Lajmet

​Jeffrey Hovenier betohet si ambasador i ri i ShBA-së në Kosovë

Lajmi është bërë i ditur nga Ambasada amerikane në Prishtinë përmes një postimi në Facebook.

Published

on

Jeffrey Hovenier ka dhënë betimin e tij të martën para nënsekretares së Shtetit për Çështjet Politike, Victoria Nuland si ambasador i ri i ShBA-së në Kosovë.

Lajmi është bërë i ditur nga Ambasada amerikane në Prishtinë përmes një postimi në Facebook, ku shtohet se mezi presin ardhjen e diplomatit të ri në Kosovë.

Një diplomat i rritur në Bellingham u emërua së fundmi nga administrata e Biden për të shërbyer si ambasador i ShBA-së në Kosovë.

Presidenti Joe Biden emëroi Hovenierin në korrik dhe ai u konfirmua unanimisht nga Senati i ShBA-së më 18 nëntor dhe kjo është hera e parë që Hovenier shërben si ambasador i ShBA-së.

Hovenier kaloi pjesën më të madhe të fëmijërisë së tij në Bellingham dhe shumë nga anëtarët e familjes së tij ende jetojnë në Whatcom County. Hovenier u transferua në Bellingham kur ishte në kopsht fëmijësh, pasi babai i tij mori një punë si profesor në Universitetin e Uashingtonit Perëndimor.

Hovenier ndoqi mësimet në shkollë publike në Bellingham, ku edhe diplomoi në shkollën e mesme në 1983. Hovenier u diplomua në bachelor në Universitetin Brigham Young dhe pastaj përfundoi edhe studimet master në Universitetin e Georgetoën përpara se të fillonte karrierën e tij prej më shumë se tre dekadash si diplomat.

Pjesa më e madhe e karrierës së tij është fokusuar në çështjet e sigurisë në Evropë dhe Euroazi. Përpara se të emërohej në rolin e tij të ri si ambasador, Hovenier shërbeu si zëvendës shef i misionit në Ambasadën e ShBA-së në Ankara, Turqi.

Përveç Kosovës dhe Turqisë, Hovenier ka shërbyer edhe në Gjermani, Kroaci, Greqi, Panama, Paraguaj, Peru, Serbi dhe Mal të Zi. Ai flet gjermanisht, greqisht, kroatisht dhe spanjisht dhe ka marrë çmime të shumta, duke përfshirë disa nga Qeveria e Republikës së Kosovës.

Hovenier luajti një rol në negociatat që përfundimisht çuan në shpalljen e pavarësisë së Kosovës nga Serbia në vitin 2008.

Lajmet

​Lansohet sateliti i ri që do të regjistrojë Tokën ditën edhe natën

Published

on

Radari-vëzhgues që operohet nga një qendër kontrolli dhe më vonë do të zëvendësojë satelitin e vjetër Sentinel si pjesë e programit Copernicus.

Ai do të jetë në gjendje të regjistrojë sipërfaqen e Tokës në të gjitha kushtet, ditën dhe natën, pavarësisht nga moti.

Kreu i qendrës së kontrollit të Agjencisë Hapësinore Evropiane (ESA) në Darmstadt të Gjermanisë, Josef Aschbacher, kujtoi se programi Copernicus lejon monitorimin e gjendjes së akullit, zhvillimit bujqësor, klimës dhe ndryshimeve klimatike, stuhive dhe përmbytjeve, dhe radari në anijen kozmike mund të depërtojë në re.

Ai shtoi se sonda, e cila kushton midis 200-300 milionë euro, mund të zbulojë ndryshime në Tokë deri në shkallën milimetrike nga një lartësi prej rreth 700 kilometrash.

Sonda garanton vazhdimësinë e të dhënave kritike për shërbimet e Copernicus, siç janë monitorimi i përmbytjeve, rrëshqitjeve të dheut, ndryshimeve në bujqësi ose monitorimi i detit.

Sentinel-1D duhet të përmirësojë më tej frekuencën dhe mbulimin e imazheve në bashkëpunim me Sentinel-1C të lansuar nga ESA në fund të vitit 2024. Sipas Katrin Molch, drejtuese e menaxhimit të misionit në ESA, Sentinel-1D është sateliti i dymbëdhjetë në orbitë si pjesë e programit Copernicus.

Kohëzgjatja nominale e misionit është shtatë vjet, dhe Molch tha se ajo dhe kolegët e saj shpresojnë ta arrijnë në dhjetë, raporton KosovaPress.

Copernicus është një projekt i përbashkët i Komisionit Evropian dhe ESA-së./S.K/KP/

Continue Reading

Lajmet

Qeveria mbyllet në SHBA për 36 ditë, amerikanët pa paga dhe fluturimet anulohen

Published

on

Mbyllja e qeverisë federale të SHBA-së është më e gjata në historinë e këtij vendi, duke hyrë në ditën e 36-të të mërkurën, ndërsa Kongresi vazhdon të dështojë të miratojë një buxhet federal.

