Lajmet

​Ministri Peci në Mitrovicë, premton projektet për avancimin e sektorit bujqësor

Gatishmërinë për këtë bashkëpunim e ka konfirmuar ministri i Bujqësisë, Pylltarisë dhe Zhvillimit Rural, Faton Peci.

Published

on

Ministria e Bujqësisë, Pylltarisë dhe Zhvillimit Rural përmes intensifikimit të bashkëpunimit me nivelin lokal synon krijimin e politikave zhvillimore të implementueshme e frytdhënëse për zhvillimin dhe avancimin e sektorit të bujqësisë.

Gatishmërinë për këtë bashkëpunim e ka konfirmuar ministri i Bujqësisë, Pylltarisë dhe Zhvillimit Rural, Faton Peci gjatë vizitës në Komunën e Mitrovicës së Jugut, me ç’rast është takuar me kryetarin Bedri Hamza.

Gjatë këtij takimi të dy u pajtuan për rëndësinë e bashkëpunimit dhe bashkërendimit mes nivelit qendror dhe atij lokal me qëllim të konsolidimit të sektorit të bujqësisë.

“Do të intensifikojmë bashkëpunimin mes nivelit qendor dhe lokal, qoftë për investimet në projektet e sistemit të ujitjes, zhvillimit rural dhe në projektet tjera për avancimin e sektorit bujqësor në këtë rajon. Njëherit kërkova nga kryetari Hamza bashkëpunim në monitorim dhe kontroll gjatë implementimit të programeve tona mbështetëse, si dhe ndarjen e të dhënave dhe statistikave nga Drejtoria e Bujqësisë me qëllim që të krijojmë politika zhvillimore, të implementueshme e frytdhënëse”, theksoi ministri Peci gjatë këtij takimi.

Sipas një komunikate, gjatë ditës ministri ka vizituar edhe fermerët e Komunës së Mitrovicës së Jugut, me ç’rast është njoftuar me ecurinë e veprimtarive bujqësore në këtë pjesë dhe është njoftuar për së afërmi me sfidat me të cilat përballen këta fermerë.

Gjatë kësaj vizite Ministri i ka njoftuar ata me mundësitë që ofrojnë programet e ministrisë për këtë vit, si dhe i njoftoi që kanë rritur përkrahjen për shumicën e kulturave bujqësore përmes subvencioneve.

Lajmet

Ishte në mision vullnetar – vdes në Sumy tenori ukrainas, Vladislav Gorai

Published

on

Tenori Vladislav Gorai, anëtar i Operës Kombëtare të Odesës në Ukrainë, vdiq të dielën gjatë kohës kur ishte i angazhuar në një mision vullnetar në rajonin verior Sumy, që kufizohet me Rusinë, thanë zyrtarët e operës.

Më shumë se tri vjet që nga fillimi i luftës kundër Ukrainës, forcat ruse iu afruan qytetit Sumy javën e kaluar, duke e vënë në rrezik kryeqytetin rajonal përmes një avancimi të dyfishtë me luftime të ashpra në vijën e frontit si dhe me sulme të pamëshirshme me raketa e dronë, raporton agjencia e lajmeve “Reuters”.

“E tërë bota e njohu zërin e Vladislav Vikentiiovych-it, por zemra e tij i përkiste Ukrainës. As në kohërat më të errëta, ai nuk qëndroi anash – ai ndihmoi, bëri punë vullnetare, përkrahu” – thuhet në një deklaratë të operës të dielën.

Continue Reading

Lajmet

Gërvalla: Bllokada e Kuvendit e pakuptimtë, opozita të marrë përgjegjësi

Published

on

By

Deputetja e Lëvizjes Vetëvendosje, Donika Gërvalla, ka reaguar pas dështimit të radhës për konstituimin e Kuvendit të Kosovës, duke e cilësuar situatën si përsëritje të një bllokade të pakuptimtë.

Gjatë deklaratës së saj, Gërvalla u bëri thirrje partive opozitare që të heqin dorë nga ajo që e quajti “strategji destruktive” dhe të marrin pjesë në procesin e votimit.

“Ishit dëshmitarë të një përsëritjeje të pakuptimtë të një bllokade, e cila tashmë e ka humbur kuptimin e vet. Bllokada do të thotë mosvotim dhe pamundëson konstituimin e Kuvendit”, tha Gërvalla.

Ajo theksoi se Kuvendi duhet të konstituohet për të përmbushur pritjet e qytetarëve dhe për të garantuar funksionimin demokratik të institucioneve.

“Ne kemi nevojë për unitet për shtet, jo për pushtet. Ky unitet shprehet përmes funksionimit të Kuvendit, jo përmes bllokadës”, përfundoi ajo.

Continue Reading

Lajmet

Haxhiu: Konstituimi i Kuvendit nuk është vetëm përgjegjësi e Vetëvendosjes

Published

on

By

Kandidatja e Lëvizjes Vetëvendosje për kryetare të Kuvendit, Albulena Haxhiu, ka reaguar pas dështimit të seancës konstituive të mbajtur më 29 qershor. Ajo tha se përgjegjësia për konstituimin e Kuvendit i takon të gjithë spektrit politik dhe jo vetëm VV-së.

“Ka pasur gjashtë përpjekje për votim të hapur, por asnjë nuk ka rezultuar me sukses. Nuk i përket vetëm VV-së të kontribuojë në këtë proces. Ne kemi marrë përsipër të japim kontributin tonë, por nuk është përgjegjësi vetëm e jona”, u shpreh Haxhiu.

Ajo theksoi se Vetëvendosje, si subjekti i parë në zgjedhje, gëzon të drejtën kushtetuese për të propozuar kryeparlamentarin dhe se kjo e drejtë nuk mund të vihet në pikëpyetje.

“Të drejtën për të propozuar e ka VV-ja. Askush nuk mund të ndërhyjë në këtë të drejtë, pasi është e garantuar me Kushtetutë dhe nuk varet nga preferencat individuale”, tha Haxhiu.

Continue Reading

Lajmet

Mustafa: Përsëritja e zgjedhjeve, gjëja e fundit që i duhet Kosovës

Published

on

By

Deputeti i Lidhjes Demokratike të Kosovës (LDK), Besian Mustafa, ka paralajmëruar se vazhdimi i bllokadës institucionale mund të rezultojë me zgjedhje të parakohshme. Ai tha se situata aktuale nuk i shërben vendit dhe theksoi nevojën për një zgjidhje politike gjithëpërfshirëse.

“Bllokada 48-orëshe do ta çojë vendin në zgjedhje të parakohshme të reja”, deklaroi Mustafa, pas dështimit të 29-të për konstituimin e Kuvendit të Kosovës.

Sipas tij, përsëritja e zgjedhjeve nuk është në interes të Kosovës. “Përsëritja e zgjedhjeve është gjëja e fundit që i duhet Kosovës”, shtoi ai.

Continue Reading

Të kërkuara