

Lajmet
Optimizëm se brenda gjashtë muajve mund të përmbyllet procesi i reformës zgjedhore
Komisioni Ad-Hoc për reformën zgjedhore është konstituuar në korrik të këtij viti.
Published
3 years agoon
By
UBT.NewsKomisioni Ad-Hoc për reformën zgjedhore në Kosovë nuk ka pasur vendimmarrje për miratimin e planit të punës dhe shqyrtimin e termave të referencës për grupin këshillëdhënës. Megjithatë, në mbledhjen e sotme u vendos që të njëjtat të miratohet javën e ardhshme, në mbledhjen e radhës.
Kryetari i komisionit, Abelard Tahiri, u shpreh optimist se brenda gjashtë muajve mund të përmbyllet procesi i reformës zgjedhore.
Mirëpo, theksoi se bojkotimi i Listës Serbe e bën të pamundshme reformën edhe sa i përket zgjedhjeve lokale, pasi aty nevojitet shumica e dyfishtë.
“Për të qenë më efikas në punën tonë do të kishte qenë më mirë për temat e referencave që të emërojmë këshilltarë të këtij grupi punues dhe të bartim përgjegjësinë kryesore si deputetë me propozimet që i bëjmë. Gjithmonë duke mos i përjashtuar as propozimet që vijnë nga shoqëria civile, OSBE dhe të vazhdojmë tutje. Besoj se për një periudhë maksimumi gjashtë mujore ndoshta mund të përmbyllim procesin. Fakti që nuk kemi ndryshime kushtetuese dhe ndryshimet të gjitha i kemi ligjore dhe fakti që deri tani Lista Serbe s’kanë treguar vullnet të marrin pjesë në këtë komision, atëherë neve na bënë të pamundshme të prekim edhe zgjedhjet lokale, pasi aty kërkohet shumicë e dyfishtë. Këtu jemi të limituar sa i përket ndryshimeve që mund t’i bëjmë”, tha ai.
Nga ana tjetër, deputeti i LVV-së, Adnan Rrustemi, tha se komisioni duhet të bartë përgjegjësinë kryesore për trajtimi e rekomandimeve të vëzhguesve të Bashkimit Evropian, pavarësisht rolit dhe ekspertizën që mund të ketë grupi këshillëdhënës.
“Ne si komision duhet të bartim barrën e punës sa i përket trajtimit të këtyre rekomandimeve, projektligjit për zgjedhje dhe adresimit një për një. Në fund të fundit, nuk është mirë të bartim këtë përgjegjësi te trupat tjera, pavarësisht rolit dhe ekspertizës që mund të kenë”, theksoi ai.
Këtë e përkrahu edhe deputeti i LDK-së, Avdullah Hoti, i cili tha duhet të ketë rishikim të termave të referencës, pasi komisioni nuk ka nevojë edhe për një trup këshillëdhënëse që të përfaqësojë partitë politike.
“Ne jemi përfaqësues të partive politike dhe nuk kemi nevojë edhe për një trup këshillëdhënës që të përfaqësojë partitë politike. Propozoj që ju të merrni përsipër rishikimin e termave të referencës dhe mbledhjen e ardhshme të komisionit t’i miratojmë ato. Shpresoj që nuk vonohemi në angazhimin e ekspertëve”, theksoi Hoti.
Komisioni Ad-Hoc për reformën zgjedhore është konstituuar në korrik të këtij viti.
Aktualitet
Arrestohen dy persona tё dyshuar për vjedhje në Pejë
Published
4 minutes agoon
September 1, 2025By
UBTnews
Policia në Pejë, të shtunën ka pranuar informacion se nё rrugën “Emrush Miftari” nё Pejё, ёshtё vjedhur njё biçikletё nё vlerё prej pesё mijё (5000) euro.
Sipas njoftimit, pas njё pune intensive hetuesit e këtij stacioni kanё arritur ta arrestojnë njё person tё dyshuar, ku pas intervistimit, i dyshuari, me urdhёr tё prokurorit tё Shtetit, ёshtё dёrguar nё mbajtje pёr 48 orё.
Po ashtu dje, policia ka pranuar njё informacion se nё rrugën ‘Ramё Lajqi’ nё Pejё, ёshtё vjedhur njё motoçikletё nё vlerё prej katёr mijё (4000) euro.
“Pas njё pune intensive hetuesit e këtij stacioni kanё arritur ta arrestojnë njё person tё dyshuar (i mitur), ku pas intervistimit nga hetuesit, nё prezencёn e avokatit mbrojtёs dhe punëtorit të Qёndrёs pёr Punё Sociale, i dyshuari me urdhёr tё prokurorit tё Shtetit, ёshtё liruar nё procedurё tё rregullt. Biçikleta dhe motoçikleta u janë kthyer pronarëve legjitimë”, thuhet në komunikatë.
Aktualitet
Shkollat më inovative në Kosovë, UBT International Smart Schools nisin vitin e ri shkollor 2025/26
Published
8 minutes agoon
September 1, 2025By
Driton Iseni
Me emocione, buzëqeshje dhe energji pozitive, UBT International Smart Schools kanë nisur sot vitin e ri shkollor 2025/26. Në Parkun Shkencor, Inovativ dhe Teknologjik të UBT-së, qindra nxënës të rinj dhe aktual u mirëpritën nga mësuesit, prindërit dhe drejtuesit e shkollës, duke shënuar fillimin e një kapitulli të ri të mbushur me dije, risi dhe përvoja të paharrueshme arsimore.
Në këtë ceremoni të mbajtur në ambientet moderne të kampusit, nxënësit, prindërit dhe stafi patën mundësinë të njihen më afër me hapësirat inovative dhe programet e ofruara në drejtimet:
- Gjimnazi TIK
- Gjimnazi Natyror
- Gjimnazi Gjuhësor
- Asistent Dentar
- Bashkëpunëtor Profesional i Infermierisë
- Teknik i Farmacisë
- Teknik i Laboratorit Mjekësor
- Teknik i Optikës – Opticient
Themeluesi dhe Presidenti i UBT-së, Prof. Dr. Edmond Hajrizi, përshëndeti nxënësit dhe prindërit duke theksuar përkushtimin e institucionit për të ofruar një arsim të standardeve ndërkombëtare.
“Është kënaqësi e veçantë të shohim energjinë dhe entuziazmin e qindra nxënësve që sot nisin rrugëtimin e tyre në Shkollat e UBT-së. Ne ofrojmë jo vetëm një ambient modern, por edhe një përvojë arsimore që i përgatit ata për jetën, për sfidat profesionale dhe për të ardhmen. Ky vit i ri është një mundësi për të mësuar më shumë, për të krijuar më shumë dhe për të ndërtuar një të ardhme të ndritur”, u shpreh Rektori Hajrizi.
Drejtoresha e UBT International Smart Schools, Hajrije Devetaku – Gojani, theksoi rëndësinë e bashkëpunimit të vazhdueshëm mes prindërve, nxënësve dhe stafit mësimor.
“Synimi ynë është të krijojmë një mjedis ku çdo nxënës ndihet i mbështetur dhe i motivuar. Në këtë vit të ri, ne do të punojmë së bashku për të zhvilluar aftësi, dije dhe vlera që do të shoqërojnë nxënësit gjatë gjithë jetës së tyre”, tha Devetaku – Gojani.
Ceremonia u shoqërua me një atmosferë festive dhe me pritshmëri të larta për një vit të suksesshëm, teksa nxënësit u drejtuan në klasat e tyre për orën e parë të mësimit.
UBT International Smart Schools edhe këtë vit riafirmojnë vizionin e tyre si institucionet më inovative në Kosovë, duke ofruar një arsim të cilësisë së lartë dhe duke përgatitur gjeneratat e reja për sfidat e së ardhmes.
Lajmet
Osmani: Ekipi ligjor i Presidencës po bën analizë lidhur me procesin e konstituimit të Kuvendit
Published
16 minutes agoon
September 1, 2025By
UBTnews
