Lajmet

Kurti: Kosova i di pasojat e luftës, mbështesim Ukrainën deri në fitore

Osmani ka thënë se në njëvjetorin e fillimit të kësaj lufte, dhimbja është e madhe për jetët e humbura.

Published

2 years ago

February 24, 2023

Betim Gashi

Në njëvjetorin e invazionit rus në Ukrainë është organizuar ceremonia e pritjes dhe dorëzimit te letrave të falënderimit për gazetarët ukrainas të strehuar në Kosovë.

Presidentja Vjosa Osmani ka thënë se në njëvjetorin e fillimit të kësaj lufte, dhimbja është e madhe për jetët e humbura.

“Populli ukrainas ka qëndruar i palëkundur me vendosmërinë për të mbrojtur sovranitetin dhe integritetin territorial”, ka thënë Osmani.

“Ne kemi hapur zemrat dhe dyert duke mbështetur gazetarë nga Ukraina sepse ua njohim dhimbjen. Si asnjëherë më parë bota po përballet me tendenca hegjemoniste te autokratëve. Ne duhet të jemi unik dhe të vendosur kundër çdo përpjekje për t’i minuar vlerat dhe parimet evropiane”, ka thënë ajo.

“Sot bota demokratike është në anën e Ukrainës sepse e drejta është në anën e saj. Të dashur ukrainas qëndroni të fortë dhe të guximshëm përballë vështirësive sepse ashtu siç u dëshmua në Kosovë më 1999 një popull liridashës me miq në krah del gjithmonë triumfues”, ka thënë Osmani.

Kryetari i Kuvendit Glauk Konjufca ka thënë se Kosova do të qëndrojë deri në fund me popullit të Ukrainës.

“Mendoj që sa keni bërë ju 12 gazetarët që jeni të pranishëm në Republikën e Kosovës për shkak të raportimeve tuaja për shkak të rrëfimit tuaj për Kosovën mendoj që janë kompensuar dekada të tëra të mungesës së afërsisë së popujve tanë. Ju i keni shkrirë këta akuj duke e bërë më të mirën që populli juaj që është atje që po lufton e po vuan e sakrifikon të dijë të vërtetën e cila e vërtetë na bashkon, e kjo e vërtetë është rruga nëpër të cilën kemi kaluar. Qytetarët e Kosovës para 24 vitesh ishin në këpucët tuaja. Ne u përballëm me një regjim gjenocidal i cili kurrë nuk u distancua nga këto krime të luftës dhe akte të gjenocdit që i bëri mbi popullin tonë te pafajshëm”, ka thënë Konjufca.

Kryeministri Albin Kurti ka thënë se Kosovë mbështet Ukrainën deri në fitore.

“Në një ditë të zymtë si kjo megjithatë jemi të lumtur që Kosova jonë është bërë shtëpi e 12 gazetarëve ukrainas. Do të jemi pranë jush si popull si institucione, si dje si sot si nesër. Mbështetje deri në fitore. Ukraina duhet të fitojë sepse vetëm kështu do të ruhet paqja dhe demokracia në kontinentin e Evropës”, ka thënë Kurti.

Related Topics:Albin Kurti Kosove Ukraina

Up Next

Ukrainasit vizitojnë varret e të afërmve të tyre në Bucha

Don't Miss

Marshim pro Ukrainës në Tiranë

Lajmet

Osmani pas takimit me Rutte: Riafirmuam partneritetin tonë me Aleancën më të fuqishme të sigurisë në botë

Published

3 hours ago

March 11, 2025

UBTNews

Presidentja e Kosovës, Vjosa Osmani, pas takimit me shefin e NATO’s, Mark Rutte, ka thënë se kanë riafirmuar partneritetin me Aleancën.

Osmani ka thënë se synimi i Kosovës është anëtarësimi në NATO.

“Kosova në NATO nuk është vetëm përcaktim strategjik – por domosdoshmëri për paqen. Në takim me Sekretarin e Përgjithshëm të NATO-s, Mark Rutte, riafirmuam partneritetin tonë me Aleancën më të fuqishme të sigurisë në botë. Si vend që ka tejkaluar objektivin e NATO-s për investime në mbrojtje prej 2% të GDP-së dhe po ndërton një forcë moderne të sigurisë, në përputhje me standardet e Aleancës, synimi ynë është i qartë: anëtarësimi në NATO si një kontribuues i palëkundur për sigurinë rajonale dhe globale”, ka shkruar ajo.

Lajmet

Sekretari Rutte pritet nga Kurti

Published

4 hours ago

March 11, 2025

UBTnews

Kryeministri i Kosovës, Albin Kurti, ka pritur në takim Sekretarin e Përgjithshëm të NATO-s, Mark Rutte.

Rutte është takuar me Kurtin pas takimi dhe konferencës që ka mbajtur me presidenten Vjosa Osmani.

Takimi i Kurtit me Rutte është duke u zhvilluar në objektin e Qeverisë.

Lajmet

“Palët duhet të bëjnë kompromise”, Rutte për dialogun Kosovë-Serbi

Published

4 hours ago

March 11, 2025

UBTnews

Shefi i NATO-s, Mark Rutte tha se do të vazhdojnë të mbështesin procesin e normalizimit të marrëdhënieve mes Kosovës dhe Serbisë.

“Për ta shtyrë përpara këtë dialog, të dyja palët duhet të bëjnë kompromise. Kjo kërkon vendime të vështira, normalizomi sjell stabilitet më të madh dhe siguri me afatgjatë për gjithë rajonin. Ky është mesazhi që unë do të vazhdojë te theksojë para të gjitha palëve në rajon“, tha Rutte të martën në konferencë për media me presidenten e Kosovës, Vjosa Osmani.

“Prania e sotme këtu është një demonstrim i qartë i përkushtimit për siguri afatgjatë në Kosovë. NATO ka mbështetur paqen dhe stabilitetin në Ballkanin Perëndimor. Ekipet e ndërlidhjes së KFOR-it vazhdojnë të mbështesin institucionet e tjera të sigurisë. Një rajon më i sigurt nënkupton më shumë siguri për zonën e NATO-s. NATO do të vazhdojë të luaj rolin e vet, këtë e bëjmë në bashkërendim me Policinë dhe Eulexin”, tha ai.

Lajmet

“Palët duhet të bëjnë kompromise”, Rutte për dialogun Kosovë-Serbi

Published

4 hours ago

March 11, 2025

UBTNews

Shefi i NATO-s, Mark Rutte tha se do të vazhdojnë të mbështesin procesin e normalizimit të marrëdhënieve mes Kosovës dhe Serbisë.

“Për ta shtyrë përpara këtë dialog, të dyja palët duhet të bëjnë kompromise. Kjo kërkon vendime të vështira, normalizomi sjell stabilitet më të madh dhe siguri me afatgjatë për gjithë rajonin. Ky është mesazhi që unë do të vazhdojë te theksojë para të gjitha palëve në rajon”, tha Rutte të martën në konferencë për media me presidenten e Kosovës, Vjosa Osmani.