Lajmet

Krasniqi: Largimi i profesionistëve shëndetësor nga Kosova – një ndër sfidat më të mëdha

Këtë deklaratë Krasniqi e ka bërë gjatë mbledhjes së komisionin për Financa Publike të martën.

Published

on

Drejtori i Përgjithshëm i Shërbimit Spitalor Klinik Universitar të Kosovës (ShSKUK), Valbon Krasniqi, ka thënë se largimi i profesionistëve shëndetësor nga Kosova është një ndër sfidat më të mëdha të Kosovës.

Këtë deklaratë Krasniqi e ka bërë gjatë mbledhjes së komisionin për Financa Publike të martën, me ç‘rast shtoi se duhet të investohet më shumë në shëndetësi që të parandalohet ikja e profesionistëve.

Do të jetë sfida më e madhe që do të përballet Kosova. Ne duhet të bëjmë gjithçka që profesionistët t’i mbajmë këtu. Nga klinika e pediatrisë janë larguar në 4 muajt e fundit 4 pediatra. Beni përpjekje sepse duhet investime në shëndetësi”, u shpreh ai.

Edhe deputeti i PDK-së, Hajdar Beqa, tha se duhet të merret ndonjë masë në këtë drejtim pas që “trendi i ikjes së stafit shëndetësor është duke u rritur dita ditës”.

Ky trend i ikjes së stafit shëndetësor është duke u rritur dita ditës prandaj merrni ndonjë masë në këtë drejtim”, tha Beqa.

Tutje, ai pyeti se a është vazhdimi i kontratës se drejtorit komfor me ligjin dhe se konkurset e shpallura duhet të jenë në harmonizim me ligjin.

“A është i ligjshëm vazhdimi i kontratës së drejtorit? Është dashur të vijë bordi dhe ministri. Kur del konkursi duhet të dalë në harmonizim me ligjin”, shtoi Beqa.

Ndërsa, Krasniqi tha se nuk i ka ai kompetencat për zgjedhjen e bordit dhe as të drejtorëve.

Unë skam kompetencë për zgjedhjen e anëtarëve të bordit. Ne nuk kemi rregullore të rregullimit të administratës së brendshme në ShSKUK. Nuk kam kompetencë as në nënshkrim të kontratave dhe zgjedhje të drejtorëve. Unë kam kërkuar nga bordi me lejua zhvillimin e konkursit për zgjedhje të drejtorëve”, u shpreh Krasniqi.

Tutje, drejtori i ShSKUK-së tha se në të gjitha klinikat ka nevojë për përmirësime të punës.

Në të gjitha klinikat ka nevojë për përmirësime të punës. Po konsideroj që të kërkohet të rregullohet në të gjitha ato që kanë munguar ndër vite. Drejtori i ShSKUK-së vetëm e monitoron procesin e zgjedhjes së drejtorëve. Lista e pritjes ka pasur gjithmonë dhe do të vazhdojë të ketë edhe në të ardhmen dhe të shihet se kush mund të presë dhe kush jo”, tha Krasniqi.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara