Aktualitet

Deklarata e G7 akuzon Kinën për mos respektim të të drejtave të njeriut – Kina denoncon akuzat

Kina ka akuzuar G7 për “manipulim politik” pasi kritikoi Pekinin për një sërë çështjesh.

Publikuar

3 vjet më parë

më

Në një deklaratë të përbashkët në fund të një samiti tre-ditor, udhëheqësit e vendeve të G7 i kërkuan Kinës “të respektojë të drejtat e njeriut dhe liritë themelore”.

Çështjet e theksuara përfshinin abuzimet kundër grupit të pakicës myslimane Ujgur dhe goditjen e aktivistëve pro-demokracisë në Hong Kong.

Ambasada e Kinës në Mbretërinë e Bashkuar akuzoi G7 për “akuza të pabaza”.

“Ndaloni shpifjet ndaj Kinës, ndaloni ndërhyrjet në punët e brendshme të Kinës dhe ndaloni dëmtimin e interesave të Kinës,” tha një zëdhënës të hënën.

Deklarata nga G7 – shtatë të ashtuquajturat ekonomitë më të përparuara në botë – përfshiu premtime për një numër çështjesh, të tilla si përfundimi i pandemisë së koronavirusit dhe hapat për të trajtuar ndryshimin e klimës, si dhe referencat për Kinën.

Grupi, i përbërë nga Kanada, Franca, Gjermania, Italia, Japonia, Britania e Madhe dhe ShBA-së, i bëri thirrje Kinës të respektojë të drejtat e njeriut në Xinjiang, një rajon veri-perëndimor që është shtëpia e ujgurëve dhe pakicave të tjera myslimane.

Ekspertët përgjithësisht pajtohen se Kina ka arrestuar deri në një milion ujgurë dhe myslimanë të tjerë dhe ka burgosur qindra mijëra të tjerë gjatë procesit të shtypjes së saj në Xinjiang, që cili filloi në vitin 2017. Ka pasur raporte të torturave fizike dhe psikologjike brenda burgjeve dhe kampeve të paraburgimit në Rajon. Megjithatë, Kina ende i mohon akuzat.

Deklarata e G7 bëri thirrje gjithashtu që të respektohen të drejtat dhe liritë në Hong Kong, ku një ligj i ri i sigurisë i miratuar nga Kina vitin e kaluar e ka bërë më të lehtë dënimin e protestuesve. Udhëheqësit thanë se Hong Kongu duhet të ruajë një “shkallë të lartë të autonomisë”, siç përcaktohet në marrëveshje kur iu kthye Kinës në 1997.

Deklarata nënvizon “rëndësinë e paqes dhe stabilitetit” përtej ngushticës së Tajvanit – një rrugë ujore e policuar rëndë që ndan Kinën dhe Tajvanin. Kina e sheh Tajvanin demokratik si një provincë të shkëputur, por Tajvani e sheh veten si një shtet sovran.

Deklarata gjithashtu kërkon një hetim të ri në Kinë për origjinën e Covid-19.

Presidenti i SHBA Joe Biden tha se ishte “i kënaqur” me gjuhën e deklaratës për Kinën.

Por ambasada kineze në Mbretërinë e Bashkuar kundërshtoi përmendjen e Xinjiang, Hong Kong dhe Tajvanit, për të cilat tha se shtrembërojnë faktet dhe ekspozuan “qëllimet e mbrapshta të disa vendeve të tilla si Shtetet e Bashkuara”.

Një mesazh më i fortë për Kinën pritet të lëshohet nga udhëheqësit e aleancës ushtarake të NATO-s në një takim të hënën.

“Ne e dimë që Kina nuk ndan vlerat tona … ne duhet të përgjigjemi së bashku si një aleancë,” tha Sekretari i Përgjithshëm i NATO-s Jens Stoltenberg ndërsa mbërriti në samitin një ditor në Bruksel.

Këshilltari i Shtëpisë së Bardhë për sigurinë kombëtare Jake Sullivan tha se vendi do të paraqitej në komunikatën e NATO-s “në një mënyrë më të fuqishme sesa kemi parë ndonjëherë më parë”.

(Përktheu dhe përshtati UBTNews)

Etiketa
Vazhdo të lexosh

Aktualitet

​Shqipëria do të prodhojë armë, rikthehet industria ushtarake

Publikuar

1 ditë më parë

më

21 Maj, 2024

nga

Shqipëria do të prodhojë armë dhe municione. Një projektligj i Ministrisë së Mbrojtjes i hap rrugë iniciativës përmes ngritjes së një shoqërie shtetërore, e cila do të kontrollojë këtë sektor.

Thirrjen e parë për ngritjen e kësaj infrastrukture në vendin tonë, e bëri presidenti i Ukrainës, Volodymyr Zelensky, kur vizitoi Tiranën në shkurt të këtij viti, dhe qeverie shqiptare nuk e kundërshtoi.

Propozimi për rikthimin e industrisë ushtarake, argumentohet me nevojat gjeopolitike të kohës, ku furnzimi me armë është bërë i domosdoshëm për NATO-n dhe vendet që ajo mbështet në pozicione lufte.

