Lajmet

Cilat mund të jenë përfitimet edhe rreziqet e Shqipërisë nga bashkëprodhimi i municioneve me Ukrainën?

Sipas njohësit të çështjeve të sigurisë, Drizan Shala një bashkëpunim i tillë do të sillte përfitime për Shqipërinë.

Published

2 years ago

on

Më 28 shkurt, Tirana ishte nikoqire e samitit “Ukrainë – Evropa Juglindore”. Mesazhet kryesore që u përcollën aty ishin që të vazhdohet ndihma ushtarake dhe financiare për Ukraninën, po njëkohësisht edhe u paralajamëruan rreziqe për Ballkanin Perëndimor nga Rusia.

Me iniciativën e Ukrainës, një temë tjetër që gjatë atij samiti u diskutua ishte edhe çështja e bashkëpunimit të saj me shtetet e Ballkanit Perëndimor sa i përket bashkëprodhimit të municioneve.

Sipas njohësit të çështjeve të sigurisë, Drizan Shala një bashkëpunim i tillë do të sillte përfitime për Shqipërinë.

“Ndërsa në anën tjetër, Shqipëria duke përfituar patjetër një subvencion në kontekstin financiar në përbërje me shtetet e bashkimit të aleancave euroatlantike, kanë në pakon e tyre rreth 600 milionë dollarë të cilët do të përdoren për modernizim, furnizim me mjete ushtarake dhe një kapje e tillë e shumave të caktuara do të kishin pasur një impakt të drejtpërdrejt në kontekstin edhe ekonomik, politik dhe asaj ushtarak”, deklaroi ai për UBTNews.

Në anën tjetër, Shala thotë kjo do të mund të sillte edhe rreziqe për shtetin shqiptar.

“Sa i përket rrezikshmërisë ne mund të konstatojmë se do të bëhet target tanimë i strukturave ruse, por njëkohësisht do të tentohet, kemi edhe sabotime në formate të ndryshme. Mund të konstatojmë për paqe do të jetë target rus padyshim. Me garancë të plotë do të jetë target edhe i shërbimeve serbe, të cilët e shohin këtë si goditje për ekonominë dhe industrinë ushtarake të saj sepse deri më tani Serbia ka përfituar rreth 800 milionë dollarë në kontekstin e suportimit luftarak për dy vjetët e fundit për ushtrine ukrainase, pra 800 milionë më pak te xhirollogaritë shtetërore të shtetit të Serbisë de-facto do të bëjë që Shqipëria, Tirana të jetë target edhe nga struktura të inteligjencës të shtetit serb”, deklaroi ai tutje.

Në fund Shala u shpreh se bashkëprodhimi i armëve me Ukrainën, do të ndikonte pozitivisht edhe për Kosovën. Kjo për faktin se Shqipëria do të mund të furnizonte Ministrinë e Mbrojtjes së Kosovës me teknologjinë e nevojshme që në të ardhmen të prodhoj vet municione. Atëherë kur FSK edhe e përmbyll procesin e saj të transformimit në Forca të Armatosura të Kosovës në vitin 2028./UBTNews/

Realizoi: Dea Berisha

Related Topics:
Continue Reading

Lajmet

Nga sot nis pushimi vjeshtor 2025/26

Published

26 minutes ago

on

October 29, 2025

By

Nxënësit e bankave shkollore në Kosovë për pak ditë do të shkëputen nga mësimi sepse nga sot ata janë në pushimin vjetor të paraparë me ligj.

Ndërkaq, sipas kalendarit zyrtarit, mësimi do të nisë sërish të hënën më datë 3 nëntor.

Njoftim

Sipas Kalendarit Zyrtar të Vitit Shkollor 2025/2026, pushimi vjeshtor për nxënësit e shkollave të Kosovës do të zgjasë nga data 29 tetor deri më 31 tetor 2025. Ky pushim tre-ditor u jep nxënësve një periudhë të shkurtër relaksi para se të vazhdojnë me pjesën e dytë të gjysmëvjetorit të parë. Pas përfundimit të pushimit, procesi mësimor do të rifillojë të hënën, më 3 nëntor 2025, në të gjitha institucionet arsimore të vendit.

/S.K/EO/

Continue Reading

Lajmet

Sot nis Forumi i Paqes në Paris, Kurti përfaqëson Kosovën

Published

1 hour ago

on

October 29, 2025

By

Sot fillon Forumi i Paqes të Parisit, ngjarja ndërkombëtare vjetore që mbahet në Paris, e krijuar për të promovuar bashkëpunimin global dhe qeverisjen shumëpalëshe përballë sfidave botërore.

Kryeministri në detyrë i Republikës së Kosovës, Albin Kurti, ka udhëtuar dje për në kryeqytetin e Francës, ku do të marrë pjesë në këtë forum me ftesë të Presidentit francez, Emmanuel Macron.

Gjatë qëndrimit në Paris, krahas pjesëmarrjes në Forumin e Paqes, kryeministri Kurti do të zhvillojë takime bilaterale në margjina të Forumit.

Ndërkaq, mbrëmë Kurti ishte i ftuar nderi në darkën e shtruar nga Qarku diplomatik i Parisit./S.K/EO/

Continue Reading

Lajmet

​Tri duele të zjarrta sot në Superligë

Published

2 hours ago

on

October 29, 2025

By

Xhiro e 11-të e Superligës së Kosovës në futboll do të vazhdojë edhe sot me tri ndeshje të tjera, ku vëmendja kryesore do të jetë në Podujevë tek lideri i tabelës, Prishtina, e cila viziton Llapin në stadiumin “Zahir Pajaziti”.

Në dy ndeshjet tjera, Drenica e pret Dritën kurse Ferizaj ballafaqohet me Prishtinën e Re.

Të tri ndeshjet nisin nga ora 13:00.

Ndërkaq, dje u zhvilluan dy ballafaqimet e para ku Ballkani deklasoi Malishevën me rezultat 5-0, kurse Dukagjini triumfoi ndaj Gjilanit me rezultat 2-0./S.K/KP/

 

 

Continue Reading

Lajmet

Sulmet izraelite vrasin 33 persona në Gaza

Published

2 hours ago

on

October 29, 2025

By

Të paktën 33 palestinezë u vranë në një valë sulmesh izraelite në Gaza, njoftojnë agjencia e Mbrojtjes Civile dhe spitalet e drejtuara nga Hamasi.

Izraeli kreu sulmet në përgjigje të asaj që tha se ishin shkelje nga Hamasi të marrëveshjes së armëpushimit të ndërmjetësuar nga SHBA-të, shkruan BBC.

Ministri i mbrojtjes i Izraelit akuzoi Hamasin për një sulm në Gazën jugore që vrau një ushtar izraelit të martën dhe për shkelje të kushteve për kthimin e trupave të pengjeve të vdekura.

Hamasi pretendoi se nuk kishte “asnjë lidhje” me sulmin dhe këmbënguli se ishte i përkushtuar ndaj marrëveshjes së armëpushimit.

Presidenti i SHBA-së Donald Trump mbajti qëndrimin se asgjë nuk do të rrezikonte armëpushimin, por shtoi se Izraeli duhet të kundërsulmojë kur ushtarët e tij të jenë në shënjestër./S.K/KP/BBC/

Continue Reading

Të kërkuara