Shefi i Shtabit të Forcave të Mbrojtjes të Izraelit (IDF) ka deklaruar se ekziston një marrëveshje në tryezë për pengjet e mbetura në Gaza, raportojnë mediat izraelite.

Gjeneral Lejtnant Eyal Zamir raportohet të ketë thënë se ushtria izraelite ka krijuar kushtet për një marrëveshje dhe se tani vendimi është në duart e kryeministrit Benjamin Netanyahu, raporton Channel 13 News, sipas BBC.

Të martën, kabineti i sigurisë së Izraelit pritet të diskutojë propozimin më të fundit të ndërmjetësve rajonalë, të cilin Hamasi e ka pranuar një javë më parë.

Ky zhvillim vjen pas demonstratave masive në Izrael këtë muaj, ku qindra mijëra qytetarë u mblodhën në Tel Aviv duke kërkuar fundin e luftës në Gaza dhe një marrëveshje për lirimin e pengjeve të mbajtura nga Hamasi. Forumi i Familjeve të Pengjeve dhe të Zhdukurve tha se Zamir shprehu “atë që shumica e izraelitëve po kërkojnë”, përfshirë një marrëveshje për kthimin në shtëpi të të gjithë 50 pengjeve të mbetur, prej të cilëve besohet se 20 janë gjallë, si dhe fundin e luftës.

Grupi ka paralajmëruar një tjetër ditë protestash masive të martën.

Propozimi më i fundit, nga ndërmjetësit në Egjipt dhe Katar, thuhet se bazohet në një kornizë të avancuar nga i dërguari amerikan Steve Witkoff në qershor.

Ai parasheh që Hamasi të lirojë rreth gjysmën e pengjeve në dy faza gjatë një armëpushimi fillestar 60-ditor. Po ashtu do të zhvilloheshin negociata për një armëpushim të përhershëm.

Zyra e Netanyahut kishte deklaruar më herët se Izraeli do të pranonte marrëveshje vetëm nëse të gjithë pengjet lirohen menjëherë.

Të shtunën, avionë dhe tanke goditën pjesë të qytetit të Gazës, teksa Izraeli vazhdoi planin për të marrë nën kontroll zonën më të madhe urbane të territorit.

 

Një shtetase e huaj ka raportuar një vjedhje në banesën e saj në Prizren. Sipas raportit të Policisë së Kosovës, persona të panjohur kanë hyrë në banesë duke përdorur forcën, teksa kanë grabitur para të gatshme në vlerë prej 2000 euro.

Përveç parave hajnat kanë marrë edhe 2 telefona dhe më pas janë larguar në drejtim të panjohur.

Viktima ka pranuar tretman mjekësor, teksa rasti është nën hetime.

“Prizren 24.08.2025-15:20- Ankuesja femër shtetase e huaj, ka raportuar se dy të dyshuar të panjohur kanë hyrë në banesën e saj me ç’rast duke përdor forcë, i kanë grabitur para të gatshme rreth 2000 euro, dhe dy telefona e me pas janë larguar në drejtim të panjohur. Viktima ka pranuar tretman mjekësor. Lidhur me rastin është njoftuar prokurori. Rasti po hetohet nga ekipet relevante”, thuhet në raportin 24-orësh të Policisë së Kosovës.

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2050 tiketa trafiku, janë shkaktuar 27 aksidente me dëme materiale dhe 20 aksidente me të lënduar. Zyra e Informimit nga PK ka njoftuar se 11 persona janë arrestuar, kurse 8 janë dërguar në mbajtje.

INCIDENTET KRIMINALE-PRISHTINË

Fushë Kosovë 24.08.2025-19:42 Ankuesi mashkull kosovar ka raportuar për një zjarrë ne një fushe.  Në vendin e ngjarjes kanë dalur njësitet përkatëse, ndërsa ekipi zjarrfikës ka lokalizuar zjarrin. Rasti po hetohet nga ekipet relevante.

DHUNIM, MBAJTJE NË PRONËSI, KONTROLL OSE POSEDIM I PAAUTORIZUAR I ARMËS, POSEDIM I PAAUTORIZUAR I SUBSTANCAVE NARKOTIKE

Fushë Kosovë 19.08.2025-21:00. Është arrestuar i dyshuari mashkull kosovar pasi që dyshohet se, i njëjti kishte kryer veprat e lartcekura. Një viktimë është dërguar për tretman mjekësor, ndërsa me urdhër të prokurorit është kryer bastisje në shtëpinë e të dyshuarit me ç’rast janë gjetur dhe konfiskuar një armë zjarri pistolete CZ me një karikator me 10 fishekë dhe 3.12 gr substancë narkotike e llojit Kokainë. Me vendim të prokurorit, i dyshuari është dërguar në mbajtje.

INCIDENTET KRIMINALE- GJILAN

MBAJTJE NË PRONËSI, KONTROLL OSE POSEDIM I PAAUTORIZUAR I ARMËS/VETËPLAGOSJE ME ARMË ZJARRI

Viti 24.08.2025-15:05. Raportohet se i dyshuari mashkull kosovar, aksidentalisht është vetë plagosur me armë zjarri. Në vendin e ngjarjes kanë dalur njësitet përkatëse, ndërsa i dyshuari është transportuar në Emergjencën e Gjilanit. Lidhur me rastin është njoftuar prokurori.

INCIDENTET KRIMINALE-FERIZAJ

Asgjë me rëndësi për të raportuar.

