Botë

Kufizimi i kujdesit shëndetësor për të rinjtë transgjinorë, gjykata bllokon Trump

Published

9 months ago

on

Një gjykatës federal të enjten bllokoi përkohësisht urdhrin ekzekutiv të Presidentit Donald Trump që synonte kufizimin e kujdesit shëndetësor për procesin e ndryshimit të gjinisë për personat transgjinorë nën moshën 19 vjeç.

Vendimi i gjyqtarit erdhi pasi një padi u ngrit në fillim të këtij muaji në emër të familjeve me fëmijë transgjinorë, të cilët pretendojnë se kujdesi i tyre shëndetësor është komprometuar me urdhër të presidentit. Një organizatë kombëtare për familjet e anëtarëve të komunitetit LGBTQ+ dhe një organizatë mjekësh janë gjithashtu palë në padinë gjyqësore, një nga shumë paditë që kundërshtojnë një nga urdhrat e shumtë ekzekutivë që ka firmosur Presidenti Trump.

Gjykatësi Brendan Hurson, i emëruar në këtë detyrë nga ish-Presidenti Joe Biden, pranoi kërkesën e paditësve për një urdhër ndalimi të përkohshëm, pas një seance dëgjimore në gjykatën federale në Baltimorë. Vendimi, në fuqi për 14 ditë, e vendos në thelb në pritje direktivën e Presidentit Trump, ndërsa çështja vazhdon. Urdhri i ndalimit gjithashtu mund të zgjatet.

Menjëherë pas marrjes së detyrës, Presidenti Trump nënshkroi një urdhër ekzekutiv që udhëzonte programet federale të sigurimeve për të përjashtuar mbulimin për kujdesin për ndryshimin e gjinisë. Kjo përfshin programin Medicaid, i cili mbulon shërbime të tilla në disa shtete, dhe programin TRICARE për familjet e ushtarakëve. Urdhri i Presidentit Trump i bëri thirrje gjithashtu Departamentit të Drejtësisë që të ngrinte me përparësi padi gjyqësore dhe të hartonte legjislacionin për ta kundërshtuar këtë praktikë.

Padia përfshin disa rrëfime nga familjet për anulim të takimeve me mjekët, pasi institucionet mjekësore po reagojnë ndaj direktivës së re.

Avokatët e paditësve argumentojnë se urdhri ekzekutiv i Presidentit Trump është “i paligjshëm dhe antikushtetues”, sepse kërkon të ndalojë fondet federale të autorizuara më parë nga Kongresi dhe sepse shkel ligjet kundër diskriminimit, ndërsa shkel të drejtat e prindërve.

Ashtu si sfidat ligjore ndaj ndalimeve shtetërore për kujdesin për ndryshimin e gjinisë, padia gjithashtu pretendon se politika është diskriminuese, sepse lejon fondet federale të mbulojnë të njëjtat trajtime, kur ato nuk përdoren për tranzicionin gjinor.

Disa spitale ndaluan menjëherë kujdesin për ndryshimin e gjinisë, përfshirë recetat për ilaçet që bllokojnë pubertetin dhe terapinë hormonale, ndërsa po vlerësojnë se si ndikon tek ata urdhri i ri.

Qasja e Presidentit Trump për këtë çështje përfaqëson një ndryshim të papritur nga administrata e ish-Presidentit Biden, e cila kërkoi të zgjeronte në veçanti mbrojtjen e të drejtave civile për personat transgjinorë. Presidenti Trump ka përdorur gjuhë të fortë në kundërshtimin e kujdesit për ndryshimin e gjinisë, duke thënë pa paraqitur prova se “profesionistët e mjekësisë po gjymtojnë dhe sterilizojnë një numër në rritje fëmijësh mbresëlënës, nën pretendimin radikal dhe të rremë se të rriturit mund të ndryshojnë seksin e një fëmije”.

Organizatat e mëdha mjekësore si Shoqata Mjekësore Amerikane dhe Akademia Amerikane e Pediatrisë mbështesin qasjen në kujdesin shëndetësor për ndërrimin e gjinisë.

Të rinjtë që identifikohen vazhdimisht si të një gjinie që ndryshon nga seksi në lindje, së pari vlerësohen nga një ekip profesionistësh. Disa mund të provojnë një tranzicion shoqëror, ku përfshihet p.sh. ndryshimi i modelit të flokëve, ose se si iu drejtohen të tjerët. Disa më vonë mund të marrin edhe ilaçe për bllokimin e pubertetit, ose hormone. Kirurgjia është jashtëzakonisht e rrallë për të miturit.

Related Topics:
Continue Reading

Lajmet

30 vite nga nënshkrimi i Marrëveshjes së Dejtonit

Published

1 day ago

on

November 21, 2025

By

Sot mbushen tri dekada nga nënshkrimi i Marrëveshjes së Paqes për Bosnjë dhe Hercegovinë, njohur si Marrëveshja e Dejtonit.

Marrëveshja u nënshkrua në bazën ushtarake amerikane “Wright Peterson” në Ohajo, më 21 nëntor 1995.

Një nga parimet kryesore të kësaj marrëveshje, ishte në ndarjen e BeH në 51 për qind në territorin e Federatës së BeH-së dhe 49 për qind në Republikën Serbe.

