Kulturë

Indonezi: Autoritetet ndalojnë transmetimin e këngëve të artistëve me famë botërore, ndër ta edhe Dua Lipa

Published

4 years ago

on

Këngët e Bruno Mars, Dua Lipës, Ariana Grandes e shumë artistëve tjerë me famë botërore, janë ndaluar në radio para orës 22:00 në Indonezi.

Komisioni Indonezian i Transmetimit (KPI) ka ndaluar që radiot të lëshojnë 42 këngë para orës 22:00, pasi që pretendojnë se tekstet e tyre janë të pamoralshme!

“Pra, çfarë ka në ato 42 këngë? Për shembull, ato përmbajnë fjalë dhune dhe poshtërimi ose aludojnë në seksualitet. Kjo sipas Ligjit Nr. 32 të Kodit të Sjelljes së Transmetimit dhe Standardeve të Programeve të Transmetuara, i cili thotë që transmetimi në radio është në interes të integritetit kombëtar për të ndërtuar karakterin dhe identitetin e një kombi që është besnik dhe i devotshëm“, tha ndër të tjerash Adiyana Slamet, kreu i KPI.

Radio stacioneve u kërkohet gjithashtu të censurojnë tekste që nuk janë në përputhje me normat indoneziane para se të luajnë 42 këngët.

Këngët përfshijnë hite nga artistë me famë botërore si Ariana Grande, Bruno Mars, Cardi B dhe Suga të BTS.

IKP ka një histori të censurës në media. Komediani i njohur Tukul, për shembull, mori një paralajmërim në korrik të vitit 2019 sepse një skenë në programin e tij televiziv kishte një burrë po pretendohej të ishte i pushtuar nga djalli. Dënimi u dha bazuar në mbrojtjen e fëmijëve./UBTNews

Këtu është lista e 42 këngëve dhe artistëve të tyre:

  1. Bruno Mars – 24K
  2. Ariana Grande – 34+35
  3. Masked Wolf – Astronaut in the Ocean
  4. M.I.A – Bucky Done Gun
  5. Maroon 5 – Beautiful Mistakes
  6. Max Ft Suga – Blueberry Eyes
  7. Lil Nas X – MONTERO (Call Me By Your Name)
  8. Pia Mia ft Chris Brown – Do It Again
  9. Snoop Dogg – Drop It Like It’s Hot
  10. Jay Z – Empire State of Mind
  11. Maroon 5 ft Cardi B – Girls Like You
  12. Timbaland – Give It to Me
  13. 24kGoldn Ft Iaan Dior – Mood
  14. Chynna Phillips – Naked and Sacred
  15. Bruno Mars ft Cardi B – Please Me
  16. Ariana Grande – Positions
  17. Post Malone ft Ty Dolla Sign – Psycho
  18. Camilla Cabello ft Shawn Mendes – Senorita
  19. Nicky Minaj – Starships
  20. Doja Cat – Streets
  21. DJ Snake ft Selena – Taki Taki
  22. Jason Derulo ft 2 Chainz – Talk Dirty
  23. Bruno Mars – That’s What I Like
  24. Cardi B – Up
  25. One Republic – Good Life
  26. Gym Class Heroes ft Estelle – Guilty As Charged
  27. Rita Ora – How We Do
  28. Busta Rhymes ft Maria – I Know What You Want
  29. Icona Pop – I Love It
  30. DJ Khaled – I’m the One
  31. Jay Z – Izzo
  32. Bruno Mars – Lazy Song
  33. Dua Lipa ft DaBaby – Levitating
  34. Justin Bieber ft benny blanco – Lonely
  35. Eminem – Lose Yourself
  36. Ariana Grande ft The Weeknd – Love Me Harder
  37. Bruno Mars – Versace on the Floor
  38. Avril Lavigne – Wish You Were Here
  39. Kid Laraoi – Without You
  40. Vedo – You Got It
  41. Dua Lipa ft Missy Elliot – Levitating
  42. Bruno Mars – Locked Out of Heaven – The Jakarta Post/Asia News Network

Related Topics:
Continue Reading

Kulturë

Ledia Xhoga sjell romanin e saj të suksesshëm pranë lexuesve kosovarë

Published

7 hours ago

on

November 20, 2025

By

Në edicionin e radhës të programit “Në bisedë / In Conversation”, Heritage Space mirëpret për herë të parë në Prishtinë shkrimtaren dhe dramaturgen shqiptaro-amerikane Ledia Xhoga.

