Lajmet

​Qeveria bën përgjegjëse ASK-në për shtyrjen e regjistrimit të popullsisë

Procesi i regjistrimit të popullsisë do të fillojë me dy muaj vonesë.

Publikuar

10 muaj më parë

më

Qeveria ka shtyrë datën e regjistrimit të popullsisë së Kosovës për dy muaj. Në mbledhjen e sotme të kabinetit qeveritar u tha se ky proces do të fillojë në nëntor të këtij viti, për shkak të pamundësisë së Agjencisë së Statistikave të Kosovës dhe vonesave të shkaktuara. Po ashtu, janë ndarë 60 mijë euro në kuadër të masës 1.3 për punësimin e grave dhe 100 mijë euro për investimin në infrastrukturë dhe ambient.

Kryeministri Albin Kurti ka hedhur akuza për procesin e vitit 2011 të regjistrimit të popullsisë, ku deklaroi se është bërë me një memorandum të thjesht mirëkuptimi.

“Duke respektuar kushtetutën dhe Ligjin për Marrëveshje Ndërkombëtare, ne nuk mund të trajtonim një bashkëpunim të tillë, ndryshe përveç se si marrëveshje ndërkombëtare. Për dallim nga qeveritë e kaluara të cilat në vitin 2011 pikërisht në qëllim të regjistrimit të popullsisë, bashkëpunimin me një organizatë ndërkombëtare të cilat ia transferuan miliona euro për qëllime të prokurimit, e bën me një memorandum të thjeshtë mirëkuptimi. Mënyra e tillë e bashkëpunimit e cenon shtetësinë e Kosovës. Një gjë e tillë me qeverinë tonë nuk bëhet”, deklaroi ai.

Më tej, shefi i ekzekutivit shtoi se prokurimi i është lënë në menaxhim Autoritetit Qendror të Prokurimit, për çka ka pasur rezistencë brenda Komisionit Qendror të Regjistrimit nga Asociacioni i Komunave të Kosovës. Megjithatë, ai deklaroi se ky proces do të fillojë me vonesë.

“Procesin nuk mund ta fillojmë para datës 1 nëntor 2023, pra dy muaj me vonë. Për shkak të pamundësisë së Agjencisë së Statistikave të Kosovës që me vonesat e shkaktuara t’i planifikonte detajet e fundit. Për këtë propozoj para jush që të plotësojmë-ndryshojmë vendimin për datën e fillimit të regjistrimit të popullsisë. Regjistrimi i popullsisë do të bëhet, duke filluar nga data 1 nëntor 2023”, tha Kurti para ministrave.

Qeveria e Kosovës ka ndarë 60 mijë euro për mbështetjen e punësimit të grave dhe 100 mijë euro të tjera për investimin në infrastrukturë. Këto mjete janë në kuadër të zbatimit të masës 1.3 dhe masës 5 të pakos së ringjalljes ekonomike.

“Bëhet fjalë për masën 1.3 që është mbështetja e punësimit të grave që është masë në vazhdim, ku do të ndahen 60 mijë euro si dhe masa 5-investimi në infrastrukturë dhe ambient ku parashihen të ndahen 100 mijë euro, pra tek Ministria e Financave, Punës dhe Transfereve në programin ‘renovimi i objekteve ekzistuese të departamentit të pensioneve’ me kod 13484”, tha ministri i Financave, Hekuran Murati.

Kabineti qeveritar ka vendosur edhe për përfundimin e mandatit të parakohshëm të drejtorit të Autoritetit të Aviacionit Civil, Bujar Ejupi.

Zëvendësministri i Infrastrukturës, Hysen Durmishi tha se shkarkimi i tij bazohet në raportimet për shkelje profesionale.

