Sport

Statistikat: Bajerni favorit, por Interi di si t’i tregojë derën

Published

9 months ago

on

Ja ku jemi në fazën vendimtare të Ligës së Kampioneve. Bajerni dhe Interi do të sfidohen në “Allianz Arena” për një sfidë të jashtëzakonshme dhe me shumë kujtime të bukura. Do të jetë e dhjeta mes tyre, çka e ngre në piedestal sfidën italo-gjermane.

Kjo do të jetë përballja e 10- të ndërmjet Bajernit të Mynihut dhe Interit në kompeticionet evropiane, me skuadrën gjermane që ka fituar pesë nga nëntë të mëparshmet (B1, H3), përfshirë më të fundit në Ligën e Kampionëve (sukses 2-0 në secilën prej ndeshjeve në fazën e grupeve 2022/23).

– Interi ka humbur katër nga 7 ndeshjet e tij kundër bavarezëve në Ligën e Kampioneve (F2, B1), megjithëse eliminoi skuadrën gjermane në dy rastet në të cilat u ndesh në fazën eliminatore të turneut: 2-0 në finalen e edicionit 2009/10 dhe kualifikim falë golave në transfertë në turin e 1/8-ave të turneut (2013-13-10).

– Vetëm Real Madrid (shtatë) e ka eliminuar Bajernin e Mynihut në raundet më eleminim të Ligës së Kampioneve më shpesh se sa zikaltrit (dy herë); Ajo italiane është një nga 5 skuadrat që kanë pasur sukses më shumë se një herë (Barcelona, Çelsi dhe Milan, gjithashtu kanë dy).

– Ekipi i Vinsent Kompani ka mbetur i pamposhtur në 22 ndeshjet e fundit në shtëpi në Ligën e Kampioneve (17 fitore, 5 barazime). Humbja e fundit e bavarezëve në shtëpi daton në prill të vitit 2021, kundër PSG-së (3-2 në çerekfinalen e parë).

– Ndër klubet që kanë luajtur të paktën 10 ndeshje në një edicion të vetëm të Kupës së Kampioneve/ Champions, përqindja e portave të paprekura nga ana e Interit (80%) këtë sezon, është më e larta e regjistruar ndonjëherë nga një ekip në një edicion të vetëm të turneut (tetë ndeshja pa pësuar nga 10 për kampionët e Italisë në fuqi).

– Bajerni i Mynihut ka regjistruar nivelin më të lartë të presionit në 1/3-tën e fundit të fushës për ndeshje në këtë edicion të Champions-it (121.8). Në fakt, mesatarja e gjermanëve prej 12.8 rikuperime sulmuese për ndeshje, këtë sezon është më e larta e regjistruar ndonjëherë nga një ekip që nga ajo e vetë Bajernit në edicionin 2021/22 (13.2).

– Herri Kejn është përfshirë drejtpërdrejt në 50 gola në 55 paraqitje në Champions (39 gola, 11 asistime), duke përfshirë 12 gola në 11 ndeshje në këtë edicion. Vetëm Robert Levandovski ka qenë i përfshirë në më shumë gola në një sezon të vetëm në turneun për Bajernin e Mynihut (20 në 2019/20, 16 në 2021/22).

– Lautaro Martinez ka shënuar 6 herë në nëntë paraqitje në këtë Ligë të Kampioneve; lojtari i fundit që ka shënuar më shumë në një edicion të turneut ishte Samuel Eto në 2010/11 (tetë), goli i fundit i të cilit i atij sezoni erdhi pikërisht kundër ekipit bavarez në turin e 1/8-tave.

– Joshua Kimish ka kryer 1015 pasime në këtë Champions; një rekord në një edicion të vetëm të turneut që nga viti 2013/14 (1080, Toni Kros dhe 1020, Ksavi në atë rast). Në të njëjtën kohë, mesfushori aktual i Bajernit është ai që ka krijuar më shumë raste për shokët e skuadrës (35) dhe ka bërë më shumë pasime vertikale për të kapërcyer presionin e kundërshtarit (201) në këtë turne.

