Kulturë

Dokumentari për “Fëmijët e Vjedhur” në Kamboxhi – 19 vjet pasi Angelina Jolie adoptoi djalin Maddox atje

Published

on

Një dokumentar i ardhshëm do të nxjerrë në pah praktikat potencialisht joetike të përdorura në birësimet kamboxhiane.

Regjisorja Elizabeth Jacobs, 21 vjeç, do të rishikojë pretendimin se ‘familjet e varfra Kamboxhiane janë pre e rekrutuesve të fëmijëve’ në dokumentarin e saj, The Stolen Children.

Prindërit e Elizabetës përdorën shërbimet e agjentes së birësimit Lauryn Galindo, e njëjta grua që Angelina Jolie përdori për të birësuar djalin e saj Maddox në 2002.

Jacobs, e cila është një studente e filmit dhe marketingut në Universitetin e Massachusetts, është e vendosur të zbulojë të vërtetën rreth birësimeve të Galindos.

The Sun raporton se mes viteve 1997 dhe 2001 gjysma e birësimeve nga Kamboxhia në ShBA – afërsisht 800 nga 1600 – kaluan përmes Galindo.

Në atë kohë, Galindo dhe motra e saj Lynn Devin drejtuan një agjensi birësimi të quajtur Seattle International Adoptions, dhe menjëherë pasi Jolie adoptoi djalin e saj Maddox, Galindo dhe Devin u përballën me akuza penale.

Devin u përball me një gjobë prej 150 mijë dollarësh ndërsa Galindo u burgos për falsifikim të emrave, datave të lindjes dhe vendeve të lindjes së fëmijëve kamboxhianë, të cilat ajo ndihmoi të vendosen me familjet amerikane dy vjet.

Kur skandali u zbulua, qeveria e SHBA-së dhe disa vende të tjera mbyllën birësimet nga Kamboxhia, ndërsa Jolie kishte thënë se ajo nuk dinte asgjë për tregtinë e paligjshme. Nuk ka asnjë provë që Maddox nuk ishte jetim.

Jolie këmbënguli në atë kohë që ajo bëri ‘përpjekje të mëdha për të siguruar që Maddox nuk kishte një nënë të gjallë në Kamboxhia’.

Galindo i tha The Sun në një deklaratë të fundit se ajo do të ishte e lumtur t’i përgjigjej çdo pyetje që Jacobs mund të kishte, por këmbënguli se regjisorja e re nuk e ka lajmëruar atë ende.

Ajo mohoi që ndonjë nga praktikat e saj të ketë qenë ndonjëherë e paligjshme, duke e cilësuar veten si ‘një kampione e fëmijëve’.

Galindo shtoi se ajo nuk ka ‘asnjë arsye për të besuar’ se birësimi i Maddox ishte joetik dhe me sa konfirmoi se ajo kishte punuar me Jolie në proces, tha se ajo ‘e dinte’ që Angelina ishte në Namibia në atë kohë duke filmuar Beyond Borders dhe duke shtuar se nuk kishte ‘asnjë ndërhyrje’ nga Jolie.

Prindërit e Jacobs, Karen, 60 vjeç dhe Erich, 56 vjeç, edhe pse kishin mbajtur dokumentet e tyre të birësimit, ata i shikuan ato vetëm vitin e kaluar, duke zbuluar emrin e Galindos të stampuar nëpër letra.

Sipas Jacobs, dokumentet tregojnë mospërputhje, me letrat e jetimores që tregojnë një datë të lindjes dhe dokumentet qeveritare që tregojnë një tjetër.

Karen këmbëngul se Galindo kurrë nuk i zbuloi ndonjë informacion në lidhje me prindërit e vërtetë të Jacobs, duke i thënë Karen se ata u zhdukën në një përmbytje.

Jolie dhe ish-burri i saj, Brad Pitt, ndajnë kujdestarinë e përbashkët të gjashtë fëmijëve të tyre, binjakëve Vivienne dhe Knox, 12, Shiloh, 15, Maddox, 19, Zahara, 16 dhe Pax, 17.

Maddox u birësua nga një jetimore në Kamboxhia, ndërsa Jolie adoptoi Zahara në Etiopi dhe Pax në Vietnam.

Në kohën e birësimit të Maddox, ShBA-të kishin vendosur kufizime më të ashpra në adoptimin e fëmijëve nga Kamboxhia për shkak të frikës nga trafikimi.

Po atë vit, aktorja drejtoi First They Killed My Father, një film në lidhje me gjenocidin 1975-1979 të 1.7 milion kamboxhiane gjatë regjimit të diktatorit komunist Pol Pot.

Shumica vdiqën nga uria, sëmundja ose u vranë në ekzekutime masive, dhe Jolie pranoi që bërja e filmit e kishte bërë atë të kuptonte më mirë vendin e lindjes së djalit të saj.

