Kulturë

Disa mësime të rëndësishme për jetën…

Leksionet e mëposhtme për jetën janë shkruar nga Brad Pitt.

Published

4 years ago

November 22, 2021

Betim Gashi

“Me moshën kam kuptuar se:

Paratë e humbura mund të rifitohen, koha e humbur është e humbur përgjithmonë. Nëse dëshiron tëshpenzosh për diçka, ose nëse të del një investim i papritur, nuk ke pse shqetësohesh. Paratë e humbura një ditë do t’i zëvendësosh. Duke punuar mund të rifitosh sërish çfarë ke humbur, ama nëse ke humbur kohë me gjëra të kota, duhet të kuptosh se ajo kohë nuk do të kthehet sërish mbrapsht.

Të mësosh të ndryshosh veten është një superfuqi. Nuk ka asgjë të keqe për të kërkuar ndihmë, apo këshillë në një situatë të vështirë. Nëse nuk ia del dot i vetëm, sigurisht që duhet të mbështetesh tek dikush që e beson. Në këtë mënyrë edhe mëson se si të vetëpërmirësohesh dhe kjo gjë është një superfuqi.

Ti nuk je puna jote. Ka shumë persona që bëjnë punë të rëndomta, punë që nuk i përkasin profesioneve për të cilat kanë studiuar. Kjo për shkak se u nevojiten të ardhura. Mirëpo kjo nuk do të thonë se janëdështakë që nuk kanë gjetur punë në profesionin e tyre, përkundrazi, janë shumë të aftë dhe të fortë qëbëjnë punë të tjera vetëm për t’ia dalë mbanë. Puna nuk e karakterizon njeriun, ama një punë fisnike, e fisnikëron çdo person.

Çelësi i suksesit është të japësh. Nuk ka rëndësi nëse nuk të kthehet ndihma mbrapsht. Të gjithë duhet tëjapim çfarë mundemi për t’u bërë mirë të tjerëve, pa llogaritur asnjëherë nëse ajo ndihmë do të na kthehet apo jo. Duke dhënë përfiton vetëkënaqësi dhe kjo është dhurata më e mirë që mund t’i bësh veten. T’i ndihmosh të tjerët të ngrihen, të mos i lësh të dështojnë, janë çelësat kryesorë të suksesit.

Mësuesi më i mirë për këdo është gabimi. Të gjithë gabojmë, jemi njerëz dhe gabimet janë tëpashmangshme. E rëndësishme është të arrijmë të mësojmë prej gabimeve dhe ato t’i shndërrojmë nëleksione në jetën tonë, pasi janë mësuesit tanë më të mirë. Askush nuk mëson prej suksesit, fiton kënaqësi. Ama mëson prej gabimeve, pasi prej tyre nxirren leksionet më të rëndësishme dhe më tëvlefshme për të ardhmen”.

Kulturë

Panairi “Gjergj Kastrioti Skënderbeu” sjell frymën shqiptare në Bronx

Published

49 minutes ago

March 23, 2026

UBTNews

Komuniteti shqiptar në New York po përgatitet për një ngjarje të veçantë kulturore që premton të bashkojë traditën, artin dhe shpirtin komunitar. Panairi “Gjergj Kastrioti Skënderbeu” do të mbahet më 3 maj 2026 në Bronx, duke sjellë një atmosferë festive me muzikë, valle dhe shije autentike shqiptare.

Ky aktivitet synon të nderojë figurën historike të heroit kombëtar Gjergj Kastrioti Skënderbeu, duke e lidhur trashëgiminë e tij me identitetin dhe kulturën shqiptare në diasporë. Vizitorët do të kenë mundësi të shijojnë performanca live nga artistë shqiptarë, valle tradicionale, si dhe gatime tipike që pasqyrojnë pasurinë e kuzhinës shqiptare.

Panairi pritet të tërheqë familje, të rinj dhe dashamirës të kulturës, duke krijuar një hapësirë ku brezat lidhen përmes historisë dhe traditës. Organizatorët theksojnë rëndësinë e ruajtjes së identitetit kulturor dhe promovimit të vlerave shqiptare në një qytet multikulturor si New York.

Ky event është më shumë se një festë, është një rikujtim i rrënjëve, një bashkim komunitar dhe një mundësi për të ndarë kulturën shqiptare me botën.

Kulturë

Kryetari i Prishtinës nderon aktoren Fatlume Bunjaku për suksesin në Berlinale

Published

4 days ago

March 19, 2026

ubtnews

Kryetari i Prishtinës, Përparim Rama, ka vlerësuar aktoren dhe profesoreshën në Fakultetin e Arteve në UBT, Fatlume Bunjaku, për suksesin e saj ndërkombëtar, pasi është përzgjedhur “European Shooting Stars 2026” në kuadër të Berlinale, një nga platformat më prestigjioze evropiane për promovimin e aktorëve me potencial.

Në një takim të veçantë, Rama e nderoi aktoren për këtë arritje të rëndësishme, duke theksuar kontributin e saj në përfaqësimin dinjitoz të Kosovës në arenën ndërkombëtare.

Kulturë

“Zbardhje” i Kaltrina Krasniqit merr mbështetje nga Fondi Hubert Bals

Published

4 days ago

March 19, 2026

UBT News

Filmi i ri artistik i regjisores Kaltrina Krasniqi, “Zbardhje”, është përzgjedhur për mbështetje nga Fondi Hubert Bals i Festivalit Ndërkombëtar të Filmit në Roterdam përmes skemës HBF+EU Minority Co-Production. Filmi trajton mënyrat se si gjinia, klasa dhe vetëdija për trupin formësojnë marrëdhëniet e përditshme mes grave që jetojnë në Prishtinë, në rrethana të ndryshme sociale dhe ekonomike.

Skenari është nga Doruntina Basha, ndërsa prodhimi bëhet nga Ares Shporta për Vera Films, në bashkëprodhim me Portokal (Bullgari), Papadhimitri Productions (Shqipëri) dhe Code Blue Production (Mali i Zi). Xhirimet fillojnë këtë javë në Prishtinë.

Fondi Hubert Bals ka mbështetur mbi 1,400 projekte filmike ndër vite, shumë prej të cilave janë shfaqur në Festivalet e Kanës, Venecias dhe Berlinale. Skema HBF+EU Minority Co-Production ka për qëllim të tërheqë bashkëprodhues evropianë dhe të lidhë projekte me kinemanë arthouse ndërkombëtare.