INCIDENTET KRIMINALE-PRIZREN

MBAJTJE NË PRONËSI, KONTROLL OSE POSEDIM I PAAUTORIZUAR I ARMËS/PËRDORIM I ARMËS

Suharekë 24.08.2025-20:16. Është arrestuar i dyshuari mashkull kosovar pasi që, dyshohet se i njejti ka shtënë me armë zjarri. Në vendin e ngjarjes jenë gjetur dhe konfiskuar një armë zjarri dhe katër gëzhoja. Me vendim të prokurorit, pas intervistimit i dyshuari lirohet në procedurë të rregullt.

GRABITJE

Prizren 24.08.2025-15:20. Ankuesja femër shtetase e huaj, ka raportuar se dy të dyshuar të panjohur kanë hyrë në banesën e saj me ç’rast duke përdor forcë, i kanë grabitur para të gatshme rreth 2000 euro, dhe dy telefona e me pas janë larguar në drejtim të panjohur. Viktima ka pranuar tretman mjekësor. Lidhur me rastin është njoftuar prokurori. Rasti po hetohet nga ekipet relevante.

INCIDENTET KRIMINALE-PEJË

DHUNË NË FAMILJE

Istog 24.08.2025-20:25. Është arrestuar i dyshuari mashkull kosovar pasi që dyshohet se, i njejti nën ndikim të alkoolit ka tentuar ta sulmon viktimën femër kosovare. Viktima ka pranuar tretman mjekësor. I dyshuari me vendim të prokurorit është dërguar në mbajtje.

 VRASJE NË TENTATIVË

Deçan 06.08.2025-14:57. Pas hetimeve te zhvilluara lidhur me rastin, me 24.08.2025 është arrestuar i dyshuari mashkull kosovar dhe i njejti me vendim te prokurorit dërgohet ne mbajtje.

INCIDENTET KRIMINALE-MITROVICË JUG

VJEDHJE E VETURËS

Mitrovicë Jug 24.08.2025-10:40. Ankuesi mashkull kosovar ka informuar se persona të pa njohur kanë hapur me forcë dyert e rrethojës dhe kanë vjedhur një veturë me vlerë rreth 3000€. Pas veprimeve te menjehershme, njësitet policore kanë arritur të identifikojnë dhe të arrestojnë tre të dyshuar meshkuj kosovarë, të cilët ishin me veturën e vjedhur. Rasti është duke u hetuar.

INCIDENTET KRIMINALE-MITROVICË VERI

KANOSJE

Leposaviq 24.08.2025-06:00. Ankuesja femër kosovare ka raportuar se është kanosur nga e dyshuara femër kosovare. E dyshuara është arrestuar, dhe pas intervistimit me vendim të prokurorit është liruar në procedurë të rregullt.

 

 

 

Një vlerësim tjetër ndërkombëtar për Kosovën dhe arsimin e lartë: Themeluesi dhe Rektori i UBT-së, Prof. Dr. Edmond Hajrizi, është përzgjedhur në mesin e pesë liderëve më të shquar globalë për çmimin prestigjioz Triple E Awards – Udhëheqësi Universitar i Vitit (Kategoria Globale).

Kjo përzgjedhje e vendos Rektorin Hajrizi krah personaliteteve që kanë transformuar arsimin e lartë dhe rolin e tij në shoqëri, duke e bërë UBT-në një shembull unik të inovacionit, zhvillimit dhe vizionit në nivel ndërkombëtar.

Në këtë kategori shumë konkurruese, finalistët tjerë krahas Rektorit Hajrizi janë:

Nuno Fernandes – President, American Public University System (Shtetet e Bashkuara)

Marie-Josée Lamothe – Drejtoreshë, McGill Dobson Centre for Entrepreneurship (Kanada)

Christina Ionescu – Mount Allison University (Kanada)

Zaur Samadov – Trinity College Dublin & Open Incubator (Irlandë)

Rektori Hajrizi është përzgjedhur për lidershipin e tij transformues të dëshmuar në arsimin e lartë. Si themelues vizionar i UBT-së, ai ka ndërtuar një ekosistem që e pozicionon universitetin si një nxitës të inovacionit, qëndrueshmërisë dhe rinovimit shoqëror.

Që nga themelimi i UBT-së me vetëm 29 studentë në vitin 2004, deri te zhvillimi në një institucion lider kombëtar me mbi 15,000 studentë sot, ai ka integruar ndërmarrësinë, transformimin digjital dhe qëndrueshmërinë në çdo nivel.

Nën udhëheqjen e tij, UBT ka gjeneruar mbi 100 spin-off-e, mbi 1,000 vende pune çdo vit dhe ka nisur iniciativa si UBT Accelerator, Kampi i Inovacionit, dhe Qendra e Inovacionit Digjital. I njohur ndërkombëtarisht për zhvillimin e kampusit të mençur, energjinë e rinovueshme dhe përafrimin me Objektivat e Zhvillimit të Qëndrueshëm (SDG), puna e tij dëshmon se si universitetet mund të shërbejnë si motorë të zhvillimit ekonomik dhe përparimit shoqëror.

Të qenurit në mesin e këtyre liderëve të shquar globalë është një dëshmi e lidershipit vizionar të Rektorit Hajrizi, njohjes ndërkombëtare dhe kontributit të tij të qëndrueshëm në arsimin e lartë dhe shoqëri.