Kulturë

Krijoni një rutinë të fuqishme mëngjesi

Zgjohuni dy orë përpara se të shkoni diku.

Published

4 years ago

on

Filloni duke u zgjuar dy orë më herët se zakonisht. Po, e dimë; kjo tingëllon e tmerrshme. Por provojeni. Mund të funksionojë për ju.

Njëra prej gjërave më të rëndësishme të cilën mund t’a bëni që të siguroheni se keni një ditë pozitive dhe të suksesshme është të fiksoheni me atë se si i kaloni orët e mëngjesit para punës.

Fatkeqësisht, shumë njerëz kurrë nuk marrin kohën për të analizuar rutinën e tyre të mëngjesit. Një mëngjes tipik për shumicën përmban kapjen e telefonin të tyre sapo të zgjohen për të kontrolluar emailin dhe mediat sociale, duke shtypur butonin “snooze” disa herë.

Problemi është se, është sfiduese të performoni në nivelin tuaj të lartë dhe të bëni kontribut të jashtëzakonshëm në botë nëse ato më lartë përshkruajnë atë se si nisni ditët tuaja. Por unë duke qenë i qëllimshëm se si nis çdo ditë dhe duke krijuar një rutinë të fuqishme mëngjesi për ta bërë atë, kanë qenë dy nga gjërat më përfituese të cilat i kam bërë për të arritur qëllimet e mia, duke rritur energjinë time gjatë ditës së punës dhe duke u bërë person më pozitiv.

Këtu janë katër gjërat të cilat mund t’i bëni çdo ditë për të krijuar një rutinë të fuqishme mëngjesi, shkruan Ekonomia Online.

Zgjohuni dy orë përpara se të shkoni diku

Unë nuk do të bëhem njëri nga njerëzit i cili ju thotë se në mënyrë që të arrini qëllimet tuaja, ju duhet të zgjoheni shumë herët, por po ju sygjeroj që të filloni të zgjoheni të paktën dy orë para se të shkoni diku.

Ky fillim i hershëm ju jep kohë të mjaftueshme për të punuar në veten tuaj dhe të ushqeni mendjen, trupin dhe shpirtin para ditës së rëndë të punës. Arsyeja pse e kam lënë këtë numër një në listën time është sepse është pothuajse e pamundur të krijoni një rutinë të fuqishme mëngjesi nëse jeni me nxitim.

Lexoni diçka inspiruese

Një nga shprehitë më të mira të cilën e kam përfshirë në rutinën time të mëngjesit është të sigurohem se lexoj diçka inspiruese gjysmë ore çdo mëngjes.

Nëse 30 minuta ju duken shumë, atëherë filloni me vetëm 10 ose 15 minuta. Nuk ka rëndësi nëse lexoni një libër ose një blog i cili ju duket inspirues, ose dëgjoni një libër me audio. Vetëm sigurohuni të gjeni kohë në mëngjes për të lexuar diçka inspiruese në vend të lajmeve negative ose kontrollimit të e-mailit tuaj menjëherë. Mbushja e mendjes tuaj me mesazhe pozitive në mëngjes ju ndihmon të ndërtoni vetë-besim dhe motivim për të bërë atë ditë një kryevepër.

Praktikoni mirënjohjen ditore

Ka shumë shkrime për mirënjohjen dhe rëndësinë e saj, por një përqindje e lartë e njerëzve ende nuk e praktikojnë atë. Duke e ditur se diçka është e rëndësishme dhe e mrekullueshme për ju dhe ta praktikoni atë në jetën tuaj janë dy gjëra të ndryshme. Studimet shkencore nga shumë psikologë tregojnë se ata të cilët praktikojnë mirënjohjen ditore kanë më shumë gjasa të jenë të lumtur dhe të suksesshëm.

Unë kam zbuluar se koha më e mirë për të praktikuar mirënjohjen është në mëngjes. Unë kam përdorur shkrime të mirënjohjes me vite, dhe ka ndryshuar gjithçka për mua. Unë për momentin përdor The Five-Minute Journal, e cila ndihmon procesin për ju. Ushtrimi i mirënjohjes ditore gjithmonë do të jetë pjesë e diskutimit për një rutinë të fuqishme mëngjesi dhe mënyra më e mirë për të nisur ditën.

