Kulturë

Hile për rritjen e shpejtë të flokëve

Nëse ju duket si diçka që s’do të ndodhë, thjesht s’keni ditur dhe aplikuar hilet më poshtë.

Published

on

Ironike, por gërshërët janë miku juaj!

Duhet t’i shkurtoni ato në mënyrë sistematike për të shmangur krijimin e majave të dyfishta në fund. Nëse prisni derisa të digjen, atëherë realisht ato do jenë më të shkurtra sesa mendoni duke qenë se majat delikate priten pa e kuptuar.

Mos përdorni shampo sa herë bëni dush

Përpos faktit që duhet të përdorni krem zbutës sa herë i lani, ajo që duhet të keni parasysh është dhe shmangja e shampoos herë pas here. Qëllimi i kësaj të fundit është të heqë papastërtirat, por bashkë me to mund të eliminojë dhe vajrat që shërbejnë për të ushqyer rrënjën.

Kujdes kur i krihni! 

Krehja e shpeshtë i dëmton shumë flokët, por edhe nëse në rastet kur i krihni bëjeni këtë gjë butësisht. Sigurohuni që ta nisni nga pjesa e poshtme deri sat ë arrini në pjesën e rrënjës. Ajo që ne bëjmë zakonisht është krehja në drejtim të kundërt, gjë që shkakton dhe ngatërresat në flokë.

Këllëfi i jastëkut nuk duhet të jetë prej pambuku!

Në vend të saj mund të përdorni një këllëf sateni. Kjo gjë do eliminojë fërkimin, duke qenë se sipërfaqja është më e lëmuar.

 Mos i mbështillni kurrë me peshqir të madh!

Fijet e flokut ngecin në fibrat e peshqirit duke qenë se shumica  e femrave i mbështjellin ato fort pas dushit. Përpos kësaj, kjo gjë shkakton dhe kputjen e qimeve rreth fytyrës. Sa më i hollë dhe me mikrofibra të jetë peshqiri, aq më mirë është për flokët tuaja!

Në fund të dushit përdorni ujë të ftohtë

Ulja e temperaturës së ujit në fund të dushit do i bëjë më të butë por gjithashtu do shmangë djegjen. Ju duhet thjesht ta mbani për pak sekonda temperaturën në nivele të ulëta.

Burimi: Cosmopolitan

Continue Reading

Kulturë

Subvencionet e QKK-së: Tre filma artistikë që do t’i mbushin kinematë në 2025

Published

on

Tre filmat “Lost Frames”, “Adet” dhe “Lumi” janë shpallur fitues në kategorinë Filmi i metrazhit të gjatë artistik në konkursin vjetor të Qendrës Kinematografike të Kosovës (QKK) për subvencionimin e projekteve filmike për vitin 2025.

“Lost Frames”, me producent Valon Bajgora dhe regjisor e skenarist Samir Karahoda, ka marrë mbështetjen më të lartë financiare, në vlerë 303,000 euro.

Filmi “Adet”, i prodhuar nga N.SH. CMB, me producent Shkumbin Istrefi, regjisor Mentor Shala e skenariste Lyra Xhoci, u subvencionua me 280,000 euro.

Filmi i tretë fitues, “Lumi”, i prodhuar nga ASHA SH.P.K., me producent Alban Zogiani dhe regjisor e skenarist Edon Rizvanolli, ka përfituar 230,000 euro.

Këto projekte u përzgjodhën pas konkursit publik të QKK-së, të hapur më 22 maj 2025, ku u dorëzuan 126 aplikime në 11 kategori të ndryshme filmike.

Pas procesit të vlerësimit profesional, Komisioni financiar i QKK-së miratoi mbështetjen për gjithsej 48 projekte filmike.

Juria ndërkombëtare e përzgjedhjes ishte e përbërë nga: Gentian Koçi, Hassan Oswald, Roshanak Behesht Nedjad, Soňa Morgenthalová, Visar Morina, Dea Gjinovci, Eneos Çarka, Iber Deari, Sevdije Kastrati dhe Shpëtim Selmani.

Ndërsa Komisioni financiar, në përbërje të Ilir Gjocaj, Fitim Shala dhe Virgjina Peja, ka aprovuar përfundimisht listën e projekteve që do të subvencionohen gjatë vitit 2025. /A.Z/UBT News/

 

 

 

 

Continue Reading

Lifestyle

Si të zhbllokoni lavamanin me sodë buke dhe uthull?

Published

on

Një lavaman i bllokuar mund të jetë i bezdisshëm. Uji që kullohet ngadalë, zhurmat e gurgullimës ose era e keqe janë shenja që në tuba ka një bllokim.

Nëse uji nuk kalon fare ose del përsëri në sipërfaqe, problemi është më i rëndë. Shkaktarët më të zakonshëm janë flokët, yndyra, mbetjet e sapunit, ushqimi apo produktet e tualetit. Në disa raste, bllokimi mund të vijë nga dëmtime ose vendosje e gabuar e tubave — situatë që kërkon ndihmën e një hidrauliku.

Megjithatë, për bllokime të lehta, mund të provoni zgjidhje të thjeshtë me dy përbërës që zakonisht i keni në shtëpi: sodë buke dhe uthull.

Çfarë ju nevojitet?

Një çajnik me ujë të vluar

240 ml ujë të vluar

240 ml uthull

120 g sodë buke

Hapat që duhet të ndiqni:

Hidhni ujë të vluar në lavaman për të zbutur yndyrat dhe papastërtitë. Në një enë, përzieni 240 ml ujë të vluar me 240 ml uthull.

Shtoni 120 g sodë buke dhe menjëherë derdhni përzierjen në lavaman, lëreni të qëndrojë rreth 1 orë. Gjatë kësaj kohe do të formohen flluska që ndihmojnë në shpërbërjen e bllokimit. Pas një ore, shpërlani lavamanin me ujë shumë të nxehtë për rreth një minutë.

Nëse bllokimi nuk është larguar plotësisht, mund të përdorni një spiral pastrues (tel fleksibël) për të pastruar më thellë.

Pse funksionon kjo metodë?

Kur soda e bukës reagon me uthullën, krijohet një reaksion kimik që prodhon dioksid karboni (gaz). Ky gaz formon flluska dhe presion, të cilat ndihmojnë në zhbllokimin dhe pastrimin e mbetjeve brenda tubave. /A.Z/UBT News/

Continue Reading

Kulturë

Biblioteka “Fan S. Noli” pret një mbrëmje të veçantë kushtuar shkrimtarit Jusuf Buxhovi

Published

on

Këtë të shtunë, Biblioteka e Qytetit “Fan S. Noli” do të mirëpresë një ngjarje të veçantë letrare, e cila do t’i kushtohet portretit krijues dhe veprimtarisë së shkrimtarit Jusuf Buxhovi, një prej emrave më të rëndësishëm të letërsisë dhe publicistikës shqiptare.

Ky aktivitet zhvillohet në kuadër të edicionit të 16-të të Manifestimit “Vjeshta letrare e Gjilanit”, që është bërë një traditë e çmuar në jetën kulturore të qytetit.

Buxhovi është fitues i Çmimit “Beqir Musliu”, nderimi më i lartë letrar që ndahet nga Komuna e Gjilanit për vlera të veçanta artistike dhe për kontribut të pasur në letrat shqipe.

Në këtë mbrëmje do të marrin fjalën dhe do të ndajnë vlerësime për krijimtarinë e autorit: prof. dr. Anton Nikë Berisha, shkrimtari Ibrahim Kadriu, poeti dhe kritiku letrar Shefqet Dibrani, poetja Kaltrinë Berisha, kritiku Nexhat Rexha, magjistri i letërsisë Arsim Halili dhe profesoreshë Blinerë Hajdari.

Programi do të përfshijë lexime të fragmenteve nga proza e Buxhovit, interpretuar nga Linditë Ramushi Dushku dhe Arbisë Krasniqi, ndërsa vetë autori do t’u drejtohet të pranishmëve me një fjalë përshëndetëse.

Ngjarja do të udhëhiqet nga shkrimtari Sabit Rrustemi, drejtues i “Ars Club Beqir Musliu”. Me këtë rast do të promovohet edhe numri 47 i revistës letrare “AGMIA”, kushtuar fituesit të çmimit të sivjetshëm, botim që mbështetet nga Ministria e Kulturës, Rinisë dhe Sportit dhe do t’u shpërndahet pjesëmarrësve.

Kjo mbrëmje pritet të jetë një homazh kulturor për kontributin e shumëanshëm të Jusuf Buxhovit, autor i një trashëgimie të pasur letrare, historike dhe publicistike, që ka lënë gjurmë të pashlyeshme në kulturën dhe identitetin kombëtar. /A.Z/UBT News/

 

Continue Reading

Kulturë

Galeria Kombëtare fton publikun në një mbrëmje plot ngjyra dhe krijimtari

Published

on

Galeria Kombëtare e Kosovës ka njoftuar se të mërkurën do t’ia dedikojë mbrëmjen artit, pikturës dhe shoqërimit, përmes aktivitetit kreativ “Takimi Shoqëror për Pikturim”.

Ky aktivitet është i hapur për të gjithë të rriturit që dëshirojnë të eksperimentojnë me ngjyra, të çlodhen dhe të kalojnë kohë të këndshme mes artit dhe bisedave miqësore.

Sipas njoftimit të Galerisë, nuk kërkohet asnjë përvojë e mëparshme në pikturë — pjesëmarrësit mjafton të sjellin dëshirën për të krijuar dhe për të shprehur veten përmes brushës e ngjyrave.

“Të gjitha materialet do të sigurohen nga ne,” thuhet në njoftim, ndërsa publiku ftohet të marrë pjesë në këtë përvojë artistike që do të zhvillohet sonte, nga ora 18:00 deri në 20:00.

Një mundësi e mrekullueshme për të kaluar një mbrëmje ndryshe, në frymën e artit, krijimtarisë dhe shoqërimit. /A.Z/UBT News/

Continue Reading

Të kërkuara