Lajmet

​Ministri kroat: Kemi gjetur pjesë të një bombe ajrore në dronin e rrëzuar

Sipas tij, ka elementë që tregojnë se droni mund të ketë ardhur si nga pala ruse ashtu edhe nga ajo ukrainase.

Published

on

Ministri i Mbrojtjes i Kroacisë, Mario Banozhiq ka folur sot rreth rrëzimit të dronit në Zagreb të premten mbrëma. Ai tha se për shkak të mundësisë që droni të përmbante eksploziv, duhej bërë një largim i kujdesshëm i tij. Ai pret që kutia e zezë do të ofrojë informacione të dobishme dhe se do të jetë e mundur të rinisë fluturimi i dronit.

“Janë gjetur gjurmë eksplozivi, por edhe gjurmë që tregojnë se ky nuk ishte një dron zbulues. Ne gjetëm pjesë të një bombe ajrore, e cila është prodhuar në Bashkimin Sovjetik. Pas analizës do të mund të themi se çfarë lloji është dhe për çfarë qëllimesh. Për momentin, mund të themi vetëm se bomba ajrore është përdorur në avionë të prodhimit sovjetik”, tha ai.

Sipas tij, ka elementë që tregojnë se droni mund të ketë ardhur si nga pala ruse ashtu edhe nga ajo ukrainase. Ai ka bërë të ditur se NATO të njoftohet në momentin kur të dihet se për çfarë lloj bombe bëhet fjalë.

“Nëse situata do të ishte zgjidhur në vendet fqinje, ne nuk do të ishim këtu sot. Kam biseduar me ministrat hungarez dhe rumunë, më kanë thënë se po bëjnë vlerësim, pres përgjigje”, thotë Banozhiq.

I pyetur nëse mund të karakterizohet si një sulm ndaj Kroacisë, ai tha se ishte i sigurt se “do të jetë e mundur të përcaktohet se nga erdhi droni.

Ministri tha gjithashtu se droni është modifikuar dhe se është i sigurt se do të mund të nxirren të dhëna nga kutia e zezë edhe pse ajo është e dëmtuar.

Në opinion ka dalë informacioni se një delegacion i Ministrisë së Mbrojtjes do të shkojë javën e ardhshme në ShBA për të kërkuar vendosjen e sistemit antiraketor Patriot në Kroaci. Banozhiq tha se do të shkojë në një takim me amerikanët dhe francezët javën e ardhshme për të gjetur zgjidhjen më të mirë.

Pjesëtarët e shërbimeve kompetente nxorën jashtë vendit të dielën një pjesë të madhe të rrënojave të një droni sovjetik që u rrëzua në lagjen Jarun të Zagrebit pranë Konviktit Studentor.

Ende nuk ka një konfirmim zyrtar nëse droni u tërhoq tërësisht nga krateri i madh ku u rrëzua, dhe se ushtria dhe policia janë në vendngjarje.

Lajmet

KDI kritikon ndërprerjen e seancës: Mungesë transparence dhe shkelje procedurale

Published

on

By

Pas ndërprerjes së seancës konstituive të Kuvendit të Kosovës, Eugen Cakolli nga Instituti Demokratik i Kosovës (KDI) ka shprehur shqetësim për mënyrën e menaxhimit të procesit dhe shkeljet procedurale që, sipas tij, e kanë shoqëruar atë.

Cakolli tha se ndërprerja e seancës, pa votim formal dhe pa trajtuar të gjitha pikat e rendit të ditës, përbën një shkelje të rregullave parlamentare. Ai shtoi se mungesa e votimit për raportin e komisionit për verifikimin e mandateve ka krijuar një vakum juridik, duke pamundësuar ecjen përpara të Kuvendit.

Sipas tij, bllokimi institucional po ndodh si rezultat i mosdorëheqjes së kryeministrit dhe ministrave në detyrë që kanë fituar mandate deputetësh. Cakolli theksoi se dorëheqja e tyre është një obligim ligjor dhe se ajo do t’i hapte rrugë konstituimit të Kuvendit.

“Tashmë është e qartë se situata është e bllokuar për shkak të mosofrimit të dorëheqjeve, obligim ligjor ky për kryeministrin dhe 15 ministrat tjerë në detyrë të cilët kanë fituar mandat të deputetit. Ne i bëjmë thirrje kryeministrit në detyrë dhe gjithë ministrave që, në funksion të zhbllokimit të punës së kuvendit, të dorëzojnë dorëheqjet e tyre formale, siç ua kërkon ligji për qeverinë që është miratuar po nga legjislatura e kaluar, në mënyrë që t’i hapet rrugë konstituimit të Kuvendit dhe të evitohen bllokada të panevojshme,””, tha ai.

Cakolli gjithashtu kritikoi qasjen e kryesuesit të seancës, Avni Dehari, duke thënë se nuk janë ndërmarrë hapat e nevojshëm për të siguruar një proces transparent dhe ligjërisht të qëndrueshëm.

Continue Reading

Lajmet

Kurti shmang pyetjet për votat dhe dështimin e seancës

Published

on

By

Kryeministri në detyrë, Albin Kurti, nuk ka dhënë përgjigje në lidhje me dështimin e vazhdimit të seancës konstituive të Kuvendit të Kosovës.

Kurti u shmang pyetjeve të gazetarëve, përfshirë ato që lidhen me përpjekjet e Lëvizjes Vetëvendosje për sigurimin e votave të nevojshme për formimin e institucioneve të reja.

Përballë interesimit të mediave, Kurti nuk dha asnjë koment, ndërsa mbetet e paqartë nëse shumica parlamentare do të sigurohet deri në seancën e radhës të paralajmëruar për 19 prill.

Continue Reading

Lajmet

Kusari – Lila: Dialogu mes partive politike, opsion për tejkalimin e bllokadës në Kuvend

Published

on

By

Deputetja e zgjedhur në listën e Lëvizjes Vetëvendosje, Mimoza Kusari – Lila, ka kritikuar partitë PDK, LDK dhe AAK për bllokimin e procesit të formimit të institucioneve të reja, duke e konsideruar përgjegjësinë e këtyre partive në këtë bllokadë.

Kusari – Lila ka theksuar se, nëse vazhdon dështimi i konstituimit të Kuvendit, duhet shqyrtuar mundësia e një dialogu mes partive politike, përfshirë ftesën për diskutimin e veprimeve të ardhshme.

Ajo e cilësoi të pakuptimtë që partitë që ishin në opozitë gjatë mandatit të kaluar po hezitojnë të pranojnë mandatet që fituan në zgjedhjet e 9 shkurtit.

Continue Reading

Lajmet

Kadrijaj: Ndërprerja e seancës është antikushtetuese dhe antiligjore

Published

on

By

Deputetja e zgjedhur e AAK-së, Time Kadrijaj, ka reaguar pas ndërprerjes së seancës konstituive, duke thënë se kishin pritur që seanca të vazhdonte dhe të kalonte në votim.

Ajo e cilësoi ndërprerjen e seancës si antikushtetuese dhe antiligjore, duke shtuar se kryesuesi duhej ta kishte hedhur raportin në votim.

“Pas konstatimit të numrit të deputetëve të pranishëm, u tha se nuk kishte konsensus. Ky veprim është antikushtetues dhe antiligjor. Kryesuesi duhej të kishte hedhur raportin në votim sot,” ka theksuar Kadrijaj.

Continue Reading

Të kërkuara