Lajmet

Transportuesit rrugorë të udhëtimit paralajmërojnë protestë nëse Qeveria nuk anulon vendimin e marrë

Kanë vendosur të dërgojnë një kërkesë padie në Gjykatën Themelore dhe atë Kushtetuese.

Published

4 years ago

March 13, 2022

Betim Gashi

Shoqata e Transportit Rrugor të Udhëtimit mbajti sot takim me operatorët e transportit rrugor të udhëtarëve, ku diskutuan për vendimin e Ministrisë së Mjedisit, Planifikimit Hapësinor dhe Infrastrukturës, ku përcaktohet çmimorja e transportit ndërurban të udhëtarëve me autobusë, për kategoritë e veçanta të shoqërisë siç janë fëmijët, studentët, invalidët e luftës, invalidët e punës dhe pensionistët.

Pas diskutimeve, kryetari i Shoqatës së Transportit Rrugor, Ruzhdi Kurtishaj tha se me marrjen e tri vendimeve si shoqatë, Qeverisë së Kosovës do t’i japin 72 orë kohë për anulim të këtij vendimi, përndryshe do të protestojnë.

“Çështja e dytë apo vendimi i dytë ka të bëjë me çështjen që ne po kërkojmë që brenda tri ditësh, përkatësisht për një afat prej 72 orësh, Qeveria ta anulojë këtë vendim. Ne presim reflektimin e Qeverisë në anulimin e këtij vendimi në afat prej 72 orësh , dhe të ulet këtu në Odën Ekonomike bashkë me shoqatën dhe të zbatojmë marrëveshjen e shkruar mes Qeverisë dhe Shoqatës së Transportit Rrugorë të Udhëtarëve për subvencionim të transportit rrugor. Nëse kjo nuk aprovohet, atëherë vendimi i tretë i shoqatës pason me autorizim që i kanë dhënë shoqatës këshillit drejtues dhe gjithë anëtarëve të Kuvendit që të vazhdohet protesta e pezulluar”, tha Kurtishaj.

Kurtishaj gjithashtu bëri të ditur se kanë vendosur të dërgojnë një kërkesë padie në Gjykatën Themelore dhe atë Kushtetuese për shkelje ligjore dhe mohim të të drejtave të tyre si operatorë privat me sektorin e transportit rrugor.

“Në vazhdimësi për shkak të situatës së krijuar dhe për të kundërshtuar këtë vendim, këshilli drejtues mori tri vendime. E para ka të bëjë me vendimin që është shumë i rëndësishëm e që ka të bëjë më masën e përkohshme, pra këshilli drejtues me anë të një kërkesë padie do t’i drejtohet Gjykatës Themelore në Prishtinë, dhe Gjykatës Kushtetuese për shkelje ligjore dhe për mohimin e të drejtave tona si treg i lirë, si operatorë privat me sektorin e transportit rrugor”, thotë Kurtishaj.

E në lidhje më këtë vendim të marrë nga Qeveria e Kosovës, Kurtishaj theksoi që nuk është pyetur fare si shoqatë.

Related Topics:Qeveria transportuesit rrugore

Up Next

Papa Françesku: Ndaleni masakrën

Don't Miss

Azemi: Vitin e kaluar mbi 50 mijë punëtorë kanë humbur vendin e punës

Vendi

Votohet Qeveria Kurti me 66 vota pro

Published

39 minutes ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

1 hour ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

3 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

5 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.