Ajo do të zhvillojë një diskutim me shkrimtaren dhe përkthyesen Doruntina Vinca, i cili do të fokusohet në romanin e saj të parë, “Keqkuptimi”, i nominuar në listën e gjatë për Booker Prize 2025.

Romani “Keqkuptimi” trajton trashëgimitë e errëta familjare dhe të vendlindjes, si dhe kufirin delikat mes dhembshurisë dhe vetëmbrojtjes.

Në qendër të ngjarjes është një përkthyese shqiptare në Nju Jork, qnjë përfshihet në historinë e një të mbijetuarit të torturave në Kosovë.

Duke u përballur me makthet e klientit e përpjekjet për t’i ndihmuar të tjerët, nis të përjetojë ringjalljen e kujtimeve të mohuara prej kohësh.

Ledia Xhoga, e lindur në Tiranë dhe aktualisht me banim në Bruklin dhe Catskills, ka fituar me këtë roman New York City Book Award, ndërsa është finaliste edhe për Center for Fiction First Novel Prize. Shkrimet e saj janë botuar në platforma prestigjioze si Electric Literature, Lit Hub, Brooklyn Rail, Large Hearted Boy, Intrepid Times, Hobart dhe revista të tjera letrare.

Doruntina Vinca—shkrimtare, hulumtuese dhe përkthyese nga Prishtina, me bazë në Tiranë notohet për punën e saj mbi gjuhën, letërsinë feministe dhe mënyrat se si teksti krijon forma të reja të shpërndarjes së dijes.

Ngjarja organizohet në kuadër të platformës Heritage Space, e zbatuar nga CHwB Kosova, e mbështetur nga Qeveria Suedeze, duke ofruar mundësi të veçantë për publikun me një nga zërat më të rëndësishëm të letërsisë bashkëkohore shqiptaro-amerikane. /A.Z/UBT News/

Continue Reading

Kulturë

Dy ikonat e letërsisë për fëmijë nderohen nga Posta e Kosovës

Published

11 hours ago

on

November 20, 2025

By

Në kuadër të temës “Personalitete të shquara” dhe në shënim të Ditës Ndërkombëtare të të Drejtave të Fëmijëve, Posta e Kosovës ka lëshuar sot në qarkullim një emision të ri pullash postare, i dedikuar dy prej figurave më të rëndësishme të letërsisë shqipe për fëmijë: Rifat Kukajt dhe Ymer Elshanit.

Rifat Kukaj (1938–2005) ishte mësues, poet dhe dramaturg, i njohur për stilin e thjeshtë, por të ngarkuar me emocione dhe simbolikë.

Ai krijoi një botë të veçantë letrare për fëmijët, duke lënë pas vepra të paharrueshme si: “Xhuxhi nga Taxhuxhi”, “Lepuri me pesë këmbë”, “Bardhi e Mirushja”, “Rrasa e zogut”, “Shkrepi i diellit”, “Vjollca magjike” dhe shumë poezi të tjera.

Ymer Elshani (1948–1999) ishte poet, prozator dhe kritik letrar, i cili krijoi edhe në fushën e letërsisë për fëmijë, duke sjellë një botë të pasur imagjinare dhe ide të ndjeshme.

Ndër veprat e tij më të njohura renditen: “Çka ëndërrojnë lulet”, “Plaku me violinë”, “Unaza magjike”, “Ndodhitë e hundëkarotës” dhe “Guri i çmueshëm”. Ai u nda nga jeta si martir gjatë luftës në Kosovë, ndërsa pas përfundimit të saj, e bija, Teuta Elshani, botoi disa nga dorëshkrimet e tij të mbetura.

Ky emision i ri i pullave postare vjen si një nderim për kontributin e tyre të jashtëzakonshëm në letërsinë për fëmijë dhe për pasurimin e kulturës shqiptare.

