Lajmet

Çavuşoğlu: Diskutimet për dokumentet “non papers” të rrezikshme për të gjithë Evropën

Published

5 years ago

on

“Turqia mbështet në mënyrë të fuqishme unitetin politik, integritetin territorial, paqen dhe qetësinë e Bosnjë e Hercegovinës”, tha ministri i Jashtëm turk, Çavuşoğlu.

Ministri i Jashtëm i Turqisë, Mevlüt Çavuşoğlu, lidhur me dokumentet joformale (non papers) që qarkullojnë për unitetin territorial të Bosnjë e Hercegovinës tha se këto lloj diskutimesh janë shumë të rrezikshme jo vetëm për rajonin por për të gjithë Evropën, raporton Anadolu Agency (AA).

Çavuşoğlu, pas takimit me ministren e Punëve të Jashtme të Bosnjë e Hercegovinës (BeH), Bisera Turkoviç dhe takimit mes delegacioneve, zhvilloi një konferencë të përbashkët për media.

“Pavarësisht pandemisë së koronavirusit të ri (COVID-19), kontaktet mes dy vendeve vazhdojnë në mënyrë të rregullt”, tha Çavuşoğlu i cili rikujtoi se edhe vizita e zhvilluar në mars në Turqi nga kreu i Këshillit presidencial të BeH-së dhe anëtarëve të tij ishte e dobishme.

Ai vuri në dukje se me homologen e tij zhvilluan takime të frytshme. “Bashkë me të gjithë kolegët tanë kemi diskutuar se si mund të zhvillojmë në fusha të ndryshme marrëdhëniet tona të cilat janë të shkëlqyeshme në aspektin politik”, tha kryediplomati turk.

“Kryesisht dëshiroj të theksoj se mbështetja jonë ashtu si gjithmonë do të vazhdojë edhe në periudhën e ardhshme për Bosnjë e Hercegovinën në luftën e saj kundër COVID-19. Pavarësisht pandemisë vëllimi ynë tregtar nuk u pakësua. Eksportet e Bosnjës drejt Turqisë u rritën pak por ka ende një deficit tregtar në favor të Turqisë. Do të vazhdojmë të punojmë së bashku për të rritur tregtinë por edhe për ta balancuar atë”, tha Çavuşoğlu.

Më tej ai potencoi se Turqia gjithmonë do të vazhdojë të qëndrojë pa dallim pranë Bosnjë e Hercegovinës dhe popullit të saj. “Me sa kemi pasur mundësi kemi dhënë ndihmë për vaksinat, po përpiqemi të sigurojmë vaksina ku dhe së shpejti do të fillohet përdorimi edhe i vaksinave tona kombëtare. Për këtë arsye do të vazhdojmë të japim mbështetjen tonë për Bosnjën mike dhe vëllazërore si në aspektin e sigurimit të burimeve të tjera ashtu edhe në aspektin e mundësive nga vaksinat që do të sigurojmë në të ardhmen”, shtoi Çavuşoğlu.

Duke bërë të ditur se në takim është diskutuar edhe për projektin e autostradës Sarajevë-Beograd, Çavuşoğlu tha: “Jemi të kënaqur që sot në takimin e Këshillit të Ministrave në rend dite është miratimi i marrëveshjes së transportit dhe infrastrukturës e cila është nënshkruar në Turqi”.

Ministri Çavuşoğlu ftoi homologen e tij në takimin e Ministrave të Jashtëm të vendeve të Evropës Juglindore në Antalya dhe në Forumin e Diplomacisë Antalya i cili do të zhvillohet në gjysmën e dytë të qershorit.

Integriteti territorial i Bosnjë e Hercegovinës

Pasi nënvizoi se Turqia mbështet në mënyrë të fuqishme unitetin politik, integritetin territorial, paqen dhe qetësinë e Bosnjë e Hercegovinës, Çavuşoğlu tha se janë të kënaqur për mbajtjen e zgjedhjeve pas 12 viteve në Mostar.