Lëvizni

Unë kam mësuar fuqinë e ushtrimeve fizike në mëngjes kur isha sportist. Në kolegj, gjithashtu edhe në NFL, unë dhe shokët e mi gjithmonë bënim ushtrime në mëngjes; dhe fillova të vë re ndryshimet në një kohë të shkurtër.

Kur ushtroja herët në mëngjes, e vura re se dita ime ishte më e mirë. Nuk isha vetëm më produktiv dhe pozitiv, por edhe më i lumtur, gjithashtu. Edhe nëse ushtrimi juaj zgjat vetëm 20 minuta, ju duhet të bëni ushtrime fizike në mëngjes.

Ushtrimet rrisin endorfinat dhe ju ndihmojnë të nisni ditën në një mënyrë pozitive. Një artikull të New York Times të cilin e kam lexuar përshkruante se si ushtrimet jo vetëm që ju ndihmojnë të ndërtoni një tru më të mirë, por gjithashtu rrisin forcën e trurit. Pra, pavarësisht se ku jam në botë, unë gjithmonë sigurohem të bëj ushtrime fizike.

Çelësi i krijimit të një rutine të fuqishme mëngjesi është të zbuloni se çfarë funksionon më së miri për ju dhe pastaj të ekzekutoni atë plan çdo mëngjes. Këto ushtrime janë të thjeshta dhe praktike, por kanë ndikuar në jetën time në një mënyrë të thellë. Pavarësisht se a e përdorni njërën apo të katërtat, ato do ju ndihmojnë në krijimin e një rutine të fuqishme të mëngjesit.

Related Topics:
Continue Reading

Kulturë

Filmat me më shumë fitore të Çmimit Oscar

Published

3 hours ago

on

January 12, 2026

By

Filmat në vazhdim mbajnë rekordin për më shumë fitore në Oscar në histori:

Ben-Hur (1959)

Kjo dramë epike historike, e punuar nga William Wyler, fitoi 11 çmime Oscar nga 12 nominime.

Ai dominoi çmimet, duke fituar për Filmin më të mirë, Regjisorin më të mirë, Aktori më i mirë (Charlton Heston), Aktorin më të mirë mbështetës, Kinematografinë etj.

Titanic (1997)

Filmi romantik i James Cameron siguroi gjithashtu 11 fitore, nga një total prej 14 nominimesh.

Çmimet e tij përfshinin Filmin më të mirë, Regjisorin më të mirë, Kinematografinë, Efektet vizuale, Muzikën origjinale dramatike dhe Këngën origjinale.

The Lord of the Rings: The Return of the King (2003)

Filmi i fundit në trilogjinë fantastike të Peter Jackson arriti një fitore të përsosur, duke fituar të 11 kategoritë për të cilat u nominua, duke përfshirë Filmin më të mirë dhe Regjisorin më të mirë.

Ai mban rekordin për fitoren më të madhe (fitore në çdo kategori të nominuar) në historinë e Oscar.

Filma të tjerë fitues të çmimeve Oscar

Disa filma të tjerë i janë afruar këtij rekordi, duke shfaqur përsosmëri kinematografike në zhanre të ndryshme:

West Side Story (1961): Fitoi 10 çmime Oscar, duke përfshirë Filmin më të mirë dhe Regjisorin më të mirë.

Gigi (1958), Perandori i Fundit (1987) dhe Pacienti Anglez (1996): Secili film fitoi 9 çmime Oscar, ku të tre morën edhe çmimin e Filmit më të mirë.

Gone with the Wind (1939), From Here to Eternity (1953), On the Waterfront (1954), My Fair Lady (1964), Cabaret (1972), Gandhi (1982), Amadeus (1984) dhe Slumdog Millionaire (2008): Secili prej këtyre filmave të vlerësuar fitoi 8 çmime Oscar.

Continue Reading

Kulturë

20 popujt më të arsimuar në botë

Published

3 hours ago

on

January 12, 2026

By

Shkollimi është një nga treguesit kryesorë të përarimit të një shoqëria dhe një shteti. Sistemet e mira edukative janë tregues i zhvillimit të një shoqërie dhe një shteti. Dhe, e kundërta, sa më të këqija sistemet e edukimit, aq më e ulët shkalla e zhvillimit dhe e përparimit të një shoqërie.

Por, cilat janë 20 shtetet që kanë përqindjen më të lartë të arsimimit të popullsisë (me diploma universitare):

1. Kanadaja – 64.7 për qind

2. Irlanda – 57.5 për qind

3. Koreja e Jugut – 56.2 për qind

4. Luksemburgu – 54.4 për qind

5. Mbretëria e Bashkuar – 53.8 për qind

6. Australia – 53.1 për qind

7. Suedia – 51.8 për qind

8. SHBA – 50.7 për qind

9. Izraeli – 50.5 për qind

10. Norvegjia – 50.4 për qind

11. Lituania – 47.7 për qind

12. Zvicra – 46.5 për qind

13. Danimarka – 45.1 për qind

14. Holanda – 45.1 për qind

15. Belgjika – 45.0 për qind

16. Islanda – 44.5 për qind

17. Zelanda e re – 44.0 për qind

18. Franca – 43.4 për qind

19. Finlanda – 42.7 për qind

20. Estonia – 42.5 për qind

Continue Reading

Kulturë

Atraksionet turistike më të rrezikshme në botë

Published

6 days ago

on

January 6, 2026

By

Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.

Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:

1. Mont Blanc (Francë / Itali) – 500 vdekje

2. Matterhorn (Zvicër) – 342.9 vdekje

3. Rruga North Yungas (Bolivi) – 168 vdekje

4. Mali Kilimanjaro (Tanzani) – 20 vdekje

5. Mali Everest (Nepal) – 20 vdekje

6. Salar de Uyuni (Bolivi) – 6.2 vdekje

7. Deti i Vdekur (Izrael) – 5.6 vdekje

8. Ben Nevis (Mbretëria e Bashkuar) – 4.6 vdekje

9. Parku Kombëtar North Cascades (SHBA) – 3.3 vdekje

10. Pylli i Amazonës (Brazil) – 3.1 vdekje

11. Mali Fuji (Japoni) – 2.3 vdekje

12. Parku Kombëtar Komodo (Indonezi) – 1.8 vdekje

13. Picos de Europa (Spanjë) – 1.7 vdekje

14. Kanioni Colca (Peru) – 1.7 vdekje

15. Mali Washington (SHBA) – 1.6 vdekje

16. Blue Hole (Egjipt) – 1.6 vdekje

17. Liqeni Piru (SHBA) – 1.4 vdekje

18. Mali Snowdon (Mbretëria e Bashkuar) – 1.4 vdekje

19. Lumi Colorado (SHBA) – 1.1 vdekje

20. Parku Kombëtar Mount Aspiring (Zelanda e Re) – 1 vdekje

Burimi: Traveller’s Elixir

Continue Reading

Kulturë

12 nga serialet më të mira televizive për t’i parë këtë janar

Published

1 week ago

on

January 5, 2026

By

Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.

The Night Manager

Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.

Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.

Run Away

Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.

“Run Away” do të shfaqet premierë më 1 janar në Netflix ndërkombëtarisht.

The Pitt

Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.

Premiera e “The Pitt” do të shfaqet më 8 janar në HBO Max në SHBA.

His & Hers

Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.

“His & Hers” do të shfaqet premierë më 8 janar në Netflix ndërkombëtarisht.

Industry

Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.

Hijack

Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.

Hijack do të shfaqet premierë më 12 janar në Apple TV ndërkombëtarisht.

Agatha Christie’s Seven Dials

Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.

“Shtatë Dials” e Agatha Christie-s shfaqet premierë më 15 janar në Netflix ndërkombëtarisht

Ponies

Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.

Premiera e “Ponies” do të jetë më 15 janar në Peacock në SHBA.

A Knight of the Seven Kingdoms

Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.

Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.

The Beauty

Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.

Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.

Shrinking

Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.

Shrinking do të shfaqet premierë më 28 janar në Apple TV ndërkombëtarisht.

Bridgerton

Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.

Bridgerton do të shfaqet premierë më 29 janar në Netflix ndërkombëtarisht.

Continue Reading

Të kërkuara