Këngëtarja e njohur shqiptare me famë ndërkombëtare, Dua Lipa, ka paralajmëruar një koncert gjigant në Sydney si pjesë e turneut të saj të shumëpritur.

Pas një periudhe intensive pune dhe suksesi të jashtëzakonshëm me albumin e saj të fundit, artistja ka zgjedhur qytetin australian për të ofruar një performancë mahnitëse për fansat e saj.

Nëpërmjet një postimi në rrjetet sociale, Dua Lipa ka bërë të ditur se do të zhvillojë një shfaqje spektakolare në Sydney, që do të mbajë gjithashtu një setlistë të mbushur me hitet e saj më të njohura, duke përfshirë “Levitating”, “New Rules”, dhe “Don’t Start Now”.

Këngëtarja shqiptare, Parashqevi Simaki ka publikuar videoklipin e “Dashuria”, këngë kjo e vitit 2006.

Simaku u rikthye sërish në skenën e muzikës, pas vështirësive që kishte në jetën e saj personale.

Ajo u bë lajm kur një video qarkulloi në internet, ku Simaku u pa duke huazuar rroba në Shtetet e Bashkuara të Amerikës.

Ishte biznesmeni Elton Ilirijani ai që i’a zgjati dorën Simakut, dhe bëri të mundur rikthimin e saj në muzikë.

Artistja ka një zë shumë të veçantë, i cili cilësohet të jetë i rrallë.

Ish-punonjësi i Eminem, Joseph Strange, është akuzuar për vjedhje dhe shitje të muzikës së papublikuar që u publikua në fillim të këtij viti.

Sipas raporteve, prokurorët federalë kanë akuzuar Joseph Strange për shkelje të të drejtave të autorit dhe transport ndërshtetëror të mallrave të vjedhura pasi ai dyshohet se ua shiti muzikën e reperit individëve që ngarkuan më shumë se 25 këngë në internet në janar.

Zëdhënësi prej kohësh i Eminem, Dennis Dennehy tha se reperi ishte i kënaqur me zhvillimet e fundit në këtë rast.

“Eminem e ekipi i tij vlerësojnë përpjekjet e zyrës së FBI-së në Detroit për hetimin e plotë që çoi në akuzat kundër Joseph Strange,” tha ai.

Më tej ai deklaroi se do të merrte të gjitha hapat e nevojshëm për të mbrojtur muzikën e Eminem.

“Dëmi i konsiderueshëm i shkaktuar nga punonjësi i besuar në trashëgiminë artistike dhe integritetin krijues të Eminem-it nuk mund të mbivlerësohet, e lëre më humbjet e mëdha financiare të pësuar nga krijuesit dhe bashkëpunëtorët që meritojnë mbrojtje për punën e tyre dekada. Do vazhdojmë të ndërmarrim hapat e nevojshëm për të mbrojtur artin e Eminem e asgjë nuk do na ndalojë”, shpjegoi zëdhënësi.

Sipas një kallëzimi penal të marrë nga Variety, Strange ishte ish-producenti i muzikës së Eminem nga 2007 deri 2021, i cili punonte në studio regjistrimi në Michigan. Ai kishte akses në muzikën që kishte rrjedhur në publik. Pasi këngët u shfaqën në internet në janar të këtij viti, disa punonjës të studios kontaktuan FBI-në pasi zbuluan se muzika e papublikuar ishte e disponueshme në internet.

FBI identifikoi disa individë që blenë muzikën e papublikuar, duke përfshirë një të quajtur Doja Rat, i cili tha se kishte paguar Strange 50,000 dollarë (46,000 euro) për këngët. Doja Rat deklaroi se Strange pretendonte se kishte mbi 300 këngë. FBI identifikoi disa individë të tjerë, përfshirë Kali Kush dhe ATL, të cilët ishin të përfshirë në blerjen grupore të këngëve të Eminem.

Agjentët e FBI-së kontrolluan rezidencën e Strange më 28 janar dhe sekuestruan hard disqet që përmbanin kopje të muzikës së papublikuar të Eminem. Të dhënat financiare zbuluan pagesa për Strange për muzikën e shitur.

Në ankesë thuhet se më shumë se 25 nga këngët e Eminem, të regjistruara midis 1999 dhe 2018, u zbuluan në internet pa pëlqimin e tij. Për më tepër, menaxheri i Eminem, John Fisher, u tha zyrtarëve të FBI-së se Strange nuk kishte autoritetin për të zotëruar dosjet.

Nëse shpallet fajtor për shkelje të të drejtave, Strange përballet me dënim maksimal prej pesë vjet burg e gjobë deri në 250,000 dollarë.

Ai gjithashtu përballet me një dënim maksimal deri në 10 vjet burg nëse akuzohet për transport ndërshtetëror të mallrave të vjedhura.