Lajmet

​Rezultati përfundimtar i zgjedhjeve në Shqipëri pritet të dalë brenda 48 orësh

Published

4 years ago

on

Komisioneri Shtetëror i Zgjedhjeve, Ilirjan Celibashi beson se rezultati përfundimtar i zgjedhjeve parlamentare në Shqipëri, do të dalë brenda 48 orëve. Sipas tij, sistemi elektronik që e kanë përdorur në këto zgjedhje e që ka qenë risi, është i sigurt për të ruajtur integritetin dhe fshehtësinë e votimit.

Mëngjesin e sotëm janë shpallur rezultatet zyrtare për KZAZ 40 në kryeqytet, aty ku përkon me Njësinë 10. Në këtë KZAZ, numërimi është bërë në formë elektronike, si një nga risitë e zgjedhjeve të 25 prillit në Shqipëri. Në 32 qendrat e votimit të KZAZ 40 në kryeqytet, Partia Socialiste ka fituar me 6007 vota, përkundër PD-së me 4550 vota dhe LSI me 628 vota. Bojken Abazi i pavarur 179 vota.

Celibashi thotë se disa KZAZ kanë raportuar disa probleme për mënyrën se si po zhvillohet procesi i votimit, derisa ua tërhoqi vërejtjen komisionerëve duke iu thënë se historitë e komisionerëve të sëmurë dhe të lodhur duhet të marrin fund.

“Ka disa probleme të raportuara në disa KZAZ mbi mënyrën e si anëtarët e grupit të numërimit po e zhvillojnë procesin e numërimit të fletëve të votimit, janë sporadike si raste por meritojnë të kenë vëmendjen e përfaqësuesve të partive politike në mënyrë të posaccme të lidershipit përkatës pasi raste kur komisioneri është lodhur do bëjë 1-2 orë pushim unë mendoj që janë tregues së mungesës së vullnetit për të përmbushur detyrimet ligjore në raport me nxjerrjen e rezultateve. Partitë politike duhet të kenë marr masa nëse komisionerët e tyre anëtarët e grupit të numërimit lodhen të kenë gati grupet tjera të numërimit, KQZ ka marr masa që trajnoj në mënyrë të menjëhershme edhe nëse nuk e kanë bërë trajtimin, por historitë e skenat me komisionerë të sëmurë apo lodhur besoj që duhet të marrin fund dhe ajo parti që i bënë këto është diskredituese për partinë“, theksoi ai.

Celibashi thotë se sistemi elektronik i aplikuar është 100% i sigurt në kuptim të ruajtjes së integritetit dhe fshehtësisë së votimit.

“Sistemi elektronik i aplikuar është 100% i sigurt në kuptim të ruajtjes së integritetit dhe fshehtësisë së votimit kjo është e padiskutueshme…Ne jemi të gjithë dëshmitar se që për mënyrën se si komisionet zgjedhore janë të përbëra partitë politike kanë një ndikim shumë të madh në veprimtarinë e tyre dhe në ushtrimin e përgjegjësve të këtyre komisionerëve, por të paktën nga raportimet që ka KQZ-ja rezulton që në pikëpamje të administrimit zgjedhor ka pasur disa përmirësime sinitikative kemi pasur jo një përmbushje të mirë nga ana e tyre sa i përket raportimit në lidhje me pjesëmarrje por besoj që pajisja që kemi përdorur edhe pse në kohë reale nuk e ofron mundësinë sepse të dhënat janë aty për të pasur më shpejt se herët të tjera rezultatin mbi pjesëmarrjen në votime”, tha ai.

Lidhur me pjesëmarrjen e votuesve në zgjedhje, Celibashi tha se shifra që janë raportuar dje deri në 23:00, bazohej në të dhënat që kanë paraqitur në KQZ nëpërmjet sistemit aplikativ.

“Shifra që kemi raportuar të paktën deri dje deri në orën 11:00 të mesnatës bazohej në të dhënat që kanë paraqitur në KQZ nëpërmjet sistemit aplikativ ose komisionerët anëtar e qendrave të votimit, kjo mënyrë e paraqitjes së të dhënave ose të informacion ka përfunduar që në orën 19:00 kur janë mbyllur qendrat e votimit dhe tani ne të dhënat i marrim gjatë procesit të numërimit të fletëve të votimit çdo e dhënë që pasqyrohet tani është e dhëna zyrtare në lidhje me pjesëmarrje në votim në ditën e djeshme pasi anëtarë e numërimit apo KZAZ kanë tabelën përmbyllëse të votimit për çdo qendër votimi”, u shpreh ai.

Qytetarët e Shqipërisë dje kanë votuar për zgjedhjet parlamentare.

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

10 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

11 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

11 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

12 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara