Lajmet

Kandidati i LDK-së plane për rritjen e hapësirave publike: Prishtina duhet t’i kthehet qytetarit

Published

5 years ago

on

Kandidati për kryetar të komunës së Prishtinës nga Lidhja Demokratike e Kosovës, Përparim Rama në një intervistë për Ekonomia Online, tha se Prishtina ka probleme me menaxhimin, derisa shton se ka ardhur koha që ai të udhëheq me kryeqytetin.

Për Ramën padyshim që është nderë i madh për të garuar si shërbëtor i parë i kryeqytetit, derisa gjatë intervistës tregon edhe momentin që ka marr ftesën për të parin e Prishtinës.

“Është kënaqësi me qenë këtu në Prishtinë dhe me garua si shërbëtor i parë i kryeqytetit , kur kam marrë ftesën ka qenë një nder i madh dhe e kam ndier si obligim për arsye se kryeqyteti ka problematika të shumta të cilat kërkojnë zgjidhje të menjëhershme, mirëpo është edhe nder i madh kur dikush të fton dhe beson se mundesh me bë një ndryshim pozitiv për të mirën e qytetit, për të mirën e banorëve të këtij qyteti dhe për këtë arsye jam ardhur këtu”.

Mes tjerash, ai ka thënë se Prishtina ka potencial për zhvillim të mirëfilltë, e që sipas tij zonat urbane dhe ato rurale duhet të trajtohen ashtu siç duhet, në mënyrë që të krijohen hapësira publike në kryeqytet.

Ai po e konsideron që hapësira publike duhet t’i kthehen qytetarit të Prishtinës, që të ndihet i sigurt në rrugë.

“Prishtina ka një potencial të madh, Prishtina ka potencial për zhvillim të mirëfilltë në çdo aspekt, dhe unë Prishtinën e shoh që zona qendër, zona urbane dhe ato rurale duhet të trajtohen si një organizëm, duhet ta shohim komunën e Prishtinës si një tërësi dhe duhet t’i fuqizojmë fshatrat dhe të krijojmë hapësira publike në qendër të Prishtinës, duhet t’i kthejmë hapësirat publike qytetarit të Prishtinës, që ai të ndihet i sigurt në rrugë edhe prej qenve endacakë, mirëpo edhe prindërit me fëmijët e tyre të ecin shlirshëm nëpër rrugë dhe duhet që hierarkinë e cila për momentin ekziston në qendër të Prishtinës të ndryshojë në të mirë e qytetarit të Prishtinës”.

Ai për EO ka shpalosur idenë e tij për kryeqytetin. Rama thekson se me ekipin e tij të gjitha hapësirat publike do të transformohen në të mirën e qytetarëve, që Prishtina të shndërrohet me karakter unik në botë.

“Ka mënyra të ndryshme se si ne mundemi me krijua këtë hierarki ose me bë ndryshimin, për momentin ne e shohim të definuar si qendra e Prishtinës vetëm sheshin ‘Nëna Terezë’. Zona qendrore, rruga ‘Agim Ramadani’ që sillet te Xhamia e Llapit e shkon aty te Tulltorja kthehet mbrapa pas Pallatit të Rinisë, shkon te rrethi për Mitrovicë, pastaj tangjetohet me stacionin e autobusëve edhe vjen te Termokosi e prapë mandej te Ulpiana e vazhdon prapë te rruga ‘Agim Ramadani’, e gjithë kjo pjesë unë me ekipin tim e shohim si qendra e Prishtinës, ku kemi mundësi që ta transformojmë dhe ta bëjmë këtë ndryshim ku qytetari është i pari”.

“Të gjitha hapësirat publike të transformohen në të mirën e qytetarit, ku prindërit të ndihen të shlirshëm dhe të vrapojnë nëpër këto zona. Edhe të moshuarit tonë të kenë vende ku të ulen e të pushojnë, ku ndodh jeta edhe gjatë kohës së verës e gjithë kjo hapësirë të shndërrohet në një pjesë të festivaleve, të festave të ndryshme, të kemi edhe zona të mira për art e kulturë, dhe ta shndërrojmë Prishtinën me karakter unik në botë”.