Ndërsa në lidhje me disa dokumente joformale (non papers) që janë publikuar për integritetin territorial të Bosnjës, Çavuşoğlu tha Turqia ka bërë reagimin e saj. “Dëshiroj të theksoj edhe një herë se këto lloj diskutimesh janë shumë të rrezikshme jo vetëm për rajonin por për të gjithë Evropën”, tha ai.

Çavuşoğlu rikujtoi se kjo çështje erdhi në rend dite edhe gjatë vizitës që realizoi dje në Slloveni dhe se zyrtarët sllovenë nuk i pranojnë këto dokumente. Çavuşoğlu shtoi se këto punime me qëllim të keq që janë publikuar në disa media nuk janë të dobishme për askënd.

Projekti i autostradës Sarajevë-Beograd

“Në vend të këtyre punimeve ndarëse duhet t’u jepet rëndësi projekteve që janë bashkuese për rajonin. Ne si Turqi nga pikëpamja e stabilitetit të rajonit i kushtojmë rëndësi këtij projekti dhe do të vazhdojmë të ofrojmë çdo mbështetje për këtë projekt”, nënvizoi Çavuşoğlu lidhur me autostradën Sarajevë-Beograd.

Ai tha se ndërtimi i autostradës ka filluar nga ana e Serbisë. “Me marrëveshjen që do të nënshkruhet sot nga BeH si dhe marrëveshjen që do të nënshkruhet mes kompanisë së BeH-së do të fillojë ndërtimi edhe nga kjo anë”, deklaroi Çavuşoğlu.

Pasi vuri theksin se Turqia mbështet integrimin e BeH-së dhe të vendeve të rajonit në institucionet euro-atlantike, Çavuşoğlu tha se Turqia do të vazhdojë të ofrojë kontribut për stabilitetin e rajonit edhe me mekanizmat trepalëshe Turqi-Kroaci-BeH dhe Turqi-Serbi-BeH.

Related Topics:
Continue Reading

Vendi

Rektori i UBT-së në Washington, mes liderëve botërorë në Lutjet Nacionale të Mëngjesit në SHBA

Published

11 hours ago

on

February 5, 2026

By

Rektori i UBT-së, Prof. Dr. Edmond Hajrizi, po qëndron për vizitë zyrtare në Shtetet e Bashkuara të Amerikës, ku mori pjesë në Lutjet Nacionale të Mëngjesit në Washington, një ngjarje prestigjioze ku mori pjesë edhe Presidenti i SHBA-së, Donald Trump, si dhe liderë të lartë politikë dhe institucionalë nga e gjithë bota.

Ky manifestim tradicional, i cili organizohet që nga viti 1953, mbahet çdo të enjte të parë të muajit shkurt dhe përfaqëson një nga ngjarjet më të rëndësishme shpirtërore dhe institucionale në SHBA.

Lutjet Nacionale të Mëngjesit mbledhin anëtarë të Kongresit Amerikan, politikanë, liderë ushtarakë, si dhe mysafirë nga mbi njëqind vende të botës.

Pjesëmarrja e Prof. Dr. Edmond Hajrizi në këtë ngjarje të rëndësishme përbën një moment domethënës për përfaqësimin akademik dhe institucional të Kosovës në një platformë globale me ndikim të veçantë.

Continue Reading

Vendi

Rektori Hajrizi merr pjesë në pritjen e organizuar nga Ambasada e Kosovës në SHBA

Published

15 hours ago

on

February 5, 2026

By

Rektori i UBT-së, Prof. Dr. Edmond Hajrizi, mori pjesë në pritjen e organizuar nga Ambasadori i Kosovës në SHBA, z. Ilir Dugolli, për delegacionin nga Kosova që po merr pjesë në Lutjet Nacionale të Mëngjesit në Washington.

