Lajmet

​Murati për buxhetin: Parashohim konsolidimin fiskal

Murati theksoi se buxheti i paraparë parasheh konsolidimin fiskal.

Published

on

Ministri i Financave, Hekuran Murati para anëtarëve të komisionit për Buxhet, Punë dhe Transfere ka prezantuar buxhetin prej më shumë se tre miliardëve për vitin e ardhshëm. Murati theksoi se buxheti i paraparë parasheh konsolidimin fiskal.

“Është një buxhet i cili parasheh konsolidimin fiskal. Në kuadër të kësaj, parashohim që të vazhdoj trendi pozitiv i rritjes ekonomike. Kemi projektuar një rritje reale prej 5.5 për qind. Në përgjithësi borxhi parashihet të jetë në nivel të kontrolluar prej 22,5 për qind”, ka thënë ai.

Murati theksoi se të hyrat tatimore do të jenë prej më shumë se dy miliardë euro, ndërkohë që në vitin 2020 të hyrat kanë qenë një miliard më pak.

Anëtari i komisionit, Pal Lekaj tha se ka mospërfshirje të rritjes së pagave në këtë buxhet.

“Po ashtu edhe rritja e pensioneve nuk është projektuar në këtë buxhet. A mendoni se viti 2022 ka qenë dështim i investimeve kapitale, janë 600 projekte që nuk janë implementuar. Si ministër nuk guxoni të bëni premtime dhe të dilni mashtrues”, ka deklaruar Lekaj.

Murati deklaroi se për vitin e ardhshëm janë paraparë 610 milionë euro për skema pensionale.

Deputetja e LDK-së, Hykmete Bajrami tha se inflacioni sipas ASK-së është prej 12,6 për qind po ndikon në shportën e konsumatorëve.

“Krahasimi me vitin 2020, veç juve ju kam dëgjuar me u krahasu me vitin 2020. Krahasohu me vitin e kaluar. Aty ne e shohim pasqyrën reale… Buxheti për pagat është vetëm 75 milionë më shumë. Kur janë shtuar, 10 milionë pozita që s’ keni arritur t’i rekrutoni, nuk e di se sa do të mbesin për implementimin e Ligjit për Pagat. Kur mendoni që do të vij në kuvend dhe të filloj të implementohet”, ka pyetur Bajrami.

Për këtë Murati tha se opozita nuk e ka hallin e qytetarëve dhe kjo është treguar edhe me mos mbështetjen e ligjit për vendosjen e çmimeve tavan për produktet bazë.

Komisioni për Buxhet, Punë dhe Transfere ka miratuar në parim projektligjin për buxhetin për vitin 2023.

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Lajmet

Protestë në Graçanicë lidhur me punësimin e personave të afërt me Listën Serbe

Published

on

Banorët e Graçanicës kanë protestuar për të dytën ditë radhazi përpara institucioneve shëndetësore që funksionojnë sipas sistemit të Serbisë, duke kërkuar anulimin e konkurseve dhe rishikimin e tyre. Ata janë të pakënaqur me “punësimet partiake dhe familjare”, kryesisht në pozitat e shpallura nga Ministria e Shëndetësisë së Serbisë në janar 2024. Protestuesit pretendojnë se shumë nga të punësuarit janë të afërt me Listën Serbe, partinë e mbështetur nga Beogradi, dhe se disa prej tyre nuk jetojnë në Kosovë.

Drejtues të institucioneve shëndetësore në komunat me shumicë serbe, si dhe anëtarë të Listës Serbe, janë akuzuar për favore partiake në proceset e punësimit. Kjo ka shkaktuar mospajtim mes banorëve, disa prej të cilëve kishin votuar për Partinë Progresive Serbe në Serbi dhe tani kërkojnë që shteti serb t’i mbrojë ata.

Në përgjigje, drejtoresha e Qendrës Shëndetësore në Graçanicë, Mirjana Dimitrijeviq, ka thënë se konkursi është hapur për 52 pozita dhe se janë pranuar vetëm 52 aplikantë nga 750 që kishin aplikuar. Ajo ka theksuar se ankesat mund të paraqiten gjatë periudhës të caktuar. Protestuesit kërkojnë publikimin e listave të emrave të punësuarve, raportin e komisionit që ka mbikëqyrur procesin e rekrutimit, dhe kërkojnë që konkursi të anulohet dhe të hapet një komision i ri dhe i pavarur.

Përveç kësaj, një pjesë e protestuesve kanë shprehur shqetësime mbi kërcënimet ndaj tyre dhe kanë paralajmëruar vazhdimin e protestave, duke kërkuar dorëheqjen e drejtuesve të institucioneve shëndetësore. Protestuesit janë gjithashtu të pakënaqur me ndihmën financiare që Serbia ka ofruar për të papunët, duke pretenduar se kjo mbështetje është përdorur për të favorizuar individë të lidhur me Listën Serbe.

Derisa autoritetet në Graçanicë dhe përfaqësues të Listës Serbe nuk kanë dhënë përgjigje për këto akuzat, protestat vazhdojnë, dhe qytetarët kërkojnë ndryshime të mëdha në mënyrën e menaxhimit të punësimeve dhe procesit të drejtësisë sociale./UBTNews/

Continue Reading

Të kërkuara