“Prishtina duhet t’i kthehet qytetarit, e t’i kthehet shpirti të cilin e ka ai karakteri unik në botë”, tha ai për EO.

Related Topics:
Continue Reading

Vendi

Presidentja Shiroka-Pula priti në takim kryeministrin Kurti: Kosova nuk ka kohë për të humbur

Published

29 minutes ago

on

October 8, 2026

By

Presidentja e Kosovës, Justina Shiroka-Pula, ka pritur sot në takim kryeministrin Albin Kurti. Pas takimit, Kurti u shpreh se pas bllokadës së gjatë politike, institucionet duhet të bashkëpunojnë ngushtë për t’u përballur me sfidat e shumta shtetërore.

“Kosova më në fund ka institucione funksionale dhe tash nuk kemi kohë për të humbur. Presim punë të mëdha e të përditshme në interes të të gjithë qytetarëve”, deklaroi kryeministri Kurti, duke e falënderuar presidenten për pranimin e kandidaturës.

Justina Shiroka-Pula u zgjodh presidente me 81 vota në Kuvend pas marrëveshjes mes Lëvizjes Vetëvendosje dhe Partisë Demokratike të Kosovës. Si hap të parë pas marrjes së detyrës, ajo zhvilloi homazhe në Prekaz, si dhe te varret e ish-presidentit Ibrahim Rugova dhe veprimtarit Adem Demaçi. /E.A/

Continue Reading

Lajmet

Presidentja e re nis zyrtarisht detyrën: Homazhe në Prekaz, te varri i Rugovës dhe Demaçit

Published

2 hours ago

on

October 8, 2026

By

Me të marrë detyrën si Presidente e Republikës së Kosovës, Justina Shiroka Pula, ka zhvilluar homazhe në Kompleksin Memorial “Adem Jashari” në Prekaz, te varri i Presidentit historik, dr. Ibrahim Rugova, dhe te varri i veprimtarit Adem Demaçi.

Në Prekaz, Presidentja Shiroka Pula nderoi sakrificën sublime të familjes Jashari dhe veprën e komandantit legjendar Adem Jashari.

“Prekazi mbetet simbol i qëndresës dhe sakrificës së pashembullt për atdheun”, tha Presidentja.

Ndërsa, gjatë homazheve te varri i Presidentit historik, dr. Ibrahim Rugova, ajo vlerësoi urtësinë dhe vizionin me të cilin ai e udhëhoqi Kosovën në një nga periudhat më vendimtare të historisë së saj.

“Trashëgimia e tij politike dhe vizioni për një Kosovë të lirë, demokratike dhe të orientuar drejt botës perëndimore janë udhërrëfyes për ne”, theksoi Presidentja Shiroka Pula.

Te varri i veprimtarit Adem Demaçi, Presidentja nderoi jetën dhe veprën e tij, duke theksuar se ai ia kushtoi një jetë të tërë lirisë dhe dinjitetit të popullit të Kosovës.

“Me vendosmërinë dhe sakrificën e tij, Demaçi u bë simbol i qëndresës dhe i mosnënshtrimit përballë padrejtësisë”, u shpreh ajo.

Presidentja Shiroka Pula theksoi se nderimi i këtyre figurave është edhe një rikujtim i themeleve mbi të cilat është ndërtuar shteti i Kosovës, i sakrificës, vizionit dhe qëndresës së brezave.

/E.A/

Continue Reading

Vendi

Sindikata e Trepçës alarmon për sigurinë: Kërkohen hetim dhe investime pas bllokimit të minatorëve

Published

2 hours ago

on

October 8, 2026

By

Sindikata e Pavarur e Minatorëve të Trepçës ka reaguar ashpër pas incidentit të së mërkurës, ku 63 minatorë mbetën të ngujuar për disa orë në nëntokë si pasojë e një defekti elektrik.