“Mosaprovimi i raporteve vjetore të AAC-së nga ana e Kuvendit të Kosovës, raportimi i shkeljeve profesionale të zotëri Ejupit nga ana e bordit mbikëqyrës të AAC-së, raportimi me shumë gjetje i Autoritetit Mbikëqyrës të Islandës në emër të KFOR-it, raporti me 20 gjetje të eskpertëve austriakë dhe një varg shkeljesh të cilat janë të paraqitura në memorandumin shpjegues që është përcjellë në qeveri, paraqesin bazë të mjaftueshme për përfundimin e mandatit të parakohshme të zotëri Bujar Ejupit nga pozita e drejtorit të përgjithshëm të Autoritetit të Aviacionit Civil”, deklaroi ai.

Ndërkaq kabineti qeveritar ka shtyrë për shqyrtim shpronësimin e pronave të paluajtshme në Komunën e Leposaviqit dhe Zubin Potokut.

Në mbledhjen e sotme të kabinetit qeveritar, po ashtu i janë propozuar Kuvendit të Kosovës, Florent Mehmeti dhe Salihe Gashi Loku si kandidatë për dy pozita të anëtarëve të Komisionit të Aurotitetit të Konkurrencës.

Ministrat kanë votuar pro edh koncept-dokumentit për Kodin e Procedurës Civile dhe për Gjykatën Administrative dhe të Punës. 

Etiketa
Vazhdo të lexosh

Lajmet

​Serwer: S’ka gatishmëri nga palët për normalizim të marrëdhënieve Kosovë-Serbi

Publikuar

5 minuta më parë

më

26 Qershor, 2024

nga

Analisti amerikan, Daniel Serwer, ka thënë se s’ka gatishmëri nga palët për normalizim të marrëdhënieve Kosovë-Serbi. Ai tha se synimi përfundimtar i dialogut duhet të jetë njohja reciproke, por shtoi se kjo nuk mund të ndodhë momentalisht.

Në diskutimin me temën “E ardhmja e dialogut ndërmjet Kosovës dhe Serbisë: Mundësitë për dinamika të reja dhe ndikimi i zgjedhjeve në BE dhe SHBA”, Serwer i cili njeh zhvillimet në Ballkan, tha se për Kosovën dhe rajonin më mirë do të ishte të rrinte presidenti aktuali ShBA-së, Joe Biden sesa të rikthej ish-presidenti, Donald Trump.

Pjesë e diskutimit ishte edhe deputetja nga LDK, Dorasa Kica-Xhelili, e cila tha se Serbia ka bërë hapa të vegjël në zbatimin e marrëveshjeve të Brukselit.

Ndërkaq ish-ministri i Punëve të Jashtme të Shqipërisë, Ditmir Bushati, tha se BE-ja duhet të merr rol më aktiv në dialog.

Vazhdo të lexosh

Bota

Dënim me burgim të përjetshëm: Al Hassan dënohet për krime të luftës dhe shkelje të të drejtave të njeriut

Publikuar

6 minuta më parë

më

26 Qershor, 2024

nga

Gjykata Ndërkombëtare Penale ka dhënë vendimin në gjyqin e Al Hassan Ag Abdoul Aziz Ag Mohamed Ag Mahmoud në lidhje me akuzat e tij për krime të kryera gjatë mbretërisë së terrorit në Timbuktu, Mali, në vitet 2012-2013. Al Hassan akuzohet për përfshirje në krime të tilla si përdhunimi, tortura, persekutimi, martesat e detyruara dhe skllavëria seksuale nën drejtimin e grupit ekstremist Ansar Dine, i lidhur me al-Kaedën.

Kryeprokurorja e gjykatës, Fatou Bensouda, ka paraqitur dëshmitë për rëndësinë e akuzave, theksuar mënyrën si gratë dhe vajzat kanë vuajtur nën regjimin e ashpër të Ansar Dine. Kërkohet një dënim me burgim të përjetshëm për Al Hassan, i cili është akuzuar për të qenë një anëtar kyç i strukturave të pushtetit të grupit në atë periudhë.

