Lajmet

​Iran: Dyqanet në disa qytete u mbyllën pas thirrjeve për grevë të përgjithshme

Një llogari në Twitter me 380 mijë ndjekës shpërndau video të dyqaneve të mbyllura në pazarin e Teheranit.

Published

on

Dyqanet iraniane u mbyllën në disa qytete sot pasi protestuesit në të gjithë vendin që bënin thirrje për largimin e udhëheqësve fetarë bënë thirrje për një grevë të përgjithshme treditore.

Irani është tronditur nga trazirat pas vdekjes së Mahsa Aminit më 16 shtator në paraburgimin e të ashtuquajturit nga policia e moralit për mbajtjen e papërshtatshme të hixhabit.

Një llogari në Twitter me 380 mijë ndjekës shpërndau video të dyqaneve të mbyllura në pazarin e Teheranit dhe qytete të tjera të mëdha si Karaj, Isfahan dhe Shiraz.

Dëshmitarët thanë se policia e trazirave ishte vendosur në qendër të Teheranit.

Në videot e ueb sajtit “1500tasvir” dhe aktivistëve të tjerë, shihen dyqane të mbyllura në qytete më të vogla si Bojnord, Kerman, Sabzevar, Ilam, Ardabil.

Ndryshe qindra njerëz kanë vdekur që nga fillimi i protestave në Iran.

Lajmet

Dy raste të dhunimit raportohen në Malishevë dhe Gjakovë

Published

on

By

Më 23 prill janë regjistruar dy raste të dhunimit në komunat e Malishevës dhe Gjakovës.

Në rastin e parë, në Malishevë, një viktimë femër është dërguar për ekzaminim mjekësor, ndërsa i dyshuari mashkull është në kërkim nga ana e Policisë së Kosovës. Sipas raportit zyrtar, rasti është në procedurë hetimore.

Rasti i dytë është iniciuar në Gjakovë, ku gjithashtu është raportuar se një mashkull kosovar dyshohet për dhunim ndaj një femre. Hetimet janë duke vazhduar për të sqaruar rrethanat e ngjarjes.

Policia ka theksuar se të dy rastet janë nën hetim dhe se veprimet e mëtejme ligjore do të ndërmerren sipas procedurave në fuqi.

Continue Reading

Lajmet

Dy të rinj arrestohen për disa raste të vjedhjeve në Drenas

Published

on

By

Policia e Kosovës ka bërë të ditur se ka arrestuar dy persona të moshës 17 dhe 18 vjeç, të dyshuar për përfshirje në disa raste të vjedhjeve të rënda në Drenas.

Sipas njoftimit zyrtar, pas hetimeve të zhvilluara, janë identifikuar E.J. (18) dhe E.F. (17) si të dyshuar për së paku shtatë raste vjedhjeje në këtë rajon. Me urdhër të prokurorit të shtetit, ndaj tyre është caktuar masa e ndalimit policor prej 48 orësh.

Ndërkohë, një tjetër i mitur është arrestuar në rajonin e Mitrovicës për një vepër tjetër penale dhe është intervistuar në lidhje me këto raste.

Hetimet po vazhdojnë për të verifikuar implikimin e mundshëm të të dyshuarve në raste të tjera që janë ende nën shqyrtim.

Continue Reading

Lajmet

​Asamblistët e LVV-së në Prishtinë bojkotojnë seancën për Planin Zhvillimor Komunal

Published

on

By

Lëvizja Vetëvendosje, qendra në Prishtinë ka reaguar ndaj seancës së jashtëzakonshme të Kuvendit Komunal ku pritet të jetë vetëm një pikë e rendit të ditës Pani Zhvillimor Komunal.

Sipas LVV-së ky është tentimi i radhës për ta kontrabanduar dokumentin kryesor komunal mbi zhvillimin e qytetit, për të cilin ministria e Mjedisit ka konstatuar qartë shkelje të shumta procedurale dhe ligjore.

Andaj LVV ka paralajmëruar se grupi i asamblistëve të tyre nuk do të merr pjesë në këtë seancë.

“Ky draft aktual i PZHK-së, me 28 komente negative nga MMPHI, ndër të tjera parashikon zgjerim të zonave ndërtimore në mënyrë të pakontrolluar, projekton rrugë që kalojnë nëpër toka bujqësore të cilësisë së lartë dhe rrezikon zonat e mbrojtura ujore. Për këtë arsye, Grupi i Asamblistëve të Lëvizjes VETËVENDOSJE! nuk do të marrë pjesë në këtë seancë klandestine të thirrur nga kryetari në ikje. Ne refuzojmë të bëhemi pjesë e një procesi joligjor, joprofesional dhe të dëmshëm për Prishtinën”, thuhet në reagimin e LVV-së.

LVV ka ftuar të gjithë kolegët asambleistë nga të gjitha subjektet politike që ta bojkotojnë këtë mbledhje, dhe të mos e legjitimojnë me praninë e tyre një dokument që rrezikon të kthehet në pasojë për të ardhmen e qytetit.

“Prishtina ka nevojë dhe do ta ketë një Plan Zhvillimor të ligjshëm, vizionar dhe të ndërtuar mbi interesin publik, e jo plan mbi tavolina të errëta me interesa private e partiake – siç po propozon kryetari të cilit i kanë mbetur vetëm edhe pesë muaj mandat”, thuhet tutje.

Ndërkaq, sot mbahet seanca e jashtëzakonshme e Kuvendit Komunal të Prishtinës me pikën e rendit të ditës propozim-vendimi për lënie në shqyrtim publik të projekt-dokumentit të Planit Zhvillimor Komunal 2025-2033.

Continue Reading

Aktualitet

Tentimvrasja në Pejë, i dyshuari në arrati

Published

on

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë  22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Continue Reading

Të kërkuara