Aktualitet

Aeroporti ‘’Adem Jashari’’ njofton pasagjerët që të ndjekin këto udhëzime

Published

on

Aeroporti Ndërkombëtar ‘’Adem Jashari’’, ka bërë një njoftim të ri për të gjithë pasagjerët që shfrytëzojnë këtë pikë udhëtimi përmes trafikut ajror.

Sipas tyre, nga kjo e enjte (2 shtator), ka procedura shtesë gjatë udhëtimit përmes këtij aeroporti, që të njëjtat pika mund t’i gjeni më poshtë si vijon:

”Njoftim i rëndësishëm !!!

Të dashur udhëtarë,

Ju njoftojmë me procedurat shtesë gjatë udhëtimit tuaj përmes ANP’Adem Jashari’, efektive nga data 2 shtator 2021.

-Të gjithë udhëtarët duhet të vazhdojnë të jenë në aeroport 2 orë para fluturimit.

-Të gjithë udhëtarët duhet të bëjnë gati Formularin e Hyrjes në Vend (Country Entry Form), bazuar në vendet e destinacionit. Ju mund të gjeni kodin QR dhe lidhjet për formularët dixhital për secilin vend në hyrjen e terminalit të aeroportit, apo mund t’i gjeni në web faqen tonëwww.limakkosovo.aero

-Ju lusim për vëmendje që këto forma ti plotësoni para mbërritjes tuaj në aeroport sepse për shkaqe teknike është e pamundur që personeli ynë të iu asistoj secilit udhëtar në plotësimin e formave, megjithatë ne do të jemi në dispozicionin tuaj për personat me nevoja të veçanta

-Të gjithë udhëtarët duhet të kenë PCR test negativ jo më të vjetër se 72 orë deri në kohën e fluturimit, apo antigjen test negativ jo më të vjetër se 48 orë deri në kohën e fluturimit, ose kartën e vaksinimit për 2 doza vaksinash. Vaksinat duhet të jenë vaksina të pranuara nga BE dhe duhet të kenë kaluar 14 ditë nga doza e dytë. Për ndryshime nga këto rregulla ju lusim që të kontrolloni kërkesat e vendit/destinacionit.

-Të gjithë udhëtarët duhet të bëjnë gati të gjitha dokumentet e kërkuara dhe ti kenë në duar që t’i prezentojnë te personeli ynë në momentin e paraqitjes së tyre.

-Udhëtarët që nuk janë në gjendje t’i tregojnë dokumentet e kërkuara në hyrje të terminalit të aeroportit duhet ta lëshojnë rendin dhe pas kompletimit të dokumentacionit duhet të ri-rreshtohen përsëri.

-Më tej, mirësisht ju lusim që të kontrolloni sportelet (check-in) në bazë të kompanisë ajrore dhe numrit të fluturimit dhe jo vetëm destinacionin, sepse ndodhë që në të njëjtën kohë ka fluturime për destinacionin e njëjtë dhe duke mos kontrolluar saktë nr. e fluturimit, ndodhë që jeni duke pritur në radhën dhe sportelin e gabuar dhe më pas të jeni me vonesë në fluturimin e duhur. E njëjta duhet shikuar edhe gjatë qëndrimit në radhë në dalje për në aeroplan.

-Për procedura të vizave, dokumenteve tjera shtesë të udhëtimit gjatë kohës së pandemisë, ju lusim që gjithmonë t’i referoheni informacionit të publikuar në ëeb faqet e ambasadave të shteteve përkatëse.

Ju lusim t’i keni parasysh rregullat e paisjes me maska, pritjes dhe përcjelljes së udhëtarëve të publikuara më parë.

Poashtu, ju lusim për mirëkuptimin tuaj dhe respektimin e procedurave të lartëshënuara!”.

Bota

Mbreti Charles dhe Princi William shprehin keqardhje për ngjarjen në Liverpool

Published

on

By

Mbreti Charles ka reaguar pas incidentit të rëndë që ndodhi dje gjatë festës së klubit në Liverpool, ku një makinë hyri në turmë, duke lënë rreth 50 persona të lënduar.

Pallati Buckingham përmes një deklarate shprehu tronditjen e thellë të Mbretit Charles dhe Mbretëreshës Camilla për ngjarjet e pakëndshme që ndodhën.

“Është vërtetë shkatërruese që një festë e gëzueshme për shumë njerëz përfundoi në rrethana të tilla shqetësuese,” thuhet në deklaratë.

Edhe Princi William i Uellsit reagoi, duke shprehur keqardhjen e tij për situatën dhe solidaritetin me të plagosurit dhe shërbimet e emergjencës.

“Në këtë moment të vështirë, shpirti i qytetit të Liverpoolit do të jetë mbështetja dhe ngushëllimi për të gjithë,” theksoi ai.