Presidentja e Kosovës, Vjosa Osmani, ka pritur sot në takim, në cilësinë e tij, të kryetarit të sapozgjedhur të Kuvendit të Kosovës, Dimal Basha.
Në këtë takim, Kryetari Basha e ka prezantuar qëndrimin e tij lidhur me konstituimin e Kuvendit të Republikës së Kosovës. Sipas një komunikatës së Zyrës së Presidencës, Vjosa Osmani e ka informuar kryetarin Basha se ekipi ligjor i Presidencës është duke bërë analizën lidhur me procesin e konstituimit të Kuvendit të Kosovës.
“Presidentja ka potencuar se, sikurse gjithmonë, do të veprojë në përputhje të plotë me Kushtetutën dhe ligjet në fuqi, duke garantuar stabilitetin institucional dhe respektimin e vullnetit të qytetarëve të Kosovës”, shkruan Osmani.
Të shtunën, Kuvendi i Kosovës ka dështuar të zgjedhë nënkryetarin nga komuniteti serb. Asnjëri nga deputetë e komuniteti serb nuk mori shumicën e nevojshme për t’u zgjedhur nënkryetar i Kuvendit, megjithatë kryetari Dimal Basha ka mbyllur seancën konstituive.
Ndërsa, partitë opiztare, kanë konsideruar se nuk është konstituar Kuvendi.
Lajmet
Gërvalla në Slloveni, merr pjesë në Forumin Strategjik të Bledit 2025
Published
17 minutes agoon
September 1, 2025By
UBTnews
Me ftesë të zëvendëskryeministres dhe ministres së Punëve të Jashtme dhe Evropiane të Sllovenisë, Tanja Fajon, zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, po merr pjesë në edicionin e 20-të jubilar të Forumit Strategjik të Bledit, që mbahet më 1 dhe 2 shtator 2025, me temën “Një botë e pakontrolluar” (A Runaway World).
Sipas njoftimit të MPJD-së, forumi i Bledit mbetet një platformë e rëndësishme globale për debatin rreth sfidave të sigurisë, zhvillimit dhe bashkëpunimit ndërkombëtar. Në kuadër të tij, Ministrja Gërvalla do të jetë folëse në një nga sesionet qendrore, ku do të prezantojë vizionin e Republikës së Kosovës për forcimin e multilateralizmit dhe ndërtimin e besimit në një kohë të pasigurt globale.
Në fjalën e saj, ajo do të theksojë arritjet e Kosovës në proceset euroatlantike, përparimin në sundimin e ligjit dhe zhvillimin demokratik e ekonomik, duke e pozicionuar Kosovën si një partner të besueshëm dhe aktiv në arenën ndërkombëtare.
Gjatë forumit, Ministrja Gërvalla do të zhvillojë takime dypalëshe me homologë të vendeve pjesëmarrëse, përfaqësues të institucioneve ndërkombëtare dhe aktorë të shoqërisë civile, me synim forcimin e marrëdhënieve diplomatike dhe avancimin e interesave të Republikës së Kosovës.

Arrestohen dy persona tё dyshuar për vjedhje në Pejë

Shkollat më inovative në Kosovë, UBT International Smart Schools nisin vitin e ri shkollor 2025/26

Osmani: Ekipi ligjor i Presidencës po bën analizë lidhur me procesin e konstituimit të Kuvendit

Gërvalla në Slloveni, merr pjesë në Forumin Strategjik të Bledit 2025

Çfarë ndodh në trupin tuaj kur konsumoni shumë ushqime të kriposura?

Zoë Kravitz kritikon serialin “Friends”: Disa shaka duhet të mbeten në vitet e 90-ta

Ja pse telefonat do të bëhen edhe më të shtrenjtë vetëm brenda pak muajsh

Haxhiu: Na duhet mbledhje e Këshillit të Përgjithshëm që ta votojmë mandatarin

Foda: Nuk jemi favorit, por duam kualifikimin në Kampionatin Botëror
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA