Lajmet

Gjashtë të lënduarit nga shpërthimi i bombolës në Ferizaj ende po trajtohen në QKUK

Published

on

Mbi 40 persona u lënduan nga shpërthimi i bombolës së gazit që ndodhi në një lokal në Ferizaj në ditët e para të janarit të 2021-tës. Të lënduarit në gjendje më të rëndë u dërguan në Qendrën Klinike Universitare të Kosovës (QKUK), por më pas katër nga ta u dërguan për shërim jashtë vendit, dy në Turqi e dy në Austri.

Ndërkohë që gjashtë pacientë të tjerë janë duke u trajtuar në Klinikën e Kirurgjisë Plastike, e që pesë prej tyre edhe u operuan.

Për shpërthimin e bombolës së gazit nisën edhe hetimet, ku deri më tani shumë prej personave që kanë qenë prezentë në momentin kur shpërtheu bombola edhe janë intervistuar nga Prokuroria në Ferizaj, por që asgjë konkrete nuk është thënë prej tyre.

Kështu bëri të ditur për KosovaPress, kryeprokurori në Ferizaj, Shukri Jashari, i cili tregon edhe se policia do të bëjë ekspertizën rreth shpërthimit të bombolës aty.

“Janë identifikuar personat që kanë qenë pjesëmarrës në lokal. Një numër i madh janë intervistuar. Policia ka me caktua një ekspertizë se si ka ardhur deri tek shpërthimi i bombolës. Nuk di saktë, por një numër i madh i personave që kanë qenë të pranishëm kur ka ndodhur shpërthimi janë intervistuar, por që nuk kanë thënë asgjë konkrete”, tha Jashari.

Ndërsa ky rast do të jetë i hapur derisa të intervistohen edhe personat e lënduar.

“Ka kohë për tu bërë ekspertiza, për shkak se ka persona që janë duke u shëruar dhe kur plotësohen sërish do të intervistohen dhe për këtë rasti mbetet i hapur. Madje edhe pronari i lokalit që është i lënduar shumë, edhe ai duhet të intervistohet dhe kjo merr goxha kohë”, tha ai.

Ndërsa, shefi i Klinikës së Kirurgjisë Plastike në QKUK, Zenë Buja tregoi për gjendjen shëndetësore të pacientëve që ende janë duke u trajtuar në këtë klinikë.

“Kemi edhe gjashtë pacientë që po trajtohen në klinikën tonë, dy të tjerë i kemi liruar. Gjendja e tyre është e mirë, edhe gjendja e përgjithshme edhe gjendja lokale. 5 prej tyre i kemi operuar, kemi përdorur teknikën e transplantimit lëkuror, kemi marrë transplantin lëkuror prej gjymtyrëve dhe kemi vendosur në duar dhe pjesë tjera”, tha Buja për KosovaPress.

Pacientët të premten pritet që të lirohen për në shtëpi.

“Pacientët tonë nuk kanë pasur komplikime, gjithçka ka shkuar mirë, janë trajtuar me kohë dhe nuk kanë pasur probleme. Gjatë së premtes do të lirohen të gjithë pacientët”, tha ai.

KosovaPress ka dërguar pyetje në Ministrinë e Shëndetësisë lidhur me gjenden e pacientëve që u dërguan në Turqi dhe Austri për shërim. Mirëpo për këtë ministria nuk ka kthyer përgjigje, ndërsa nga QKUK kanë thënë se ministria e vazhdon komunikimin pasi pacientët dërgohen për shërim jashtë vendit. 

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

on

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

  • Dorëzimi i abstrakteve: 10 tetor 2025
  • Njoftimi i pranimit & rishikimi shkencor: 17 tetor 2025
  • Regjistrimi i hershëm: deri më 17 tetor 2025
  • Regjistrimi i vonuar: deri më 20 tetor 2025
  • Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

  • Gjuha dhe kultura në arsim
  • Përdorimi i teknologjisë në mësimdhënie dhe të nxënë
  • Komunikimi ndërkulturor dhe shumëgjuhësia
  • Praktikat e qëndrueshme në edukimin gjuhësor
  • Inteligjenca artificiale dhe ndikimi i saj në të nxënit e gjuhëve
  • Përkthimi, interpretimi dhe komunikimi global
  • Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Të kërkuara