Përveç kësaj, angazhimi në fuqizimin e një industrie të tillë, mund të konsiderohet edhe si një aktivitet fitimprurës për ekonominë e vendit.

Shoqëria shtetërore që do të ngrihet, pritet të rikthejë në funksion uzinat e dikurshme, dhe të integrojë teknologji të reja në armatime.

Kujtojmë se ky nuk do të jetë investimi i vetëm në fushën e mbrojtjes, pasi një plan afatgjatë 10-vjeçar synon mobilizime të shtuara në ushtri dhe ngritjen e disa bazave ushtarake./Euronews.al/

Vazhdo të lexosh

Bota

Mijëra njerëz vuajnë pasojat shkatërruese të përmbytjeve në Afganistan

Publikuar

5 ditë më parë

më

17 Maj, 2024

nga

Mijëra njerëz strehohen në tenda, pasi më shumë se 300 u vranë dhe dhjetëra të tjerë janë zhdukur në Baghlan të Afganistanit, duke mbajtur pjesën më të madhe të kërdisë së shkaktuar nga përmbytjet.

Reshjet e dendura shkaktuan përmbytje në provinca të shumta afgane, ku Baghlan u godit më rëndë, duke shkatërruar 2.500 deri në 3.000 shtëpi, duke vrarë qindra bagëti dhe duke dëmtuar rrugët dhe infrastrukturën tjetër gjatë tre ditëve të fundit.

Bilanci i viktimave nga përmbytjet shkatërruese në provincën veriore Baghlan të Afganistanit është rritur në 315, me 1.630 të lënduar, njoftoi më 12 maj Ministria e Refugjatëve dhe Riatdhesimit.

Muajin e kaluar, të paktën 70 njerëz u vranë dhe dhjetëra të tjerë u plagosën nga shirat e dendur dhe përmbytjet në zona të ndryshme të vendit të shkatërruar nga lufta.

Ministri i përkohshëm i Ekonomisë Din Mohammad Hanif i ka kërkuar OKB-së, agjencive humanitare dhe biznesit privat të ofrojnë mbështetje për ata që janë goditur nga përmbytjet.

Vazhdo të lexosh

Aktualitet

Sot i jepet lamtumira e fundit policit që u vra para dy ditësh në Fier

Publikuar

1 javë më parë

më

15 Maj, 2024

nga

Në hollin e Teatrit Bylis në Fier është vendosur arkmorti me trupin e pajetë të efektivit të policisë ku do të kryhen homazhe nga familjarë, kolegë, qytetarë dhe autoritete për t’i dhënë lamtumirën e fundit.

Më pas arkmorti me trupin e tij do të përcillet në banesën e fundit në varrezat e fshatit Baltëz.

Efektivi i policisë Novruz Cenalia u vra dy ditë më parë në fshatin Baltëz pas një konflikti të çastit me 23 vjeçarin Azgan Mernica i cili pas kryerjes se kësaj vrasje është në arrati. Prej dy ditësh forcat e policisë, forcat speciale RENEA kanë vijuar kërkimet për gjetjen e autorit duke u shtrirë në disa qytete të jugut të vendit.

Vazhdo të lexosh

Lajmet

Parullat fashiste në sport: Kritikat e Bashës për Euro 2027 dhe bashkëpunimin Shqipëri-Serbi

Publikuar

2 javë më parë

më

10 Maj, 2024

nga

Federata Shqiptare e Futbollit dhe ajo e Serbisë janë bërë bashkë dhe kanë dorëzuar në UEFA kërkesën e përbashkët për të organizuar finalet e Euro 2027 për moshat U-21.Deputeti i Vetëvendosjes, Dimal Basha, ka denoncuar bashkëpunimin e Federatës Shqiptare të Futbollit me Federatën e Serbisë për organizimin e Euro 2027 për moshat U-21, duke e quajtur “e turpshme”.

Basha argumenton se parullat fashiste të tifozëve serbë, të cilat përfshijnë thirrjet për vrasjen e shqiptarëve, përbëjnë një shkelje të qartë të vlerave humane dhe sportive. Ai thekson se kjo është një formë e diskriminimit ndaj shqiptarëve, pa marrë parasysh vendndodhjen e tyre gjeografike.

Basha fton Federatën Shqiptare të tërhiqet nga kjo bashkëpunim dhe të kërkojë falje për çdo ndikim të tillë të parullave fashiste në sport. Ky shqetësim rrit tensionet ndërmjet dy vendeve dhe nxit diskutime mbi etikën dhe politikat e futbollit në Ballkan.

“Dëgjova se Federata Shqiptare paska apliku me Federatën e Serbisë për organizimin e Evropianit 2027 për U21! E turpshme! Duhet me ditë federata shqiptare që motoja kryesore e fansave te Zvezdës e Partizanit (por edhe fansave të Serbisë) është “Kosova je Serbija” dhe ubij shiptari” (vriti shqiptarët).  Pra nuk kërkojnë me na vra veç neve n’Kosovë, por SHQIPTARËT, pa dallim vendit ku jetojnë! Tërhiquni dhe kërkoni falje”, jep qëndrimin e tij deputeti Basha në rrjetin social në Facebook. /UBTNews/

Vazhdo të lexosh

Të kërkuara