Kulturë

​Shpalosen detaje për DokuFest

Në programin për edicionin e 21-të do të jenë 250 filma në tetë kategori garuese.

Published

3 years ago

on

Festivali ndërkombëtar i filmit dokumentar dhe të shkurtër DokuFest do të fillojë të premten dhe do të zgjasë deri më 13 gusht në Prizren.

Në programin për edicionin e 21-të do të jenë 250 filma në tetë kategori garuese, të cilët do të shfaqen në kinematë e Prizrenit.

Në konferencën për medie të mërkurën, u shpalosën disa detaje për mbarëvajtjen e festivalit, mes tjerash u bë e ditur se për herë të parë ky festival do të nominojë një film për çmimin e madh të Akademisë Evropiane.

Drejtoresha ekzekutive e DokuFest, Linda Llulla, tregoi risitë e sivjetme të festivalit.

“Edicioni i 21-të të DokuFest mbahet nga 5 deri 13 gusht. Një program prej më shumë se 250 filma në tetë kategori garuese dhe plot programe speciale. Këtë vit e kemi rikthyer edhe dokukids, kemi përgatitur një program filmash për fëmijë dhe pesë punëtori për shtatë ditë të festivalit. Po ashtu, sivjet, pas pandemisë dhe dy viteve pauzë, po rikthehemi edhe me pjesën muzikore, apo dokunights të DokuFest”, tha ajo.

Ndërsa, drejtori artistik i DokuFest, Veton Nurkollari, tha se pret një numër të madh të vizitorëve, andaj kërkoi edhe mobilizim komunal për këtë festival.

“Jemi duke bërë përgatitjet e fundit logjistike për të risjellë festivalin në formën çfarë kemi dëshirë dhe çfarë ka qenë para kohës së pandemisë…I gjithë programi dhe aktivitetet do të jenë për publik dhe nuk do të ketë pjesë virtuale apo online. Jemi të gëzuar që jemi në mundësi të një rikthimi me një program mjaft të madh. Janë rreth 250 filma që do të shfaqen në një konstilacion pak më të gjerë, me disa kinema të reja, me një vend ku do të zhvendoset i gjithë programi i DokuKids. Kemi vendosur që pjesën e punëtorive dhe shfaqjes së filmave për fëmijë të zhvendosim në ish-kazermën ushtarake. Dy kinema të reja do t’i kemi në kompleksin e Abi Çarshisë dhe gjitha kinematë të tjera tashmë të DokuFestit do të jenë funksionale”, theksoi ai.

Në programin e filmave të shkurtër, sipas Samir Karahoda do të jenë tridhjetë filma që do të jenë në garë.

“Në programin e filmave të shkurtër i kemi tridhjetë filma që do të garojnë. Vlen me përmend se si vjet rrallë herë kemi pasur kërkesa të autorëve për të qenë pjesëmarrës. Për herë të parë sivjet do të nominojmë një film të shkurtër për çmimin e madh të Akademisë Evropiane”, theksoi ai.

Ndërkohë, Alba Çakalli, producente e festivalit, tha se në DokuNighst do të ketë tetë nëntë me performanca të ndryshme artistike.

“Do të kemi tetë net performanca të ndryshme, të cilat do të ndahen në dy vende. Do të kemi performanca muzikore në Andrra dhe Lumbardhë. Programi i muzikës është bërë prej kolegut, regjisorit Leart Rama, i cili është mundur të sjellë një program të pasur kryesisht prej artistë që do të vizitojnë për herë të parë DokuFestin dhe Prizrenin”, përfundoi ajo.

Ndryshe, Akademia Evropiane e Filmit ka përzgjedhur DokuFest-in në maj të këtij viti si një ndër festivalet e filmit nominues për Çmimet e Filmit Evropian dhe atë në dy kategori, të filmit të shkurtër dhe po ashtu filmit dokumentar.

Related Topics:
Continue Reading

Kulturë

Lekë Dukagjini “kthehet në shtëpi”, busti i tij vendoset në Shpenadi të Prizrenit

Published

13 hours ago

on

November 3, 2025

By

Busti i Lekë Dukagjinit po kthehet në tokën e tij në fshatin Shpenadi të Prizrenit, falë iniciativës së Shoqatës “Lekë Dukagjini” Shpenadi–Prizren.

Sa herë që në vendlindje bëhen vepra të mira, gëzimi është i dyfishtë — njëherë për zhvillimin që sjellin, e njëherë tjetër për rikthimin e figurave historike që i takojnë trojeve arbërore.

Këtë ndjenjë e përjetova sërish kur mora vesh për angazhimin e banorëve të fshatit Shpenadi, fshatit më të afërt me vendlindjen time, Çaparcin.

Këtë vit, ata u bashkuan dhe themeluan Shoqatën “Lekë Dukagjini”.

Me përkrahjen e mërgimtarëve dhe banorëve të fshatit, ata grumbulluan fonde dhe nisën realizimin e tri projekteve të rëndësishme: vendosjen e bustit të Lekë Dukagjinit, rregullimin e varrezave të vjetra të fshatit dhe restaurimin e selisë së Shoqatës.

Ky përkushtim më frymëzoi që edhe unë të jap kontributin tim për vendlindjen.

Me këtë rast, i propozuam Shoqatës “Trojet e Arbrit” që në të njëjtën ditë të mbahet në Prizren një sesion shkencor madhështor me temën “Roli i Dukagjinasve në historinë shqiptare”.

Pas përfundimit të sesionit, më 2 nëntor 2025, pjesëmarrësit udhëtuan drejt fshatit Shpenadi, ku do të mirëpriten nga veprimtarët e Shoqatës “Lekë Dukagjini”.