Përmes një komunikate për media, Sindikata e ka cilësuar rastin si një “alarm serioz” që nuk guxon të kalojë në heshtje, duke theksuar se nuk mund të pritet tragjedia për të marrë masa. Përfaqësuesit e minatorëve kërkojnë nga institucionet përgjegjëse një hetim të plotë e transparent, përcaktim të përgjegjësive, si dhe vlerësim urgjent të gjendjes së pajisjeve, infrastrukturës dhe rrugëve të emergjencës.

Sindikata njoftoi se ka ngritur vazhdimisht shqetësimet për pajisjet e vjetruara, rreziqet profesionale dhe mungesën e investimeve nga shteti, duke kërkuar ndërhyrje të menjëhershme në mënyrë që punëtorët të mos vazhdojnë të punojnë çdo ditë me frikën se një defekt teknik mund t’u rrezikojë jetën. /E.A/

Continue Reading

Lajmet

Prof. Alban Kuriqi, i pari në Kosovë për ndikimin shkencor gjatë karrierës dhe ndër universitetet private shqipfolëse në rajon për vitin 2025 

Published

2 hours ago

on

October 8, 2026

By

Prof. Alban Kuriqi, nga UBT, renditet i pari në Kosovë për ndikimin shkencor gjatë karrierës dhe i pari ndër studiuesit e identifikuar të universiteteve private shqipfolëse në Kosovë, Shqipëri dhe Maqedoninë e Veriut për ndikimin shkencor gjatë vitit 2025, sipas një analize krahasuese të të dhënave ndërkombëtare Stanford/Elsevier.

Prof. Kuriqi rezulton gjithashtu i vetmi studiues i identifikuar nga universitetet private të Kosovës në të dyja kategoritë e analizuara, që përfshijnë ndikimin shkencor gjatë vitit 2025 dhe ndikiminshkencor përgjatë karrierës. Në krahasimin me studiuesit e identifikuar nga të gjitha universitetet e Kosovës, ai renditet i dyti për ndikimin shkencor gjatë vitit 2025.

Këto rezultate bazohen në përditësimin e vitit 2026 të databazës Updated Science-Wide Author Databases of Standardized Citation Indicators, e cila mbështetet në të dhënat bibliometrike të Scopus dhe vlerëson ndikimin shkencor përmes treguesve të standardizuar të citimeve.

Kontributi shkencor dhe rëndësia për UBT-në 

Veprimtaria kërkimore e Prof. Kuriqit përqendrohet në inxhinierinë hidraulike, menaxhimin e burimeve ujore, hidroenergjetikën, ndryshimet klimatike, ekohidrologjinë dhe restaurimin e lumenjve. Përmes publikimeve dhe bashkëpunimeve ndërkombëtare, ai kontribuon në kërkimin shkencor për sigurinë ujore, qëndrueshmërinë mjedisore dhe përshtatjen ndaj ndryshimeve klimatike.

Ky pozicionim përfaqëson një arritje individuale të rëndësishme dhe kontribuon në forcimin e profilit kërkimor dhe dukshmërisë ndërkombëtare të UBT-së.

Rreth databazës Stanford/Elsevier 

Databaza paraqet dy kategori të ndikimit shkencor: ndikimin gjatë një viti kalendarik (single-year) dhe ndikimin gjatë karrierës (career-long). Vlerësimi mbështetet në treguesin e përbërë të citimeve (c-score), i cili merr parasysh citimet, bashkautorësinë dhe pozicionin e autorit në publikime.

Burimi: Ioannidis, J. P. A. (2026). August 2026 data-update for Updated Science-Wide Author Databases of Standardized Citation Indicators. Elsevier Data Repository, Version 9.

 

Continue Reading

Të kërkuara