Gjatë këtij takimi, Rektori Hajrizi pati mundësinë të takohet me deputetë, sipërmarrës, përfaqësues të komunitetit dhe medias, si dhe personalitete të tjera nga jeta akademike dhe institucionale, duke forcuar lidhjet ndërkombëtare dhe duke përfaqësuar Kosovën në një nivel institucional dhe akademik.

Continue Reading

Lajmet

Shqipëria lejon rihapjen e TikTokut

Published

17 hours ago

on

February 5, 2026

By

Qeveria e Shqipërisë ka sqaruar vendimin e 3 shkurtit për rikthimin e TikTok pas gati një viti mbylljeje.

Në sqarim thuhet se vendimi u mor pas një rivlerësimi institucional dhe adresimit të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Qeveria bën me dije se bashkëpunimi i autoriteteve shqiptare me përfaqësuesit e platformës është institucionalizuar dhe se fokusi është zhvendosur nga ndalimi i aksesit në monitorim aktiv dhe përgjegjësi të përbashkët për sigurinë digjitale.

“Sot, autoritetet shqiptare janë në partneritet me përfaqësuesit e TikTok, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.

Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale”, thuhet në njoftimin e Agjencia për Media dhe Informim .

Njoftimi:

Agjencia për Media dhe Informim sqaron median dhe opinion publik në lidhje me vendimin e Këshillit të Ministrave datë 03.02.2026 për heqjen e masave të përkohshme për ndalimin e aksesit në platformën online TikTok

Heqja e masave të përkohshme për ndërprerjen e aksesit në platformën online TikTok është rezultat i një rivlerësimi institucional dhe i adresimit konkret të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Masa e miratuar nga Këshilli i Ministrave në mars 2025 u konceptua dhe u zbatua si një ndërhyrje e parandaluese, në funksion të mbrojtjes së interesit publik dhe adresimit të shqetësimeve të evidentuara gjatë asaj periudhe. Ajo shërbeu edhe për të hapur një dialog të drejtpërdrejtë dhe konstruktiv me platformën, duke vendosur bazat për mekanizma të rinj sigurie, të cilët më parë nuk ishin të pranishëm. Sot, autoritetet shqiptare janë në partneritet me përfaqësuesit e TikTok, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.

Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale.

Paralelisht, po punohet për hartimin e një plani të mirëfilltë komunikimi dhe ndërgjegjësimi, të fokusuar te fëmijët, të rinjtë, prindërit dhe mësuesit, për përdorimin e sigurt dhe të përgjegjshëm të platformave online. Qëllimi është i qartë dhe i orientuar drejt edukimit digjital, mbrojtjes reale dhe ndërtimi i një kulture sigurie në hapësirën online.

Kjo qasje e balancuar synon të garantojë lirinë e aksesit, duke vendosur njëkohësisht interesin e sigurisë dhe mirëqenies së të rinjve në qendër të politikave publike. /REL/

 

Continue Reading

Lajmet

Presidentja Osmani takon Kryetaren e Autoritetit të Kulturës dhe Arteve në Emiratet e Bashkuara Arabe

Published

18 hours ago

on

February 5, 2026

By

Presidentja e Kosovës Vjosa Osmani-Sadriu, gjatë qëndrimit në Emiratet e Bashkuara ka takuar Sheikha Latifa bint Mohammed bin Rashid Al Maktoum, Kryetare e Autoritetit të Kulturës dhe Arteve.

Osmani është shprehur se Kosova dhe Emiratet e Bashkuara Arabe kanë hapësirë për mundësi bashkëpunimi në shumë fusha.

“Kosova dhe Emiratet e Bashkuara Arabe kanë më shumë sesa miqësi: kanë hapësirë për të hapur kapituj të rinj bashkëpunimi edhe në në kulturë, krijimtari, art dhe inovacion”, shkruan Osmani.

Qëllimi i vizitës së Presidentes Osmani në Emiratet e Bashkuara Arabe ishte për Samitin Botëror të Qeverisjes, ku morën pjesë edhe shumë lider tjerë botëror.

Continue Reading

Të kërkuara