Lajmet

​Rrëzimi i avionit të Prigozhinit, “shumica e rusëve të befasuar që nuk kishte ndodhur më herët”

Prej javësh në Rusi po qarkullonin spekulime rreth asaj se çfarë fati e priste pikërisht Yevgeny Prigozhin.

Published

2 years ago

on

Rusia është një vend plot surpriza. Njerëzit në Rusi u tronditën këtë verë pasi dronët sulmuan qendrën e Moskës disa herë, duke shkaktuar shpërthime dhe dëme në ndërtesa.

Por sot, ndërsa u publikua lajmi se avioni i Yevgeny Prigozhinit është rrëzuar, duke u përplasur në rajonin Tver të Rusisë, shumica e njerëzve nuk ishin aspak të tronditur. Në fakt, shumica e rusëve ndoshta ishin të befasuar që nuk kishte ndodhur më herët, shkruan BBC.

Prej javësh në Rusi po qarkullonin spekulime rreth asaj se çfarë fati e priste pikërisht Yevgeny Prigozhin. Pikërisht dy muaj më parë, shefi i Wagner filloi rebelimin e tij të shkurtër.

Mercenarët e tij pushtuan një qytet të madh rus dhe madje marshuan drejt Moskës. Pasi rebelimi u ndërpre, shumë menduan se ditët e Prigozhin ishin të numëruara. Në fund të fundit, rebelimi ishte një poshtërim për Kremlinin dhe presidenti Putin nuk është lloji i njeriut që fal dhe harron.

Rreth një orë pas rrëzimit, Agjencia Federale Ruse e Aviacionit Rosaviatsiya lëshoi një deklaratë që konfirmoi se emri i Yevgeny Prigozhin ishte një ndër pasagjerët.

Por si po reagon Rusia për këtë? Televizioni shtetëror rus po e mban raportimin për incidentin në minimum, duke cituar zyrtarë qeveritarë pa bërë ndonjë koment. Në buletinin kryesor të lajmeve të mbrëmjes, kanali televiziv “Channel One”, i kontrolluar nga Kremlini, i kushtoi kësaj ngjarje vetëm 30 sekonda.

Sa i përket vetë grupit Wagner, kanalet Telegram të lidhura me mercenarët kanë pohuar se Prigozhin “u vra… nga tradhtarët e Rusisë”.

Sipas mediave ruse, hetuesit po shqyrtojnë një sërë shkaqesh të mundshme, duke përfshirë “veprimet e jashtme”.

Duke komentuar incidentin, analistja politike Tatiana Stanovaya tha se shkaku i rrëzimit të avionit nuk është i rëndësishëm – më domethënës është mesazhi që ai u dërgon çdo rebeluesi tjetër të mundshëm: “Të gjithë do ta shohin këtë si një akt hakmarrjeje dhe ndëshkimi…Nga këndvështrimi i Putinit, si dhe shumë në mesin e zyrtarëve të sigurisë dhe ushtarakëve, vdekja e Prigozhin duhet të shërbejë si një mësim”.

Related Topics:
Continue Reading

Lajmet

​De Bruyne: Nuk kam problem me trajnerin Conte

Published

3 minutes ago

on

October 2, 2025

By

Mesfushori belg, Kevin De Bruyne ka mohuar zërat për një përçarje me trajnerin Antonio Conte, pas fitores së Napolit 2-1 ndaj Sporting Lisbonës në Ligën e Kampionëve.

De Bruyne i cili kishte reaguar me nervozizëm kur u zëvendësua në ndeshjen kundër Milanit, tha se marrëdhëniet me Conten janë të mira.

“Me Conten nuk ka pasur kurrë problem. Jam fitues, dua të luaj dhe të bëj diferencën”, deklaroi ai.

De Bruyne ishte vendimtar në triumfin e Napolit, duke asistuar të dy golat e Rasmus Hojland dhe shpjegoi edhe rolin e tij në skemën e Contes, duke theksuar se shpesh lëviz në qendër, ndërsa shokët e skuadrës ndryshojnë pozicione në sulm.

Belgu iu bashkua Napolit këtë verë pas përfundimit të kontratës me Manchester Cityn dhe deri tani ka qenë një nga lojtarët kryesorë të ekipit italian./S.K/KP/Sky Sport/

Continue Reading

Lajmet

​Policia konfiskon armë, granatë dore, dhe drogë në shtëpitë e tre personave në Kamenicë

Published

13 minutes ago

on

October 2, 2025

By

Policia e Kosovës njofton se tre persona nga fshati Muqivërc e Kamenicës janë arrestuar nga pasi që në shtëpitë e tyre janë gjetur para, armë, fishekë dhe drogë.

