Shëndeti

Disa këshilla si të ruani shëndetin para gjumit

Një prej tyre është, fikni telefonin!

Published

on

Veprimet e mëposhtme mund t’i bëni çdo mbrëmje, përpara gjumit dhe do ju ndihmojnë jo vetëm të flini dhe do të ndiheni mirë por edhe do të merrni hapa të rëndësishëm drejt mirëmbajtjes së fizikut.

Fikni telefonin!

Minimizimi i ekspozimit ndaj dritës së ekranit të telefonit, tabletit, kompjuterit apo televizorit është hapi më i rëndësishëm drejt një gjumi të mirë.

Sipas ekspertëve, mjaftojnë vetëm 2 orë ekspozim ndaj dritës së ekranit të këtyre pajisjeve që nivelet e melatoninës, hormonit të gjumit, të bien me 23 përqind.

Melatonina ka rëndësi sepse mungesa e saj prish cilësinë e gjumit dhe për pasojë rrit rrezikun e mbipeshës dhe diabetit.

Hani ushqim më herët!

Vakti i fundit, pra darka, duhet ngrënë herët dhe duhet të jetë e lehtë nëse dëshironi të shmangni shtimin në peshë.

Gjithçka ka të bëjë me insulinën e cila është më efikase në mëngjes.

Insulina është një hormon që nxit muskujt dhe qelizat yndyrore të përthithin sheqerin nga gjaku dhe ta kthejnë atë ose në energji ose ta ruajnë si depozitë dhjamore.

Duke qenë se insulina është më efikase në mëngjes, nëse ti ha një darkë të rëndë, gjasat janë që do të shtoni më shumë depozitat dhjamore.

Ndaj darka duhet ngrënë sa më herët aq më mirë.

Nëse ju merr uria më vonë gjatë natës hani diçka me proteinë, siç është veza e zier.

Stimuloje mendjen

Nëse bie pre e mërzisë së përditshmërisë, gjasat janë që do të kesh nevojë të hash më shumë dhe rrjedhimisht të shëndoshesh.

Ekspertët sugjerojnë që mënyra më e mirë për të luftuar mërzinë është stimulimi i mendjes.

Me fjalë të tjera, lexo një libër, shkruaj ditar, bëj një banjë dhe dëgjo podkaste, ose materiale shpjeguese audio të tematikave nga më të ndryshmet.

Mos pini alkool

Alkoli prish jo vetëm cilësinë e gjumit por edhe të mpin shqisat e të nxit urinë. Askujt nuk i shkon mendja të hajë shëndetshëm pasi ka pirë disa gota alkol, ndaj në vend të tij pini një çaj.

Një këshillë të fundit

Nëse ju mbani temperaturë disi të ftohtë në dhomën tuaj të gjumit do të ndihmoni veten në misionin për dobësim./AgroWeb.org

Shëndeti

Ushqimet më të mira kundër fryrjes së stomakut

Published

on

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Continue Reading

Shëndeti

Qëndrimi ulur për periudha të gjata rrit rrezikun për sëmundje kronike

Published

on

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Continue Reading

Shëndeti

Të mirat dhe “dëmet” nga konsumimi i fasuleve

Published

on

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Continue Reading

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

on

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!

Continue Reading

Të kërkuara