Nënshkruesit u zotuan për të rregulluar marrëdhëniet e ndërsjella sipas Kartës së Kombeve të Bashkuara, Aktin Final të Helsinkit dhe dokumentet e tjera të OSBE-së, si dhe respekt reciprok për sovranitetin dhe zgjidhjen e kontesteve në mënyrë paqësore.

Ky dokument mundësoi që t’i jepet fund luftës disa vjeçare, ku kishin humbur jetën më shumë 300 mijë qytetarë të BeH-së, e cila luftë kishte filluar pas shpalljes së pavarësisë së Bosnjës nga Jugosllavia.

Agresioni u krye nga Ushtria e Jugosllavisë që udhëhiqej nga Serbia, në mbështetje të serbëve të Bosnjës, që synonin ta mbanin nën kontrollin e tyre territorin e BeH-së./S.K/KP/

Continue Reading

Lajmet

​SHBA bojkoton samitin G20 në Afrikën e Jugut

Published

1 day ago

on

November 21, 2025

By

SHBA-ja nuk do të merr pjesë në samitin G20 më 22-23 nëntor në Afrikën e Jugut, deklaroi zëdhënësja e Shtëpisë së Bardhë, Karoline Leavitt.

Vërejtjet e saj erdhën pasi presidenti i Afrikës së Jugut Cyril Ramaphosa tha se SHBA dhe Afrika e Jugut po diskutojnë pjesëmarrjen e Uashingtonit në samit pas një ndryshimi të mendjes.

“Do të isha e lumtur të shpjegoja pasi nuk ka ndonjë ndryshim. Shtetet e Bashkuara nuk po marrin pjesë në bisedimet zyrtare në G20 në Afrikën e Jugut. E pashë presidentin e Afrikës së Jugut duke folur pak kundër Shteteve të Bashkuara dhe Presidentit të Shteteve të Bashkuara më herët sot, dhe kjo gjuhë nuk vlerësohet nga presidenti ose ekipi i tij”, tha Leavitt.

“Ambasadori ose përfaqësuesi i Ambasadës në Afrikën e Jugut është thjesht atje për të njohur se Shtetet e Bashkuara do të jenë pritësit e G20; ata po e marrin atë përshëndetje në fund të ngjarjes, ata nuk janë atje për të marrë pjesë në bisedime zyrtare pavarësisht asaj që presidenti i Afrikës së Jugut po pretendon në mënyrë të rreme”, shtoi ajo.

Afrika e Jugut është vendi i parë afrikan që udhëheq G20, pasi mori presidencën vjetore me rotacion të grupit dhjetorin e kaluar.

Marrëdhëniet midis Uashingtonit dhe Pretorisë zyrtare kanë qenë të ftohta pas mosmarrëveshjeve mbi disa çështje të jashtme dhe të brendshme. Më parë këtë muaj, Trump tha se asnjë zyrtar amerikan nuk do të merrte pjesë në samitin e Johanesburgut, duke akuzuar Afrikën e Jugut për “abuzime me të drejtat e njeriut” kundër afrikano-amerikanëve të bardhë.

Afrika e Jugut ka hedhur poshtë vazhdimisht akuzat, duke thënë se pretendimet për persekutim sistematik ose konfiskime tokash që synojnë afrikano-amerikanët e bardhë nuk mbështeten nga provat./S.K/KP/

Continue Reading

Lajmet

​41 të vdekur e 9 të zhdukur pas përmbytjeve në Vietnamin qendror

Published

1 day ago

on

November 21, 2025

By

41 persona vdiqën dhe nëntë të tjerë konsiderohen si të zhdukur pas përmbytjeve që shkatërruan Vietnamin qendror këtë javë.

Departamenti i Menaxhimit të Digave dhe Parandalimit të Fatkeqësive Natyrore njoftoi se më shumë se 52 mijë shtëpi u përmbytën dhe mijëra hektarë me të mbjella, së bashku me bagëti dhe shpendë, u humbën gjithashtu nga ujërat e përmbytjeve.

Media lokale VN Express njofton se provincat pësuan më shumë viktima si Dak Lak me 16 vdekje, dhe Khanh Hoa me 14 vdekje.

Më shumë se një milion klientë mbetën pa energji elektrike për shkak të motit të keq, megjithëse energjia elektrike është rikthyer që atëherë në rreth 600 mijë familje.

Gjithashtu, mbi 140 rrëshqitje toke ndodhën në rrugët provinciale dhe personeli me oficerë policie janë vendosur për t’iu përgjigjur situatës./S.K/EO/

Continue Reading

Lajmet

Zjarr në samitin COP30, pjesëmarrësit në bisedimet për klimën u evakuuan

Published

1 day ago

on

November 21, 2025

By

Pjesëmarrësit në samitin e OKB-së për klimën COP30 janë evakuuar pasi mbrëmë një zjarr shpërtheu në një pavijon në Belem – Brazil.

Zjarri ka shpërthyer në zonën e pavijonit nën rrethana ende të paqarta.

Ministri i Turizmit i Brazilit, Celso Sabino, tha se zjarri ishte nën kontroll dhe se nuk raportohet për të lënduar.

“Zjarri është nën kontroll, zjarrfikësit nga shteti  janë në vendngjarje”, tha ministri për televizionin brazilian, pak minuta pas evakuimit të vendit.

Mijëra njerëz po merrnin pjesë në bisedimet e OKB-së për klimën, përfshirë anëtarë të delegacioneve nga bota, e cila do të përfundojë sot./S.K/KP/

Continue Reading

Të kërkuara