Në këtë ditë të veçantë do të zhvillohen tri ngjarje madhore:

Zbulimi i bustit të Lekë Dukagjinit, vepër e mjeshtrit skulptor Fiqiri Kasa;

Bekimi i varrezave të fshatit, të cilat janë plotësisht të rinovuara falë mërgimtarëve;

Hapja zyrtare e selisë së Shoqatës “Lekë Dukagjini”.

Këto tri projekte janë dëshmi e gjallë se kur mërgimtarët dhe bashkëfshatarët e tyre në vendlindje bashkojnë forcat, përkushtimin dhe dashurinë për atdheun, rezultatet janë të prekshme dhe të lavdërueshme.

Në këtë mënyrë, Shpenadi dhe Prizreni po bëhen sërish qendra të kujtesës dhe krenarisë shqiptare. /A.Z/UBT News/

Continue Reading

Kulturë

Dy libra të Nehat Islamit rikthejnë gazetarinë dhe historinë shqiptare

Published

16 hours ago

on

November 3, 2025

By

Botimet DRINI sjellin dy libra të rëndësishëm të gazetarit të njohur Nehat Islami: “Hotel Bejruti” dhe “Kur vjen kamerieri”.

Të dy përbëjnë dëshmi të çmuara të gazetarisë shqiptare dhe reflektimi mbi periudha historike të ndryshme.

“Hotel Bejruti”, në botimin e tij të tretë, ofron raportime autentike nga vendet e krizave në Lindjen e Mesme gjatë viteve ’70 – Libani, Siria, Iraku, Irani dhe Egjipti – dhe përmban një epilog që pasqyron zhvillimet e mëvonshme.

Si korrespondent i gazetës Rilindja, Islami nuk ishte vetëm raportues, por edhe analist i thellë i ngjarjeve, duke sjellë përvojën e Lindjes për lexuesin shqiptar në formë të letërsisë dokumentare.

“Kur vjen kamerieri” përmbledh artikujt e tij të viteve ’90 në gazetën Bujku, në një periudhë të vështirë për shqiptarët e Kosovës. Shkrimet dokumentojnë realitetin politik dhe social, duke lidhur kontekstin vendor me zhvillimet ndërkombëtare dhe ruajtur shpresën kolektive.

Të dy librat e Nehat Islamit ofrojnë një profil të rrallë të gazetarit të ndershëm dhe të përkushtuar, duke qenë burim referimi për studentë, studiues, diplomat dhe çdo qytetar që dëshiron të kuptojë botën përreth tij.

Me këto botime, Botimet DRINI ruajnë trashëgiminë dokumentare, kulturore dhe profesionale të gazetarisë shqiptare. /A.Z/UBT News/

 

 

Continue Reading

Kulturë

Filharmonia e Kosovës prezanton ciklin e plotë të koncerteve për piano të Beethovenit

Published

17 hours ago

on

November 3, 2025

By

Filharmonia e Kosovës ka bërë të ditur se do të realizojë ciklin e plotë të koncerteve për piano të Ludwig van Beethovenit, në dy mbrëmje të veçanta koncertale që do të mbahen më 5 dhe 7 nëntor 2025, duke filluar nga ora 19:30.

Në këtë ngjarje të veçantë muzikore, pesë pianistë do të interpretojnë secili nga një koncert për piano dhe orkestër të Beethovenit, të shoqëruar nga Orkestra e Filharmonisë së Kosovës nën drejtimin e dirigjentit Peter Valentovič.

Programi është ndarë në dy mbrëmje:

Më 5 nëntor do të interpretohen Koncertet nr. 1, 2 dhe 4,

Më 7 nëntor do të pasojnë Koncertet nr. 3 dhe 5.

Të dy koncertet do të zhvillohen në Pallatin e Rinisë dhe Sportit, Salla e Kuqe, Prishtinë (Palace of Youth and Sports, Red Hall, Prishtina). /A.Z/UBT News/

Continue Reading

Lifestyle

Studimi zbulon: inteligjenca dhe mençuria arrijnë kulmin rreth moshës 60 vjeç

Published

18 hours ago

on

November 3, 2025

By

Shumë njerëz besojnë se kulmi i jetës vjen në të 20-at, kur energjia është në maksimum dhe horizontet duken të pafundme.

Por kërkimet e reja tregojnë një realitet krejt ndryshe — jeta mendore dhe emocionale arrin pikën më të lartë shumë më vonë, rreth të 60-ave.

Sipas një studimi të fundit, inteligjenca emocionale, mendore dhe intelektuale zhvillohen gradualisht gjatë jetës dhe arrijnë pjekurinë e plotë në këtë moshë.

Kjo fazë nuk lidhet vetëm me numrin e viteve, por me përvojën, qetësinë dhe mençurinë që fitohen me kohën.

Në këtë periudhë, njerëzit janë më të aftë të marrin vendime të arsyeshme, të kuptojnë më mirë emocionet dhe të përballen me situata komplekse me maturi.

Ndryshe nga të rinjtë, që shquhen për shkathtësi dhe mësim të shpejtë, të rriturit mbi 60 përdorin një kombinim unik njohurish, përvoje dhe inteligjence emocionale, që u mundëson t’i zgjidhin problemet me urtësi dhe të ndërtojnë marrëdhënie më të forta.

Pra, mosha nuk është pengesë — është përparësi. Nëse je në të 40-at apo 50-at, mos mendo se vitet më të mira kanë kaluar.

Sipas shkencës, jeta arrin kulmin e saj më të ndritshëm kur përvoja dhe qetësia bashkohen, duke të dhënë mundësinë të mësosh më shumë, të reflektosh më thellë dhe të ndërtosh versionin më të mirë të vetes. /A.Z/UBT News/

Continue Reading

Të kërkuara