– Në tri edicionet e fundit të Champions-it (që nga 2022/23), Ashraf Hakimi është i vetmi mbrojtës anësor që ka dhënë më shumë asistime se Federico Dimarko i Interit (gjashtë). Pasimet për gol ishin për lojtarë (Xheko, Çalhanoglu, Mkhitarian, Korrea, Martinez, Turam).

Related Topics:
Continue Reading

Sport

Top 20 sportistë më të paguar në histori

Published

12 hours ago

on

January 2, 2026

By

Sporti është një veprimtari shumë fitimprurëse. Natyrisht, për sportistët që arrijnë rezultate kulmore.

Lista më poshtë sjell 20 sportistët, me fitimet më të mëdha gjatë karrierës së tyre sportive.

  1. Majkëll Xhordan – Basketboll (SHBA) – 4.15 miliardë dollarë
  2. Tajgër Uds – Golf (SHBA) – 2.79 miliardë dollarë
  3. Kristiano Ronaldo – Futboll (Portugali) – 2.23 miliardë dollarë
  4. LeBron James – Basketboll (SHBA) – 1.88 miliardë dollarë
  5. Lionel Mesi – Futboll (Argjentinë) – 1.85 miliardë dollarë
  6. Arnold Palmer – Golf (SHBA) – 1.82 miliardë dollarë
  7. Xhek Niklaus – Golf (SHBA) – 1.75 miliardë dollarë
  8. Dejvid Bekam – Futboll (Angli) – 1.61 miliardë dollarë
  9. Roxher Federer – Tenis (Zvicër) – 1.59 miliardë dollarë
  10. Flojd Mejuezer Junior – Boks (SHBA) – 1.52 miliardë dollarë
  11. Fil Mikelson – Golf (SHBA) – 1.49 miliardë dollarë
  12. Mihail Shumaher – Formula 1 (Gjermani) – 1.39 miliardë dollarë
  13. Shakil O’Nil – Basketboll (SHBA) – 1.27 miliardë dollarë
  14. Nejmar Junior – Futboll (Brazil) – 1.17 miliardë dollarë
  15. Kobi Brajant – Basketboll (SHBA) – 1.11 miliardë dollarë
  16. Kevin Durant – Basketboll (SHBA) – 1.07 miliardë dollarë
  17. Luis Hamilton – Formula 1 (Angli) – 970 milionë dollarë
  18. Majk Tajson – Boks (SHBA) – 965 milionë dollarë
  19. Aleks Rodrigez – Bejsboll (SHBA) – 795 milionë dollarë
  20. Meni Pakjao – Boks (Filipine) – 490 milionë dollarë

Continue Reading

Sport

E konfirmuar: Vjen drita jeshile për stadiumin nacional, ndahen milionat e para

Published

5 days ago

on

December 29, 2025

By

Sekretari i Përgjithshëm i Ministrisë së Kulturës, Rinisë dhe Sportit, Bislim Bislimi, ka bërë të ditur se stadiumi nacional është përfshirë në projektbuxhetin e vitit 2026, me një vlerë fillestare prej 4 milionë euro.

Në një intervistë për KosovaPress, Bislimi ka theksuar se ky projekt do të shtrihet edhe në vitet në vijim dhe se kostoja totale pritet të tejkalojë shifrën prej 20 milionë euro, duke e cilësuar stadiumin nacional si një domosdoshmëri për vendin.

Duke folur për rëndësinë e këtij projekti, Bislimi ka sqaruar se stadiumi nacional është diskutuar në kuadër të vlerësimit të nevojave reale të Kosovës për infrastrukturë sportive, ndërsa ka nënvizuar se aktualisht po investohet në mbi 20 stadiume në të gjithë vendin, sipas planit pesëvjeçar për zhvillimin e infrastrukturës futbollistike, i cili kap vlerën mbi 200 milionë euro.