Gjyqi ka qenë i vështirë dhe me sfida juridike të shumta, duke përfshirë vonesat për shkak të sëmundjeve të një prej gjyqtarëve. Pjesëtarët e shoqatës së viktimave në Timbuktu presin një vendim që do t’u sigurojë drejtësi për vuajtjet e pësuar, duke shprehur nevojën për kompensim dhe përmbushje të drejtësisë në një kontekst të pasigurt dhe të turbullt, shkruan AP.

Ky rast përbën një nga shembujt e rëndësishëm të gjyqësorit ndërkombëtar në luftën kundër impunitetit për krime të luftës dhe shkeljeve të të drejtave të njeriut në konflikte të armatosura./UBTNews/

Vazhdo të lexosh

Lajmet

Kushtetuesja i jep të drejtë Qeverisë për Ligjin për pagën minimale

Publikuar

38 minuta më parë

më

26 Qershor, 2024

nga

Gjykata Kushtetuese i ka dhënë të drejtë Qeverisë për Ligjin për pagën minimale, pas shqyrtimit të kërkesës së deputetëve të Aleancës për Ardhmërinë e Kosovës për vlerësim.

Sipas publikimit të mërkurën, Kushtetuesja ka vendosur që ndryshimet e ligjeve për veteranët e luftës së Ushtrisë Çlirimtare të Kosovës, për të verbrit, për personat paraplegjikë dhe tetraplegjikë nuk janë në kundërshtim me nenin për barazi para ligjit.

“… njëzëri, të shpallë, që në bazë të nenit 43 (Afati) të Ligjit nr.03/L-121 për Gjykatën Kushtetuese të Republikës së Kosovës, Ligji nr.08/L-142 për Ndryshimin dhe Plotësimin e Ligjeve që Përcaktojnë Shumën e Beneficionit në Lartësi të Pagës Minimale, Procedurat e Caktimit të Pagës Minimale dhe Shkallët Tatimore në të Ardhurat Personale Vjetore, i dërgohet Presidentes së Republikës së Kosovës për shpallje”, thuhet në njoftimin e Kushtetueses.

Ligji i ri i Pagës minimale nuk i përfshin veteranët. Deri tash pensioni i tyre lidhej me pagën minimale që ishte 170 euro. Tash ajo është rritur në 264 euro, por vetëm për punëtorët.

Vazhdo të lexosh

Lajmet

​Mbi 530 mijë ushtarë rusë të vrarë deri më tani në Ukrainë

Publikuar

46 minuta më parë

më

26 Qershor, 2024

nga

Humbjet totale luftarake të trupave ruse në Ukrainë nga 24 shkurt 2022 deri më 26 qershor 2024 arrijnë në rreth 538 mijë e 60, duke përfshirë 1 mijë e 220 persona të tjerë gjatë ditës së kaluar. Kështu thuhet në faqen kryesore në Facebook të Shtabit të Përgjithshëm të Forcave të Armatosura të Ukrainës, transmeton Ukrinform.

Gjithashtu, Forcat e Mbrojtjes së Ukrainës shkatërruan 8039 (+4) tanke ruse, 15450 (+19) automjete luftarake të blinduara, 14321 (+40) sisteme artilerie, 1108 (+0) MLRS, 863 (+0) sisteme të mbrojtjes ajrore, 359 (+0) avionë, dhe 326 (+0) helikopterë, UAV operativë dhe taktikë – 11435 (+22), raketa lundrimi – 2324 (+0), anije/varka – 28 (+0), nëndetëse – 1 (+0), automjete dhe cisterna – 19407 (+45), pajisje speciale – 2409 (+6).

Siç raportoi Ukrinform, që nga fillimi i pushtimit në shkallë të gjerë të Rusisë, Ministria e Mbrojtjes e Ukrainës ka kodifikuar dhe lejuar pothuajse 40 modele të automjeteve të blinduara të huaja dhe vendase që të përdoren në Forcat e Mbrojtjes, duke përfshirë automjetet luftarake të këmbësorisë Abrams, Leopard, Challenger dhe Bradley.

Vazhdo të lexosh

Të kërkuara