 

 

Continue Reading

Kulturë

Muzeu më i ri i arteve në Almaty hap dyert për publikun

Published

1 day ago

on

November 19, 2025

By

Muzeu i Madh i Arteve në Almaty ka hapur dyert në kryeqytetin e Kazakistanit, duke shënuar një moment të rëndësishëm për jetën kulturore të rajonit.

I themeluar nga biznesmeni dhe filantropi Nurlan Smagulov, muzeu prezantohet si një qendër e re e rëndësishme për artin bashkëkohor, raporton Euronews.

Brenda tij ekspozohen mbi 700 vepra nga Kazakistani dhe vendet e Azisë Qendrore, të shoqëruara me punime të artistëve ndërkombëtarë.

Me një gamë të gjerë mediash e zhanresh, muzeu synon të kthehet në hapësirë dinamike për krijimtarinë e dialogun artistik.

Ndërtesa e muzeut, e vendosur pranë vargmaleve Tian Shan, është një vepër arti më vete.

E projektuar nga studioja britanike “Chapman Taylor” dhe e ndërtuar për tre vite, struktura prej 10.600 metrash katrorë përbëhet nga dy krahë të ndërthurur: një prej guri Jura dhe një tjetër prej alumini, simbolizim i peizazhit malor dhe mjedisit urban të Almatit.

Instalacionet e mëdha jashtë ndërtesës u japin vizitorëve një shije të përvojës që do t’i presë brenda.

Hapja e muzeut shoqërohet me dy ekspozita të rëndësishme.

E para, “Qonaqtar” (Të Ftuarit), fokusohet tek artistët e viteve 1960, duke paraqitur kulturën nomade, ritualet e përditshme, festat tradicionale dhe ndikimin e kufizimeve sovjetike mbi trashëgiminë artistike të rajonit.

Një nga veprat kryesore është fotografia “On Virgin Soil. Lunchtime” Salikhitdin Aytbayev, trajton fushatën sovjetike për kultivimin e stepës.

Ekspozita e dytë është retrospektiva e Almagul Menlibayeva “I understand everything” (Unë kuptoj gjithçka). Artistja multidisiplinare përzien mite euraziatike, imazhe shamane e realitete postsovjetike, duke i kushtuar vëmendje identitetit, kujtesës dhe rezistencës kulturore.

Muzeu ofron hapësira të dedikuara për artistë si Richard Serra, Anselm Kiefer, Yayoi Kusama dhe Bill Viola, duke krijuar dialog të natyrshëm mes skenës vendore dhe asaj globale. Instalacionet madhështore, ambientet imersive dhe përdorimi i materialeve të ndryshme u ofrojnë vizitorëve një përvojë të thellë, reflektuese dhe bashkëkohore.

Me hapjen e tij, Muzeu i Madh i Arteve synon të kthehet në qendër të gjallë arti dhe dialogu në zemër të Azisë Qendrore. /A.Z/UBT News/

Continue Reading

Lifestyle

Si të parandaloni ndryshkun te aksesorët tuaj?

Published

3 days ago

on

November 17, 2025

By

Aksesorët përdoren shumë nga gratë dhe vajzat pasi ato i bëjnë ato të duken të bukura dhe me plotë stil. Por, pos kësaj ato kanë një hall me aksesorët e tyre, pasi shumë shpejtë iu ndryshken dhe iu dëmtohen.

Kështu kjo i bënë ato të brengosen më shumë dhe të harxhojnë më shumë para në aksesorë.

Për të eliminuar, duhet të së pari t’i vendosni në vende të sigurta jo në çanta nga plastika apo edhe në varëse metali.

Më shumë preferohet që t’i vendosni në hapësira nga druri, pos kësaj nuk preferohet që kur bartni aksesorë të vendosni parfum, krem apo edhe sprej të flokëve, kjo për shkak se alkooli ato i bënë të ndryshken.

Nëse i praktikoni këta hapa aksesorët e juaj do t’i mbijetojnë kohës. /A.Z/UBT News/

Continue Reading

Të kërkuara