë që ka parë aty nga tendat e vendosura për këta banorë, duke vënë në pah kushtet shumë komode dhe rregullimin deri në detaje që nga fjetja e deri të ushqimi.

“Ushtria Amerikane është duke rregulluar përbrenda kampet apo tendat përbrenda Bondsteel, për ti sitemuar refugjatët afganë që do të vinë e ku do të jenë mbi 2 mijë refugjatë. Unë isha i nderuar që do të jem pjesë e një vizite duke parë punën e madhe që e kanë bërë kundrejt këtyre personave, dhe ajo punë është bërë në mënyrë profesionale. Konsideroj një nga vizitat më historike të mijat dhe mjaftë emocionale sepse nuk kishte mbetur detaj që nuk ishte përfshirë e për të ja bërë më të rehatshme gjendjen dhe fjetjen e jetesën në ato kampe. Pra nuk mungon as sa i përket fjetjes, ushqimit githashtu janë kujdesur edhe për një aspekt të veçantë pasi e dimë se shumica e tyre janë të besimit islam dhe janë të vendosura disa tenda me mundësi të i kryejnë ritualet e tyre fetare, e kujdes i veçantë i është kushtuar edhe ushqimit”, deklaroi ai.

Tutje Maliqi thotë se kjo do ndikojë shumë edhe në imazhin e vendit dhe se tashmë një pjesë e banorëve afganë veçse janë sistemuar.

“Një pjesë e tyre veçse janë sistemuar, pra të qenurit refugjatë është një ndjenjë që e kemi përjetuar edhe ne si popull, por fatkeqësisht shumica prej nesh edhe e kemi harruar dhe jo vetëm ndjenjën e të qenurit refugjatë por edhe plagët që vazhdojmë ti kemi të hapura nga okupatori serb dhe gjithëçka që na është shkaktuar para dy dekadave. Pra populli afganë e sidomos ata refugjatë që tashmë i kemi në vendin tonë qeveria e Kosovës i ka mirëkpritur dhe kjo ndikon ën imazhin e vendit e edhe në aspektin ballkanas dhe ndërkombëtar”, deklaroi Maliqi.

Madje ai shton se nuk duhet harruar që një gjendje të tillë kanë pasur edhe populli ynë dekada më parë dhe se pritja e respekti ndaj tyre është i nevojshëm.

“Populli afganë duhet të trajtohet pa marrë parasysh se nga vimë, të çfarë kulture apo çfarë besimi kanë dhe meritojnë respekt dhe të ndihmohen, e ne e dimë se shumica prej tyre janë larguar për një jetë më të mirë sikurse populli jonë që kanë shumë shpresa dhe shikojnë çdo derë për të arritur qëllimet e tyre”, shtoi ai.

Maliqi është optimist se ambientimi i qytetarëve afganë do jetë shumë i shpejtë.

“Sa i përket ambientimit nuk mendoj që do merr shumë kohë dhe se shumë shpejtë do mësohen, dhe detyra jonë është që t’ia hapim këtë derë dhe të mos jenë të mbyllur, pasi edhe ata kanë kaluar një sprovë të madhe në jetë”, përfundoi ai.

Në Kosovë deri me tani janë strehuar 683 shtetas afganë që ikën nga Afganistani pasi militantët talibanë morën kontrollin e shtetit.

Ministri i Brendshëm, Xhelal Sveçla ka thënë se qëndrimi i afganëve në territorin e Kosovës do të jetë shumë i përkohshëm, duke thënë se mund të jetë vetëm çështje javësh para se ata të dërgohen në ShBA apo ndonjë vend tjetër anëtar i NATO-s.

Vendi

Votohet Qeveria Kurti me 66 vota pro

Published

12 minutes ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

35 minutes ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

2 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

4 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.