Kronikë e zezë

Kërkohet paraburgim për pesë personat që u kapën me 75 kilogramë drogë

Rreth 75 kilogramë substanca narkotike të llojit marihuanë ka sekuestruar Policia e Kosovës gjatë operacionit “Bardhoshi” në Prishtinë.

Published

4 years ago

November 12, 2021

Betim Gashi

Prokuroria Themelore në Prishtinë-Departamenti i Krimeve të Rënda ka kërkuar masën e paraburgimit ndaj pesë personave të cilët u kapën me drogë në Prishtinë.

“Departamenti i Krimeve të Rënda, ka paraqitur kërkesë për caktimin e masës së paraburgimit, në Gjykatën Themelore në Prishtinë, kundër të pandehurve: B.B., S.H., M.S., S.S., D.M., për shkak të dyshimit të bazuar se në bashkëkryerje kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, nga neni 267 lidhur me nenin 275 të Kodit Penal të Republikës së Kosovës”, thuhet në komunikatën për medie nga Prokuroria Themelore në Prishtinë.

Prokuroria nëpërmjet komunikatës bëri të ditur se “Sipas kërkesës, ekziston dyshimi i bazuar se më 10.11.2021, pas ndalimit nga ana e policisë, i pandehuri me inicialet M.S., me shpejtësi, me veturën e tij është nisur nga vendi i ndaljes në mënyrë që t’i shmanget arrestimit të tij, kështu duke rrezikuar jetën e zyrtarëve policor, me ç’ rast është arritur të arrestohet në fshatin Doberllukë dhe i njëjti ka sulmuar fizikisht zyrtarët policor. Me këtë rast gjatë kontrollit në bagazhin e veturës së tij janë gjetur 18 paketime të mbushura me marihuanë, me peshë prej 19 kg e 702.1 gr. I pandehuri dyshohet për kryerjen e veprave penale “Sulmi ndaj personit zyrtar” dhe “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, të parapara sipas KPRK-së”.

Tutje në komunikatë thuhet se “Për të pandehurin B.B., prokuroria ka kërkuar paraburgim për veprat penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’ dhe ‘Mbajtja në pronësi, kontroll ose posedim të paautorizuar të armëve’, si dhe për të pandehurit S.H., S.S., dhe D.S., për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, të parapara sipas KPRK-së”

Rreth 75 kilogramë substanca narkotike të llojit marihuanë ka sekuestruar Policia e Kosovës gjatë operacionit “Bardhoshi” në Prishtinë. Të mërkurën dhe të enjten arrestuar pesë të dyshuar për veprën “blerja, posedimi, shitja dhe shpërndarja e paautorizuar e narkotikëve psikotroke dhe analoge”. Me vendim të prokurorit, të dyshuarit ndodhen në ndalim.

Në një konferencë për medie të enjte, prokurorja e rastit, Ikramije Bojaxhiu tha se të dyshuarit, S. H., S. S., D. M., B. B. dhe M. S, janë dërguar në mbajtje për 48 orë. Sipas saj, ky operacion është arritur në bashkëpunim të qytetarëve me prokurorinë.

Kurse, drejtori në Departamentin për Hetime të Trafikimit Narkotik, Reshat Murseli tha se hetimet kanë nisur katër muaj më parë ku janë ndërmarrë disa veprime hetimore të cilat kanë rezultuar me arrestimin e pesë personave.

Lidhur me këtë, siç tha Murseli, Stacioni Policor në Vushtrri ka iniciuar procedura ku më pas policia ka arritur të arrestojë këtë person. Ai kishte lën veturën duke tentuar të ikte në këmbë në një fshat të Vushtrrisë.

Related Topics:kryesore prishtine paraburgim

Up Next

Gjenden dhe shkatërrohen 42 granata dore në Gjilan

Don't Miss

Arrestohen dy persona për vjedhje në Shtime

Kronikë e zezë

Mish pa dokumente i konfiskuar në Klinë

Published

5 hours ago

February 24, 2026

UBTNews

Policia e Kosovës ka njoftuar se gjatë kontrollit të një automjeti në Klinë ka gjetur mish pa dokumente përcjellëse.

