Sport

Kosova me mungesa ndaj Moldavisë, do të mungojë edhe Bernard Berisha

Published

on

Dardanët prej që janë grumbulluar këtë vit në kohë pandemie, janë përballur me mungesa të shumta, si shkak i problemeve të ndryshme. Moslëshimet nga klubi, lëndimet e ndryshme, suspendimet, ishin disa prej arsyeve që lojtarët dardanë nuk mund ta përfaqësonin Kosovën në fushën e gjelbër.

Kështu ndodhi edhe ndaj Sllovenisë, ku Kosova ishte në pozicion të palakmueshëm sa i përket mungesave. Benjamin Kololli, Herolind Shala, Milot Rashica, Idriz Voca, Bersant Celina, Florent Muslija, Leart Paqarada, Betim Fazliji e Arbër Zeneli, munguan në sfidën me Slloveninë.

Mirëpo edhe në takimin tjetër ndaj Moldavisë pritet të ketë mungesa në Kombëtaren e Kosovës. Bernard Berisha do t’i shtohet listës së lojtarëve që do t’i mungojë Kosovës në këtë sfidë. Mirëpo është Herolind Shala ai që do të rikthehet në kampin kosovar, pasi që mungonte si shkak i suspendimit, dhe mungesa e tij në mesfushë ndeshjen e fundit, la për të dëshiruar.

Edhe Bersant Celina është në dyshime se a do të jetë pjesë e skuadrës, shkak i një lëndimi që ka pësuar, ndaj edhe është në fazën e rehabilitimit. Kësisoj Kosova, nesër e pret në “Fadil Vokrri”, Moldavinë e cila vjen për fitore, mirëpo edhe lojtarët tanë futen për të nxjerrë rezultat pozitiv nga ky takim, që ju duhet për të mbetur në divizionin C të Ligës së Kombeve./UBTNews

Sport

Dubois vs Usyk më 19 korrik për unifikimin e katër titujve në peshën e rëndë

Published

on

Anglezi Daniel Dubois dhe ukrainasi Oleksandr Usyk do të përballen më 19 korrik në stadiumin Wembley të Londrës për titullin kampion absolut të botës në peshën e rëndë, njoftoi BBC.  

Kjo do jetë përballja e dytë, ku 27-vjeçari britanik kërkon hakmarrje pas humbjes ndaj 38-vjeçarit ukrainas në gusht të vitit 2023 në Wroclaw, Poloni.  Lufta e parë përfundoi me ndërprerje në raundin e nëntë.

Dubois mban titullin kampion të botës në peshën e rëndë për versionin IBF, ndërsa Usyk zotëron tre tituj tjerë (WBA, WBO dhe WBC). Ukrainasi shkroi histori në maj të vitit 2024, kur mposhti Tyson Fury për t’u bërë kampioni i parë absolut i botës në peshat e rënda në “epokën me katër rripa”.

Ai e mundi Fury edhe në dhjetor të vitit të kaluar, por duhej të heqë dorë nga titulli IBF para kësaj ndeshjeje, pas kësaj, Daniel Dubois mori titullin IBF dhe e mbrojti atë kundër bashkatdhetarit të tij, Anthony Joshua, në shtator të vitit 2024.

Dubois duhej ta mbronte titullin kundër Joseph Parker, por një sëmundje e detyroi të tërhiqej nga përballja disa ditë para ndeshjes.

“Kjo është ndeshja që kam kërkuar, dhe tani kam mundësinë për hakmarrje. Duhej ta kisha fituar luftën e parë, por vlerësimi i gjyqtarit më pengoi. Tani nuk do të përsëris gabimin para tifozëve të mi në Wembley”, deklaroi Dubois.

Ai shtoi se tani është një luftëtar më i mirë e më i rrezikshëm dhe se Usyk do ta kuptojë këtë në ring. Nëse Dubois fiton, do të bëhet boksieri i parë britanik që do të bashkojë të gjithë titujt botërorë në peshën e rëndë në “epokën me katër rripa”.

Britaniku i fundit që mbajti të tre titujt ishte Lennox Lewis, që fitoi më 1999 duke mundur Evander Holyfield në ndeshjen e dytë pas një barazimi në të parën.

