Kulturë

Fituesi i Çmimit Evropian të Librit Robert Menasse: Vlerat europiane të Shqipërisë i duhen BE-së

Published

on

Robert Menasse, shkrimtari austriak i njohur dhe fitues i Çmimit Evropian të Librit, ka vizituar Shtëpinë e Europës në Tiranë, ku është takuar me lexues dhe figura të njohura për të diskutuar mbi romanin e tij “Zgjerimi”, i cili tani është gjithashtu i disponueshëm në gjuhën shqipe.

Gjatë këtij takimi, Menasse lexoi disa fragmente nga libri, duke eksploruar lidhjet e ndërlikuara midis Evropës dhe Shqipërisë. Ai theksoi rëndësinë e vlerave evropiane në kontekstin e procesit të zgjerimit dhe diskutoi rolin e letërsisë si mjet për formësimin e së ardhmes sonë të përbashkët.

Në postimin e bërë në rrjetet sociale nga delegacioni i Bashkimit Evropian në Tiranë, theksohet se Menasse ndau mendimet e tij mbi Shqipërinë si vend kandidat për anëtarësim në Bashkimin Evropian, duke adresuar prirjet aktuale brenda BE-së. Ai theksoi se Evropa ka nevojë për Shqipërinë, duke e parë Ballkanin Perëndimor si një pjesë të pandashme të identitetit evropian.

Menasse argumentoi se paqja në këtë rajon është një qëllim kyç për projektin e Bashkimit Evropian, duke sugjeruar se është e nevojshme të krijohet një treg i përbashkët dhe një sistem ligjor i harmonizuar. Ai shpjegoi titullin e librit të tij, “Zgjerimi”, si një referencë për vendet që kërkojnë të hyjnë në BE, duke përmendur Shqipërinë si një vend me potencial të madh dhe një qëndrim optimist, pavarësisht skepticizmit që shprehin disa shtete anëtare.

Menasse nënvizoi se vlerat kulturore dhe shoqërore të Shqipërisë janë të rëndësishme për fortifikimin e Bashkimit Evropian, dhe se kontributi i këtij vendi është i nevojshëm për një Evropë më të fortë dhe më të bashkuar. Kjo vizitë dhe diskutimi që u zhvillua janë një hap i rëndësishëm drejt nxitjes së dialogut mbi integrimin e Shqipërisë në strukturat evropiane, duke theksuar rëndësinë e kulturës dhe letërsisë në këtë proces.

 

Magazinë

Ja kushtet që Chris Brown duhet të respektojë pas akuzës për sulm në Londër

Published

on

Chris Brown, 36 vjeç, është paraqitur sot në Gjykatën e Lartë të Southwark në Londër, për të dhënë deklaratën e tij lidhur me një sulm të dyshuar ndaj producentit muzikor Abraham Diaw, në një klub nate në shkurt 2023.

Sipas akuzës, Brown e ka goditur Diaw disa herë me shishe, dhe më pas e ka ndjekur në një zonë tjetër të lokalit ku e ka rrahur me grushta dhe shqelma, ndërsa viktima ndodhej i shtrirë në tokë. Ngjarja është filmuar nga kamerat e sigurisë dhe përshkruhet si “shumë serioze”.

Reperi amerikan është arrestuar në Manchester më 15 maj, disa orë pasi kishte mbërritur në Mbretërinë e Bashkuar me avion privat.

Ai është liruar nga burgu me një kaucion prej 5 milionë paundësh, por me disa kushte të rrepta, përfshirë:

•Të qëndrojë në një adresë të përcaktuar në Mbretërinë e Bashkuar

•Të mos i afrohet klubit “Tape” në Londër

•Të mos kontaktojë viktimën, bashkëpandehurin apo dëshmitarët

•Pasaportën ta përdorë vetëm për lëvizje të lidhura me turneun

Nëse shkel ndonjë nga këto kushte, rrezikon të humbasë shumën e garancisë dhe të kthehet pas hekurave.

Seanca u zhvillua edhe në prani të bashkëpandehurit, reperit amerikan Omololu Akinlolu, 38 vjeç, me të cilin do të përgatitet procesi gjyqësor.

Continue Reading

Kulturë

21 qershori – Dita Ndërkombëtare e Muzikës

Published

on

Festa e Muzikës, e njohur gjithashtu si Dita Ndërkombëtare e Muzikës, është një festë globale që kremton muzikën dhe krijuesit e saj, duke promovuar kulturën muzikore si një gjuhë universale që bashkon njerëzit pa dallim moshe, kulture apo origjine.

Ajo zhvillohet çdo vit më 21 qershor, në ditën më të gjatë të vitit në hemisferën veriore, duke shënuar edhe fillimin e verës.