Ai ka shtuar se stadiumi nacional do të jetë i veçantë për nga përmasat dhe standardet inxhinierike e sportive, duke u dalluar nga projektet e tjera ekzistuese.

“Ka të reja sa i përket stadiumit nacional. Është përfshirë në projekt-buxhet të vitit 2026 me një vlerë fillestare prej 4 milionë euro. që pastaj vazhdon në vitet në vazhdim. Me siguri shkon mbi 20 milionë. Besojmë shumë që ky projekt deri në këtë moment është diskutuar vetëm sa i përket vlerësimit të nevojave të vendit tonë për një stadium nacional. Ne po investojmë në mbi 20 stadiume në gjithë Kosovën, sipas planit të dakorduar pesë vjeçar për ngritjen e infrastrukturës futbollistike që përfshin një shifër prej mbi 200 milionë euro.”, bëri të ditur Bislimi.

Sa i përket fazës fillestare, Bislimi ka bërë të ditur se shuma prej 4 milionë eurosh e paraparë për vitin 2026 është e mjaftueshme për përgatitjet teknike dhe nisjen fillestare të punimeve në stadium. Megjithatë, ai ka theksuar se lokacioni i ndërtimit të stadiumit nacional ende nuk është përcaktuar dhe mbetet çështje për t’u vendosur në vazhdim.

Continue Reading

Lajmet

Zhegrova mungoi në stërvitjen e Juventusit

Published

1 week ago

on

December 24, 2025

By

Juventusi ka vazhduar përgatitjet për ndeshjen e së shtunës ndaj Pisas në Serie A, mirëpo, gjatë stërvitjes së sotme, dy yje të skuadrës kanë munguar, Edon Zhegrova dhe mbrojtësi Gleison Bremer.

“Tuttomercatoweb” raporton se nuk ka shqetësim të menjëhershëm, pasi mbrojtësi brazilian po ndjek një program individual dhe një ngarkesë të specializuar pas rikthimit nga një dëmtim afatgjatë.

Edon Zhegrova mungoi në stërvitje pasi thuhet se pati temperaturë të lehtë.

Zhegrova luajti në ndeshjen e fundit ndaj Romës për më shumë se 30 minuta, pasi e zëvendësoi Francisco Conceicaon e lënduar.

Ai ishte faktor kyç në golin e dytë të Juventusit i shënuar nga Lois Openda mirëpo bëri një gabim te goli i pësuar. Ndeshja përfundoi 2-1 për Juventusin.

Lojtarët e tjerë të dëmtuar që nuk morën pjesë ishin Cabal, McKennie, Conceicao, Vlahovic, Gatti dhe Pinsoglio.

Juventusi luan ndaj Pisas të shtunën në mbrëmje në “Arena Garibaldi”, me fillim nga ora 20:45./S.K/EO/

Continue Reading

Lajmet

Adis Beçiragiq shpallet trajneri i vitit në Bosnje dhe Hercegovinë

Published

1 week ago

on

December 24, 2025

By

Trajneri i Trepçës, Adis Beçiragiq, është nderuar me çmimin “Trajneri i Vitit” në Bosnje dhe Hercegovinë, në kuadër të ceremonisë tradicionale “Atleti më i Mirë i Bosnjës dhe Hercegovinës”, e cila u mbajt në Sarajevë.

Beçiragiq mori këtë vlerësim falë suksesit historik me përfaqësuesen e basketbollit të Bosnjës dhe Hercegovinës në Eurobasket, ku kombëtarja boshnjake siguroi kualifikimin në fazën eliminatore të Kampionatit Evropian për herë të parë pas 32 vitesh.

Ky rezultat u cilësua si një prej arritjeve më të mëdha të sportit në vend gjatë viteve të fundit, duke e vendosur Beçiragiqin në krye të listës së trajnerëve më të vlerësuar në vendlindje.

Krahas angazhimit me kombëtaren, ai është aktualisht në krye të Trepçës në basketbollin kosovar, ku po konfirmon vazhdimisht nivelin e lartë profesional./S.K/EO/

Continue Reading

Të kërkuara