Continue Reading

Bota

Rusia kërkon takim në OKB për të diskutuar rolin e vendeve evropiane në Ukrainë

Published

on

By

Rusia ka kërkuar një takim të Këshillit të Sigurimit të Organizatës së Kombeve të Bashkuara për të diskutuar atë që e konsideron si kërcënim nga disa vende evropiane, të cilat sipas saj po pengojnë përpjekjet për zgjidhjen e konfliktit në Ukrainë. Lajmin e bëri të ditur Zëvendës Përfaqësuesi i Parë i Përhershëm të Rusisë në OKB, Dmitry Polyansky.

Ai tha se vendet evropiane, të cilat mbështesin qeverinë e Kievit, kanë kërkuar një takim për situatën humanitare në Ukrainë më 29 maj. Përgjigjësisht, Rusia ka kërkuar një takim tjetër, për të diskutuar kërcënimet ndaj paqes dhe sigurisë globale si pasojë e veprimeve të disa vendeve evropiane.

Polyansky njoftoi se Rusia pret që presidenca greke e Këshillit të Sigurimit të caktojë këtë takim për në 30 maj në orën 10:00 sipas kohës së Nju Jorkut.

Diplomati rus theksoi gjithashtu se kundërshtarët e Rusisë në OKB, të cilët presin rezultatet e bisedimeve në Stamboll dhe reagimin e administratës amerikane, po kërkojnë të mbajnë temën e Ukrainës aktive në Këshillin e Sigurimit, edhe nëse kjo mund të krijojë tensione me administratën e re amerikane.

Continue Reading

Bota

Presidentja e Komisionit Evropian dënon sulmet në Gaza dhe kërkon ndihma humanitare

Published

on

By

Presidentja e Komisionit Evropian, Ursula von der Leyen, ka dënuar sulmet ajrore izraelite ndaj objekteve civile në Rripin e Gazës, duke përfshirë edhe një shkollë që shërbente si strehimore për familje palestineze. Në një bisedë telefonike me Mbretin Abdullah të Jordanisë më 27 tetor, ajo e cilësoi si “neveritshme” vrasjen e civilëve, përfshirë fëmijët.

Sulmet, të cilat kanë shkaktuar të paktën 52 viktima, janë pjesë e ofensivës së Izraelit kundër grupit Hamas, i cili konsiderohet organizatë terroriste nga Bashkimi Evropian dhe Shtetet e Bashkuara.

“Komisioni Evropian mbështet të drejtën e Izraelit për siguri dhe vetëmbrojtje, por përdorimi i forcës kundër civilëve nuk mund të justifikohet sipas ligjit ndërkombëtar,” tha von der Leyen. Ajo kërkoi gjithashtu që Izraeli të lejojë dërgimin e ndihmave humanitare në mënyrë të menjëhershme, me përfshirjen e Kombeve të Bashkuara dhe organizatave ndërkombëtare.

Bashkimi Evropian po përballet me sfida për të ndikuar në konflikt për shkak të ndarjeve mes vendeve anëtare, disa prej të cilëve mbështesin Izraelin, dhe të tjerëve që kanë qëndrime më pro-palestineze. Megjithatë, intensifikimi i ofensivës ka rritur thirrjet për presion ndërkombëtar mbi Izraelin.

Konflikti aktual nisi pas sulmit të militantëve të Hamasit në jugun e Izraelit, ku humbën jetën mbi 1.200 persona dhe u morën peng 251 persona, disa prej të cilëve janë liruar gjatë negociatave të armëpushimit.

Continue Reading

Bota

BE: Të përkushtuar ndaj përpjekjeve të SHBA-së për një marrëveshje tregtare

Published

on

By

Pas telefonatave me zyrtarët amerikanë, komisioneri i Tregtisë i BE-së Marosh Shefçoviç theksoi se Komisioni Evropian mbetet i përkushtuar për të arritur një marrëveshje tregtare me Shtetet e Bashkuara.

Në një postim në platformën e mediave sociale X, ai tha se zhvilloi “biseda pozitive” me sekretarin e Tregtisë të SHBA-së Howard Lutnick dhe Përfaqësuesin e Tregtisë Jamieson Greer, duke shtuar se Komisioni i BE-së do të “qëndrojë në kontakt të vazhdueshëm me Shtetet e Bashkuara”.

Presidenti i SHBA-së, Donald Trump e zgjati afatin për tarifat e tij të planifikuara prej 50% për mallrat e BE-së deri më 9 korrik, pas një telefonate me presidenten e Komisionit Evropian Ursula von der Leyen.

Trump kishte thënë se bisedimet tregtare me Brukselin “nuk po çojnë askund” dhe se për këtë arsye ai dëshironte një tarifë të drejtpërdrejtë prej 50% për të gjitha importet e BE-së duke filluar nga 1 qershori.

Continue Reading

Të kërkuara