Lajmet

Kushte të mira për afganët në Bondsteel

Publikuar

3 vjet më parë

më

Kushtet brenda kampit Bondsteel janë të mira dhe të përshtatshme për banim, ngase kjo hapësirë është dedikuar për strehimin e mbi 2 mijë banorëve afganë, që pritet të vijnë në Kosovë pas konfliktit në këtë shtet.

Imami kosovar Labinot Maliqi në një intervistë për Ekonomia Online, ka folur për vizitën që ka bërë në këtë kamp. Ai tregoi detajet atë që ka parë aty nga tendat e vendosura për këta banorë, duke vënë në pah kushtet shumë komode dhe rregullimin deri në detaje që nga fjetja e deri  të ushqimi.

“Ushtria Amerikane është duke rregulluar përbrenda kampet apo tendat përbrenda Bondsteel, për ti sitemuar refugjatët afganë që do të vinë e ku do të jenë mbi 2 mijë refugjatë. Unë isha i nderuar që do të jem pjesë e një vizite duke parë punën e madhe që e kanë bërë kundrejt këtyre personave, dhe ajo punë është bërë në mënyrë profesionale. Konsideroj një nga vizitat më historike të mijat dhe mjaftë emocionale sepse nuk kishte mbetur detaj që nuk ishte përfshirë e për të ja bërë më të rehatshme gjendjen dhe fjetjen e jetesën në ato kampe. Pra nuk mungon as sa i përket fjetjes, ushqimit githashtu janë kujdesur edhe për një aspekt të veçantë pasi e dimë se shumica e tyre janë të besimit islam dhe janë të vendosura disa tenda me mundësi të i kryejnë ritualet e tyre fetare, e kujdes i veçantë i është kushtuar edhe ushqimit”, deklaroi ai.

Tutje Maliqi thotë se kjo do ndikojë shumë edhe në imazhin e vendit dhe se tashmë një pjesë e banorëve afganë veçse janë sistemuar.

“Një pjesë e tyre veçse janë sistemuar, pra të qenurit refugjatë është një ndjenjë që e kemi përjetuar edhe ne si popull, por fatkeqësisht shumica prej nesh edhe e kemi harruar dhe jo vetëm ndjenjën e të qenurit refugjatë por edhe plagët që vazhdojmë ti kemi të hapura nga okupatori serb dhe gjithëçka që na është shkaktuar para dy dekadave. Pra populli afganë e sidomos ata refugjatë që tashmë i kemi në vendin tonë qeveria e Kosovës i ka mirëkpritur dhe kjo ndikon ën imazhin e vendit e edhe në aspektin ballkanas dhe ndërkombëtar”, deklaroi Maliqi.

Madje ai shton se nuk duhet harruar që një gjendje të tillë kanë pasur edhe populli ynë dekada më parë dhe se pritja e respekti ndaj tyre është i nevojshëm.

“Populli afganë duhet të trajtohet pa marrë parasysh se nga vimë, të çfarë kulture apo çfarë besimi kanë dhe meritojnë respekt dhe të ndihmohen, e ne e dimë se shumica prej tyre janë larguar për një jetë më të mirë sikurse populli jonë që kanë shumë shpresa dhe shikojnë çdo derë për të arritur qëllimet e tyre”, shtoi ai.

Maliqi është optimist se ambientimi i qytetarëve afganë do jetë shumë i shpejtë.

“Sa i përket ambientimit nuk mendoj që do merr shumë kohë dhe se shumë shpejtë do mësohen, dhe detyra jonë është që t’ia hapim këtë derë dhe të mos jenë të mbyllur, pasi edhe ata kanë kaluar një sprovë të madhe në jetë”, përfundoi ai.

Në Kosovë deri me tani janë strehuar 683 shtetas afganë që ikën nga Afganistani pasi militantët talibanë morën kontrollin e shtetit.

Ministri i Brendshëm, Xhelal Sveçla ka thënë se qëndrimi i afganëve në territorin e Kosovës do të jetë shumë i përkohshëm, duke thënë se mund të jetë vetëm çështje javësh para se ata të dërgohen në ShBA apo ndonjë vend tjetër anëtar i NATO-s.

Etiketa
Vazhdo të lexosh

Lajmet

Osmani në bisedë telefonike me presidentin gjerman flasin për anëtarësimin e Kosovës në KiE

Publikuar

32 sekonda më parë

më

15 Maj, 2024

nga

Presidentja e Kosovës, Vjosa Osmani, ka zhvilluar bisedë telefonike me presidentin e Gjermanisë, Frank-Walter Steinmeier.

Në këtë bisedë sipas presidentes Vjosa Osmani është diskutuar për aplikimin e Kosovës për anëtarësim në Këshill të Evropës.

“Dje, kam biseduar me presidentin e Gjermanisë, Frank-Ëalter Steinmeier, për të diskutuar për anëtarësimin e Kosovës në Këshill të Evropës. E kam cekur rëndësinë kritike për përfundimin e suksesshëm të këtij procesi, për të siguruar që gjithë qytetarët tanë të përfitojnë sa më shpejt të jetë e mundur nga instrumentet e Këshillit. Anëtarësimi ynë nuk do të ishte fitore vetëm për të drejtat e njeriut në Kosovë, por edhe fitore për kontinentin tonë dhe vlerat mbi të cilat qëndron fuqishëm”, ka shkruar presidentja Vjosa Osmani në rrjetin social X.