Ajo tha: ‘Ky vend do të thotë shumë për mua, ky vend ka kaluar kaq shumë. Kjo luftë preku çdo individ këtu, dhe unë doja ta kuptoja veten time”./UBTNews

Kulturë

Edi Rama për Ditën e Trashëgimisë: Një pasuri që lidh të kaluarën me të ardhmen

Published

on

Kryeministri i Shqipërisë, Edi Rama, ka përkujtuar Ditën Kombëtare të Trashëgimisë Kulturore me një mesazh të veçantë dhe një dedikim mbi rëndësinë e saj për identitetin kombëtar.

Ai ndau me publikun pamje që përfaqësojnë motive tradicionale shqiptare, duke theksuar se kjo trashëgimi është një pasuri e çmuar që lidhet ngushtë me rrënjët, historinë dhe shpirtin e popullit tonë.

”Sot kremtojmë Ditën Kombëtare të Trashëgimisë Kulturore, një ditë që na kujton pasurinë më të çmuar të identitetit tonë kombëtar. Trashëgimia jonë kulturore është lidhja jonë me të kaluarën, një pasqyrë e historisë dhe frymëzim për të ardhmen. Ajo na kujton rrënjët tona, traditat e gjyshërve, dhe forcon lidhjen me shpirtin e vendit tonë. Ruajtja dhe vlerësimi i saj nuk është vetëm një detyrë historike, por edhe një angazhim për të kultivuar krenarinë dhe për të trasmetuar gjallërinë e kulturës shqiptare brez pas brezi”, shkroi Rama.

Ai theksoi se ruajtja e trashëgimisë kulturore është një detyrë kolektive që kërkon bashkëpunim dhe vëmendje nga të gjithë qytetarët, institucionet dhe komunitetet, duke e bërë këtë ditë një mundësi për të reflektuar mbi vlerat që na lidhin si komb. /A.Z/UBT News/

Continue Reading

Kulturë

Vdes sopranoja e njohur, nëna e Piro Çakos

Published

on

Ndërron jetë sopranoja e njohur shqiptare, Luiza Papa-Çako. Artistja u nda nga jeta në moshë të shtyrë, duke lënë pas një trashëgimi të çmuar në muzikën klasike shqiptare.

Luiza Çako ishte një nga emrat më të spikatur të skenës lirike shqiptare. Me një karrierë të gjatë dhe të suksesshme, ajo kontribuoi në pasurimin e kulturës muzikore në vend, duke interpretuar një sërë rolesh kryesore në vepra operistike brenda dhe jashtë Shqipërisë.

Ajo njihej për interpretimin e saj të ndjerë, teknikën vokale dhe elegancën artistike.

Luiza Çako ishte gjithashtu bashkëshortja e tenorit të njohur Gaqo Çako dhe nëna e këngëtarit të njohur Pirro Çako, duke qenë pjesë e një familjeje me traditë të thellë muzikore. /A.Z/UBT News/

Continue Reading

Kulturë

Sean ‘Diddy’ Combs rikthehet në gjykatë për të kërkuar një gjykim të ri

Published

on

Personazhi Sean “Diddy” Combs dhe avokatët e tij u rikthyen në gjykatën federale të New York për t’i kërkuar një gjyqtari të anulojë dënimet e tij, ku akuzohet për prostitucion ose edhe të lejojë të zhvillohet një gjyq i ri.

Gjyqtari Arun Subramanian shtyu seancën dëgjimore dhe nuk vendosi menjëherë për kërkesën e mbrojtjes.

Producenti amerikan i muzikës, i cili u akuzua për drejtimin e një operacioni të gjerë të trafikimit seksual, është burgosur që nga arrestimi i tij shtatorin e kaluar dhe i njëjti u dënua në korrik për dy akuza për prostitucion.

Avokatët e Combs argumentojnë se dënimet e tij ishin një keqpërdorim i Aktit Mann , një ligj federal që u miratua për të luftuar trafikimin e qenieve njerëzore dhe shfrytëzimin seksual të grave.

Reperi përballet deri në 10 vjet burg për secilën akuzë të ngritur./S.K/BBC News/.

 

Continue Reading

Kulturë

18 nga librat më të mirë të vitit sipas gazetarëve të BBC

Published

on

Disa nga gazetarët e BBC-së, kanë renditur disa nga librat, si ndër më të mirët e vitit të paktën deri më tani. Në vijim mund të lexoni 18 titujt e librave, 5 nga ta më të detajuar.

Helm by Sarah Hall

Hall është autore e romaneve, përfshirë romanin e nominuar për çmimin Booker, The Electric Michelangelo (2004) dhe Burntcoat të vitit 2021, Ajo është edhe krijuese e disa koleksioneve me tregime të shkurtra.

Moti dhe peizazhi kanë qenë shpesh shqetësimet e saj, siç janë edhe këtu, në një pjesë historiku të hulumtuar thellë që i mori Hall pjesën më të madhe të 20 viteve për ta përfunduar.

