Lidhja Demokratike e Kosovës (LDK) ka dorëzuar kërkesë zyrtare për vendosjen e shtatores së Leotrim Ahmetit, 7-vjeçarit të vrarë nga forcat serbe më 1998, në oborrin e Kuvendit të Kosovës.

Kërkesën për vendosjen e shtatores së Leotrimit e ka dorëzuar të enjten deputeti i LDK-së, Driton Selmanaj.

“Në emër të Grupit Parlamentar të Lidhjes Demokratike të Kosovë, dje kemi dorëzuar zyrtarisht kërkesën drejtuar Kryesisë së Kuvendit të Kosovës, për vendosjen e shtatores së Leotrim Ahmetit në oborrin e Kuvendit të Kosovës”, tha sot Selmanaj në një shkrim në rrjetet sociale.

“Leotrim Ahmeti, fëmija 7-vjeçar u vra me 11 shtator 1998, nga shpërthimi i granatave të forcave serbe në oborrin e shtëpisë së familjes Ahmeti në Rrezallë të Skenderajt, dhe copat e granatës ranë mbi fëmijët e nënës Shukrie Ahmeti, gruas së Malush Ahmetit, dëshmorit të Kosovës”, shkroi ai.

Shtatorja e Leotrimit, e punuar me mjeshtëri nga skulptori Sabri Behramaj dhe e vendosur në qendër të Skënderajt, është bërë simbol i së vërtetës historike të popullit të Kosovës.

“Vendosja e shtatores së njejtë, në oborrin e Kuvendit të Kosovës do të shërbejë si një mënyrë e denjë për të memorializuar të kaluarën e rëndë të Kosovës dhe për të përkujtuar sakrificën e rreth 1.000 fëmijëve të vrarë gjatë luftës së fundit”, tha Selmanaj.

Selmanaj tha se e ka marrë pëlqimin e familjes Ahmeti për vendosjen e shtatores së djalit të tyre të ndjerë në oborrin e Kuvendit të Kosovës.

Atyre të cilëve aplikojnë për shtetësi në Gjermani, tash e tutje do t’u kërkohet të pohojnë të drejtën e Izraelit për të ekzistuar.

Kjo duke iu referuar ndryshimeve në ligjin e shtetësisë së vendit.

Legjislacioni, i cili hyri në fuqi të enjten, është pjesë e një rishikimi më të madh të shtetësisë nga Berlini.

Sipas një deklarate nga Ministria e Brendshme e Gjermanisë, provimi për të fituar shtetësinë tani do të përfshijë një numër pyetjesh të reja.

“Në përgjigje të rritjes së antisemitizmit në Gjermani, lista e pyetjeve në testin e natyralizimit është zgjeruar. Pyetjet e reja të provimit janë shtuar mbi temat e antisemitizmit, të drejtën e shtetit të Izraelit për të ekzistuar dhe jetën hebreje në Gjermani”, thuhet në njoftim.

Lufta në Gaza dhe mbështetja e fortë e Berlinit për Izraelin , ka nxitur shumë diskutime në Gjermani.

Pas sulmeve të 7 tetorit, ligjvënësit gjermanë, përfshirë kancelarin Olaf Scholz, përsëritën se siguria e Izraelit është “arsyeja shtetërore” e Gjermanisë, ose çështje e interesit kombëtar.

Por zëra të tjerë në vend kanë akuzuar autoritetet se kanë shkuar shumë larg, duke shkelur të drejtat e pro-palestinezëve për lirinë e fjalës dhe lirinë e tubimit.

Gjermania ka diasporën më të madhe palestineze në Evropë, e cila vlerësohet në 300 mijë. /CNN

Qytetarët iranianë kanë filluar votimin të premten herët në zgjedhjet e parakohshme presidenciale, në të cilat katër kandidatë garojnë për ta zëvendësuar të ndjerin Ebrahim Raisi, i cili humbi jetën tragjikisht si pasojë e përplasjes së një helikopteri.

Kandidatët, përfshirë një reformist të vetëm, janë përzgjedhur nga pushteti politik i republikës islamike.

Fituesi mund të luajë rol kyç në zgjedhjen e pasuesit të liderit suprem në moshë të shkuar, Ayatollah Ali Khamenei, në një kohë kur zemërimi është i madh në Iran për shkak të mungesës së lirisë, kushteve të këqija të jetës dhe ekonomisë së dobët.

Asnjë kandidat nuk pritet të sigurojë vota të mjaftueshme më 28 qershor për t’u shpallur fitues i garës presidenciale.

Një kandidat duhet t’i fitojë së paku 50 për qind të votave për ta fituar garën. Një balotazh i mundshëm është caktuar për 5 korrik.

Analistët e kanë cilësuar këtë si një garë mes tre kandidatëve. Dy konservatorë të krahut të ashpër, ish-negociatori për çështje bërthamore Saeed Jalili, dhe kryetari i Parlamentit, Mohammad Bagher Qalibaf. Si dhe reformisti Masoud Pezeshkian, i cili është rreshtuar përkrah atyre që kërkojnë kthimin e marrëveshjes bërthamore të vitit 2015 më fuqitë botërore.

Përpjekjet në çastet e fundit nga konservatorët për të arritur pajtim për mbështetjen e vetëm një kandidati dështuan një ditë para mbajtjes së votimit, pasi as Qalibaf e as Jalini nuk hoqën dorë për ta mbështetur njërin apo tjetrin.

Konservatorët kanë shprehur shqetësim se mungesa e unitetit mund ta ndajë votën dhe kështu do të përfitonte kandidati reformist Pezeshkian.

Zgjedhjet në republikën islamike janë të kontrolluara, pasi kandidatët përzgjidhen paraprakisht nga një trup i pazgjedhur, i cili është i mbizotëruar nga konservatorët e krahut të ashpër.

Sipas vëzhguesve, mungesa e një gare relativisht konkurruese do ta dëmtojë edhe pjesëmarrjen e votuesve në zgjedhje. Në tri palë zgjedhjet e fundit të mëdha në Iran – vend me rreth 88 milionë banorë – kishte pjesëmarrje  të ulët.

Pjesëmarrja zyrtare në zgjedhjet parlamentare të marsit ishte rreth 41 për qind, megjithëse kritikët thanë se numri real ishte edhe më i ulët.

Ekspertët thonë se rënia e pjesëmarrjes nënkupton hendek në rritje midis klerikëve në pushtet dhe popullsisë së re të Iranit – pjesa më e madhe e së cilës kërkon liri më të mëdha sociale dhe politike./UBTNews/

47 aksidente trafiku kanë ndodhur në 24 orët e fundit në Kosovë. Policia ka njoftuar se prej tyre dy kanë qenë me fatalitet, 17 me persona të lënduar dhe 28 me dëme materiale.

Kurse si pasojë e mosrespektimit të rregullave në komunikacion janë shqiptuar 1938 tiketa trafiku.

Po ashtu gjatë 24 orëve janë arrestuar 13 persona të dyshuar për vepra të ndryshme, ku dhjetë prej tyre janë dërguar në mbajtje