Mbyllja e mëparshme më e gjatë në historinë e SHBA-së ishte gjatë mandatit të parë të presidentit Donald Trump, e cila ndaloi shumë operacione federale për më shumë se pesë javë në fund të vitit 2018 dhe fillim të vitit 2019.

Sa do të zgjasë mbyllja varet nëse të dy palët mund të arrijnë një marrëveshje, dhe senati pritet të mbajë raunde të reja votimi të mërkurën, ndërsa Dhoma e Përfaqësuesve, dhoma e dytë e Kongresit, nuk është planifikuar të mblidhet këtë javë, megjithëse mund të mblidhet në varësi të rrethanave.

Bllokada e ka lënë qeverinë federale pa fonde për operacionet e përditshme dhe pagat.

Shpenzimet federale praktikisht janë ndalur, gjë që ka vënë në rrezik shumë agjenci dhe zyra. Vetëm ato agjenci që konsiderohen thelbësore janë të përjashtuara. Kjo po bëhet gjithnjë e më e dukshme në jetën e përditshme në Shtetet e Bashkuara.

Shumë punonjës federalë nuk kanë marrë pagat e tyre që nga tetori. Ka radhë të gjata në disa aeroporte sepse regjistrimi i pasagjerëve nuk po zhvillohet si zakonisht. Për shkak të mungesës së kontrollorëve të trafikut ajror që kanë kërkuar punë të tjera, fluturime të shumta po anulohen çdo ditë.

Kongresi i SHBA-së duhej të binte dakord për një buxhet të ri federal deri në fund të shtatorit, por projektligji i buxhetit kalimtar i propozuar nga Partia Republikane nuk mori shumicën e nevojshme. Propozimi demokrat u refuzua edhe më parë,/S.K/KP/

Continue Reading

Lajmet

​NATO do ta rrafshojë Moskën, hakerët rusë sulmojnë telekomunikacionet belge

Published

on

Operatorët belgë të telekomunikacionit Proximus dhe Scarlet u përballën me ndërprerje të shkurtra këtë mëngjes pas një sulmi hakerimi DDoS, raportoi agjencia e lajmeve Belga.

Zëdhënësi i Proximus, Fabrice Gansbeke, tha se teknikët zbuluan trafik të pazakontë të rrjetit në orën 7:20 të mëngjesit sipas kohës lokale dhe menjëherë morën masa mbrojtëse.

“Ne pamë një rritje të trafikut nga ora 7:30 e mëngjesit. Ndikimi ishte shumë i kufizuar, sistemet tona qëndruan”, tha Gansbeke.

Në sulmet DDoS, hakerët përmbytin një faqe interneti me sasi të mëdha trafiku, duke e bërë atë përkohësisht të padisponueshme. Sulme të tilla nuk kompromentojnë të dhënat e përdoruesve.

Në të njëjtën kohë, Spitali Universitar i Ghentit ishte gjithashtu shënjestër e një sulmi DDoS, i cili ngadalësoi komunikimin me disa sisteme të jashtme dhe vonoi përkohësisht qasjen në informacione të caktuara.

Grupi i hakerëve pro-rus NoName057 njoftoi në Telegram se qëndronte pas sulmeve ndaj Scarlet, Proximus dhe portalit të brendshëm të Telenet. Ky i fundit, megjithatë, mohoi se ishte prekur.

Hakerët iu referuan një deklarate të kohëve të fundit të Ministrit belg të Mbrojtjes, Theo Francken, i cili tha se “NATO do ta rrafshonte Moskën” nëse Rusia sulmonte Brukselin.

“Ne e këshillojmë ministrin belg të mos bëjë deklarata të tilla”, tha grupi.

NoName057 ka sulmuar më parë Belgjikën, me hakerë që kanë ndërprerë faqet e internetit të qeverisë për katër ditë rresht përpara zgjedhjeve të tetorit të vitit të kaluar, dhe një sulm i ngjashëm u përsërit në mars të këtij viti./S.K/KP/

Continue Reading

Lajmet

​Osmani takoi Anu Pratipati, rikonfirmoi partneritetin Kosovë-SHBA

Published

on

Presidentja e Kosovës, Vjosa Osmani priti në takim Të Ngarkuarën me Punë të Shteteve të Bashkuara të Amerikës në Kosovë, Anu Pratipati.

Në takim u diskutua mbi zhvillimet e fundit në vend, përfshirë çështje që kanë të bëjnë me sigurinë.

Osmani ri-konfirmoi përkushtimin e Kosovës për avancimin e mëtejshëm të bashkëpunimit ndërmjet dy vendeve duke e vlerësuar partneritetin me SHBA-në si strategjik e thelbësor për suksesin e Kosovës./S.K/KP/

Continue Reading

Të kërkuara