Continue Reading

Sport

Ndalet rryma në Spanjë, pezullohet turneu i tenisit “Madrid Open”

Published

on

Sporti i tenisit është përballur me një fenomen të pazakontë. Në fakt, turneu i tenisit “Madrid Open” është pezulluar përkohësisht.

Dhe, arsyeja është vërtet e pabesueshme. Më saktësisht, për shkak se kryeqyteti spanjoll – Madrid dhe rajoni përreth tij po përballen me ndërprerje të energjisë elektrike, kjo ka bërë që të shtyhet në një afat të pacaktuar ky turne vjetor i sportit të bardhë.

Tenisti britanik Jacop Fearnley u detyrua ta linte fushën shkaku i mungesës së rrymës, pasi ajo i preku tabelat e rezultateve dhe një kamerë mbi fushë, gjë që ishte e pamundur që të zhvillohej meçi i tenisit.

Continue Reading

Sport

Usyk dhe Dubois rikthehen në ring më 19 korrik

Published

on

By

Më 19 korrik, në stadiumin “Wembley” të Londrës, do të zhvillohet një nga përballjet më të mëdha në historinë e boksit, ku britaniku Daniel Dubois dhe ukrainasi Oleksandr Usyk do të luftojnë për t’u shpallur kampion i padiskutueshëm i botës në peshën e rëndë.

Dubois, kampioni aktual i IBF-së, do të përballet me Usyk, i cili mban titujt WBA (Super), WBC dhe ËBO. Usyk është i pamposhtur deri tani në 23 lufta dhe ka mundur Dubois në gusht të vitit 2023 përmes një ndalimi në raundin e nëntë.

Në maj të vitit 2024, Usyk bëri histori duke u bërë kampioni i parë i padiskutueshëm i peshave të rënda të epokës së katër rripave, pas fitores ndaj Tyson Fury. Pas kësaj, Usyk vendosi të lirojë rripin IBF para ndeshjes së tij të kthimit me Fury në dhjetor, duke i dhënë mundësinë Dubois të ngritet kampion i IBF-së.

Dubois, i cili është vetëm 27 vjeç, mbrojti me sukses titullin e tij të IBF-së në shtator të kaluar kundër Anthony Joshua dhe tani është gati për një tjetër përballje me Usyk. Ai ka deklaruar se është “një luftëtar superior” dhe i bindur se do ta fitojë këtë duel: “Kjo është lufta që doja dhe kërkova, tani kam mundësinë për hakmarrje,” tha Dubois. “Usyk do të zbulojë se jam më i rrezikshëm tani.”

Një fitore për Dubois mund ta bëjë atë boksierin e parë britanik që mban titullin e padiskutueshëm të peshave të rënda që nga koha e Lennox Lewis, i fundit që ka mbajtur këtë titull në vitin 1999.

Në këtë ndeshje do të vendoset gjithashtu kush do të mbajë dominimin në kategorinë e peshave të rënda, dhe të dy boksierët premtojnë një përballje të jashtëzakonshme në një ngjarje që do të ndjekin milionë shikues anembanë botës.

Të dy boksierët janë gati të japin gjithçka në këtë përballje të mëdha, që pritet të jetë një ngjarje e paharrueshme për botën e boksit.

Continue Reading

Sport

Donjeta Sadiku fiton medaljen e artë në “Brussels Capital”

Published

on

By

Boksierja kosovare Donjeta Sadiku ka fituar medaljen e artë në turneun ndërkombëtar “Brussels Capital”, të mbajtur në Belgjikë, duke vazhduar paraqitjet e saj të suksesshme në skenën ndërkombëtare.

Sadiku shënoi tri fitore gjatë turneut, ndërsa në finalen e kategorisë -60 kilogramë triumfoi ndaj boksieres italiane, Nicole Rebecca.

Ky ishte turneu i parë i organizuar nën ombrellën e “World Boxing”, në të cilin u përfaqësua edhe Federata e Boksit e Kosovës. Paraqitje të mira patën edhe boksierët e tjerë nga Kosova, ndërsa drejtësinë në këtë turne e ndau gjyqtari ndërkombëtar nga Kosova, Latif Demolli.

Continue Reading

Të kërkuara