Sipas raportit të Policisë thuhet se mishi ishte i freskët si dhe duke u transportuar në kushte të cilat janë në kundërshtim me ligjin.

Lidhur me rastin janë njoftuar prokurori dhe Agjencia e Ushqimit dhe Veterinarisë.

Rasti është njoftuar menjëherë te prokurori kompetent dhe Agjencia e Ushqimit dhe Veterinës.

Pas intervistimit të të dyshuarit, prokurori vendosi ta lironte.

Kronikë e zezë

Pejë: Arrestohet i dyshuari për dhunë në familje dhe armëmbajtje pa leje

Published

5 hours ago

February 24, 2026

UBTNews

Një burrë është arrestuar në Pejë, pasi dyshohet se ka ushtruar dhunë fizike dhe seksuale ndaj bashkëshortes së tij.

Sipas Raportit një ditorë, Policia njofton se gjatë kontrollit të kryer në shtëpinë e të dyshuarit, janë gjetur dhe konfiskuar tri armë zjarri dhe 27 fishekë.

Me vendim të prokurorit, i dyshuari është dërguar në mbajtje dhe rasti po trajtohet në procedurë të rregullt hetimore.

Kronikë e zezë

Tetë raste të dhunës në familje brenda 24 orëve

Published

6 hours ago

February 24, 2026

UBTNews

Sipas raportit njëditor të Policisë së Kosovës, në 24 orët e fundit janë regjistruar tetë raste të dhunës në familje.

Në Prishtinë, në orën 01:00, është raportuar se një burrë ka ushtruar dhunë psikike ndaj një gruaje. Lidhur me rastin është njoftuar prokurori, ndërsa rasti është duke u hetuar.

Në Lipjan, në orën 23:40, është arrestuar një burrë pasi dyshohet se ka sulmuar fizikisht një grua. Viktimës i është ofruar tretman mjekësor, ndërsa me vendim të prokurorit i dyshuari është liruar dhe rasti vazhdon në procedurë të rregullt.

Në Pejë janë shënuar dy raste. Në njërin rast, ne oren 22:00, është arrestuar një burrë nën dyshimin se ka ushtruar dhunë dhe ka dhunuar seksualisht bashkëshorten e tij. Gjatë kontrollit në shtëpinë e tij janë gjetur dhe konfiskuar tri armë zjarri dhe 27 fishekë. Me vendim të prokurorit, i dyshuari është dërguar në mbajtje. Ndërsa në rastin tjetër, ne oren 21:00, është arrestuar një burrë pasi dyshohet se në vazhdimësi kishte kanosur dhe shantazhuar ish të dashurën e tij. Pas intervistimit, me vendim të prokurorit, ai është liruar në procedurë të rregullt.

Në Vushtrri,janë arrestuar një burrë dhe një grua, çift bashkëshortor, pasi dyshohet se kanë sulmuar fizikisht njëri-tjetrin. Pas intervistimit, me vendim të prokurorit, ata janë liruar dhe rasti vazhdon në procedurë të rregullt.

Në Gjakovë janë raportuar tri raste brenda ditës.

Është arrestuar një burrë nën dyshimin se ka keqtrajtuar nënën e tij. Me vendim të prokurorit, ai është dërguar në mbajtje.

Rreth orës 16:30, është arrestuar një burrë tjetër për keqtrajtim dhe kanosje ndaj bashkëshortes së tij. Pas intervistimit, me vendim të prokurorit, ai është liruar në procedurë të rregullt.

Po ashtu, është arrestuar edhe një burrë për keqtrajtim të bashkëshortes. Edhe në këtë rast, i dyshuari është liruar dhe rasti vazhdon në procedurë të rregullt.

Kronikë e zezë

Arrestohet një person për kanosje dhe sulm në Prishtinë

Published

6 hours ago

February 24, 2026

UBTNews

Një burrë është arrestuar në Prishtinë pasi dyshohet se ka sulmuar dhe kanosur një grua.

Sipas njoftimit nga raporti 24-orësh i policisë, i dyshuari është ndaluar nga autoritetet dhe, pas intervistimit, me vendim të prokurorit është dërguar në mbajtje.

Ndërsa, rasti po trajtohet në procedurë të rregullt hetimore.