Në raportin e Policisë thuhet se janë konfiskuar paratë, një granatë dore, një revole, rreth 345 fishekë të ndryshëm si dhe rreth 1.1 gram me substancë narkotike.

“Fsh. Muqivërc, Kamenicë 01.10.2025 – 04:00. Janë arrestuar tre të dyshuar meshkuj kosovarë pasi që gjatë kontrollit në shtëpitë e tyre janë gjetur dhe konfiskuar para të gatshme një granatë dore, një revole, rreth 345 fishekë të ndryshëm si dhe një sasi rreth 1.1 gramë me substancë narkotike. Me vendim të prokurorit të dyshuarit janë dërguar në mbajtje”, thuhet në raport.

Sipas policisë, me vendim të prokurorit të dyshuarit janë dërguar në mbajtje./D.B/KP

Continue Reading

Lajmet

KEDS-i njofton se sot do të ketë ndërprerje të energjisë elektrike në Prishtinë, Pejë, Prizren dhe Gjilan

Published

16 minutes ago

on

October 2, 2025

By

Kompania për Distribuimin e Energjisë Elektrike në Kosovë (KEDS), ka njoftuar se sot gjatë ditës do të kryhen punime të domosdoshme për siguri të sistemit energjetik në disa rajone në Kosovës.

Si pasoj e kësaj në disa komuna do të ketë ndërprerje të energjisë elektrike.

Në njoftimin e saj kjo kompani ka treguar se për cilat qytete bëhet fjalë.

Ky është orari i ndërprerjeve sipas rajoneve:

Prishtinë

Punime të domosdoshme për siguri të sistemit

1.

Nga NS 35/10[kV] Koliqi do të ndërprehet:

Dalja 10[kV] Koliqi (kodi: 14016002) nga ora 10:00 deri në ora 15:30

Vendet: Koliqi, Ballabani dhe Nishevci.

Arsyeja: Mirëmbajtje preventive. Intervenim në eliminimin e defekteve dhe të gjeturave nga inspektimi me dron.

2.

Nga NS 110/10[kV] Prishtina 6 do të ndërprehet:

NS 10/0.4[kV] SU 5/8 (kodi: 19100043043) nga ora 10:00 deri 13:00.

Vendet: Sheshi – Bill Klinton Bll- V- E 5 -Nr- 1.

Arsyeja: Ndërprerje për siguri. Ndërrimi i ndërprerësit 1250 A.

Punime në projekte investive

1.

Nga NS 110/10(20) [kV] Prishtina 7 do të ndërprehet:

Dalja 10[kV] J18 Grand Store (kodi: 19000030) nga ora 09:00 deri në ora 12:00

Vendet: Grand Store, Fjolla-Kavaja, Qagllavica 1, Bajram Krasniqi L. Janina, Lagja Marigona 1, Servisi i Gorenjes, Grand Store (Te Hysi), Lagjja Qëndresa 1, Lagjja Qëndresa 2, Trimi AL PVC te Grand Store, Trimi AL PVC te Grand Store, Lagje NICI-Veterniku, Lagjja, Katër Dardhat”, mbrapa Nicit, Afër servisit Gorenje- Janina 2, konsumatorët e lagjes Veternik-Naim Berisha, Naser Kelmendi-Nic holding, AL TRADE SH.P.K-TS 3, AL TRADE SH.P.K-TS 4.

Arsyeja: Ndërrimi i transformatorëve dhe i kthinave.

2.

Nga NS 110/10(20) [kV] Prishtina 7 do të ndërprehet:

Dalja 10[kV] J13 Fabrika e Kasetave (kodi: 19000039) nga ora 12:00 deri në ora 18:00

Vendet: Fabrika e Kasetave, Hajvali Vorret dhe Busia Petroll.

Arsyeja: Ndërrimi i transformatorëve dhe i kthinave.

Pejë

Punime të domosdoshme për siguri të sistemit

1.

Nga NS 10kV Klina do të ndërprehet:

Dalja 10 kV J09 Mahalla (me kod: 52000103) prej orës 10:00 deri në ora 16:00.