Personazhi qendror i Helm është era e vetme e emërtuar e Britanisë, e cila ndodh në një pjesë të veçantë të Cumbria-s, ku Hall u rrit. Ajo bashkon fije që skicojnë përpjekjet e njerëzimit për të zotëruar erën, nga kohërat parahistorike deri në ditët e sotme, ku protagonistja e saj është Dr. Selima Satur, një klimatologe, hulumtimi i së cilës papritmas bën bujë.

Good and Evil and Other Stories by Samanta Schweblin

Secila prej gjashtë tregimeve në këtë përmbledhje nga autorja argjentinase Samanta Schweblin, paraqet personazhe në momente kyçe që shpejt shndërrohen në diçka thellësisht shqetësuese.

Një nënë del nga një liqen, pasi ka qenë dëshmitare e diçkaje të tmerrshme; një baba i ri përndiqet nga një moment shpërqendrimi që ka pasur pasoja të thella; akti i dhembshur i një gruaje të vetmuar përballet me një pushtim të frikshëm në shtëpi.

Që nga historia hapëse “e guximshme” e tutje, thotë The Guardian, Schweblin e shikon botën drejtpërdrejt, duke shpuar sipërfaqen e saj mashtruese, duke i lejuar lexuesit të bëjë të njëjtën gjë.

“Drejtpërdrejtësia dhe qartësia e gjuhës së autores hap një terren unik emocional ku frika dhe dhembshuria bashkohen”.

Flashlight by Susan Choi

Louisa dhjetëvjeçare gjendet në një plazh në Japoni, babai i saj i zhdukur dhe supozohet i mbytur, dhe që andej historia shpaloset nëpër breza dhe kontinente, duke eksploruar prejardhjen familjare të Louisës që përfshin Korenë e Veriut dhe SHBA-në.

I përzgjedhur për Çmimin Booker, romani i gjashtë i Susan Choi ndryshon zhanret nga satira në dramë dhe nga romani i rritjes në thriller ndërkombëtar.

“I ndërlikuar, surprizues dhe i thellë” është mënyra se si përshkruhet nga gjyqtarët e Booker.

Autorja përfundon se ata balancojnë tensionet historike dhe dramat intime me një elegancë të jashtëzakonshme. Karakterizimi i Choi duket se është i duruar dhe i sigurt, thotë Times Literary Supplement.

Katabasis by RF Kuang

Në moshën 29 vjeç dhe autore e gjashtë romaneve, përfshirë bestsellerin e vitit 2022 Babel dhe hitin viral të vitit 2023, Yellowface, pra librit të fundit të mrekullueshëm nga Rebecca Kuang.

Kjo fillon me një premisë shakaje se universiteti është ferr dhe një akademi e krahasuar me një kryqëzim midis Inferno-s së Dantes dhe Piranesi-t të Susanna Clarke, Katabasis (që do të thotë zbritje në botën e nëndheshme) e që fillon në kufijtë e gjelbër të Universitetit të Kembrixhit.

Duke vrarë potencialisht mbikëqyrësin e saj “magjik”, Profesor Jacob Grimes, në një eksperiment laboratorik, pasuniversitarja Alice Law e ndjekur nga rivali i saj student Peter Murdoch – udhëton për ta ringjallur atë, ku ajo zbulon se ferri është një kampus dhe zbulon shkallën e plotë të gabimeve të profesorit.

Bring the House Down by Charlotte Runcie

Një roman debutues nga gazetarja e artit Charlotte Runcie, Bring the House Down eksploron marrëdhënien midis artistes dhe kritikut, si dhe temat e zemërimit femëror dhe kulturës së anulimit.

Duke u zhvilluar gjatë katër javëve në Festivalin Fringe të Edinburgut, historia përqendrohet rreth kritikut të teatrit Alex, koleges së tij dhe narratores Sophie, si krijueses të një shfaqjeje me një grua, Hayley.

Ngjarjet zhvillohen kur Alex shkruan një vlerësim dënues për shfaqjen e Hayley, por më pas vazhdon të flejë me të para se të publikohet vlerësimi. Los Angeles Times e përshkruan atë si thellësisht argëtues dhe kënaqësisht të shijshëm, ndërsa Chicago Review of Books thotë se është një udhëtim i trazuar dhe i dhimbshëm mbi atë që do të thotë vërtet të kritikosh një kulturë.

Lista e librave të tjerë vijon si:

The Loneliness of Sonia and Sunny by Kiran Desai

Dream Count by Chimamanda Ngozi Adichie

We Do Not Part by Han Kang

Stag Dance by Torrey Peters

Theft by Abdulrazak Gurnah

Universality by Natasha Brown

The Names by Florence Knapp

The Emperor of Gladness by Ocean Vuong

Eden’s Shore by Oisín Fagan

Dream State by Eric Puchner

The Dream Hotel by Laila Lalami

Confessions by Catherine Airey

Flesh by David Szalay./S.K/BBC News/

 

Continue Reading

Të kërkuara