Festa e Muzikës është krijuar nga Jack Lang , ish- Ministër i Kulturës i Francës në 21 qershor 1981 dhe festohet në të gjithë botën në formën e një festivali muzikor.

Festa e parë e Muzikës u zhvillua në Francë dhe që prej herës së parë, festa e Muzikës është kthyer në një fenomen ndërkombëtar dhe festohet në të gjithë botën, në të njëjtën ditë, në më shumë se 460 qytete në 110 vende, përfshirë Francë, Gjermani, Itali, Egjipt, Siri, Marok, Afrikë e Jugut, Australi, Vietnam, Kongo, Kamerun, Mauritius, Fizhi, Kolumbi, Kili, Nepal, Japonia.

 

 

 

Continue Reading

Magazinë

Postoi një foto të thjeshtë, por Jennifer Lopez kritikohet ashpër

Published

on

Jennifer Lopez ka ndarë me ndjekësit disa foto të reja, ku shfaqet me një bluzë me mëngë të gjata në ngjyrë ulliri pastel dhe xhinse me bel të lartë. Siç duket, fotot janë shkrepur në shtëpi, ku ajo ka pozuar thjesht por me stil.

Flokët i kishte ndarë në mes dhe kishte zgjedhur t’i mbante të drejta, një stil i thjeshtë dhe elegant. Grimi ishte natyral, me nuanca të ngrohta, sy “smokey” dhe buzë në nuancë kafe.

Deri këtu, gjërat duken në rregull. Faqja e njohur “Hollywood Unlocked” publikoi fotot duke komentuar pamjen e këngëtares, me përshkrimin:

“Për JLo vitet ecin mbrapsht,” shkruhet në foto, duke vlerësuar bukurinë e saj.

Por komentet nuk ishin të gjitha entuziaste. Disa ndjekës shprehën dyshimet e tyre për vërtetësinë e fotove.

“Nuk duket kështu në realitet,” komentoi dikush.

“E gjitha është filter. Po ta shohësh nga afër në tapetin e kuq, nuk duket aspak kështu,” tha një tjetër.

Të tjerë shtuan:

“Përdor shumë filtra.”

“Duket shumë mirë për moshën, por e kemi parë edhe pa filtra.”

Shumë personazhe kanë mundësinë të ndryshojnë ose “përmirësojnë” pamjen, disa përmes ndërhyrjeve kozmetike, të tjera me filtra dhe aplikacione.

Lopez nuk ka pranuar asnjë ndërhyrje apo përdorim të tepruar të efekteve, ndaj shumica e fansave pajtohen që ajo duket shumë e bukur pavarësisht moshës.

 

Continue Reading

Magazinë

Nëse jeni në koncertin e Sabrina Carpenter duhet t’i fikni telefonat

Published

on

Sabrina Carpenter ka deklaruar se “absolutisht” do të merrte në konsideratë ndalimin e telefonave në koncertet e saj të ardhshme, pasi u detyrua të fikte vetë pajisjen e saj gjatë një koncerti ku ishte e pranishme si spektatore.

“Kjo me siguri do t’i mërzisë fansat, por absolutisht”, tha këngëtarja e hitit Espresso për revistën Rolling Stone. Carpenter filloi të mendojë për mundësinë që edhe fansat të largonin telefonat, pasi pa duon Bruno Mars dhe Anderson .Paak – Silk Sonic – ta bënin këtë gjatë një performance në Las Vegas.

“Ata më fikën telefonin”, tha ajo. “Nuk kam përjetuar kurrë ndonjëherë një koncert më të mirë. U ndjeva sikur isha kthyer në vitet ’70 – edhe pse s’isha as e lindur. Por me të vërtetë u ndjeva sikur isha aty”.

“Të gjithë këndonin, kërcenin, shikonin njëri-tjetrin dhe qeshnin”, shtoi ajo. “Ishte diçka vërtet, vërtet e bukur”.

“Unë jam rritur në epokën kur njerëzit i përdorin iPhone-et në koncert. Kjo tani më duket normale. Nuk mund t’i fajësoj njerëzit që duan të ruajnë kujtime”.

Fansat e Carpenter nuk duhet të shqetësohen për momentin. Këngëtarja e Manchild sugjeroi se nuk do të vendosë ndalimin e telefonave edhe për ca kohë.

“Varet se sa gjatë dua të jem në turne dhe në çfarë moshe do jem”, tha ajo me humor. “Zemër, hiquni ato telefona. Nuk keni pse zmadhoni fytyrën time”.

“Tani për tani, lëkura ime është e butë dhe e freskët. S’ka problem, por mos më zmadhoni kur të jem 80 vjeç në skenë”.

Deklaratat e Carpenter rreth telefonave shkaktuan reagime të ndryshme nga publiku.

Continue Reading

Të kërkuara