Vendet: Një pjesë e rr. Klinë – Gurakoc, Tigvesh Pompat e ujit, Kisha Katolike dhe lagjja Grabanicët.

Arsyeja: Energjizim i trafostacionit të ri.

Prizren

Punime të domosdoshme për siguri të sistemit

1.

Nga NS 110/10 [kV] Theranda do të ndërprehet:

Dalja 10 [kV] Shpenadija (kodi: 32000023) nga ora 10:00 deri në ora 15:30

Vendet: fshatrat: Caparc, Novak, Serbica e Epërme, Shpenadi, Smaç, Trepetincë dhe Velezhë.

Arsyeja: Mirëmbajtje preventive, intervenim në eleminimin e defekteve dhe të gjeturave nga inspektimi me dron.

Gjilan

Punime të domosdoshme për siguri të sistemit

1.

Nga NS 35/10[kV] Artana do të ndërprehet:

Dalja 10[kV] Slivova (kodi: 60024003) nga ora 10:00 deri në ora 15:30

Vendet: Fshatrat: Artanë-Llabjan (një pjesë), Artanë (një pjesë), Bostan, Brus (një pjesë), Dragoc, Kukavicë, Gelmivad (një pjesë), Izvor, Koznicë, Llabjan, Llajshevc, Manishnicë, Parallov (një pjesë), Prekovc, Vlasali dhe Zebinc.

Arsyeja: Mirëmbajtje preventive. Intervenim në eliminimin e defekteve dhe të gjeturave nga inspektimi me dron.

* * *

Punime nga pala e tretë

1.

Nga NS 110/35/10[kV] Vitia do të ndërprehet:

Dalja 10[kV] Vitia (kodi: 61067005) nga ora 10:00 deri në ora 14:30

Vendet: Rrugët: 11 Marsi (një pjesë), 28 Nëntori (një pjesë), Adem Jashari, Dëshmorët e Kombit, rr.Kongresi i Manastirit, Elena Gjika, Flaka e Janarit, Hafiz Ali Korqa (një pjesë), Hasan Prishtina, Hoxhë Jonuzi, Idriz Seferi (një pjesë), Isa Boletini (një pjesë), Mustafë Koka, Nikolla Teslla (një pjesë), Qerqiz Topulli (një pjesë), Sherif Frangu, Shote Galica (një pjesë), Banesa Euro Abi, Banesa Palma, Banesa Socilae, Viti, Qerqiz Topulli, Flaka e Janarit, Gjilanit (një pjesë), Habib Sejdiu, Xhemajli Ademi dhe një pjesë e fshatit Beguncë.

Arsyeja: Realizimi hyrje – dalje sipas pëlqimit elektro-energjetik.

2.

Nga NS 110/35/10[kV] Vitia do të ndërprehet:

Dalja 10[kV] J08 Binqa (kodi: 61067008) nga ora 10:00 deri në ora 14:30

Vendet: fshatrat: Binçë, Buzovik, Debelldeh, Kabash, Kolishtë (një pjesë), Ramnishtë, Shushtë dhe një pjesë e rrugës Agim Ramadani.

Arsyeja: Realizimi hyrje – dalje sipas pëlqimit elektro-energjetik./D.B/EO

Continue Reading

Lajmet

Arrestohen 39 persona me urdhëresa tё gjykatave në Pejë

Published

18 minutes ago

on

October 2, 2025

By

Policia e Kosovës njofton se nё Pejё, gjatё muajit shtator 2025, ka realizuar urdhёresat e gjykatave ndaj 39 personave tё kёrkuar.

Sipas njoftimit, gjatё muajit shtator nga data 1 shtator 2025 deri më 30 shtator 2025, janё arrestuar tridhjetë e nёntё persona tё dyshuar.

“Personat e arrestuar, tё dyshuar pёr vepra tё ndryshme penale, katrёmbёdhjetё (14) nga ta janё dёrguar nё vujatje tё dënimit nё qendrat e paraburgimit, ndёrsa tё tjerёt janё dёrguar në seanca gjyqёsore dhe pasi kanё bёrё pagesën e dënimit (gjobёn) janё liruar”, thuhet në njoftim.

Më tej thuhet se Drejtoria Rajonale e Policisё nё Pejё do tё vazhdojë me realizimin e urdhёresave tё lёshuara nga gjykatat kompetente./D.B/KP

Continue Reading

Të kërkuara