Sport
Fituan medalje në Paris, diktatori do të shpërblejë atletët e Koresë së Veriut me frigoriferë
Atletët që përfaqësojnë Korenë e Veriut në Lojërat Olimpike të Parisit dhe ia dalin të fitojnë medalje, pritet që të shpërblehen nga lideri komunist Kim Jong Un kur të kthehen në vendlindje.
Dhuratat nuk janë fort të zakonta për botën perëndimore, por Kim Jong Un i përdor dhe ato përfshijnë banesa luksoze, makina, e madje edhe frigoriferë. Disa nga atletët që shkëlqyen dhe fituan medalje për Korenë e Veriut u shpërblyen në vitin 2013, pas Lojërave Olimpike të Londrës. Agjencia shtetërore e lajmeve KCNA raportoi asokohe se disa atletë u zhvendosën në shtëpi luksoze përgjatë lumit Pothong, në kryeqytetin Phenian.
Makinat luksoze, madje edhe frigoriferët u shpërndanë për ata që performuan mirë, një kontrast i fortë nga ata që dështuan, të cilët nisën të kryenin punë me detyrim pasi turpëruan kombin.
Medalistët e artë në Londër 2012 ishin Om Yun-chul, An Kum-ae dhe Kim Un-guk. Kampioni i peshëngritjes Om ishte në ekstazë në atë kohë, duke falënderuar diktatorin për “kujdesin e veçantë”.
“Ne sportistët mundëm të lartësojmë dinjitetin dhe nderin e Koresë falë kujdesit të thellë të dashur të Kim Jong-un, i cili na ka udhëhequr gjithmonë në çdo ndeshje me forcë dhe guxim”, tha ai asokohe.
Vrapueses në distanca të gjata Kim Kum-ok iu dha gjithashtu një apartament luksoz. Atletët e Koresë së Veriut në Paris nuk i kanë arritur majat e Londrës kur vendi fitoi tre medalje të arta, por me katër medalje që kanë koleksionuar deri tani një shpërblim me shumë gjasë do ti presë në kthim. Kontigjenti i vogël në Paris ka fituar dy medalje të argjendta një në pingpong e një në zhytje, dhe dy të bronzta përsëri në zhytje, e një tjetër në boks./UBTNews/
Ministria e Rinisë dhe Sportit ka bërë publike listën përfundimtare të kategorizimit të sporteve në Republikën e Kosovës, ku përfshihen gjithsej 37 federata sportive.
Sipas njoftimit zyrtar, 6 federata janë renditur në kategorinë A, një në kategorinë B, katër në kategorinë C, ndërsa 26 federata janë përfshirë në kategorinë D.
Në kategorinë A kryeson Federata e Xhudos e Kosovës me 115.26 pikë, duke dëshmuar vazhdimësinë e sukseseve në arenën ndërkombëtare. Në vendin e dytë renditet Federata e Karatesë e Kosovës me 97.5 pikë, ndërsa e treta është Federata e Volejbollit të Kosovës me 88 pikë. Pasojnë Federata e Hendbollit e Kosovës me 87.8 pikë, Federata e Futbollit e Kosovës me 85.5 pikë dhe Federata e Basketbollit e Kosovës me 85.3 pikë.
Në kategorinë B është renditur vetëm Federata e Boksit e Kosovës me 83.1 pikë.
Ndërkaq, në kategorinë C bëjnë pjesë Federata e Atletikës e Kosovës, Federata e Pingpongut e Kosovës, Federata e Aeronautikës e Kosovës dhe Federata e Sportit Shkollor e Kosovës.
Sipas ministrisë, pjesa më e madhe e federatave gjithsej 26 janë të renditura në kategorinë D, në bazë të pikëzimit dhe kritereve të përcaktuara nga komisioni profesional për procesin e kategorizimit.
DITARI: Çfarë lajmesh kemi lexuar në çdo 3 mars, në vitet ‘90
Rutte nga Shkupi: KFOR-i mbetet garantues i fuqishëm i sigurisë në Kosovë
UBT sjell në Kaçanik një reflektim akademik mbi trashëgiminë moderne përmes ekspozitës ‘Modernizmi në Kaçanik 1945–1990’
REL: Kosova në valën e shtrenjtimit global të karburanteve
Irani kërcënon Evropën: “Çdo ndërhyrje do të jetë akt lufte”
Lojërat Mesdhetare po hyjnë në fazën vendimtare të planifikimit
MRS shpall kategorizimin e ri të federatave sportive, Xhudoja kryeson listen
Mbishkrime nacionaliste serbe në Ambasadën e Kosovës në Berlin
Finalja e tensionuar, Barcelona përballë Atletico Madrid sonte në “Camp Nou”
-
Vendi3 months agoDizajneri grafik Berin Hasi ligjëron për studentët e Dizajnit të Integruar në UBT
-
Lajmet3 months agoProfesori i UBT-së, Hazir S. Çadraku dhe bashkëpunëtorët publikojnë artikullin “Historia e Mbrojtjes së Shpellës në Kosovë” në SpeleoMedit Magazine
-
Kulturë3 months agoIvanka Trump zbulon librat për historinë shqiptare: Çfarë e tërheq?
-
Lajmet2 months agoProfesorët e UBT-së publikojnë studim shkencor në revistën prestigjioze ndërkombëtare të indeksuar në Scopus (Q1)