Ndryshe ditë më parë, Gjermania e Franca e kanë kushtëzuar anëtarësimin e Kosovës në Këshill të Evropës me dërgimin në Kushtetuese të drafstatutit të Asociacionit të komunave me shumicë serbe.

Vazhdo të lexosh

Lajmet

SHBA do të konfiskojë asetet ruse për të financuar rindërtimin e Ukrainës

Publikuar

13 minuta më parë

më

15 Maj, 2024

nga

Sekretari amerikan i Shtetit, Antony Blinken e rikonfirmoi se Shtetet e Bashkuara të Amerikës synojnë të përdorin asetet ruse të konfiskuara për të siguruar fonde për rindërtimin e Ukrainës.

“Kongresi ynë na ka dhënë fuqinë për të konfiskuar asetet ruse në Shtetet e Bashkuara. Ne synojmë t’i përdorim ato”, tha Blinken gjatë një fjalimi në Institutin Politeknik Igor Sikorsky në Ukrainë.

“Atë që Putini shkatërroi, Rusia duhet të paguajë për ta rindërtuar”, tha Blinken, teksa shtoi se SHBA po punon me vendet e tjera të G7-ës për të bërë të njëjtën gjë me “asetet sovrane të palëvizshme të Rusisë”.

“G7 mund të zhbllokojë miliarda dollarë dhe t’i dërgojë një mesazh të fuqishëm Putinit se koha nuk është në anën e tij”, tha Blinken./UBTNews/

Vazhdo të lexosh

Lajmet

“Nuk jeni vetëm”, i thotë Blinken Ukrainës

Publikuar

26 minuta më parë

më

15 Maj, 2024

nga

Gjatë vizitës së tij në Ukrainë, Sekretari amerikan i Shtetit, Antony Blinken shprehu mbështetjen e plotë të administratës së Bidenit për Ukrainën.

“Erdha në Ukrainë me një mesazh. Nuk jeni vetëm”, tha Blinken.

Fjalimi i tij erdhi pasi Kongresi dhe Shtëpia e Bardhë miratuan një paketë prej 60 miliardë dollarësh ndihmë për Ukrainën dhe BE-ja miratoi një paketë financiare prej 54 miliardë dollarësh.

Blinken fokusoi pjesën më të madhe të fjalimit të tij në ndërtimin e infrastrukturës së sigurisë dhe ekonomike në Ukrainë për të hapur një rrugë drejt pranimit në NATO.

“Kur të mbajmë Samitin e Uashingtonit në muajin korrik, ne do të ndërmarrim hapa të prekshëm për të rritur rolin e NATO-s në ndërtimin e një force elastike, të aftë ukrainase, duke mbështetur reformat e saj të vazhdueshme që po integrojnë Ukrainën në aleancë”, tha Blinken./UBTNews/

Vazhdo të lexosh

Lajmet

​Kurti takohet me partnerët e koalicionit, diskutojnë për zhvillimet aktuale dhe procesin zgjedhor

Publikuar

47 minuta më parë

më

15 Maj, 2024

nga

Kryeministri i Republikës së Kosovës, Albin Kurti të martën në mbrëmje u takua me bashkëdrejtuesit e Partisë Guxo, njëherësh zëvendëskryeministren dhe ministren e Punëve të Jashtme dhe Diasporës, Donika Gërvalla, ministrin e Bujqësisë, Pylltarisë dhe Zhvillimit Rural, Faton Peci, si dhe Kryetaren e Alternativës dhe njëherësh Kryetaren e Grupit Parlamentar të Lëvizjes Vetëvendosje, Mimoza Kusari Lila.

Sipas njoftimit të lëshuar nga zyra e kryeministrit, gjatë darkës u diskutua mbi zhvillimet aktuale, arritjet dhe sfidat e përmbushjes së agjendës legjislative si dhe planet për të ardhmen, me fokus në agjendën legjislative në interes shtetëror dhe përtej vijave ndarëse politike.

Në takim po ashtu u trajtuan edhe kërkesat dhe qëndrimet e opozitës aktuale në Kuvendin e Kosovës lidhur me procesin zgjedhor.

“Aty u theksua se duke qenë se legjislativi dhe qeverisja kanë arritur në vitin e katërt të mandatit, është e kuptueshme se procesi zgjedhor është çështje e muajve, por që dakordimi për hapat e mëtutjeshëm duhet të jetë në përputhje me vullnetin e qytetarëve të Republikës si dhe harmonizimin e plotë të kërkesës së partive opozitare karshi pozitës në Kuvend. Vetëm atëherë mund të trajtohen seriozisht nismat për diskutime të procesit të ri zgjedhor”, thuhet në njoftim.

Partnerët e koalicionit qeverisës, sipas komunikatës u shprehën të gatshëm dhe tërësisht të bindur se vlerat e kultivuara të demokracisë dhe progresi i deritanishëm i Qeverisë do të vazhdojë bashkë me përcaktimin për shtet demokratik të zhvilluar, me sundim të rendit dhe ligjit dhe për integrim në strukturat veri atlantike.

Vazhdo të lexosh

Të kërkuara